Pas një sherri banal, një 35 vjeçar është qëlluar
me armë zjarri dhe është plagosur mbrëmë në qytetin e Lezhës.
Ndërsa sot policia njofton se ka identifikuar
autorin e krimit dhe është vënë në kërkim të tij. Sipas policisë ai është 37
vjeçari me inicialet P.K, nga Lezha, i dënuar edhe më parë për mbajtje të armëve
të zjarrit pa leje.
Policia njofton se ngjarja ka ndodhur pas një
sherri banal.
Njotimi i plotë:
Identifikohet dhe shpallet në kërkim autori i
dyshuar i plagosjes së shtetasit R. K., ndodhur mbrëmjen e djeshme.
Në lidhje me ngjarjen e ndodhur mbrëmjen e
djeshme në një lokal në qytetin e Lezhës, ku mbeti i plagosur me armë zjarri
një shtetas, Policia ngriti një grup të posaçëm hetimor nën drejtimin e
Prokurorisë së Rrethit Gjyqësor Lezhë, për zbardhjen e kësaj ngjarjeje.
Nga tërësia e veprimeve hetimore rezultoi se
gjatë një konflikti për motive të dobëta, shtetasi P. K., 37 vjeç, banues në
Lezhë, i dënuar me parë për veprat penale “Heqja e paligjshme e
lirisë” dhe “Mbajtja pa leje e armëve dhe municioneve
luftarake”, ka plagosur me armë zjarri shtetasin R. K.
Policia e Lezhës vijon kontrollet intensive
për gjetjen dhe kapjen e autorit të dyshuar, i cili është shpallur në kërkim.
Materialet iu referuan Prokurorisë pranë
Gjykatës së Shkallës së Parë Lezhë, për veprime të mëtejshme hetimore, për
veprat penale “Plagosja e rëndë me dashje” dhe “Mbajtja pa leje e armëve
dhe municioneve luftarake”, parashikuar nga nenet 88 dhe 278/2 të Kodit Penal.
Opozita dhe mazhoranca mbeten larg dialogut, ku
edhe pas tre letrave publike të Kryeministrit Rama, kryeopozitari Basha është i
vendosur në kauzën e tij. Sot pasdite, opozita zhvillon protestën e radhës, ku
vetë Basha e ka cilësuar protestë kombëtare. Edhe pse aleatja kryesore e PD,
liderja e LSI, Kryemadhi bëri thirrje 24 orë para protestës që protestuesit të
distancohen nga dhuna, Basha nuk ka bërë thirrje kundër dhunës.
E kjo duket se i ka frikësuar forcat e rendit, pasi që të premten, në institucionet kryesore, Kryeministria, Parlamenti dhe Ministria e Brendshme janë vendosur barrierat metalike. Shtyllat e ndriçimit janë lyer me graso në mënyrë që protestuesit mos të hipin në to, ndërsa Policia dhe Garda e Republikës kanë kaluar në gatishmëri.
Nga drejtuesit e policisë mësohet se rreth 1500 policisë do të angazhohen për ruajtjen e sigurisë, ndërkohë që masat janë të dukshme që mëngjesin e së shtunës, ku postblloqe janë ngritur në të gjitha rrugët hyrëse të Tiranës, ndërkohë që protesta pritet të fillojë në orën 19:00 dhe leja është marrë deri në mesnatë.
Protesta e opozitës të shtunën
Barriera te vendosura për ndalimin e qarkullimit të automjeteve në rrugën pas Piramidës
Postblloqe nuk janë ngritur vetëm në Tiranë,
por edhe në rrugët kryesore, që bashkojnë Jugun, Veriun dhe Juglindjen me Tiranën.
Kontrolle ushtrohen kryesisht në autobusë, ose në makina personale të mbushura
me të rinj. Megjithatë, gjatë zhvillimit të protestës, forcat më shumta të
policisë pritet të përqendrohen pranë kryeministrisë, ku do të dislokohen
forcat speciale RENEA dhe Garda e Republikës. Sipas policisë, grumbullimet mendojnë
të fillojnë pas orës 16:00, ndërsa sipas drejtueseve të partive opozitare, do
të jetë protesta më e madhe e organizuar ndonjëherë gjatë historisë së
pluralizmit politik në Shqipëri.
Por këto masa mund të rezultojnë të
panevojshme. Të paktën këtë radhë. Një burim i lartë demokrat i konfirmoi me
siguri Realstory.al se protesta e të shtunës do të jetë paqësore. Mund të jetë
efekti ndërkombëtar, mund të jetë një sinjal që përtej retorikës së ashpër,
edhe Basha është dëshpërimisht në kërkim të një pikënisje dialogu. Por kjo së
paku pritet të prodhojë një të shtunë pa incidente, ose së paku “molotov free”
në rrugët e kryeqytetit.
Nga plani i organizatorëve ka pak detaje sesi
do të vijojë protesta, por mësohet se Lulzim Basha do të mbajë një fjalim para
Kryeministrisë dhe qëllimi kryesor i tyre, ashtu siç është deklaruar nga
kryeopozitari Basha, është largimi i Kryeministrit Rama, si kusht që nuk
negociohet.
Gjithsesi burimi i lartë nga Kryesia e PD i
tha faqes sonë, se nëse protesta e të shtunës do jetë paqësore, krejt ndryshe
pritet të jetë ajo e radhës në qershor. Me gjasë fushata do ketë filluar dhe me
PD e aleatët jashtë zgjedhjeve, protesta e qershorit, data e së cilës nuk është
përcaktuar akoma, pritet të jetë e ashpër dhe agresive. Megjithëse nuk
konfirmohet një datë e mundshme është 29 qershori.
Do të krijohet një Task-Forcë e veçantë për të vëzhguar rolin e policisë në zgjedhje por edhe gjatë protestave.
Kjo gjë u vendos sot, pasi Prokuroria dhe Shërbimi për Çështjet e Brendshme në Ministrinë e Brendshme firmosën një memorandum. Që të dy institucionet angazhohen që të rrisin bashkëpunimin për të monitoruar punonjësit e policisë gjatë dhe pas fushatës zgjedhore si dhe masat e marra prej saj gjatë tubimeve dhe aktiviteteve të ndryshme.
“Në këtë Memorandum është rënë dakord ngritja e një
Task-Force të përbashkët, me qëllim forcimin e veprimeve të përbashkëta
hetimore për çështjet që lidhen me korrupsionin e zyrtarëve, lëndët narkotike,
veprat penale në procesin zgjedhor, veprimet arbitrare dhe tejkalimin e
kompetencave të Policisë së Shtetit gjatë ushtrimit të detyrës”, shkruhet në
njoftim.
Memorandumi u nënshkrua nga Drejtuesja e Prokurorisë së
Tiranës, Elizabeta Imeraj dhe Drejtori i Përgjithshëm i SHÇBA-së, Muhamet
Rrumbullaku.
Detyrat
a) Hetimet për implikime të subjekteve të SHÇBA-së në rastet
e kultivimit, trafikimit të lëndeve narkotike,
b) Mbikqyrja dhe monitorimi i subjekteve policore në
respektimin e ligjit në fuqi para, gjatë dhe pas fushatës zgjedhore, Qershor
2019.
c) Mbikqyrja dhe monitorimi i subjekteve të SHÇBA-së, për
zbatimin e ligjit në fuqi, kryesisht të masave të ruajtjes se rendit dhe
sigurise publike, në aktivitete të ndryshme social kulturore dhe tubimet.
d) Hetimeve për aktet korruptive, shpërdorimit të detyrës,
favorizime të subjekteve të shërbimit për lejimin e ndërtimeve pa leje,
kryerjen e lojrave të fatit, etj.
e) Hetimet në lidhje me aktet korruptive në realizimin e
prokurimeve publike nga ana e subjekteve të SHÇBA-së.
f) Hetimet në lidhje me respektimin dhe garantimin e të
drejtave dhe lirive personale të njeriut, gjatë ushtrimit të detyres nga
subjektet e SHÇBA-së.
g) Si dhe çdo fushë tjetër, ku implikohen subjektet e
SHÇBA-së në përmbushjen e rregullt të detyrës nga ana tyre.
Pa kaluar as 5 muaj nga përurimi i komisariatit nr. 6 në Tiranë, një investim rreth 2 milionë dollarë i qeverisë shqiptare, janë pikasur shenjat e para të punimeve të dobëta, pasi ka pasur shembje të vogla të hyrjes kryesore të godinës. Incidenti ka ndodhur dje, por fatmirësisht nuk ka pasur njerëz të lënduar. Megjithatë, shembja e hyrjes së komisariatit ngre shumë pikëpyetje për faktin se tenderi për realizimin e ndërtimit të ri është fituar nga kompania Fusha shpk dhe nënkontraktor i punimeve ka qenë kompania “Eco Construction & Partners”, e cila në atë kohë drejtohej nga Orest Sota, personi që u arrestua me 800 mijë euro, (sot është në gjendje të lirë), dhe dy patentat e ish-ministrit të brendshëm në atë kohë, Saimir Tahiri. Por edhe kompania Fusha shpk ka qenë disa herë në qendër të vëmendjes, pasi është një nga kompanitë lider për fitimin e tenderave sidomos në Bashkinë e Tiranës, ku mund të përmenden rasti i Teatrit Kombëtar dhe parku pas stadiumit “Qemal Stafa”.
Tabela e punimeve në Komisariatin nr. 6
Punimet për ndërtimin e komisariatit nr. 6 në Tiranë nisën që në vitin 2017 dhe konkretisht kapnin vlerën 219 milionë e 483 mijë lekë të reja.
Sipas kontratës së lidhur mes kompanisë që fitoi tenderin dhe Drejtorisë së Përgjithshme të Policisë së Shtetit, afati i punimeve ishte 15 muaj, ku do të rikonstruktohej godina dhe do të ndërtoheshin edhe parking nëntokësor. U ndryshuan dy ministra, Tahiri e Xhafaj dhe një drejtor i përgjithshëm policie, derisa përfunduan punimet. Në janar të këtij viti, ministri i Brendshëm, Sandër Lleshaj dhe kreu i policisë, Ardi Veliu, përuruan ambientet e komisariatit të ri. Por, ende pa kaluar koha e garancisë së punimeve, ku minimumi është 6 muaj, ndodhi incidenti i djeshëm, duke u shembur hyrja e komisariatit. Për këtë arsye, menjëherë kanë nisur verifikimi i kontratës me kompaninë nga Drejtoria e Përgjithshme e Policisë së Shtetit,. Sipas burimeve pranë policisë, autoriteti kontraktues i ka kërkuar kompanisë që të marrë masa për riparimin e dëmit të shkaktuar. Që sot janë vendosur skelat dhe po punohet për rikonstruksionin e pjesës hyrëse ku ndodhi dhe incidenti.
Policia e Beratit njofton se ka arrestuar 44 vjeçarin shqiptar të dënuar me 15 vjet burg në Itali për trafik kokaine dhe si anëtarë i një bande kriminale.
Mësohet në pranga ka rënë një shtetas që mban 3 emra. Bëhet
fjalë për Gazmir Polovina ose Gazmend Polovina ose Julian Bebri.
“Gjykata e Milanos në Itali në Mars të vitit 2013 e ka
dënuar me 15 vite burg, për kryerjen e veprave penale “Organizat Kriminale” dhe
“Trafikim i lëndëve narkotike”, parashikuar nga Kodi Penal Italian.
Ky shtetas në bashkëpunim me shtetas të tjerë shqiptarë dhe
italianë të organizuar si grup kriminal kanë qenë të përfshirë në trafik
ndërkombëtar të heroinës dhe kokainës”, sqaron policia.
Policia e Shtetit ka marrë në mbrojtje familjen e ambasadorit të OSBE, Bernd Borchardt, pas sulmit në banesën e tij.
Një patrullë policie është e vendosur 24 orë poshtë hyrjes së pallatit, ndërsa edhe një tjetër polici private monitorin kamerat e pallatit ku banon ambasadori.
Shtëpia e ambasadorit, por edhe ai vetë personalisht është kërcënuar mbrëmjen e së shtunës gjatë protestës së 11 majit.
Borchardt u kërcënuar fizikisht në hyrje të rezidencës së tij si dhe parullat “Borchardt shame on you” (Borchardt turp për ty) u shkruajtën në murin e hyrjes së pallatit ku ai banon.
Kanë qenë të shumtë ndërkombëtarët që kanë dënuar këtë dhunë ndaj ambasadorit duke e cilësuar të papranueshëm.
Drejtori i Përgjithshëm i Policisë së Shtetit, Ardi Veliu ka dhënë urdhër që të gjithë policët e protestës së 11 majit të marrin nga një pagë shpërblim.
“Drejtorit të departamentit për Krimet e Rënda, drejtorit të departamentit për sigurinë publike dhe drejtorit te personelit të Drejtorisë Tiranë. Të përgatisni listat për punonjësit e policisë që kanë qenë me shërbim në protestën e ditës së shtunë dhe të shpërblehen me një pagë.” – shkruhet në shkresë
Nga protesta e dhunshme e 11 majit mbetën të plagosur 15 efektivë policie.
Me 79 vota parlamenti ka rrëzuar dekretin e presidentit Ilir Meta për ligjin e Vetting-ut në Polici.
Presidenti Meta ktheu për rishqyrtim në Kuvend ligjin për vettingun me argumentin se cënon parimet dhe standardet e vendosura në Policinë e Shtetit. Sipas tij, me ndryshimet e bëra nga ministri i Brendshëm Sandër Lleshaj, qeveria kërkon që të kontrollojë procesin e vettingut në Policinë e Shtetit.
Por kjo është hedhur poshtë nga Lleshaj, i cili në fjalën e tij tha se ligji i ri nuk ka ndryshim nga ai i vjetri, por disa rregullime të vogla në të mirë të këtij procesi.
“Ligji nuk ndryshon në substancë nga i pari, janë ndryshime kozmetike, që nuk prekim thelbin e ligjit të vjetër. Ligji i vjetër parashikonte që vettingu të bëhej për të gjithë policët dhe drejtuesit, kështu është edhe në ligjin e ri. Nuk ka asnjë ndryshim ligji i ri me të vjetrin. Vettingu sipas ligjit të vjetër duhet të mbyllet në mars të 2020, sot jemi në maj dhe ende nuk ka nisur dosja e parë. A mund të mbyllet Vettingu i 14 mijë vetave në një kohë kaq të shkurtër? Kush do që është në favor të Vettingut duhet të jetë në favor të rrëzimit të dekretit të presidenti. Në duhet të rrijmë në një proces Vettingu pa fund. Një punonjës policie që e kalon Vettingun sot, mund të merret nesër me vepra kriminale. Ka nevojë që të rregullojmë SHÇBA-në, e jo të krijojmë një strukturë ekstra, se s’kemi besim te strukturat që kemi krijuar vetë. Policia ju ka mbrojtur që deputetët e rinjëtë mbërrijnë në parlament shëndoshë e mirë. Demokracia nuk ka asnjë lidhje me atë që po ndodh ditën e sotme.” – tha Lleshaj
Policia ka arritur të shpëtojë një 35 vjeçar
sot në qytetin e Patosit i cili kishte plagosur disa herë veten me thikë dhe
ishte mbyllur në tualet. Mësohet se i riu vuan nga probleme të shëndetit mendor.
Policia njofton se ai tashmë ndodhet jashtë
rrezikut për jetën nën kujdesin e mjekëve.
Informacion paraprak
Në datën 16.05.2019, rreth orës 09:00, në
Patos, shtetasi L.Xh, 35 vjeç,(i cili dyshohet se vuan nga sëmundja mendore)
pasi ka mbyllur derën e banesës nga brenda, ka tentuar të vetvritet me një mjet
prerës (thikë).
Falë ndërhyrjes së forcave të policisë dhe
FNSH Fier u bë i mundur neutralizimi dhe shoqërimi i tij drejt Spitalit Rajonal
Fier ku ndodhet jashtë rrezikut për jetën nën kujdesin e mjekëve.
Ministri i Brendshëm, Sandër Lleshaj dhunën që ushtroi policia ndaj Sekretarit Organizativ të Partisë Demokratike, Sahit Dollapi. Leshja tha në Top Show se nuk mund të gjykonte dot nëse ka pasur shkelej ligjore, pasi këtë punë e bën gjykata, por tha se policia mund të ishte kursyer në ushtrimin e dhunës.
“U komentua ky episod edhe më shumë sesa vetë protesta. Është për të ardhur keq në radhë të parë që Sekretari Organizativ i një partie që kërkon të vijë në pushtet vihet në këtë pozitë përballë policisë. Nuk jam unë gjyqtar që të them nëse ka shkelje të detyrës nga ana e policisë. Policia ka qenë në ushtrim të detyrës, por mjetet me të cilat kanë ushtruar detyrën mendoj se duhet të ishin kursyer. Por, nuk arrij dot të futem në dinamikën e kësaj ngjarjeje.” – tha Lleshaj
