Paratë ruse, PS kërkon që Basha të hetohet nga SPAK

Prokuroria mbylli hetimet për lobimin rus të Partisë Demokrtike në SHBA. Lulzim Basha është marrë zyrtarisht i pandehur, por ai do të gjykohet për akuzën e falsifikimit të dokumenteve dhe jo për akuzën e “Pastrimit të produkteve të veprës penale”. Pak orë pasi u publikua vendimi i Prokurorisë për akuzat ndaj kryedemokratit dhe për dy zyrtarë të Partisë Demokratike, Arben Ristani e Ilir Dervishi, reagoi dhe Partia Socialiste.

Numri dy i Selisë Rozë, Taulant Balla shkruajti në Tëitter se “Lulzim Basha nuk mund të gjykohet vetëm si falsifikator”. Sipas deputetit socialist, Prokuroria e ka vërtetuar pagesën prej 500 mijë dollarë bërë nga PD për lobimin në SHBA. Ndërsa ai ngre pyetjen se pse mungon akuza për “Pastrim i produkteve të veprës penale”.

L.Basha nuk mund të gjykohet vetëm si fallsifikator.Prokuroria në dokumentin e bërë publik ka vërtetuar pagesën 500mijë 💵 & vepra tjetër penale për të cilën u akuzua "Pastrimi i produkteve të veprës penale ose veprimtarisë kriminale" qëndron.Pse në konkluzion kjo akuzë mungon? pic.twitter.com/uets8AiPSE
— Taulant Balla (@taulantballa) November 8, 2019

“Lulzim Basha nuk mund të gjykohet vetëm si fallsifikator. Prokuroria në dokumentin e bërë publik ka vërtetuar pagesën 500 mijë dollarë vepra tjetër penale për të cilën u akuzua “Pastrimi i produkteve të veprës penale ose veprimtarisë kriminale” qëndron. Pse në konkluzion kjo akuzë mungon?”, thotë Taulant Balla.

Ndaj, në këto rrethana, numri dy i socialistëve shprehet se dosja e lobimit rus të Partisë Demokratike në SHBA duhet të hetohet nga Prokuroria Speciale, SPAK. “Teksa shqiptarët presin të ngrihet SPAK është papranueshme që prokurorë të caktuar të bëjnë amnisti për vepra penale kaq të rënda. Gjykata nuk duhet ta pranojë dhe duhet ta rikthejë për hetim. Kjo dosje duhet të hetohet nga SPAK jo nga KÇK”, përfundon Taulant Balla.

Më herët, prokuroria kishte ngritur për ta edhe akuzën për veprën penale “Pastrim i Produkteve të Veprës Penale ose Veprimtarisë Kriminale”, por që kjo akuzë nuk është ngritur, pasi në argumentin e vet, prokuroria thotë se është thelbësore dëshmia e lobistit Muzin për të faktuar një akuzë të tillë./Realstory.al/

Gënjeu me vetëdeklarimin, PS i bën “dalje” Kajmakut

Me anë të një shkrese zyrtare dërguar PD-së, Prokuroria e Përgjithshme vërtetoi të hënën se kryebashkiaku i Vorës Agim Kajmaku, ishte i njëjti person me Jorgo Toto, i arrestuar dhe hetuar vite më parë në Greqi.

Veç PD-së, Realstory.al mësoi se të hënën Prokuroria i kishte dërguar shkresë zyrtare edhe Komisionit Qendror të Zgjedhjeve, ku vërtetohet se Kajmaku ka deklaruar të dhëna të rreme në formularin e vetëdeklarimit, duke u bërë kështu subjekt i ligjit të dekriminalizimit.

Tashmë KQZ është vënë në lëvizje, ku pritet që të merret vendimi për shkarkimin ose jo të kryebashkiakut të Vorës. Ndërkohë, deputeti i Partisë Socialiste Ulsi Manja është shprehur për A2 CNN se Kajmaku do të trajtohet sipas ligjit, pasi askush nuk është mbi të.

“Rasti Kajmaku do të trajtohet sipas ligjit. Askush nuk mund të jetë mbi ligjin e dekriminalizimit. Janë çështje që i kemi sqaruar që kur ka hyrë në fuqi ky ligj. Partia Socialiste e ka kryer detyrimin e saj ditën kur ka votuar me konsensus të plotë bashkë me opozitën ligjin e dekriminalizimit”, tha Ulsi Manja. Ndërkohë, të martën u njoftua se Prokuroria e Përgjithshme nisi hetimet për Agim Kajmakun, i cili rrezikon deri në 4 vite burg.

Çështja Pjetri, a duhet të kandidojë PS një emër nëse zgjedhjet përsëriten? Votoni në Realstory.al

Partia Demokratike ka publikuar të martën dokumente, ku pretendon se kryebashkiaku i ri i Shkodrës, Valdrin Pjetri, ka qenë i dënuar 20 vjet më parë në Itali për shpërndarje droge. Pjetri i ka përgënjeshtruar këto dokumente, duke u shprehur se do të pres ‘institucionet zyrtare’ që të thonë fjalën e tyre.

Megjithatë, publikimi i dokumenteve të tilla, ka dhënë efektin e parë, shtyrjen e konstituimit të këshillit bashkiak të Shkodrës dhe për rrjedhojë betimin e Valdrin Pjetrit. Gjithashtu, për këtë çështje ka reaguar dhe Kryeministri Edi Rama, i cili është shprehur se “Valdrin Pjetri dhe Partia Socialiste i kanë rrugët të ndara deri sa të zbardhet e vërteta”.

Çështja Pjetri, a duhet të kandidojë më PS një emër nese zgjedhjet përsëriten?

Shefi i qeverisë është shprehur se nuk do të pranojë kurrë më që të marrë kosto të gabimeve individuale. Ndërkohë, nëse dënimi i Pjetrit rezulton i vërtet dhe në Shkodër do të duhet të përsëriten zgjedhjet, Realstory.al fton qytetarët t`i përgjigjen pyetjes “çështja Pjetri, a duhet të kandidojë PS një emër nëse zgjedhjet përsëriten?”.

Sondazhi do të jetë i hapur për të gjithë lexuesit jo vetëm në faqen tonë www.realstory.al, por edhe në rrjetet tona sociale, Facebook dhe Twitter.

Fate Velaj i vetmi nga PS që mungoi, deputetët e opozitës që shkarkuan Metën

Kuvendi miratoi të hënën kërkesën me 101 vota pro, 6 kundër dhe 3 abstenim, kërkesën e Komisionit të Ligjeve, për ngritjen e Komisionit Hetimor Parlamentar, që do të kryejë procedurat ligjore të shkarkimit të Ilir Metës. Presidenti mendohet të ketë shkelur rëndë Kushtetutën e vendit, pasi vendosi të anulonte me një dekret, të pabazuar në Kushtetutë, datën e mbajtjes së zgjedhjeve më 30 qershor, dhe më pas, nxorri një tjetër dekret për 13 tetorin si datë e re zgjedhjesh, por që në fakt dhe në kushte normale, dhe kjo datë bie ndesh me aktin themelor të shtetit. Arsyeja është se Presidenti duhet t`a dekretojë 9 muaj para datën e zgjedhjeve lokale apo vendore.

Ndërkohë, shqiptarja.com ka publikuar emrat e deputetëve që votuan pro ngritjes së Komisionit Hetimor në Parlament përfshirë emrat nga deputetët e opozitës. Deputetët nga radhët e opozitës parlamentare, që i dhanë kartonin jeshil në kuvend ngritjes së Komisionit Hetimor, janë: Eugen Bojaxhiu, Ediola Braha, Arlind Canani, Arben Elezi, Ramazan Gjuzi, Majlinda Halilaj, Halil Jakimi, Selami Janisheri, Rema Lala, Korab Lita, Aurora Mara, Ervis Meço, Nimet Musaj, Kostaq Papa, Andi Përmeti, Klajdi Qama, Enver Roshi, Edmond Rrushi, Krenar Rryçi, Ylli Shehu, Zef Shqefni, Nikolin Staka, Edmodn Stojku, Koçi Tahiri, Halit Valteri, Elena Xhina dhe Alban Zeneli.

Po nga opozita, por që votuan kundër ngritjes së Komisionit Hetimor, dhe që për rrjedhojë janë kundër shkarkimit të Ilir Metës, janë deputetët: Elda Hoti, Lefter Maliqi, Artur Roshi, Vasil Sterjovski, Suzana Topi dhe Besnik Troplini. Ndërkaq, kanë abstenuar deputetët Kujtim Gjuzi, Edlira Hyseni dhe Enada Kapllani. Adriatik Alimadhi, ishte i pranishëm në seancën parlamentare, por nuk ka marrë pjesë në votim, ndërsa deputetët që munguan në seancë janë: Rudina Hajdari dhe kolegu i saj Myslim Murrizi e ndoqën seancën plenare nga kafeneja e Kuvendit duke mos marrë pjesë në votim.

Gjithashtu në këtë seancë ka munguar edhe Tom Doshi, i Partisë Socialdemokrate, Ligoraq Karamelo dhe Erion Piciri. Në radhët e Partisë Socialiste ka munguar vetëm deputeti Fatmir Velaj. Për deputetin socialist që kalon një pjesë të konsiderueshme të kohës në Austri, ndonëse ka pasur një urdhër nga Grupi Parlamentar që të gjithë deputetët të ishin të pranishëm ditën e hënë në seancë, nuk dihet ende arsyet pse Fate Velaj nuk ka qenë i pranishëm.

Deputetët që votuan pro shkarkimit të Ilir Metës

Eugen Bojaxhiu (opozita)

Ediola Braha (opozita)

Arlind Canani (grupi demokrat, opozita)

Arben Elezi (grupi demokrat, opozita)

Ramazan Gjuzi (opozita)

Majlinda Halilaj (opozita)

Halil Jakimi (grupi demokrat, opozita)

Selami Janisheri (opozita)

Rema Lala (opozita)

Korab Lita (grupi demokrat, opozita)

Aurora Mara (opozita)

Ervis Meço (opozita)

Nimet Musaj (opozita)

Kostaq Papa (opozita)

Andi Përmeti (opozita)

Klajdi Qama (opozita)

Enver Roshi (opozita)

Edmond Rrushi (opozita)

Krenar Rryçi (opozita)

Ylli Shehu (opozita)

Zef Shqefni (opozita)

Nikolin Staka (opozita)

Edmodn Stojku (opozita)

Koçi Tahiri (opozita)

Halit Valteri (grupi demokrat, opozita)

Elena Xhina (opozita)

Alban Zeneli (grupi demokrat, opozita)

Sadri Abazi (PS)

Arben Ahmetaj (PS)

Anastas Angjeli (PS)

Taulant Balla (PS)

Besnik Baraj (PS)

Vila Bello (PS)

Ilir Beqaj (PS)

Ismet Beqiraj (PS)

Dritan Bici (PS)

Bitri Robert(PS)

Edlira Bode (PS)

Erion Braçe(PS)

Spartak Braho(PS)

Xhevit Bushaj (PS)

Ditmir Bushati (PS)

Ervin Bushati (PS)

Klotilda Bushka (PS)

Bujar Çela (PS)

Bledar Çuçi (PS)

Jurgis Çyrbja (PS)

Antoneta Dhima (PS)

Artemis Dralo (PS)

Luan Duzha (PS)

Milva Ekonomi (PS)

Ermonela Felaj (PS)

Bashkim Fino (PS)

Eglantina Gjermeni (PS)

Damian Gjiknuri (PS)

Blerina Gjylameti (PS)

Luan Harusha (PS)

Elona Hoxha (PS)

Alket Hyseni (PS)

Vasilika Hysi (PS)

Eljo Hysko (PS)

Adriana Jaku (PS)

Arben Kamami (PS)

Blendi Klosi (PS)

Mimi Kodheli (PS)

Ardit Konomi (PS)

Mirela Kumbaro (PS)

Evis Kushi (PS)

Edmond Leka (PS)

Pandeli Majko (PS)

Ogerta Manastirliu (PS)

Ulsi Manja (PS)

Andrea Marto (PS)

Senida Mesi (PS)

Fadil Nasufi (PS)

Ilir Ndraxhi (PS)

Lindita Nikolla (PS)

Niko Peleshi (PS)

Arben Pëllumbi (PS)

Ilirian Pendavinji(PS)

Tatiana Piro (PS)

Xhemal Qefalia (PS)

Edi Rama (PS)

Adelina Rista (PS)

Rrahman Rraja (PS)

Gramoz Ruçi (PS)

Eduard Shalsi (PS)

Adnor Shameti (PS)

Vullnet Sinaj (PS)

Klodiana Spahiu (PS)

Florenc Spaho (PS)

Elisa Spiropali (PS)

Paulin Sterkaj (PS)

Musa Ulqini (PS)

Sadi Vorpsi (PS)

Olta xhacka (PS)

Fatmir Xhafaj (PS)

Rolant Xhelilaj (PS)

Almira Xhembulla (PS)

Anduel Xhindi (PS)

Fidel Ylli (PS)

Deputetët që votuan kundër shkarkimit të Ilir Metës

Elda Hoti (opozita)

Lefter Maliqi (opozita)

Artur Roshi (opozita)

Vasil Sterjovski (opozita)

Suzana Topi (opozita)

Besnik Troplini (opozita)

Deputetët abstenuan

Kujtim Gjuzi (opozita)

Edlira Hyseni (opozita)

Enada Kapllani (opozita)

Deputetët që nuk morën pjesë në votim

Adriatik Alimadhi

Deputetët që munguan në seancës

Amra Borova (opozita)

Fatjona Dhimitri (grupi demokrat, opozita)

Tom Doshi (PSD)

Ralf Gjoni (opozita)

Rudina Hajdari (kryetare e grupit demokrat)

Ligoraq Karamelo (opozita)

Myslim Murrizi (grupi demokrat, opozita)

Erion Piciri (opozita)

Fatmir Velaj (PS)

Basha do ndihmën e PS: Hiqni Ramët, kriza zgjidhet!

Lulzim Basha ka dalë në një konferencë për shtyp mbrëmjen e së shtunës ku është shprehur se qeveria dhe propaganda e saj po punojnë për të minimizuar, atë që sipas kreut të PD, është krimi i vjedhjes së votave në Durrës dhe Dibër. “Qëllimi i parë i propagandës është mohimi në mënyrë flagrante se në Dibër dhe në Durrës kanë ndodhur krime, duke e paraqitur marrëdhënien dhe bashkëpunimin krim-politik si marrëdhënie të pafajshme, pa qëllime kriminale”, tha Basha. Kreu i opozitës u shpreh se pjesë e kësaj strategjie është sulmi i opozitës, përmes atyre, që sipas Lulzim Bashës, janë akuza të montuara politike.

“Përmes pretendimit se vjedhja e zgjedhjeve nuk është gjë në lidhje me krimet e tjera të politikës. Si pjesë e kësaj strategjie sulmohet opozita, deri edhe me akuza të montuara politike, që qytetarët të mendojnë se janë të gjithë njësoj dhe marrëdhënia mes vrasësve dhe trafikantëve me qeveritarët nuk është ndonjë tmerr i madh”, tha Lulzim Basha. Kreu i PD shtoi më tej se zgjidhja e krizës kalon nga çmontimi i mekanizmit të bashkëpunimit krim-politikë, pasi, sipas Bashës, me këta njerëz nuk mund të negociohet.

“Kriza ku jemi nuk është krizë që ka lindur nga shkaqe dhe procese politike. Ajo është krizë që ka lindur nga shkaqe kriminale dhe nga procesi kriminal i bashkëpunimit të qeverisë dhe Partisë Socialiste nën drejtimin e Edi Ramës me krimin e organizuar. Për këtë arsye zgjidhja e krizës politike kalon nga çmontimi I mekanizmit të bashkëpunimit të strukturuar krim-politikë. Politikisht këta njerëz nuk mund dhe nuk duhet të jenë pjesë e asnjë procesi. Me këta njerëz nuk mund të diskutohet, negociohet apo arrihet marrëveshje politike”, shprehet Lulzim Basha, duke shtuar se “gjithë ata që janë përfshirë në bashkëpunimin kriminal midis krimit dhe politikës, pa asnjë përjashtim duhet të dalin para drejtësisë”, shtoi ai.

Basha, gjithashtu dërgon dhe një mesazh në fund të fjalimit të tij, drejtuar atyre, që sipas tij, janë njerëzit e ndershëm në PS. Basha u kërkon socialistëve “që të bëjnë presion për pastrimin e partisë së tyre nga ndikimi i krimit dhe figurat e krimit”, deklaroi ai.

Shkarkimi i Ilir Metës, publikohen emrat e deputetëve që kanë firmosur

Lufta mes Presidentit dhe Qeverisë tashmë është në fronte të hapura. Pas Rezolutës së miratuar me 100 vota në Parlament për kundërshtimin e vendimit të kreut të shtetit, që anulon datën e mbajtjes së zgjedhjeve të 30 qershorit, beteja e radhës është ajo e shkarkimit të tij nga Kuvendi. Të hënën pritet të dorëzohet në Kuvend lista me emerat e 55 deputetëve që kanë firmosur mocionin për shkarkimin e Ilir Metës.

A2 CNN ka publikuar listën me 35, nga 55 emrat e deputetëve që kanë firmosur dokumentin, që do i dorëzohet Kuvendit për shkarkimin e kreut të shtetit. Mes emrave që kanë firmosur janë zv.kryeministri Erjon Braçe, kreu i Grupit Parlamentar Taulant Balla, si dhe shumë deputetë të tjerë socialistë. Lista është gati që prej datës 13 qershor, por PS ende nuk e ka depozituar në Kuvend. Kërkesa mund të dorëzohet të hënën, duke shënuar kështu hapin e parë të procedurës ligjore për shkarkimin e Ilir Metës.

Neni 112 i Rregullores së Kuvendit cakton se kërkesa bëhet nga “Jo më pak se një e katërta e të gjithë anëtarëve të Kuvendit, të cilët mund të propozojnë shkarkimin nga detyra të Presidentit, parashikuar nga neni 90 pika 2 e Kushtetutës. Pasi deputetët paraqesin kërkesën ajo shqyrtohet në Komisionin e Ligjeve, i cili propozon ose jo krijimin e një Komisioni Hetimor.

Kështu, nëse procedura vijon në këtë logjikë, Komisioni Hetimor thërret Presidentin për ta dëgjuar atë, dhe më pas ky komision i paraqet Kuvendit në mënyrë të arsyetuar një relacion se nëse ka shkaqe apo jo për shkarkimin e Presidentit të Repbulikës. Pas këtij hapi, shkohet në seancë plenare për votim, ku kërkohet 2/3 e deputetëve që të votojnë PRO, pra 94 vota.

Më pas, ka dhe një moment të fundit, pasi vendimi i Kuvendit i dërgohet Gjykatës Kushtetuese, që gjykon dhe vendos përfundimisht fatin e kreut të shtetit. Megjithatë, kjo e fundit nuk ekziston për momentin në vendin tonë, ndaj mazhorancës i duhet kohë, që të vërë në zbatim vendimin e Kryesisë për shkarkimin e Ilir Metës.

E plotë, zbulohet Draft Rezoluta e PS për shkarkimin e Ilir Metës

Këtë të martë, pas mbledhjes së Konferencës së Kryetarëve në Kuvendin e Shqipërisë, është zbardhur e plotë Draft Rezoluta e Partisë Socialiste për shkarkimin e Presidentit të Republikës Ilir Meta, pasi ky i fundit vendosi të shfuqizonte dekretin që përcaktonte mbajtjen e zgjedhjeve lokale më 30 qershor.

Në këtë dokument, Partia Socialiste e quan të pavlefshëm dekretin e Presidentit për anulimin e zgjedhjeve të 30 qershorit, ndërsa shton, se kreu i shtetit me këtë akt ka ndërhyrë në një proces zgjedhor tashmë të shpallur dhe administruar sipas kushteve dhe afateve të parashikuara nga Kodi Zgjedhor.

“Akti i Presidentit, në mënyrë të kundraligjshme, ka për qëllim ndërhyrjen në një proces zgjedhor tashmë të shpallur dhe të administruar sipas kritereve, kushteve dhe afateve të parashikuara në Kodin Zgjedhor, sic është procesi i nisur për organizimin dhe administrimin e zgjedhjeve të datë 30 Qershor 2019”, thuhet ndër të tjera në Draft-Rezolutën e PS.

Draft Rezoluta e plotë:

MBI AKTIN E PRESIDENTIT TË REPUBLIKËS PËR SHFUQIZIMIN E DEKRETIT Nr. 10928, DATË05.11.2018 “PËR CAKTIMIN E DATËS SË ZGJEDHJEVE PËR ORGANET E QEVERISJES VENDORE”

Kuvendi i Shqipërisë:

Duke i kushtuar rëndësinë maksimale momentit historik në të cilin ndodhet vendi për procesin integrues me Bashkimin Europian, në pritje të vendimit të Këshillit Europian pas rekomandimit pa kushte të shprehur në progres raportin e Komisionit Europian të datës 29 Maj 2019 për çeljen e negociatave të anëtarësimit me BE;

Duke ripërsëritur vendosmërinë dhe vullnetin e plotë për një reformë zgjedhore gjithëpërfshirëse, të pranuar gjerësisht nga aktorët politik në vend, në përputhje me rekomandimet e OSBE/ODHIR pasqyruar në raportet e monitorimit për zgjedhjet e mëparëshme si dhe në harmoni të plotë me standartet ndërkombëtare për zgjedhje të lira dhe të barabarta;

Duke mbështetur fuqimisht zbatimin e reformës në drejtësi si kriter kyç për të ardhmen europiane të vendit si dhe për sundimin e së drejtës dhe forcimin e shtetit ligjor në Shqipëri, reformë që vlerësohet me nota shumë pozitive në progres raportin e Komisionit Europian dhe ku Shqipëria veçohet si shembull për t’u ndjekur nga të gjitha vendet e Ballkanit Perëndimor;

Duke vlerësuar ngritjen e organeve të reja tëqeverisjes së sistemit të drejtësisë si Këshilli i Emërimeve në Drejtësi, Këshilli i Lartë i Prokurorisë, Këshilli i Lartë Gjyqësor, hapat e ndërmarra për plotësimin e shpejtë të vendeve vakante në Gjykatën Kushtetuese, për ngritjen e prokurorisë dhe gjykatës speciale kundër korrupsionit dhe krimit të organizuar, zgjedhjen e Prokurorit të Përgjithshëm dhe duke inkurajuar intensifikimin e zbatimit të reformës në drejtësi në këtë drejtim;

Duke vlerësuar të drejtën kushtetuese të qytetarëve për të protestuar lirisht dhe në formë paqësore, dënon çdo formë dhune kundër jetës, pronës, rendit institucional dhe organeve të shtetit, të cilat në të njëjtën kohëndikojnë negativisht në imazhin e vendit, minojnë procesin e reformave dhe procesin e hapjes së negociatave për anëtarësim në Bashkimin Europian;

Duke vlerësuar dialogun politik dhe institucional midis aktorëve politik, parlamentar dhe jo parlamentar, si rrugën e vetme që njeh demokracia funksionale për bashkëjetesën politike dhe shoqërore, ashtu siç dhe rekomandon Komisioni Europian në raportin e Majit 2019 se partitë e opozitës jashtë parlamentare duhet të ripërfshihen në mënyrë konstruktive në institucione demokratike e të ndalin veprime që bien ndesh me parimet demokratike;

Duke mbajtur përgjegjësinë që i ngarkon Kushtetuta e Republikës së Shqipërisë në nenin 1 të saj ku shprehimisht thuhet se Shqipëria është Republikë Parlamentare;

Duke respektuar parashikimin kushtetues se qeverisja bazohet në një sistem zgjedhjesh të lira, të barabarta, të përgjithshme e periodike;
Duke mbajtur në konsideratë rolin e Presidentit në një republikë parlamentaresi një organ neutral, i paanshëm dhe i pavarur, si një organ që qëndron në të gjitha pushtetet dhe që nuk bën pjesë në to, si një institucion që nuk mund të jetë aktiv në proceset vendimmarrëse politike me qëllim shmagjen e qëndrimeve politiko partiake në ushtrimin e funksioneve të tij shtetërore;

Kuvendi i Shqipërisë duke u njohur me aktin e Presidentit datë 10.06.2019 për shfuqizimin e dekretit nr. 10928, datë 05.11.2018 “Për caktimin e datës së zgjedhjeve për organet e qeverisjes vendore” dhe duke konsideruar se ky është një akt i paprecedentë që synon të mohojë realizimin e së drejtës kushtetuese të shtetasve shqiptarë për të zgjedhur përfaqësuesit e tyre në pushtetin vendor konstaton:

Kushtetuta dhe Kodi Zgjedhor nuk i njohin Presidentit të drejtën për të anulluar zgjedhjet;
Akti i Presidentit, në mënyrë të kundraligjshme, ka për qëllim ndërhyrjen në një proces zgjedhor tashmë të shpallur dhe të administruar sipas kritereve, kushteve dhe afateve të parashikuara në Kodin Zgjedhor, sic është procesi i nisur për organizimin dhe administrimin e zgjedhjeve të datë 30 Qershor 2019;
Ky akt tenton të ndërhyjë drejtpërdrejtë në një proces që tashmë është në kompetencë të organit administrues të tij dhe si i tillë duhet shqyrtuar dhe vlerësuar nga organet e administrimit zgjedhor të parashikuara në Kodin Zgjedhor;
Është detyrim i administratës zgjedhore, jo vetëm të garantojë ushtrimin e së drejtës së zgjedhjes sipas standarteve kushtetuese dhe ligjore nga shtetasit shqiptarë, por edhe ta mbrojë ushtrimin e kësaj të drejte nga çdo ndërhyrje e paligjshme e kryer apo që tentohet të kryhet, nga çdo person fizik apo juridik, duke mos lejuar cënimin e mbarëvajtjes së këtij procesi;
Bazuar nëparimin e ligjshmërisë dhe përgjegjësisë si dhe diskrecionit të organeve administrative, sipas të cilëve asnjë organ nuk ka detyrimin dhe nuk mban përgjegjësi ligjore nëse nuk zbaton një urdhër, akt, apo cfarëdo vendimi absolutisht të pavlefshëm dhe që bie në kundërshtim flagrant me Kushtetutën dhe ligjin;
Ndërhyrjen e Presidentit të Republikës në këtë fazë të procesit zgjedhor si një mjet që ka cënuar rëndë barazinë e konkurimit politik duke shkelur kështu paanësinë politike që Kushtetuta i ka veshur Presidentit të Republikës;
Mundësinë e aktivizimit të mekanizmave të kontrollit dhe hetimit parlamentar parashikuar nga neni 90, paragrafi 2 i Kushtetutës;

Kuvendi i Shqipërisë vlerëson se akti i Presidentit datë 10.06.2019 për shfuqizimin e dekretit nr. 10928, datë 05.11.2018 “Për caktimin e datës së zgjedhjeve për organet e qeverisjes vendore”, është një akt absolutisht i pavlefshëm, i nxjerrë në kapërcim të kompetencave kushtetuese dhe ligjore të institucionit të Presidentit dhe si i tillë ai konsiderohet nul dhe sikur nuk ka ekzistuar asnjëherë.

Kuvendi i Shqipërisë mbështet qëndrimin e Komisionit Qëndror të Zgjedhjeve për vijimin e procesit zgjedhor dhe inkurajon këtë organ të vijojë të mbrojë pacënueshmërinë si dhe të garantojë vazhdimësinë e procesit zgjedhor për zgjedhjet vendore të datës 30 Qershor 2019 nisur si rrjedhojë e zbatimit të Dekretit të Presidentit nr. 10928, datë 05.11.2018 “Për caktimin e datës së zgjedhjeve për organet e qeverisjes vendore”, duke e njohur këtë të fundit sitë vetmin akt të ligjshëm të nxjerrë nga Presidenti i Republikës së Shqipërisë në kuadër të zgjedhjeve vendore 2019.

Kuvendi i Shqipërisë i bën thirrje të gjitha organeve publike që ngarkohen nga ligji me detyra në kuadër të mbarëvajtjes dhe organizimit të zgjedhjeve vendore të Qershorit 2019 të konsiderojnë si inekzistent aktin e Presidentit datë 10.06.2019 për shfuqizimin e dekretit nr. 10928, datë 05.11.2018 dhe të vijojnë përmbushjen e detyrave të tyre sipas përcaktimeve në legjislacionin përkatës për të garantuar të drejtën kushtetuese të shtetasve shqiptarë për të zgjedhur përfaqësuesit e tyre në pushtetin vendor.

Kuvendi i Shqipërisë i bën thirrje Presidentit të Republikës të reflektojë duke kthyer institucionin e Presidentit në kufijtë e kompetencave të njohura nga Kushtetuta dhe të mos ndërrmarrë asnjë veprim tjetër në shkelje flagrante të Kushtetutës.

PS, gati për zgjedhje. Regjistron kërkesën në KQZ

Partia Socialiste është e para parti parlamentare që ka kërkuar nga KQZ regjistrimin për zgjedhjet lokale.

Përmes një shkrese zyrtare, të firmosur dhe vulosur, sekretarja për koordinimin elektoral, Blerina Gjylameti, i është drejtuar KQZ për ta regjistruar PS si parti pjesëmarrëse në zgjedhjet lokale të 30 qershorit.

Afati për regjistrimit për në zgjedhjet e 30-qershorit është data 21 prill. Ndërkohë që ende nuk ka një qëndrim të qartë se çfarë do të bëjnë partitë opozitare, do të marrin ose jo pjesë në këto zgjedhje. Ajo që dihet është se deri tani nuk është regjistruar në KQZ asnjë nga partitë opozitare.