Tag: Kosova

BE reagon ndaj Brnabiç: Deklaratat fyese kundër frymës së bashkëpunimit

“Çdo retorikë fyese, konfrontuese dhe ndarëse, është kundër frymës së bashkëpunimit dhe pajtimit që i duhet rajonit për të ecur përpara”, ka qenë kjo përgjigja e Maja Kocijançiç, zëdhënëses së Përfaqësueses së Lartë të Bashkimit Evropian për Punë të Jashtme, Federica Mogherini, në lidhje me deklarata e Kryeministres së Serbisë Ana Brnabiç për zyrtarët kosovarë.

Në një intervistë dhënë për Radion Evropa e Lirë, Kocijançiç është shprehur se Kosova dhe Serbia duhet të vazhdojnë dialogun dhe të arrijnë një marrëveshje, pasi është e vetmja rrugë për normalizimin e qëndrueshëm dhe afatgjatë të marrëdhënieve.

Këto deklarata kanë ardhur direkt pasi Kryeministrja e Serbisë, Ana Brnabiç, e cila u shpreh se në Kosovë, sipas saj, ka zyrtarë shtetërorë “që kanë zbritur nga mali”. Këto deklarata nuk u pritën mirë nga drejtuesit e politikës kosovare dhe të qeverisë, të cilët kanë kërkuar kërkuar dënimin e shefes së qeverisë së Serbisë.

Prsidenti i Kosovës Hashim Thaçi ka reaguar gjithashtu për Radio Evropa e Lirë, duke u shprehur: “Edhe një tjetër dëshmi e urrejtjes patologjike të regjimit aktual të Serbisë kundër qytetarëve të Kosovës”, ka thënë Thaçi në lidhje me deklaratat e Brnabiç.

Haradinaj pranon raportin por jo heqjen e taksës: Vetëm kur Serbia të njoh Kosovën

Kryeministri i Kosovës, Ramush Haradinaj duket i vendosur për të mos hequr taksën 100 % ndaj produkteve serbe edhe pas thirrjeve të vazhdueshme të ndërkombëtarëve. Pas takimit me përfaqësuesen e BE-së në Prishtinë, Nataliya Apostolova, e cila i dorëzoi edhe progres raportin, Haradinaj tha se heqja e taksës do të ndodh vetëm kur të ketë një njohje reciproke mes shteteve.

“Heqja e taksës ndaj Serbisë do të bëhet vetëm nëse do të ketë njohje reciproke Kosovë-Serbi.”

Haradinaj foli edhe për raportin e KE, duke e cilësuar si të përzierë, ku në disa raste ishte pozitiv dhe në disa të tjera kishte kritika si në rastin e taksës.

“Në disa raste është pozitiv, ndërsa në raste të tjera ka kritika, shembull si rasti i taksës, por përgjithësisht është raport që përmban suksese dhe kritika ndaj Kosovës” – tha Haradinaj

Ismajli: Nuk pendohem që zgjodha Shqipërinë, Kosovës i uroj suksese

Ardian Ismajli ishte përzgjedhur nga mediat kroate si pjesë e formacionit të vitit në Kroaci. Qendërmbrojtësi i kombtares shqiptare, që aktivizohet me Hajduk Splitin, ka bërë një sezon të shkëlqyer, aq sa i vlejti për një ftesë edhe në kombëtaren kuqezi. Nga grumbullimi i kësaj të fundit, ai ka folur këtë të mërkurë në konferencë për shtyp. Ismajli ka komentuar fillimisht lajmin e mediave kroate.

“Jam i kënaqur nga paraqitjet personale në nivel klubi dhe me kombëtaren. Kjo, edhe falë mikpritjes së lojtarëve këtu. Më kanë mbeshtetur shumë, ndaj iu them faleminderit të gjithëve. Shpresoj t’ua kem shpërblyer në fushë, sa herë kam luajtur”.

Më pas, 22-vjeçari ka folur për situatën në kombëtare, duke u shprehur se pavarësisht ndërrimit të trajnerëve, në ekip duhet të ketë harmoni. “Nuk e di, nëse do të ketë ndryshime, por ekipi ka nevojë për harmoni. Megjithatë, gjërat i di më mirë trajneri i ri”, ka thën Ismajli.

Më herët ai ishte pjesë e përfaqësueses U-21 të Kosovës, ndërsa vendosi që të zgjidhte Shqipërinë për të luajtur me kombëtaren e parë. Nuk ka pendesë për këtë lëvizje nga mbrojtësi. “Unë kam luajtur më parë me Kosovën, por kam zgjedhur Shqipërinë Nuk kam asnjë pendesë për këtë lëvizje. Kosova po paraqitet vërtet mirë, ndaj iu uroj suksese shokëve të mi atje. Shqipëria po kalon ngërçet e veta, por do t’i kalojë shumë shpejt ato dhe do të ngjitet ku i takon”.

Në fund ai ka folur dhe për merkaton, duke deklaruar se është duke vlerësuar ofertat, ndërsa për momentin është i fokusuar te kombëtarja, ky synon fitoren me Islandën. “Nëse marrim tri pikë ndaj Islandës, gjithçka mund të ndodhë. Pastaj presim Moldavinë në shtëpi dhe, pa e nënvlerësuar atë, kemi shanse për tri pikë të tjera. Pra, ngjitemi në kuotën e 9 pikëve. Le të mendojmë për Islandën për momentin, si t’i kundërvihemi asaj. Ne shkojmë me optimizëm në këtë transfertë”.

Raporti, përfaqësuesja e BE në Prishtinë: Të hiqen vizat për Kosovën

Shefja e Zyrës së Bashkimit Evropian në Kosovë dhe Përfaqësuesja e Posaçme e BE-së, Nataliya Apostolova ka mbështetur liberalizimin e vizave në një deklaratë për mediat pas publikimi të raportit për Kosovën. “Të gjithë kriteret janë përmbushur, prandaj liberalizimi i vizave për Kosovën të nis sa më parë.” tha Apostolova. Ajo e cilësoi pozitiv raportin e Komisionit Europian për Kosovë, ku theksohet se është shënuar progres në zbatimin e disa reforma kryesore të kërkuar nga Bashkimi Europian.

“Në raportin aktual theksohet që të gjithë kriteret janë përmbushur, ku Komisioni dhe Parlamenti Evropian rekomandojnë liberalizmin e vizave për Kosovën, që të ndodh sa më shpejt që të jetë e mundur. Mendoj që kjo është gjuha më e fortë që kemi pa deri më tani në raport, që të gjitha shtetet anëtare të gjejnë një zgjidhje sa më shpejt që të jetë e mundur.” tha Apostolova

Enver Hoxhaj: Kosova ka përmbushur kriteret për heqjen e vizave

Ministri i Jashtëm i Kosovës, Enver Hoxhaj ka përshëndetur përmes një mesazhi në tëitter, raportin më të fundit të Bashkimit Europian.

Ai shkruan se Kosova i ka përmbushur të gjitha kriteret për heqjen e regjimit të vizave dhe se është e përkushtuar për të adresuar të gjitha sfidat e pazgjidhura

“Ne mirëpresim raportin e BE duke pranuar përparimin e Kosovës në reformat e ndryshme të forcimit të shtetit. Është e rëndësishme gjithashtu të shohim rikonfirmimin e qartë se Kosova ka përmbushur të gjitha kriteret për heqjen e regjimit të vizave për qytetarët tanë. Ne jemi të përkushtuar për të adresuar sfidat e pazgjidhura”, shkruan Hoxhaj në twitter, i cili nuk komenton deklaratën e Mogherinit për heqjen e taksës për mallrat serbe nga ana e Kosovës.

Mogherini: Kosova të heqë taksën dhe të ulet me Serbinë. Ndryshe… konflikt

Në konferencën për mediat, shefja e politikës së jashtme të BE-së, Frederica Mogjerini u pyet nga gazetari i Koha Ditore për operacionin policor të së martës në Kosovë dhe retorikën e presidentit Vuçiç, i cili tha se ushtria është në gatishmëri.

Mogherini tha se ajo çka ndodhi në Kosovë tregon qartë se statuskuoja në Kosovë nuk është e qëndrueshme, ndaj dhe Kosova dhe Serbia duhet të rikthehen në tryezën e dialogut. Ajo tha se nëse nuk dialogohet mes dy vendeve, konflikti i së kaluarës është gati të lindë.

“Ajo çka ndodhi në Veri të Kosovës na tregon se statuskuoja nuk është e qëndrueshme dhe Prishtina e Beogradi duhet të kthehen në tryezën e bisedimeve dhe të ecin drejt një marrëveshje të qëndrueshme dhe të normalizohen marrëdhëniet. Ajo na kujton nevojën se gjithë rajoni ka për normalizimi e raporteve mes Beogradit dhe Prishtinës përmes një marrëveshje gjithëpërfshirëse që do të ishte mënyra më e mirë se gjithë rajoni përfiton nga pajtimi. Çdo ditë na kujtohet faktin se ka tendenca të së kaluarës, për konfrontime dhe për retorikë jo bashkëpunuese. Konfrontimi mund të lindë në çdo moment, ndaj themi se jemi në udhëkryq. Nëse na humbet kjo mundësi shikoj rrezik të forcave të rrezikshme të së kaluarës dhe konfrontime. Do përmendja që Kosova duhet të heqë taksën për mallrat serbe pasi pengon kushtet për dialog dhe marrëveshje. Ne jemi të gatshëm që të flasim me ta n çdo moment për të nisur bisedimet”, tha Mogherini.

Zbutet Vuçiç: Nuk thashë se Serbia do të ndërhyjë ushtarakisht

Presidenti i Serbisë, Aleksandër Vuçiç ka zbutur tonet duke thënë se nuk ka përmendur se Serbia do të ndërhyjë ushtarakisht në Kosovë, por vetëm s’e do të mbrojë popullin serb.

Një ditë më parë, ndërsa policia e Kosovës ndërmori një operacion për arrestimin e disa zyrtarëve të korruptuar, mes tyre dhe shtetas serb, Vuçiç dha urdhër që ushtria e Serbisë të ishte në gatishmëri.

Por sipas Vuçiç, qëllimi i Serbisë është të mbrojë paqen.

“Nuk thashë se Serbia do të ndërhyjë ushtarakisht,  thashë se Serbia është e gatshme të mbrojë popullin e saj, të mos shtohen  fjalë që nuk i kam thënë, nuk do të luftojmë, mbajmë paqen me çdo kusht dhe kjo është shumë e rëndësishme  nëse dikush mendon se mund të bëjë një masakër kundër popullit tonë, nuk përmenda asnjë ndërhyrje, ju i përmendët ato”, u përgjigj Vuçiç, raporton Tanjug.

“Do të kemi sjellje tjetër ndaj dialoguesve shqiptarë dhe ndaj atyre të cilët në fillim s’u lajmëruan (në telefon)’. Nisën të kujtohen kur e kuptuan se qëllimi ynë për të mbrojtur popullin tonë ishte serioz”, shtoi më pas Vuçiç.

“Bashkimi me Shqipërinë”, alternativa e re e Thaçit kundër BE

Presidenti i Kosovës Hashim Thaçi vijon t’i qëndrojë idesë së tij për bashkimin kombëtar dhe këtë deklaratë duket se ka vendosur ta përsëris thuajse çdo ditë. Gjatë një aktiviteti për 20 vjetorin e operacionit ‘Shigjeta” si pjesë e UÇK-së, Thaçi tha se ëndrra e projektit të bashkimit të shqiptarëve është shumë më e lehtë se sa ka qenë çlirimi i Kosovës, por këtë duhet ta duan të dy qeveritë. Në fakt këto deklarata të Thaçit janë një kundërpërgjigje ndaj ndërkombëtarëve që nuk mundësojnë liberalizimin e vizave për Kosovën, duke i lënë qytetarët e saj atë izoluar.

“E theksova edhe dje edhe sot, është një projekt që duhet të punojmë të gjithë. Unë mendoj që asnjëherë nuk ka qenë më afër së realizuari kjo objektivë. Sa më tepër që po vonohet Bashkimi Evropian me politikën e vet diskriminuese, poshtëruese dhe ofenduese për qytetarët e Kosovës për liberalizim të vizave, duhet të shikojmë edhe alternativa që qojnë drejt një bashkimi definitiv, përfundimtar Kosovë-Shqipëri duke përfshirë edhe Preshevën, Medvegjën e Bujanovcin…Realizimi i projektit të bashkimit kombëtar është më i lehtë se sa ka qenë i çlirimit të Kosovës, por duhet vullnet e dy qeverive tona” – tha Thaçi.

Shqipëria U-19, publikohet lista për miqësoret me Kosovën

Shqipëria U-19 e drejtuar nga trajneri Nevil Dede do të zhvillojë dy ndeshje miqësore me 19 vjeccarët e Kosovës. Këto dy miqësore janë përcaktuar të luhen në datë 3 Qershor në Drenas, në stadiumin “Rexhep Rexhepi”, duke filluar nga ora 16:00, dhe më 5 Qershor në stadiumin “Fadil Vokrri” të Prishtinës.

Kuqezinjtë e trajnerit Dede do të grumbullohet më datë 30 Maj në qytetin e Durrësit ku do të zhvillojnë dhe seancat stërvitore për këto dy ndeshje miqësore.

Në urdhërat e trajnerit do të jenë plot 22 lojtarë, të cilët do të vëzhgohen me shumë kujdes, me qëllimin për të përzgjedhur elementët e nevojshëm për grupin që do të zhvillojë kualifikueset e muajit nëntor, kundër Belgjikës, Islandës dhe Greqisë.

Lista e lojtarëve të grumbulluar:

Arrestimet në Mitrovicë, Vuçiç: Ushtria serbe në gatishmëri

Media serbe B92 shkruan se Presidenti Aleksandër Vuçiç ka urdhëruar që Ushtria Serbe të vihet në gatishmëri të plotë luftarake.

Të njëjtin urdhër ka dhënë edhe Ministria e Punëve të Brendshme të Serbisë që edhe policia të jetë në gatishmëri të plotë. B92 shkruan se këto masa janë marrë pasi njësia e policisë së Kosovës “Rosu” sulmoi veriun e Kosovës dhe Metohisë.

“Ministria ka vënë njësitë e saj të posaçme në gatishmëri të plotë. Ky informacion është konfirmuar të martën në mëngjes. Transmetuesi publik i Serbisë RTS po raporton se Serbia ka filluar veprimtarinë diplomatike me qëllim që bashkësia ndërkombëtare “të qetësojë autoritetet e Kosovës”. Njësia “Rosu” këtë mëngjes sulmoi veriun, duke bërë një numër arrestimesh në të katër komunat serbe atje”, shkruan B92.

Skip to toolbar