Policia e Shtetit reagon për gomonen e kapur me klandestinë në Itali

Gjatë të dielës një gomone me 33 emigrantë irakianë u ndalua në zonën e Salentos në Itali. Sipas mediave të vendit fqinj, gomonia vinte nga Shqipëria. Por, Policia e Shtetit në shqiptar përgënjeshtroi këtë lajm të dielën në mbrëmje.

Me anë të një deklarate për mediat, Policia e Shtetit tha se “nuk ka asnjë provë apo të dhënë që mjeti lundrues të jetë nisur nga toka shqiptare”.

Më tej, Policia e Shtetit sqaron se “Gjithashtu, nuk ka asnjë komunikatë apo deklarim zyrtar të forcave policore italiane apo të ndonjë institucioni tjetër që mjeti me migrante të jetë nisur nga Shqipëria.

Sipas dyshimeve të para të autoriteteve italiane, nisur edhe nga shtetësia e migrantëve, dyshohet se ata mund të kenë udhëtuar nga Turqia, nëpërmjet Greqisë, për në Itali.

Policia e Shtetit mbetet e angazhuar për të luftuar dhe goditur çdo tentativë trafikimi të qenieve njerezore apo çdo paligjshmëri tjetër.

Policia e Shtetit, duke përfituar nga ky komunikim, i kërkon medias që ta kontaktojë për informacion zyrtar e të saktë, për të shmangur keqinformimin e publikut”, përfundon deklarata.

Gjendet e i pajetë 34-vjeçari në Elbasan

Një person në moshën 34-vjeçare është gjetur i pajetë në banesën e tij të hënën në qytetin e Elbasanit.

Sipas Policisë, trupi i pajetë është i shtetasit D.B., i cili është gjetur i pajetë në banesën e tij në lagjen “Çlirim” të këtij qyteti.

Nga kqyrja paraprake e trupit nuk janë konstatuar shenja dhune, thotë Policia. Gjithashtu, dyshimet e para lidhen me një vdekje nga shkaqe natyrale.

Megjithatë, grupi hetimor shkoi në vendin e ngjarjes dhe po punon për dokumentimin e plotë të rrethanave të ngjarjes.

Të dehur në timon, Policia arreston 18 shoferë. Pezullohen 174 patenta

Policia e Tiranës bëri arrestimin e 18 shoferëve pasi kanë kryer kundravajtje të Kodit Rrugor. Me anë të një njoftimi publik, Policia e Shtetit tregon se patrulla e qarkullimit rrugor po kryen kontrolle në disa zona, të cilat njihen si “pika të nxehta” për aksidentet rrugore.

Kështu, gjatë fundjavës, gjatë kontrolleve të policisë u vunë në pranga 18 drejtues mjetesh. 13 prej këtyre udhëtonin duke drejtuar mjetin në gjendje të dehur, 4 të papajisur me leje drejtimi, si dhe 1 person ishte shpallur në kërkim për veprën penale “Vjedhja”.

Gjithashtu, janë pezulluar 174 leje drejtimi, nga të cilat 49 për drejtim mjeti nën efektin e alkoolit, 84 për shpejtësi mbi normat e lejuara, si dhe 41 për shkelje të tjera të rregullave të qarkullimit rrugor. Janë proceduar administrativisht 175 drejtues motomjetesh për mospërdorim të kaskës mbrojtëse. Janë proceduar administrativisht 2 089 mjete për pushim dhe qëndrim të gabuar.

Kryente manovra të rrezikshme me makinë në rrugë, pranga 30-vjeçarit

Efektivët e Policisë Rrugore në Tiranë ndaluan dhe arrestuan një shtetas të shpallur në kërkim për vjedhje dhe kalim të paligjshëm të kufirit. Arrestimi i shtetasit me inicialet D.C., 30-vjeç, u bë gjatë një kontrolli të Policisë Rrugore në rrugën “Teodor Kekok”.

Qytetarët kanë njoftuar policinë për një mjet që po bënte manovra të rrezikshme në rrugë. Pas kësaj policia është angazhuar dhe vënë në ndjekje të këtij personi. Drejtuesi i mjetit, duke thyer rregullat e qarkullimit, tentoi të largohej por u ndalua nga efektivët e Policisë Rrugore.

Nga verifikimit rezultoi se shtetasi D. C., 30 vjeç, ishte i shpallur në kërkim nga Komisariati i Policisë Tepelenë, pasi dyshohet si autori i vjedhjes së një supermarketi në Memaliaj, në nëntor të 2019, si dhe për kalim të paligjshëm të kufirit.

Ai ishte shpallur në kërkim nga Policia Kufitare e Korçës, e cila e ka ndëshkuar me masë administrative 100.000 lekë, të cilën ky shtetas nuk e ka paguar. Njëkohësisht, ky shtetas u ndëshkua edhe me masë administrative nga ana e shërbimeve të Policisë Rrugore për shkelje të rregullave të qarkullimit rrugore.

TiranëPolicia Rrugore e Tiranës arreston një person të shpallur në kërkim për vjedhje dhe kalim të paligjshëm të kufirit.Policia Rrugore e Tiranës, në përmbushje të detyrës për parandalimin e aksidenteve rrugore, menaxhimin e trafikut dhe ndëshkimin e shkelësve të rregullave të qarkullimit rrugor, në zbatim dhe të detyrave të përcaktuara në planin e masave për shtimin e kontrolleve për kapjen e personave në kërkim apo atyre që qarkullojnë me armë, si dhe për goditjen e trafiqeve të paligjshme që mund të zhvillohen me automjete, ka shtuar kontrollet ndaj mjeteve të dyshuara për këto vepra penale.Nga kontrollet parandaluese, efektivët e Policisë të Komisariatit Rajonal të Policisë Rrugore Tiranë kanë marrë informacion se në rrugën “Teodor Keko” një automjet po bënte manovra të rrezikshme dhe menjëherë i janë vënë në ndjekje. Edhe pse drejtuesi i mjeti theu rregullat e qarkullimit, nuk mundi të largohej, pasi u prangos nga shërbimet e Policisë Rrugore.Nga verifikimit rezultoi se shtetasi D. C., 30 vjeç, ishte i shpallur në kërkim nga Komisariati i Policisë Tepelenë, pasi dyshohet si autori i vjedhjes së një supermarketi në Memaliaj , në nëntor të 2019, si dhe për kalim të paligjshëm të kufirit, shpallur në kërkim nga Policia Kufitare e Korçës, e cila e ka ndëshkuar me masë administrative 100.000 lekë, të cilën ky shtetas nuk e ka paguar. Njëkohësisht, ky shtetas u ndëshkua edhe me masë administrative nga ana e shërbimeve të Policisë Rrugore për shkelje të rregullave të qarkullimit rrugore.
Gepostet von Policia e Shtetit am Freitag, 20. Dezember 2019

Klandestinë për 3 mijë euro, 2 në pranga, hetim policit

Shërbimi për Çështjet e Brendshme dhe Ankesat procedoi penalisht një punonjës policie, ndërsa në pranga janë vënë dy shtetas të tjerë. Nga një njoftim i shpërndarë nga SHÇBA, mësohet se këta shtetas akuzohen për veprën penale të “Korrupsionit pasiv të personave, që ushtrojnë funksione publike”, dhe “Dhënie ndihme për kalim të paligjshëm”, pasi këta shtetas organizonin trafikim të personave nëpërmjet Pikës së Kalimit në Portin e Durrësit.

Këta shtetas, bënin të mundur kalimin e paligjshmë të kufirit të personave që kishin probleme në zonën Shengen, kundrejt pagesave të konsiderueshme që shkonin deri në 3.000 euro për person. Pas hetimeve 3-mujore, në bashkëpunim me Prokurorinë e Rrethit Durrës, u arrestuan në flagrancë shtetasit: B.D., 44 vjeç, lindur e banues në Durrës, me detyrë punonjës në Zonën e Terminalit, i një shoqërie të kontraktuar nga Autoriteti Portual Durrës.

Ky shtetas, në rolin e sekserit, organizonte dhe ndërmjetësonte me punonjës policie, duke krijuar kushte për kalim të paligjshëm të personave me probleme në zonën Shengen. Në cilësinë e provës materiale në momentin e arrestimit, iu sekuestrua vlera prej 1300 euro, vlerë e përfituar nga kalimi i paligjshëm i shtetasit.

U arrestua gjithashtu shtetasi me inicialet T.D., 28 vjeç me banim në Durrës, me detyrë agjent doganor i një agjencie doganore private, në rolin e bashkëpunëtorit, i cili ndihmonte në gjetjen e klientëve për kalime të paligjshme. Iu kapën dhe sekuestruan 500 euro. Ndërkohë, ndiqet në gjendje të lirë punonjësi i policisë V.C., 32 vjeç, me detyrë kontrollor në stacionin e Policisë Kufitare Durrës. Hetimi vijon për zbulimin e plotë të ngjarjes dhe kapjen e personave të tjerë të dyshuar si të implikuar në këtë veprimtari kriminale.

Drogë, fishekë dhe ora dore, arrestohet 27-vjeçari në Tiranë

Policia e Tiranës arrestoi një 27-vjeçar, i cili u kap duke shitur lëndë narkotike. Sipas një njoftimi zyrtar, Policia thotë se vuri në pranga 27-vjeçarin me inicialet D.M., i cili shpërndante drogë në Tiranë. Ndërkohë, gjatë kontrollit në banesën e këtij shtetasi u gjetën dhe 89 fishekë luftarak të llojeve të ndryshme, një krehër, një pajisje elektrike dhe 4 ora dore.

“Kontrolli më tej ka vijuar në një parking në pronësi të këtij shtetasi, në rrugën “Fadil Bodinaku”, ku është gjetur një sasi lende e dyshuar cannabis sativa, në formë çokollate, me peshë 18.2 gr., e cila së bashku me sendet e tjera të kundërligjshme u sekuestrua në cilësinë e provës materiale.

“Në përfundim të veprimeve, nga specialistët për hetimin e narkotikëve u bë arrestimi në flagrancë i shtetasit D. M., 27 vjeç, banues në Tiranë”.

“Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e lëndëve narkotike” dhe “Mbajtja pa leje e armëve shpërthyese dhe municionit”, në ngarkim të shtetasit D. M”, thuhet në deklaratën e Policisë.

Si u monitoruan tribunat gjatë derbit (video)

Ndeshja derbi mes Partizanit dhe Tiranës u luajt për herë të parë në stadiumin “Air Albania”. Stadiumi i ri kombëtar priti për herë të parë një ndeshje e cila në vetvete ka rrisk për incidente, pasi mes tyre përballen dy ekipet me tifozeritë me rivalitetin më të lartë në vend. Megjithatë, parametrat e sigurisë në këtë stadium janë të mëdha.

Për shkak të kërkesave të UEFA-s, “Air Albania Stadium” është i pajisur me kamera të një rezolucioni të lartë, ku mund të shohësh nga afër çdo veprim të tifozëve. Të gjitha kamerat kontrollohen në një dhomë të posaçme, e cila sa herë ka ndeshje monitorohet nga punonjës të Policisë së Shtetit.

Edhe në këtë ndeshje, ku janë angazhuar qindra forca policie në terre, efektivët Blu po monitorojnë çdo sektor të tribunave nëpërmjet kamerave të sigurisë. Drejtori i Rendit Publik, Albert Dervishaj, inspektoi punonjësit e Policisë që kryejnë shërbim me kamerat në derbin Partizani-Tirana.

Dervishaj u ka kërkuar punonjësve të Policisë që të regjistrojnë çdo rast të evidentuar nga kamerat, në rast se do ketë prishje të rendit apo hedhje të lëndëve piroteknike dhe sendeve të forta.

Në rast se evidentohen incidente, Policia e ka shumë të lehtë ndalojë autorët e tyre. kujtojmë se për të shmangur dhunën në stadiume, Kuvendi miratoi ndryshimet në Kodin Penal, ku parashikohet deri në disa vite burg për tifozët që invadojnë fushën apo kryejnë akte dhune.

Live: Salla e monitorimit dhe drejtimit në "Air Albania Stadium". Policia e Tiranës ka marrë një sërë masash për garantimin e rendit dhe mbarëvajtjen e këtij aktiviteti. Drejtori i Rendit Publik Albert Dervishaj ka inspektuar punonjësit e Policisë që kryejnë shërbim në kamerat që monitorojnë stadiumin për derbin Partizani-Tirana.Dervishaj u ka kërkuar punonjësve të Policisë që të regjistrojnë çdo rast të evidentuar nga kamerat, në rast se do ketë prishje të rendit apo hedhje të lëndëve piroteknike dhe sendeve të forta.
Gepostet von Policia e Shtetit am Freitag, 13. Dezember 2019

Foto/ Derbi, tifozët futen në stadium, ndizet atmosfera

Në orën 19:00 luhet derbi Partizani-Tirana, i cili do të jetë historik pasi luhet për herë të parë në “Air Albania Stadium”. Klubi i Partizanit lajmëroi tre orë para nisjes së ndeshjes se janë shitur mbi 19.000 bileta për këtë sfidë. Ndërkohë, ashtu siç ishte parashikuar, tifozët kanë nisur të futen brenda stadiumit dy orë para nisjes së ndeshjes.

Tifozët e parë janë futur grupet ultras të të dyja skuadrave, që do të jenë të pozicionuar pas portave. Siç e do tradita, grupet ultras futen më herët në stadium edhe për shkak të përgatitjes së koreografive, që për hir të së vërtetës në ndeshjet derbi ato kanë qenë gjithmonë të jashtëzakonshme.

Në stadium pritet të jenë rreth 20.000 tifozë në total për të ndjekur ndeshjen më të rëndësishme të kampionatit për këtë javë. Para se të futeshin në stadium, tifozët e të dyja skuadra nisën grumbullimin në disa pika të qytetit dhe më pas marshuan drejt stadiumit.

Kujtojmë se në këtë sfidë janë angazhuar shumë forca policie për të parandaluar incidente të mundshme, siç ndodhi në sfidën derbi të fazës së parë të kampionatit.

Gjykata liron 3 inspektorët e IMT Berat. Policia i arrestoi për shpërdorim detyre

Gjykata e Beratit liroi tre inspektorët e IMT në këtë qytet, të cilët u arrestuan nga policia për shpërdorim detyre. Të enjten, në një operacion të koduar “Stop”, policia e Beratit ndaloi tre inspektorë të IMT në bashkinë e këtij qytetit.

Konkretisht, në pranga u vunë shtetasit me inicialet: L.S., 50-vjeç, E.V., 29 vjeç dhe D.H., 45 vjeç, të tre me detyrë inspektorë pranë Inspektoratit të Mbrojtjes së Territorit në Bashkinë Berat.

Sipas policisë, arrestimi i këtyre shtetasve u bë pas një hetimi 6-mujor, zhvilluar nga Seksioni për Hetimin e Krimit Ekonomik e Financiar në Berat.

Nga hetimet e kryera ka rezultuar se 3 Inspektorët, në kundërshtim me ligjin, kanë favorizuar dhe lejuar shtetas të ndryshëm për të kryer ndërtime pa leje në territorin e Bashkisë Berat.

Por, sipas Balkanëeb, Gjykata ka rrëzuar ndalimin e kryer nga Policia, duke dhënë pretencën për tre të akuzuarit. Gjykata e Beratit vendosi vetëm “detyrim paraqitje” për tre inspektort e arrestuar, që akuzohen për shpërdorim detyre.

“Policia mblodhi 104 milionë lekë”, Veliu: Do ndihmojmë në hetimet e prokurorisë

Drejtori i Policisë së Shtetit Ardi Veliu doli në një konferencë për shtyp, ku deklaroi mirënjohjen dhe falënderimin ndaj forcave të policisë që u angazhuan në përballimin e situatës së rëndë të krijuar nga tërmeti. Veliu tha se punonjësit e policisë u bën pjesë e grupeve të kërkim-shpëtimit, duke rrezikuar jetën e tyre. Gjithashtu, Policia punoi në disa drejtime për të përballuar situatën emergjente.

Menjëherë pas rënies së tërmetit, Policia e Shtetit angazhoi në zonat e prekura mbi 4000 forca policie me detyra konkrete, duke nisur nga: -përfshirja në operacionet e kërkim-shpëtimit; dhënia e ndihmës së parë për njerëzit që kishin nevojë; garantimi i rendit dhe sigurisë; disiplinimi i qarkullimit duke i dhënë përparësi qarkullimit të ambulancave dhe ekipeve të zjarrfikëseve; sigurimi i pronës së qytetarëve dhe ruajtja e objekteve të dëmtuara, për të mos lejuar futjen e banorëve për shkaqe sigurie. Gjej rastin sot që të falënderoj publikisht forcat special Renea, FNSH-të e Tiranës, Shkodrës e Fierit, Drejtoritë Vendore të Policisë Durrës ,Tiranë dhe Lezhë për profesionalizmin dhe ndjenjën e lartë të humanizmit duke rrezikuar edhe jetën e tyre, të cilët u përfshinë drejtpërdrejt të parët në operacionet e kërkim-shpëtimit”, tha Veliu.

Më tej, Veliu tha se Policia e Shtetit është organizatë ligjzbatuese por dhe humane e solidare. Sipas tij, të gjithë Punonjësit e Policisë kontribuan duke mbledhur 104 milion e 350 mijë lekë, të cilat u depozituan në platformën e-albania, dhe do të përdoren për rindërtimin e shtëpive të shembura nga tërmeti.

“Me këtë rast, duke përfituar nga ky komunikim publik, dua të falënderoj një për një, të gjithë punonjësit e Policisë, por edhe familjet e tyre që kontribuuan me vullnet sipas mundësive duke bërë të mundur mbledhjen e shumës 104 milion e 350 mijë lekë, e cila u depozitua ne platformën e-Albania. Mirëkuptoj edhe 2016 punonjësit e Policisë që nuk kanë kontribuuar me vlera monetare, pasi nuk kanë pasur mundësi”, tha Veliu.

Në përfundim të fjalës së tij, Ardi Veliu u shpreh se Policia e Shtetit do të punojë për të administruar provat dhe ndihmuar hetimet e Prokurorisë, për të çuar përpara përgjegjësisë ligjore të gjithë personat që kanë përgjegjësi për shembjen e banesave.

“Së treti, dua të bëj me dije për të gjithë qytetarët, por në veçanti për banorët e prekur nga tërmeti se Policia e Shtetit ka ngritur grupe të posaçme me specialistë për Hetimin e Krimit Ekonomik e Financiar nga Drejtoria Hetimore Qendrore në Drejtoritë Vendore të Policisë Durrës, Tiranë e Lezhë dhe në bashkëpunim me Policitë vendore, nën drejtim të Prokurorive përkatëse po fiksojnë, grumbullojnë dhe administrojnë çdo provë që i shërben hetimit për të çuar para përgjegjësisë ligjore të gjithë personat që kanë përgjegjësi për ndërtesat që u shembën apo kanë pësuar dëmtime serioze (qofshin biznesmenë apo nëpunës të administratës)”, tha Veliu.

Në fund ai i bëri dhe një apel politikës “Prandaj apeloj për të gjithë ata që duan të bëjnë politikë apo që përbaltin punën tonë për interesa të caktuara, të tregohen humanë, siç janë punonjësit e Policisë dhe të përcjellin realitetin, pasi Policia e Shtetit i shërben komunitetit dhe askujt tjetër”, përfundoi Veliu.