Drafti i PS/ Taulant Balla: Listat e hapura janë fakt i pakthyeshëm, uroj që opozita të mos vetëpërjashtohet

Kryetari i Grupit Parlamentar të PS-së, Taulant Balla në përfundim të mbledhjes së grupit, iu përgjigj edhe interesimit të gazetarëve se pse PS kishte zgjedhur një formulë të komplikuar për Kodin Zgjedhor.

Sipas Ballës, këtë formulë nuk e kanë shpikur shqiptarët, por e kanë disa prej vendeve më të zhvilluara të Europës.

“Këtë model e kanë edhe ligjvënësit e Austrisë, Çekisë, Kroacisë. E kanë analizuar prej shumë vitesh dhe kanë konkluduar një një formë. Këtë formulë nuk e kemi shpikur ne, e kanë pjesa më e madhe e vendeve, e kam për zemër modelin e Kosovës por kemi menduar që duhet të zgjedhim vendet e listuara më lart, pra përfshi Danimarkën dhe Belgjikën, si modele më të mira.
Numri i votave për secilin kandidat rimodelon listën e deputetëve të një partie”,- tha ai.

I pyetur nëse do të bojkotonte PD-ja mbledhjen e Këshillit Politik, Balla u shpreh: Nuk e besoj që PD do të vetëpërjashtohet nga ky proces. Kam besim që do të kontribuojnë. Nëse nuk e bëjnë ndryshimet kushtetuese janë bërë, listat u hapën dhe zgjedhjet e 25 prillit do të bëhen me lista të hapura”,- tha ai.

Në lidhje me kërkesën e opozitës për të pasur një ekspertizë të OBE-ODIHR lidhur me ndryshimet në Kodin Zgjedhor, Balla sqaroi: “E para, ndryshimet kushtetuese kanë bërë fakt. Këtë çështje dhe në historinë e ODIHR nëse lexoni e kanë thënë qartë që këto janë çështje që i përkasin sovranitetit të plotë të vendeve”.

Balla thekson se çdo çështje është e hapur dhe PD-LSI mund të kontribuojnë në Këshillin Politik me propozime.

Më tej ai garanton se diskutimet do të vijojnë po drafti i PS është i vetmi që garanton barazinë gjinore dhe është parë nga të gjitha këndvështrimet.

”Listat e Hapura tashmë janë fakt i pakthyeshëm mbrapsht. Kushtetuta ka përcaktuar qartë që më 25 prill qytetarët do të shprehin vlerësimin dhe të japin votën e tyre jo vetëm për partinë, por dhe një prej kandidatëve në një prej listës së subjekteve .

PS ka propozuar një draft që është bërë publik nga Gjiknuri. Është diskutuar dhe në grupin parlamentar. Përveç pjesës së diskutimit në Këshill, dhe e inkurajojmë ku janë dhe subjekte jashtë-parlamentare. Të gjejnë gjuhën e përbashkët për kthimin si duhet të amendamenteve.

Opozita parlamentare, një deputete ka dorëzuar propozimet dhe në Komisionin e Ligjeve të nisë.

Të vazhdojmë diskutimin me ta, e nxis partinë demokratike dhe LSI të kontribuojnë. Drafti i propozuar prej nesh është draft që i ka marrë 100% sensibilitetet. Nga të gjitha këndvështrimet. Listat janë 100% të hapura. Sepse çdo kandidat në subjekt do marrë vlerësim me votë nga qytetarët.

Koha kur ne bënim Kode Zgjedhor me shpikje alla-shqiptarçe, siç është historia e koalicioneve në 30 korrik, mund të ndërtoje koalicione si vargon mallrash, dhe votat transferoheshin nga një subjekt në tjetër.

Garantoj që propozimi ynë zbatohet në vende që ngjashmërisht kanë përafërsi me Shqipërinë. Kroacia, Çekia, Holanda, Belgjika. Vende që japin mundësinë qytetarit të japë 2 vota.

Do vijojnë iskutimet. Të gjitha çështjet janë të hapura. Le të vijojë diskutimi. Por një shtet unitar si Shqipëria e ka të domosdoshme. Mbi të gjitha këto kjo është e vetmja formulë që mbron barazinë gjinore.”- tha Balla.

Mblidhet Asambleja Socialiste e Belshit, Balla: Humbësit të heqin dorë nga alibitë. Ndryshimet e propozuara, sipas modeleve europiane

Në kuadër të takimeve organizative dhe parapërgatitore për zgjedhjet e rëndësishme të 25 Prillit 2021, Sekretari i Përgjithshëm i Partisë Socialiste Taulant Balla mori pjesë në mbledhjen e Asamblesë Socialiste të Belshit.

Në fjalën e tij Balla tha se hapja e listave tashmë është një fakt dhe se humbësit duhet të heqin dorë nga ndërtimi i alibive, duke u fshehur pas akuzave dhe bllofeve.

“Hapja e listave tashmë është një fakt dhe nuk ka më kohë për të humbur, për të votuar Kodin Zgjedhor. Humbësit përsëritës duhet të heqin dorë nga ndërtimi i alibive, duke u fshehur pas akuzave dhe bllofeve. Ne jemi gati ta diskutojme propozimin në mënyrë gjithëpërfshirëse. Zgjedhjet e 25 prillit po afrojnë dhe brenda pak javësh duhet të kemi miratuar reflektimin në Kod të ndryshimeve kushtetuese”, deklaroi Balla.

Sipas Ballës ndryshimet e propozuara janë të bazuara në modelet e Austrisë, Belgjikës, Kroacisë, Republikës Çeke, Suedisë etj.

“Lista e kandidatëve të subjektit zgjedhor do të jetë 100% e hapur. Çdo kandidat në listë i nënshtrohen votimit parapëlqyes nga zgjedhësit. Çdo zgjedhës ka të drejtën që krahas partisë apo koalicionit zgjedhor të vendosë shenjën edhe tek emri i një kandidati/kandidateje të preferuar. U jepet e drejta zgjedhësve që të ndryshojnë renditjen e kandidatëve dhe respektivisht ndarjen e mandateve duke vlerësuar ata kandidatë që demonstrojnë që gëzojnë një mbështetje të madhe, edhe mbi vet renditjen e partisë që i propozon. Propozimi ynë ruan plotësisht edhe pragun e përfaqësimit gjinor. Një parim i tillë aplikohet në një sërë vendesh me sistem të ngjashëm elektoral ku zgjedhësit kanë të drejtë të ri-rëndisin kandidatët e rrjedhimisht mandatet e fituara elektorale”, tha Balla.

Intervista, Balla nga Gjermania: Në 25 prill sigurojmë 74 mandate

Sekretari i Përgjithshëm i Partisë Socialiste Taulant Balla deklaroi nga Gjermania se në 25 prill PS do të sigurojë 74 mandate.

Teksa shoqëron në një vizitë zyrtare kryeministrin Edi Rama në Gjermani, ku mori pjesë në forumin e rëndësishëm të politik-bërjes në Bavari, Balla mes ironisë i sugjeroi opozitës që të qetësojë shpirtrat e trazuar.

Balla në një intervistë televizive theksoi gjithashtu se gjatë kësaj vizite në Gjermani delegacioni shqiptar është pritur në një takim me rëndësi me përfaqësues të Bundestagut si dhe me përfaqësues të kompanive me shumë rëndësi.

Intervista e plotë:

Gjatë vizitës suaj në Gjermani, patët një ndalesë ne Berlin. Opozita në Tiranë ka hedhur akuza se kjo vizitë e juaja ka qenë e dështuar, pasi nuk patët takim me kancelaren Angela Merkel. Keni një koment në lidhje me këtë?

Vizita e kryeministrit në Gjermani është pjesëmarrja në një prej forumeve politike dhe ekonomike që zhvillohen në Landin e Bavarisë ku marrin pjesë përfaqësues të lartë politikë por dhe drejtues të kompanive gjermane, dhe jo vetëm. Fati ynë është që kryeministri i është drejtuar dhe dje dhe sot në fjalën e tij qoftë vendimmarrëseve politikë dhe atyre që janë ekonomikë, që janë drejtues të këtyre kompanive, duke ofertuar Shqipërinë si destinacion i investimeve dhe një garanci, po të kemi parasysh pozicionin gjeo-politik që ka vendi. Lidhur me abuzimet e kazanit dhe të frymëzimeve të opozitës për këtë vizitë, dua të them se qëllimi i kësaj vizite ka qenë pjesëmarrja këtu. Për ndalesën në Berlin jemi mirëpritur në një darkë pune me përfaqësues të rëndësishëm të Bundestagut, të kompanive me rëndësi këtu në Gjermani, ku ka pasur dhe anëtarë të kabinetit. E gjithë ka qenë një takim me miq të Shqipërisë, që janë të shumtë këtu në Gjermani. Dua të konstatoj se niveli politik i marrëdhënieve mes Shqipërisë dhe Gjermanisë është më i larti deri më tani. Dua të qetësoj shpirtrat e trazuar të përfaqësuesve të opozitës se nuk ka asnjë dështim. Por është rikonfirmim i qëllimeve tona me Gjermaninë. Nga këto marrëdhënie duhet të kalojmë dhe me zgjerim sa i takon prezencës së kompanive gjermane. Në këto vitet e fundit kemi një zgjerim të pranisë së kompanive gjermane në vendin tonë.

PS ka propozuar disa ndryshime në kodin zgjedhor. Çfarë efektesh që pritet të prodhojnë ato, duke pasur parasysh dhe rezervat e opozitës…?

Duhet të kuptojmë se ndryshimet burojnë nga ndryshimet kushtetuese të 30 korrikut. Kemi hedhur hapin e rëndësishëm të garantimit të hapjes së listave. Çdo shqiptar që ka mbushur moshën 18 vjeç në 25 prill do të ketë mundësi që të japë dy vota; një votë për subjektin dhe një për kandidatin. Ata kandidatë që kanë më shumë besim nga qytetarët, kanë mundësi që të zgjidhen anëtarë të Kuvendit të ri të Shqipërisë. Lista e propozuar nga partia mund të ndryshojë për shkak të numrit të votave që merr një kandidat. Kjo nuk është shpikje alla-shqiptarçe, por një model që funksionin në mënyrë perfektë në vende të rëndësishme të BE. Si Republika Çeke, Austria, Belgjika, Holanda, dhe Kroacia, që kanë garantuar legjitimitet. Ne nuk kemi kohë për të humbur, pasi janë zgjedhjet. Le të vijnë me propozimet e tyre për sensin e ndryshimeve kushtetuese. Ndryshimet kushtetuese kanë vendosur piketat e rëndësishme për hapjen e listave dhe një formë të re për koalicionet parazgjedhore.

Nëse opozita do të refuzojë që të jetë pjesë e këtyre ndryshimeve, cili do të jetë hapi i maxhorancës?

Unë nuk besoj se opozita do të vazhdojë me skenarë të vjetruar të mosbashkëpunimit dhe të mospranimit të dialogut dhe të komunikimit për disa rregulla të demokracisë sikurse është dhe çështja që lidhet me faktin e kryer të hapjes së listave. Jam krenar që PS e mbështeti këtë proces të rëndësishëm të demokratizimit të vendit. Se besoj se PD është kundër dhënies së të drejtës së qytetarëve shqiptarë. Besoj se PD do të heqë dorë nga këto alibi, për t’i paraprirë humbjes së radhës në 25 prill. S’duhet të humbasim kohë. Propozimi i bërë nga ana jonë për ruajtjen e barazisë gjinore është shumë korrekte. Do të kemi 30% vajza dhe gra në Kuvend, dhe kjo është një arritje. PS ka rolin e vet në këtë emancipim.

PS ka nisur punën me strukturat e bazës. Rezultati që prisni në 25 prill?

Nga sot deri në zgjedhjet e 25 prillit janë rreth 210 ditë punë intensive. Do të jetë një fushatë atipike dhe për shkak të situatës së vështirë me pandeminë. Ne kemi ngritur shtabin qendror elektoral nën drejtimin e kryeministrit Edi Rama. Në 12 qarqet po zhvillohen takimet e para organizatave me asambletë socialiste. Do të zhvillojmë një proces të hapur, duke përdorur dhe teknologjinë, në përzgjedhjen e kandidatëve tanë. Padyshim që një zë të rëndësishëm do të kenë njerëzit e zakonshëm të këtij vendi, që janë aleatët tanë të vetëm. Nuk kam asnjë dyshim që PS do të konfirmojë 74 mandatet që ne na i besuan shqiptarët në 2017-ën. Por nga vlerësimi paraprak, në disa qarqe mund të kemi dhe një rritje që kemi marrë në vitin 2017.

Balla optimist për negociatat: Pas 31 janarit konsensus të plotë për Shqipërinë

Kreu i Grupit Parlamentar të Partisë Socialiste, Taulant Balla tha se metodologjia e vlerësimit nga ana e Komisionit Europian mund të ndryshojë dhe se pas datës 31 janar do të ketë një konsensus të plotë mes 27 vendeve anëtare të BE për hapjen e bisedimeve me Shqipërinë dhe Maqedoninë e Veriut.

“Do doja të ndaja me ju faktin se metodologjia e vlerësimit nga partnerët tanë mund të ndryshojë, më 29 janar KE do të publikojë metodologjinë e re të vlerësimit dhe të monitorimit të zbatimit të detyrave të shtëpisë nga vendet kandidate, në kuadër të vlerësimit qoftë të ecurisë së procesit të para hapjes së negociatave, qoftë me procesin tjetër që pason, dhe ku unë jam besimplotë se gjatë këtij viti Shqipëria dhe Maqedonia e Veriut do të nisin bisedimet. Paralelisht me dakordësimin e vendeve anëtare për metodologjinë e re të ndryshuar, KE i qëndron rekomandimit se bisedimet për anëtarësim duhen çelur sa më parë me Shqipërinë edhe me Maqedoninë e Veriut. Rekomandimi për hapjen e bisedimeve për anëtarësim mbetet një konstante e pandryshuar për Komisionin Europian. Besoj se brenda 27 vendeve të BE-se pas 31 janarit, të ketë një konsensus të plotë lidhur me bisedimet për anëtarësim”, tha Balla në Këshillin Kombëtar të Integrimit Europian.

Balla foli dhe për fenomenin e emigrimit të shqiptarëve, duke e cilësuar shqetësuese, ku qeveria duhet të punojë në hartimin e politikave të mirëfillta për uljen e saj. Duke e cilësuar si një lajm të rremë faktin se sot po emigrojnë më shumë se 10 vite më parë, Balla tha se ky është një faktor konstant për vendin dhe nuk mund të ndalet, por mund të punojmë në drejtim të dekurajimit sa të mundemi të arsyeve të emigrimit.

“Dua të flas mbi nevojën për të shkurajuar lajmin e rremë apo batakut (“fake news”) që shqiptarët po largohen më shumë sot se 5 apo 10 vjet me parë. Raportimet dhe studimet mbi trendet demografike për vendin tonë në raport me rajonin e Ballkanit janë më optimiste sesa lajmi i rremë. Nëse analizojmë fenomenin e emigrimit, ky i fundit është një faktor konstant për vendin tone, për rajonin e Ballkanit Perëndimor por edhe më gjerë për sa kohë dallimet në të ardhurat për frymë dhe standardit të jetesës midis vendeve të rajonit të Ballkanit Perëndimor dhe vendeve të Europës Perëndimore do të vazhdojnë të jenë në këto nivele, njerëzit do të kenë arsye për të emigruar. Prandaj është e qartë që flukset migratore për vendet tona do vazhdojnë të jenë një realitet i pandashëm, por ajo që duhet të punojmë të gjithë së bashku është që të dekurajojmë aq sa mundemi arsyet e migrimit. Për këtë qëllim qeveria dhe të gjithë aktorët duhet të punojnë me hartimin dhe zbatimin e politikave të mirëfillta për të ndalur uljen drastike demografike të popullsisë si një emergjencë kombëtare që mund të zbusë efektet që mund të ketë nesër në ekonomi një fakt i tillë“, tha Balla.

Antishpifja, Balla: Metën e rrëzojmë në Kuvend, presim Venecian

Kryetari i Grupit Parlamentar të Partisë Socialiste, Taulant Balla tha se paketa antishpifje do të dekretohet në parlament dhe se do punohet që rekomandimet e Këshillit të Europës të adresohen për një përmirësim edhe më të mirë të tij. Pavarësisht se ligji është kthyer nga presidenti Meta, Balla tha se dekretet e tij mbrojnë një statukuo, ku shpifja ndaj personit dhe ku dezinformimi publik është kthyer në normë jetese për shumë persona. Balla u shpreh se qeveria ka punuar për këtë ligj me OSBE dhe Këshillin e Europës dhe se do të vijojë bashkëpunimin me çdo organizatë për përmirësimin e legjislacionit “antishpifje” në të ardhmen. Kryetari i Grupit Parlamentar të PS falenderoi Asamblenë e Përgjithshme të Këshillit të Europës që çoi draftin në Komisionin e Venecias, ku pret dhe rekomandimet e vyera të saj për përmirësimin e legjislacionit.

“Dekretet e Presidentit të Republikës mbrojnë një statukuo, ku shpifja ndaj personit ka triumfuar gjerësisht dhe ku dizinformimi publik është kthyer në normë jetese për shumë aktore online, ndërsa bashkëpunimi ynë me OSBE dhe Këshillin e Europës ka synuar dhe do të synojë mbrojtjen e fjalës së lirë e te integritetit njerëzor nga shpifja si edhe te vete publikut nga dezinformimi.

Prandaj ne do t’i rrëzojmë dekretet e Presidentit dhe do të vijojmë bashkëpunimin me çdo organizate brenda e jashtë vendit, për çdo përmirësimin të mundshëm të legjislacionit “antishpifje” në të ardhmen.

Ne jemi në kontakt dhe i falenderojmë kolegët e APKiE që ia kaluan Komisionit të Venecias tekstin dhe mezi presim ta përmirësojmë më tej ligjin me sugjerimet e vyera te Komisionit të Venecias.

Ndërkohë sikurse e kemi thënë, institucionet përkatëse shqiptare do të punojmë ngushtësisht me OSBE për aktet e domosdoshme nënligjore” shkruan Balla në Facebook.

Sesioni i ri, Balla: “Anti-KÇK”, së shpejti në Kuvend

Kreu i Grupit Parlamentar të Partisë Socialiste, Taulant Balla, e nisi fjalën e tij në sesionin e ri parlamentar me pasojat e tërmetit tragjik të 26 nëntorit, duke thënë se 2020-a do të mbahet mend gjatë si viti i rindërtimit, ndërsa deklaroi se së shpejti do të dërgohet në Kuvend paketa “Anti-KÇK”.

“Përshkallëzimi i luftës kundër krimit dhe korrupsionit është i nevojshëm për ecurinë tonë të mëtejshme dhe jetik për imazhin tonë ndërkombëtar. (Kush ka kryer krime dhe është dënuar, është akuzuar nga prokuroria, po i ka shpëtuar dënimit falë aleancës me KÇK-në, është hetuar apo është nën hetim, brenda ose jashtë vendit, duhet të provojë pastërtinë e burimeve të pasurisë ose duhet ta humbasë pasurinë)”, u shpreh ai.

Më tej, numri dy i PS u ndal te tryeza e përbashkët politike për Reformën Zgjedhore, duke vlerësuar të gjitha palët, që pranuan të ulen më në fund në tryezën e dialogut dhe duke u shprehur se PS është e gatshme të përmbyllë këtë reformë më 15 mars.

“Nëse në fillim të vitit 2019, kishte plot skepticizëm për çuarjen para të Reformës në Drejtësi, në dhjetor të 2019 SPAK ishte në detyrë, Gjykata Kushtetuese ka numrin e mjaftueshëm për të vijuar një pjesë të punëve dhe sot ngremë edhe një tjetër institucion të rëndësishëm. Viti 2020 ka nisur me një qasje të re të disa nga partive të opozitës. Edhe pse i vonuar, ndryshimi 180% i qasjes së opozitës, duke u kthyer në tryezën e dialogut, është padyshim një reflektim. Kuvendi, me mazhorancë dhe opozitën parlamentare, i ka krijuar një vend opozitës jashtëparlamentare në komisione. Opozita jashtëparlamentare deri më tani e kishte refuzuar komisionin e reformës. Ekspertët e komisionit kanë paraqitur deri tani gjithë amendamentet që trajtojnë çështjen dhe rekomandimet e OSBE/ODIHR. Ritheksoj se qëndrimi ynë është përmbyllja e Reformës Zgjedhore më 15 mars 2020. Draftet e diskutuara nga të gjitha palët do të kalojnë nëpër procedurën parlamentare e më pas në seancë plenare. 15 marsi është afati i fundit. Më 14 mars iu ftoj në Elbasan për Ditën e Verës, më 15 votojmë Reformën Zgjedhore”, u shpreh kreu i grupit të PS.

Balla: KLP edhe KLGJ të hetojnë gabimet procedurale

Kreu i grupit parlamentar socialist, Taulant Balla e ka cilësuar të turpshëm vendim e gjykatës për pushimin e çështjes me lobimin rus në SHBA, ku i akuzuar kryesor ishte kryedemokrati Lulzim Basha së bashku me ish-Sekretarin e Përgjithshëm, Arben Ristani dhe financierin e PD, Ilir Dervishi.

Balla tha se një vendim i tillë tregon se gjyqtarët që nuk kanë kaluar ende vettingun po zbatojnë parimin e “kap ç’të kapësh” me teatro të tilla, ndërsa paralajmëroi se do të ketë apelim të çështjes duke i bërë thirrje Këshillit të Lartë të Gjyqësorit dhe Këshillit të Lartë të Prokurorisë për të hetuar gabimet procedurale që janë bërë me dashje për këtë çështje.

“Prokuroria hetoi 2 vite dhe gjykata e mbylli për 2 orë” tha Balla duke shtuar se përfituesi i parave Nik Muzin duhet të merret në pyetje dhe kjo dosje e rëndë nuk mund të mbyllet pa u hetuar në themel.

“Kush mendon se kjo dosje e rëndë me të pandehur kryesor Lulzim Bashën, mund të mbyllet kështu pa u hetuar aspak në themel, pa u marrë në pyetje të gjithë personat e përfshirë, e ka shumë gabim.

Kjo nuk është një çështje vetëm e drejtësisë shqiptare.

Nxitimi i stimuluar i ndonjë prokurori dhe gjyqtari që nuk e ka kaluar procesin e vettingut dhe që zbaton parimin ‘kap çfarë të kapësh’, shfaqën sot këtë teatër të turpshëm për sytë e shqiptarëve dhe jo vetëm.

Këshilli i Lartë i Gjyqësorit dhe Këshilli i Lartë i Prokurorisë duhet të hetojnë gabimet procedurale me dashje, që çuan në këtë teatër të turpshëm, ku prokuroria hetoi 2 vite dhe gjykata e mbylli për 2 orë.

Apelimi i këtij vendimi absurd dhe rikthimi i çështjes për hetim të plotë duke dhënë edhe garancitë nga Gjykata për marrjen në pyetje të përfituesit të parave Nik Muzin, janë hapat e vetëm për të hedhur dritë e për të bërë drejtësi në këtë dosje të rëndë”, shkruan Balla në facebook.

Gjykata e Tiranës pushoi të hënë çështjen në ngarkim të kreut të PD, Lulzim Basha dhe ndaj dy zyrtarëve të tjerë të PD Arben Ristani dhe Ilir Dervishi, në lidhje me lobimin rus në SHBA me pretendimin se nuk ekzistojnë prova.

“RUSSIAGATE”, GJYKATA PUSHON HETIMET NDAJ LULZIM BASHËS

Taulant Balla i dorëzon çelësat e shtëpisë së re 94-vjeçares në Librazhd

Një familje në kushte të vështira ekonomike është bërë me shtëpi të re në fshatin Spathar të Librazhdit. Familja me disa anëtar, ku pjesë ishte dhe një e moshuar 94-vjeçare, prej kohësh jetonte në kushte të vështira.

Banesa ishte pothuajse e rrënuar ku anëtarët e familjes flinin në qiell të hapur. Deputeti i zonës së Librazhdit, Taulant Balla së bashku me kryetarin e bashkisë Kastriot Gurra, ishin të dielën në këtë familje duke i dorëzuar çelësat e shtëpisë së re. Lajmin e ndau dhe kryeministri Edi Rama në rrjetet sociale.

“Në fshatin Spathar të Librazhdit, ku falë iniciativës dhe angazhimit të Taulantit, një dritë e re shprese ka lindur në familjen e nënë Bejazes, shtëpia e së cilës ishte shkatërruar. Këto ditë festash e kanë gjetur 94 vjeçaren dhe familjen e saj me gëzimin e një shtëpie të re, të ndërtuar nga e para me kushte dinjitoze të banimit”, shkruan Rama.

U godit nga dy fatkeqësi natyrore, Balla i jep çelësat e shtëpisë së re familjes Vrapi

Sekretari i Përgjithshëm i Partisë Socialiste, Taulant Balla i dorëzoi çelësat e shtëpisë së re familjes së Petrit Vrapit në fshatin Papër të Elbasanit. Familja Vrapi u godit dy herë nga fatkeqësitë natyrore. Së pari, shtëpia e Petrit Vrapit dhe familjes së tij u dëmtua nga rrëshqitjet e tokës dhe më pas nga tërmeti. Shtëpia u bë tërësisht e pabanueshme, ndërsa anëtarët e kësaj familje u strehuan në një çadër pranë shtëpisë së vjetër.

#GëzuarFestatnëShtëpitëRe👌🤗#TiNukDoJeshKurrëVetëm👐🇦🇱Shtëpia e Petrit Vrapit në Papër u godit edhe nga rrëshqitjet e tokës edhe nga tërmeti💔. Ajo u bë tërësisht e pabanueshme. Për emergjencë familja u strehua në një çadër pranë shtëpisë së vjetër. Ju premtova se festat e fundvitit do t’i gëzojnë në shtëpi të re🏡 Dhe jam shumë i gëzuar që arrita t’ia dorëzoj 🔑 çelësat zonjës së shtëpisë në këtë vigjilje Krishtlindje. Gjithashtu të katër anëtarët e familjes marrin trajtim të posaçëm me pension dhe kujdes social🤗 #ShqipëriSolidare🤝🇦🇱
Gepostet von Taulant Balla – Faqja Zyrtare am Sonntag, 22. Dezember 2019

Pak javë më parë, familja Vrapi pati një vizitë nga deputeti socialist i qarkut të Elbasanit Taulant Balla, i cili së bashku me biznesmenë të këtij qarku u angazhuan të rindërtonin shtëpinë e familjes Vrapi. Balla shprehet se i premtoi kësaj familje se ata do të futeshin në shtëpi të re para festave të fundvitit. Këtë 22 dhjetor, Balla shkoi përsëri në familjen Vrapi në Papër duke i dhënë çelsat e shtëpisë së re kryefamiljarit të familjes Vrapi.

“Shtëpia e Petrit Vrapit në Papër u godit edhe nga rrëshqitjet e tokës edhe nga tërmeti. Ajo u bë tërësisht e pabanueshme. Për emergjencë familja u strehua në një çadër pranë shtëpisë së vjetër. Ju premtova se festat e fundvitit do t’i gëzojnë në shtëpi të re. Dhe jam shumë i gëzuar që arrita t’ia dorëzoj çelësat zonjës së shtëpisë në këtë vigjilje Krishtlindje. Gjithashtu të katër anëtarët e familjes marrin trajtim të posaçëm me pension dhe kujdes social”, shkruan Balla në një reagim.

“SPAK të fillojë me dosjen e OSSH dhe Berishën”

Sekretari i Përgjithshëm i Partisë Socialiste, Taulant Balla u shpreh të premten se dosjet e para që do të hetojë SPAK, është ajo e privatizimit të OSSH dhe hetimi ndaj ish-kryeministrit Berisha. Balla tha se është e parapnueshme që kjo dosje të mbyllet.

“Jam informuar që një pjesë e më shumë se 140 dosjeve që do të jenë puna e parë e prokurorëve, dua të ndaj me ju faktin që një ndër dosjet që unë do i kërkoja SPAK-ut duhet të jetë edhe kallëzimi i bërë nga ana e Kuvendit të Republikës së Shqipërisë lidhur me gjetjet e raportit të komisionit hetimor për privatizimin e OSSH ku janë kallëzuar autoritete të larta të qeverisë së asaj kohe, filluar nga kryeministri Sali Berisha, jemi informuar nga ana e prokurorisë që prokuroria i është drejtuar gjykatës për ta mbyllur këtë çështje. Është e papranueshme që kjo çështje të mbyllet”.

“Kjo çështje duhet hetuar nga prokuroria speciale anti korrupsion dhe do i kërkoja gjykatës që ta kthejë mbrapsht dhe kjo dosje të jetë një prej dosjeve që duhet të shqyrtohet nga SPAK-u. Jemi informuar që gjykata këtë çështje do ta shqyrtojë më datë 27 dhjetor, por është e pakuptueshme tashmë që kemi ngritur këtë njësi speciale për të luftuar korrupsionin që kjo dosje të mbyllet pa u hetuar”, tha Balla.

Duke folur për Reformën Zgjedhore, Balla u shpreh se komisioni po bën punë të mirë për të përfshirë rekomandimet e OSBE/ODIHR, me qëllim garantimin e një procesi zgjedhor të lirë dhe të ndershëm. Ndërsa, në fund Balla komentoi edhe miratimin e paketës anti-shpfije. “Së pari, dua ta sqaroj dhe në ëebsitin e parlamentit kemi të publikuar të dyja ligjet, qoftë ai për mediat ku saktësohet qartë roli i AMA-s dhe roli i AKEP. Dua të ndaj me ju vlerësimin që ligji kundër shpifjes është luftuar vetëm me shpifje. Ligji kundër abuzimit në dëm të cilësisë së lajmit, në dëm të lirisë së fjalës është luftuar vetëm me shpifje”.

“Pra, gjithë argumentet që janë trajtuar me keqdashje nuk qëndrojnë, ne sot kemi një ligj kundër shpifjes, kemi një kuadër ligjor fillestar kundër shpifjes për të garantuar që puna juaj e nderuar e përditshme për të trajtuar lajmin e vërtetë të mos baltoset nga puna e ndonjë kolegu tuaj i cili abuzon me të vërtetën. Ka plot media ndër ju të cilat ruajnë korrektësi por ka edhe ndonjë media kryesisht të operatorit të ofrimit të shërbimit përmes internetit të cilët abuzojnë me të vërtetën duke e zëvendësuar atë më shpifjen. Shpifja duhet luftuar, BE, vendet anëtare të BE kanë marrë një sërë masazh për të luftuar atë që quhet dezinformim”, deklaroi Balla.