Të mbetur pa asnjë pushtet, Basha, 40 minuta konsultë me Metën

Kreu i PD-së, Lulzim Basha e ka nisur mëngjesin e së martës me një takim kokë më kokë me presidentin Ilir Meta në presidencë.

Takimi raportohet të ketë zgjatur rreth 40 minuta, ndërkohë që nuk ka asnjë njoftim zyrtar si nga PD ashtu edhe nga presidenca.

Mendohet se Basha dhe Meta kanë diskutuar për situatën politike në vend, ku që të dy duken se kanë dalë jashtë sistemit, ose siç tha kryeministri Rama të hënën “opozita është drejt vet eliminimit”.

“Për fat të keq të atyre që ende e besojnë këtë opozitë nuk ka nevojë për plane për të eliminuar opozitën, pasi opozita është në kapacitete të plotë për t’u vetëeliminuar dhe procesi i degradimit vijon në një rrugë që e kanë zgjedhur vetë dhe qorrazi dhe çdo ditë hedhin nga një hap”. Kështu u shpreh të hënën kryeministri Edi Rama kur u pyet për planet e tij për opozitën.

Nga njëra anë, presidenti është në prag të shkarkimit dhe e vetmja gjë që i ka mbetur të bëjë është kthimi mbrapsht i ligjeve në Kuvend, akte që s’kanë asnjë vlerë, pasi PS ka maxhorancën dhe voton lehtësisht kundër dekreteve të Metës. Pra çdo akt i presidentit për maxhorancën nuk ka asnjë rëndësi përsa kohë ka shumicën e numrave në Kuvend.

Nga ana tjetër, Basha është pa asnjë pushtet, për shkak të vendimeve të gabuara që nisën që me djegien e mandateve të deputetëve dhe braktisjen e parlamentit, dhe vazhdan me refuzimin për t’u futur në garën e 30 qershorit. Por kreu i demokratëve ndodhet në një situatë akoma më të vështirë pasi tani gjendet në qendër të kritikave brenda partisë së tij. Fakti që ai e la PD-në pa pushtet duke e nxjerrë përfundimisht në rrugë, jashtë çdo sistemi, ka vënë në pikëpyetje qëndrimin e tij në krye të partisë. Për këtë arsye ai ka nisur një tur takimesh në strukturat e PD-së në rrethe, për të konfirmuar veten duke iu gjendur pranë kryebashkiakëve të djathtë të cilët i nxit të qëndrojnë në zyrë në kundërshtim të hapur me ligjin, dhe me thirrjen e ndërkombëtarëve dhe veçanërisht të ambasadës së SHBA e cila e tha qartë se të zgjedhurit e rinj vendorë duhet të nisin punën, ndërsa ata që kundërshtojnë zgjedhjet t’i drejtohen Gjykatës Kushtetuese.

Siç duket, si Basha ashtu edhe Meta, të gjendur në këto kushte, pa pasur asgjë në dorë për të ndryshuar fatet e tyre politike, janë takuar dhe kanë biseduar mëngjesin e së martës për hapat e mëtejshëm që pritet të marrin. Meta vazhdon të kujtojë herë pas herë dekretin për 3 palë zgjedhje në 13 tetor, por kjo datë nuk është marrë në konsideratë as nga Basha. Ky i fundit zyrtarisht thotë se ka nisur të përgatitet për zgjedhjet të parakohshme, opsion ky që nuk pranohet kurrsesi nga maxhoranca./Realstory.al

Qytetarët injoruan protestën e PD, inatoset Paloka: Plehra që i financon Rama

Partisë Demokratike nuk i del inati me dështimin e protestës të paralajmëruar për t`u zhvilluar këtë të hënë, ku sipas planit, shoferët e mjeteve duhet të fiknin makinat për tre orë në kryqëzime të ndryshme në rrugët e vendit, si protestë ndaj asaj, që PD, e quan rritje të karburantit. Edi Paloka ka shkruar në rrjetet sociale një reagim në lidhje me dështimin e protestës së thirrur nga Agron Shehaj për këtë të hënë. Paloka u drejtohet atyre qytetarëve me një pyetje retorike, se përse nuk protestuan të hënën.

“Ku janë ata që nuk marrin pjesë në protestat e organizuara nga opozita sepse i konsiderojnë politike dhe deklarojnë se duhet dhe do protestojnë vetëm kur protestat të jenë qytetare dhe jashtë interesave politike të partive?. A ishte për interesa qytetare dhe e thirrur nga qytetarët protesta e sotme në orën 12:00? Atëherë pse nuk protestuan, apo sepse qytetarët më të varfër në Evropë ju pëlqen që edhe sot pa rritjen ende të çmimit, e paguajnë karburantin më shtrenjtë se çdo qytetar tjetër evropian?!”, shkruan Paloka.

Në fakt, protesta ishte thirrur nga PD, pra protesta ishte politike dhe këtu Paloka mjafton t`i referohet statusit të shkruar nga kolegu i tij Agron Shehaj të dielën. Interesi mund të jetë qytetar (kur bëhet fjalë për rritjen e çmimit të karburantit), por protesta ishte e organizuar politikisht. Megjithatë, më tej Paloka vijon me pyetjet e tij drejtuar grupimeve dhe organizatave, duke i cilësuar “plehurina” që financohen nga Rama.

“Ku ishin sot ato shoqata, organizata e grupime që bërtasin në çdo rast “jashtë politika nga protestat qytetare”?!. Në fakt, të gjitha janë ca plehurina që financohen nga Rama pikërisht për të shuajtur protestat qytetare dhe në ato pak raste kur qytetarët kërkojnë të organizohen”, shkruan ndër të tjera Paloka.

Thotë se e mbështesin 85% e shqiptarëve, por qytetarët injorojnë protestën e Agron Shehajt

Të dielën, ish-deputeti i Partisë Demokratike, Agron Shehaj, u bëri thirrje shqiptarëve që të fiknin makinat të hënën më 15 korrik për tre orë (12:00-15:00) në të gjitha rrugët e Shqipërisë. Kjo, sipas Shehajt, do të ishte një formë proteste kundër nismës së qeverisë për rritjen e çmimit të karburantit. Megjithatë, ndonëse në një kohë kur PD pretendon mbështetje të madhe qytetare, duket se thirrjes së ish-deputetit demokrat, nuk iu përgjigj askush. Në të gjitha rrugët e vendit, kryesisht në kryqëzime, ku sipas Shehajt duhet të ndodhte protesta e shoferëve, nuk u raportua trafik apo ‘revoltë’ e drejtuesve të mjeteve ndaj kërkesës së Partisë Demokratike.

Thirrja e Agron Shehajt erdhi në një kohë kur vendi është në kulmin e sezonit turistik, dhe mirëpret mijëra pushues vendas e të huaj, që detyrishimisht do të pengoheshin nëse protesta e shoferëve do të zhvillohet. Gjithashtu, mospërgjigja qytetare ndaj thirrjes së Shehajt, tregon se rritja e çmimit të karburantit është diçka e pavërtetë, ashtu siç është shprehur Ministrja e Financave, Anila Denaj, se “nuk do të ketë kurrë ritje të taksës mbi karburantin”. Ndërkohë, nga Selia Blu shprehen se kur të vij në pushtet, PD do të ulë me 30 lekë për litër çmimin e karburantit.

“Nuk ka gjë më të rëndësishme për Partine Demokratike sesa mirëqenia e shqiptarëve. Për këtë, Partia Demokratike ka tashmë një plan solid për të rimëkëmbur ekonominë. Një ndër masat kryesore do të jetë ulja e menjëhershme e çmimit të karburantit me 300 lekë për litër”, u shpreh Enno Bozdo gjatë një konference për shtyp nga selia Blu, ku akuzoi Qeverinë se po kërkon të rrisë çmimin e karburantit. Ky është një premtim i artikuluar shpesh nga Partia Demokratike, ndërsa, tashmë që po akuzon Qeverinë për rritje me 20 lekë për litër të çmimit të naftës, PD po e nxjerr në pah këtë premtim.

PD: S’ka protesta se është vapë (apo s’i dëgjon njeri?)

Partia Demokratike po bëhet gati për zgjedhje të parakohshme. Kështu ka deklaruar të hënën ish deputeti Enno Bozdo në një intervistë për A2cnn, ndërsa ka thënë se gjatë kësaj periudhe nuk do të ketë më protesta, ndryshe nga sa ka deklaruar Basha më herët.

Sipas Bozdos për shkak të vapës PD nuk do të organizojë protesta por do të përqëndrohet tek organizimi i strukturave të saj për të qenë gati për zhvillimin e zgjedhjeve të parakohshme.

“Kemi ndërmarrë disa hapa në pritshmëritë që kemi për zgjedhjet e parakohshme, mundësisht brenda këtij viti. Duhet të mbyllim të gjithë pjesën organizative në mënyrë që sapo të shpallet data e zgjedhjeve, partia të jetë gati me strukturën dhe infrastrukturën e saj”, tha Bozdo.

Kur u pyet nëse në javët në vijim do të ketë protesta të tjera të opozitës së bashkuar, Bozdo deklaroi se kjo periudhë nuk është e përshtatshme për protesta.

“Nuk do të ketë protesta tani, pasi klima e nxehtë, stina e pushimeve dhe vëmendja e larguar e publikut e bëjnë jo të efektshme organizimin e protestave. Kjo është koha për të punuar për strukturën në mënyrë që shtatori të na gjejë gati”, theksoi Bozdo.

Kujtojmë se në mbledhjen e fundit të kryesisë së Partisë Demokratike kryetari i Demokratëve Lulzim Basha, u ka thënë të vetëve se forca e tyre politike nuk është gati të hyjë në zgjedhje të parakohshme.

Basha në komunikimin me ‘kupolën’ politike të partisë ka shprehur se PD nuk është gati për një garë zgjedhore, pavarësisht shqetësimeve, të ligjshme nëse ke parasysh përgjimet e BILD se në Shqipëri nuk ka garë të ndershme.

Basha ka theksuar në këtë mbledhje se edhe nëse Rama ofron zgjedhjet më 13 tetor (datë e dekretuar nga Meta për të zhvilluar 3 palë zgjedhje), partia nuk është gati. Kjo deklaratë e Bashës është bërë në mbledhjen me dyer të mbyllura të kryesisë së Partisë Demokratike dhe pas deklaratave të Bozdos kuptohet se PD ka nisur punën për të organizuar strukturat për të qenë gati në rast se zhvillohen zgjedhjeve të parakohshme.

Fill pas zgjedhjeve të 30 qershorit Basha ka nisur një tur takimesh në strukturat e PD në rrethe që më së shumti është parë si një fushatë që kreu i PD-së ka ndërmarrë për të rikonfirmuar veten e tij në krye të partisë, të cilën e la pa asnjë pushtet, duke djegur mandatet e deputetëve dhe duke refuzuar të futej në garën e 30 qershorit.

Kulmi i sezonit turistik, “çmendet” PD, Shehaj: Të bllokojmë rrugët

Në një kohë kur të gjithë shqiptarët janë të foksuar te pushimet, bizneset turistike presin pushuesit brenda dhe jashtë vendit, opozita bën thirrje për protestë. Ish-deputeti demokrat, Agron Shehaj, ka shpërndarë një mesazh në facebook, ku u kuron qytetarëve shqiptarë, që të hënën më 15 korrik të fikin mjetet në shenjë proteste për tre orë. Shehaj thotë se nga ora 12:00 deri në orën 15:00, shqiptarët të fiknin mjetet në shenjë proteste, sipas tij, për rritjen e çmimit të karburantit.

“Aferat korruptive të kësaj qeverie ndalohen vetëm me protesta, si në rastin e Teatrit dhe të Unazës së Madhe. Prandaj i ftoj të gjithë t’i bashkohen thirrjes për protestë kundër taksave mbi naftën. Në kushte e kapjes totale të ekonomisë nga Rama dhe miqtë e tij, protesta qytetare është mënyra e vetme për t’a ndalur”, shkruan ndër të tjera Shehaj.

Në fakt, pretendimi i PD-së për rritje të çmimit të karburantit është përgënjeshtruar nga Ministria e Financave, Anila Denaj. Nëpërmjet një postimi në Tëitter pak ditë më parë, ajo u shpreh se nuk do të ketë asnjë rritje taksash, duke e quajtur reagimin e PD-së “për të ardhur keq”.

Ndërkohë, po PD, u ankua për largim të turistëve nga Shqipëria, ndërkohë që nuk përmend faktin se aksioni i saj prej 6 muajsh, nuk i ka shërbyer aspak ardhjes së turistëve në vend. Në këtë linj, edhe Agron Shehaj, kërkon që shqiptarët të “largojnë” dhe më shumë turistët, duke kërkuar që të hënën të bllokojnë rrugët e vendit duke fikur për tre orë mjetet.

Lëvizje brenda PD, Basha largon Nokën nga Shkodra dhe ia beson Gazit

Kryetari i Partisë Demokratike, Lulzim Basha deklaroi më herët se nuk do të ketë pushime për opozitën në aksionin e saj “Rama Ik”. Ky aksioni opozitar do të vijojë gjatë gjithë verës deri në largimin e kryeministrit Rama. Kjo vërtetohet edhe nga një shkresë zyrtare që Basha i ka dërguar të gjithë demokratëve për lajmimin e ndryshimeve të bëra në koordinatorët e deleguar në degët e saj në rrethe.

Ajo që vihet re në shkresë është se Basha ka vendosur të largojë Flamur Nokën nga Shkodra dhe t’ia besojë atë Gazmend Bardhit.

Gazmend Bardhi do të jetë koordinatori i ri i PD në Shkodër, e ndërsa Flamur Nokën do të jetë në qytetin e Elbasanit.

Në shkresë përcaktohen detyrat e degëve të PD në të gjithë vendin për periudhën 15 korrik- 31 gusht. Vendim vjen pas një analize që është bërë nga kryesia e kësaj force politike dhe në përshtatje me kuadrin e ri opozitar ku Basha paralajmëroi se aksioni ‘Rama ik” nuk do të jetë më me fjalë, por me vepra.

Murrizi shpërthen ndaj Bashës: Ti ishe në konvikt, kur unë dilja mes plumbave për PD

Deputeti demokrat, Myslim Murrizi ka shpërndarë një video në rrjetin e tij social, shoqëruar dhe me një tekst të gjatë, ku shpërthen në ofendime ndaj drejtuesve aktual të PD-së. Në videon e Murrizit shfaqet mitingu elektoral i Sali Berishës në Lushnje në vitin 1997, në një klimë tejet të tensionuar mes plumbash. Murrizi sulmon ashpër shumë prej ish-deputetëve të PD-së dhe kreun e saj Lulzim Basha, që u bën pjesë e Partisë Demokratike vite më pas. Ai ngre një pyetje retorike me emër drejtuar shumë drejtuesve aktual të PD-së, që sipas Myslim Murrizit, hiqen si demokratë në studio televizive.

“26 QERSHOR 1997. Ditë e enjte. Berisha vjen në Lushnje për të prezantuar kandidatët për deputet të PD për zgjedhjet e 29 qershorit. Unë isha këtu bashkë me Maksim Cikuli, Ilir Bano dhe Sami Sharka, si kandidat për deputet. Rreth 300 demokratë lushnjarë ishin aty mes plumbave. Ju që lehni si qen të pështirë nëpër studio ku ishit?? Nuk e kam fjalën për ju që keni qenë në kopsht, as për ju mender demokrat që keni ardhur në PD vetëm kur ajo është në pushtet, as për biro e bilbilusha që kanë qenë nëpër konviktet e shkollave të paguar nga Sorrosi, as për bij kopilash komunistë që sot i mbajnë bylykun Bashës, as për mutacionet e pështira të rracës njerëzore që sot janë “emëruar” drejtues PD. Por po ju pyes me emër ju DAUN politikë të pështirë që sot lehni nëpër studio si “demokrat” të mëdhenj: Ti z.Spaho a mban mend ku ishe? Ti z.Paloka? z.Gjata? z.Alibeja? z.Alizoti? z.Ristani, z.Kadilli, z.Bozdo, Dollapi, Rrusho e kompani??”

“Po Imami, Ceka, Islami, Duka, Dule, Idrizi, Monika, Meta, a e mbani mend se ku ishit dhe çfarë bënit në këtë vit të mbrpësht për Shqipërinë dhe fatal për demokratët?? Sa për ju hajdutë të rëndomtë të pushtetit të viteve 2005-2013, nuk ja vlen farë tu pyes se ju keni qenë në P. të sëmës, e disa fërkonin duart se po rrëzohej “maloku” nga froni, disa ikët si të dhjerë me traget, anije apo me këmbë jashtë Shqipërisë, e u kthyer si grabitqarë në vitin 2005, si drejtorë e nëndrejtorë tatimesh, doganash, burgjesh, rrugësh, lojrash fati, zv. Ministra e sekretar të përgjithshëm, që të vidhnit si qen të pangopur e të bënit të njëjtën gjë përsëri në korrik 2013. Prandaj a ka mundësi ta mbyllni atë gojë hale se qelbët dynjanë me erën e pistë, që shpërndani duke lehur me porosi”, shkruan Murrizi.

26 QERSHOR 1997. Dite e ejteBerisha vjen ne Lushnje per te prezantuar kanidatet per deputet te PD per zgjedhjet e 29 qershoritUne isha ketu bashke me Z Maksim Cikuli, Z Ilir Bano, Z Sami Sharka si kanidat per deputetRreth 300 DEMOKRATE LUSHNJARE ishin aty mes plumbaveJu qe lehni si qen te peshtire neper studio ku ishit???Nuk e kam fjalen per ju qe keni qene ne kopesht, as per ju mender demokrat qe keni ardhe ne PD vetem kur ajo eshte ne pushtet, as per biro e bilbilush qe kane qene neper konviktet e shkollave te paguar nga sorrosi, as per bij kopilash komuniste qe sot i mbajne bylykun Bashes, as per mutacionet e peshtira te rraces njerezore qe sot jane “emeruar” drejtues PDPor po ju pyes me emer ju DAUN politik te peshtire qe sot lehni neper studio si “ demokrat” te medhenjTi z Spaho a mban mend se ku ishe?Ti z Paloka? Z Gjata? Z Alibeja?ZAlizoti?z Ristani z Kadilli z Bozdo Dollapi Rrusho e kompani??Po z Imami z Ceka z Islami z Duka z Dule z Idrizi zj Monika e z Meta a e mbani mend se ku ishit dhe çfare benit ne kete vit te mbrapesht per Shqiperine dhe fatal per DEMOKRATET???Se per ju hajdute te rendomte te pushtetit te viteve 2005-2013 nuk ja vlen fare tu pyes se ju keni qene ne P te semes , e disa ferkonin duart se po rrezohej “ maloku” nga froni, disa iket si te dhjere me traget anije apo me kembe jasht Shqiperise e u kthyet si grabitqare ne vitin 2005 si drejtore e nendrejtore tatimesh, doganash, burgjesh , rrugesh, lojrash fati, zv ministra e sekretar te pergjithshem, qe te vidhnit si qen te pa ngopur e te benit te njenjten gje perseri ne korrik 2013Prandaj a ka mundesi ta mbyllni ate goje hale se qelbet dynjane me eren e piste qe shperndani duke lehur me porosi????
Gepostet von Myslim Murrizi am Donnerstag, 11. Juli 2019

KQZ do të numërojë 11 kuti të Lezhës, PD: Atje s`ka manipulim votash

Komisioni Qendror i Zgjedhjeve vendosi të enjten që të pranojë kërkesën e Eduard Ndocaj, për të rinumëruar votat në 11 kuti në Lezhë. Pas këtij vendimi, ka ardhur dhe një reagim nga Partia Demokratike. Sekretari për Çështjet Zgjedhore i PD, Ivi Kaso, me anë të një reagimi në rrjetet sociale, shprehet se KQZ ka vendosur të hapen 11 kuti, që sipas Kasos, nuk janë manipuluar votat.

“Nën shembullin e ndritur të “marifetit” me Idajet Beqirin, KQZ ka vendosur që nesër, në vijim të një kërkese ankimore për Bashkinë Lezhë, të hapë dhe të kontrollojë rregullshmërinë e procesit të 30 Qershorit vetëm për 11 qendra votimi ku PS ndihet e sigurt që s’ka patur manipulime”.

“Qëllimi, jo fort i fshehur është që t’i tregohet botës mbarë se votimet ishin të rregullta e të vlefshme, jo vetëm këtu por në mbarë vendin. Ajo që e nxjerr bllof këtë skemë farsë “dorëzimi të kontrolluar” është se nga frika se mos del në shesh manipulimi me listat e zgjedhësve, në këto qendra, KQZ ka vendosur të mos ta hapë fare kutinë e materialeve zgjedhore. Pra, thënë shkurt e me dy fjalë: Proces farsë për t’u hedhur hi syve njerëzve”, shkruan Ivi Kaso.

Sekretari për Çështjet Zgjedhore në PD, parasheh se të premten nuk do të ketë asnjë surprizë nga votat e 11 kutive që do të hapen në Lezhë, duke paragjykuar vendimin e KQZ-së dhe procesin e rinumërimit të votave, që në fakt është kërkuar nga një kandidat, që pretendoi gjatë zgjedhjeve edhe se pati kërcënime nga rivalët.

Gjithë arsyet përse dështoi aksioni i opozitës

Opozita zhvilloi 10 protesta nga 16 shkurti deri në 8 korrik, me kauzën “largim i Qeverisë ilegjitime, dalë nga vota të blera”. Kështu mund të përmblidhet në një fjali aksioni opozitar i këtyre pesë muajve. Tashmë që Lulzim Basha, zhvilloi dhe protestën falënderuese për qytetarët dhe Presidentin më 8 korrik, është momenti për të bërë një bilanc të aksionit opozitar, asaj që mund të quhet fitore për PD-në dhe padyshim aspekti tjetër janë humbjet. Në këtë rast, që në nisje vlen të theksohet, se aksioni opozitar lexohet në mënyra të ndryshme, ku disa thonë ishte pozitiv djegia e mandateve dhe bojkoti i zgjedhjeve, ndërsa një pjesë tjetër janë të mendimit se aksioni opozitar e ka dëmtuar kauzën e opozitës.

Le ti marrim me radhë:

Si fillim, lënia e mandateve ishte një akt ekstrem (i pranuar nga vetë PD dhe aleatët), por i justifikuar si e vetmja mënyrë për t`i bërë presion Qeverisë të largohet. Fakti është se lënia e mandateve nuk e largoi Qeverinë, ajo vijon punën edhe sot e kësaj dite. PD dhe aleatët u shprehën ditën e parë që morën vendimin, se mandatet do ti djegin të gjithë deputetët, në fakt, ndodhi e kundërta, PD-ja u tradhtua nga të tijët, jo vetëm që s`i dogjën të gjithë, por shumë nga listat e demokratëve pranuan mandatin, ata janë sot opozita parlamentare të drejtuar nga Rudina Hajdari. Pikërisht, gabimi i parë i PD-së, ishte lënia e mandateve dhe mosllogaritja e pasojave, goditjen ja dhanë dhjetra demokratë që zunë vendin e ish-deputetëve në Parlament, duke vënë në pikëpyetje të madhe vendim e PD-së.

Dështimi i dytë i opozitës, ishte mosllogaritja e qëndrimeve që do të mbante një tjetër faktor, ndërkombëtarët. Në fakt, ky është një nga gabimet e pakuptueshme të opozitës. E cila kishte një shembull real, se në aksionin ekstrem të bojkotit parlamentar dhe lënien e mandateve, ndërkombëtarët nuk do të ishin krah tyre. Do të mjaftonte vetëm pak kujtesë për aksionin opozitar të nisur në shkurt të 2017 dhe përfunduar me marrëveshjen e 17 majit, po atë vit, për të kuptuar se qëndrimi i ndërkombëtarëve nuk do të ishte as këtë herë në krahun e ekstremit të një aksioni politik. Këtë opozita nuk e llogariti, pasojat e saj i mësoi tre ditë para zgjedhjeve (kujtoni intervistën e Mathew Palmer).

Gabimi i tretë, që dështoi aksionin opozitar, ishte mungesa e një plani. Javë pas jave e protestë pas proteste, u kuptua qartë se opozita nuk kishte një plan konkret, për të detyruar qeverinë të tërhiqej. Radikalizmi (me sulme molotov gjatë protestave) mbeti gjithsesi në kufijtë e një tensioni të kontrolluar, ndërsa opozita nuk dha asnjë plan konkret, se si do të detyronte Edi Ramën të largohej nga Kryeministria. Madje, opozita nuk pati asnjë plan as për zgjedhjet e 30 qershorit, dhe tashmë duket se nuk ka asnjë plan, as se si do të mbrohet nga të vetët (kryetarët rebel të bashkive që mbetën të zhgënjyer nga aksioni i PD). Pasojat mund të jenë të pallogaritshme për Lulzim Bashën dhe PD.

Gabimi tjetër i opozitës ishin sulmet ndaj ndërkombëtarëve. I gjendur i rrethuar dhe pa asnjë komunikim dhe mbështetje nga Shtetet e Bashkuara të Amerikës, Lulzim Basha bëri një deklaratë befasuese pak ditë para zgjedhjeve të 30 qershorit, duke i cilësuar ambasdorët “Don Kishotë që mbrojnë Edi Ramën dhe e mbajnë atë në pushtet”. Ky ishte një tjetër gabim, që përkeqësoi situatën brenda vetë opozitës, që dështimin e aksionit të vetë, po kërkonte t`ia faturonte të huajve.

Veprimi tjetër, që rrënoi aksionin opozitar, ishte vendimi për të mos marrë pjesë në zgjedhje. Lulzim Basha dhe aleatët dogjën afatet për t`u regjistruar në zgjedhjet e 30 qershorit, pasi kërkesa e tyre për largimin e Qeverisë nuk ishte përmbushur. Megjithatë, para kësaj meriton një vëmendje të hollë aksioni opozitar. Basha bëri një gabim strategjik. Pesjëmarrja në zgjedhjet e 30 qershorit, mund të forconte kauzën e tij (të manipulimit dhe vjedhjeve të votave nga Qeveria) duke u futur në garë dhe monitoruar atë direkt. Kështu, nëse do të kishte probleme gjatë zgjedhjeve të 30 qershorit, opozita do të kishte më shumë argumenta për të bindur të huajt dhe shqiptarët, se qeveria vjedh zgjedhjet. Por, opozita zgjodhi një strategji tjetër, vendosi të mbështeste publikimin e përgjimeve të Bild, që jepnin indicie për blerje votash, por për zgjedhjet e tre viteve të shkuara. Ky akt, në fakt nuk u pasua me pritshmëritë e PD-së, që besonte se do të vinte nën presion ndërkombëtarët dhe vetë Qeverinë.

Madje reaksioni ishte i kundërt, ndërkombëtarët i zhvlerësuan përgjimet e Bild, dhe mbështetën zgjedhjet e 30 qershorit, dhe thanë: “Krimet elektorale të merret drejtësia, standardet elektorale i vendosni me dialog duke bërë Reformën Zgjedhore”. Ky mund të ketë qenë zhgënjimi më i madh i opozitës, një goditje e kauzës dhe aksionit të saj. Gjithashtu, refuzimi i pjesëmarrjes në zgjedhjet e 30 qershorit, ka një pasojë dhe më të rëndë. PD dhe opozita, nëse do të ishin futur në garë, me siguri do të kishin mbrojtur disa bastione të tyre në bashkitë e vendit, e do të tentonin të merrnin disa të tjera. Kështu, PD mund të konfirmonte atë që thoshte gjatë protestave: “opozita është shumica”. Zgjedhjet do të ishin sondazhi real për të provuar rritjen e opozitës. Basha nuk e bëri këtë, tani pasojat janë të rënda, opozita nuk ka asnjë pushtet real në Shqipëri.

Refuzimi i dialogut ishte një tjetër hap i gabuar. Ndonëse Kryeministri Edi Rama u akuzua nga opozita si autor i “krimeve elektorale të 2017”, ai ishte i vetmi njeri me të cilin opozita do të duhej, dhe duhet të ulet në dialog. Nëse zgjedhjet e 2017 u fituan me blerje vote, siç Katari fitoi të drejtën e organizimit të Botërorit të 2022 me blerje të kupolës drejtuese të FIFA-s, vërtetimi i korrupsionit, çoi në largimin e Blaterit nga drejtimi i FIFA-s, por Katarit nuk i është hequr e drejta për të organizuar Kupën e Botës. Në një situatë të ngjashme, PD-ja nëpërmjet dialogut, mund të kërkonte hetim të plotë (siç e ka kërkuar në deklarata) të personave përgjegjës (nëse ka) të krimeve elektorale, dhe kryerjen e Reformës Zgjedhore. Praktikisht, nëse janë vjedhur votat në Dibër e Durrës, si votat për Katarin, kjo nuk e zhvleftësonte legjitimitetin e Qeverisë, e cila në rastin konkret, do të kishte dy fish përgjegjësi, (angazhim që e ka treguar), për të dialoguar dhe ofruar garanci që ato që kanë ndodhur të mos ndodhnin më.

Një tjetër gabim i opozitës, ishte thirrja për konflikt në 30 qershor. Kjo rëndoi dhe më tepër situatën dhe mbështetjen ndërkombëtare të PD-së. Amerika, e cila heshti deri sa foli Kolegji Zgjedhor për dekretin e Ilir Metës, u shpreh qartë: “Kush bën dhunë më 30 qershor, ndërpret marrëdhëniet me SHBA”. Në këto kushte, thirrjet për konflikt, shkaktuan një tronditje të madhe brenda opozitës. Skenari i përgatitur prej kohësh përpamundësim të zgjedhjeve nëpërmjet dhunës, dështoi, por shtoi zhgënjimin te kryebashkiakët e djathtë, të cilët kishin marrë premtim nga Basha se nuk do të kishte zgjedhje më 30 qershor. Në këto kushte, Basha është i detyruar të bëj paqe me kryebashkiakët e tij, aq sa tashmë ka harruar Edi Ramën, dhe po i shkon në takim çdo kryetari në ikje nga bashkitë e drejtuara nga PD.

Mirëpo, nëse të gjitha këto janë disa nga arsyet e shkatërrimit të aksionit opozitar, ajo më e rënda duket se është mungesa e qartësisë për të ardhmen dhe konfuzioni brenda vetë aleatëve. Monika Kryemadhi ka lënë të kuptohet se do dialog, me Edi Ramën, jo si Kryeministër, por megjithatë, pranon të futet dhe në zgjedhje me të, ndryshe nga Basha, që mbetet stoik në vendimet e tij. Në krahun tjetër, Basha ka rryma revolte brenda së djathtës, shumë ish-drejtues të kësaj partie janë rikthyer në skenë, kërkojnë largimin e tij dhe reformim të partisë, para se PD të shuhet. Gjithashtu, Lulzim Basha, ka dhe një problem që duhet të zgjidhë. Refuzimi i pashpjegushëm për të hyr në dialog dhe për të gjetur zgjidhje të krizës. Ky është problem me veten, pasi aleatët i kanë dhënë shenjat se “kupa është mbushur”, kriza duhet zgjidhur. /Realstory.al/

Basha harron fjalën “Fitore”: PD ka plan të qartë për daljen nga kriza

Kreu i Partisë Demokratike, Lulzim Basha nuk e ka cilësuar 30 qershorin më si një fitore ku sipas tij 85 % e shqiptarëve refuzuan zgjedhjet farsë të Ramës, por e ka quajtur atë një përgjegjës të madhe për PD që ta kthejë këtë refuzim në një energji ndryshimi për Shqipërinë.

Nga Vlora, ku vijon takimet me struktura e degës së PD-së, Basha tha se opozita e shikon këtë refuzim masiv të qytetarëve si një shtysë të jashtëzakonshme për të bërë ndryshimin për shqiptarët dhe se Partia Demokratike do vij me një plan të qartë për daljen nga kriza dhe nga regjimi i hajdutërisë dhe krimit.

“Ndryshimi që shqiptarët kanë kërkuar me votën e tyre më të pastër, refuzonin e 30 qershorit, do ta kthejnë në energji për ndryshimin e pandalshëm dhe të pashmangshëm, që po vjen për Vlorën dhe për gjithë Shqipërinë. Për këtë dua t’u shpreh mirënjohjen në radhë të parë çdo vlonjati e vlonjateje, që refuzoi në mënyrë ekzemplare farsën e 30 qershorit, dhe i dha një mesazh të fuqishëm regjimit të hajdutërisë dhe të krimit. Partia Demokratike dhe opozita e shikon refuzimin e farsës së Edi Ramës, jo si një triumf, por si një përgjegjësi të jashtëzakonshme për ta kthyer këtë energji në një energji për ndryshim, ndryshim për çdo shqiptar… të cilët meritojnë dhe do të kenë nga Partia Demokratike një plan të qartë për daljen nga kriza, një plan të qartë që Shqipëria të jetë Shqipëria e të gjithë shqiptarëve dhe jo e një grushti njerëzish që e kanë shtrydhur Shqipërinë dhe Vlorën, siç kanë bërë deri më sot.” – tha Basha

Nuk dihet se si Basha planifikon ta bëjë këtë ndryshim, pasi edhe për 5 muaj me radhën u premtoi demokratëve të tij se zgjedhje nuk do të kishte pa PD, por faktet flasin ndryshe. Prej disa ditësh Basha vijon takimet me strukturat e PD, për të ruajtur veten nga kundërshtarët brenda partisë pas dështimit të protestave 5 mujore dhe mbajtjes së zgjedhjeve më 30 qershor. Mbështetësit e tij brenda partisë, kryesisht kryebashkiakët e djathtë, i janë kthyer kundër Bashës që nuk i la të garonin më 30 qershor si kandidatë të pavarur, ku me shumë mundësi mund të kishin fituar.