Vodhën banesa, markete e bizhuteri, në pranga 3 “skifterët” e Tiranës

Tre persona janë arrestuar pasi bënin kërdinë me vjedhjet në Tiranë. Vjedhjet e ndodhura në raste të ndryshme, kanë bërë që policia e komisariat nr. 2 të nis hetimet për zbardhjen e tyre. Gjatë operacionit të koduar “Përsëritësit”, policia vuri në pranga 3 persona, dy prej të cilëve me precedent të mëparshëm kriminal.

Arrestohen shtetasit me iniciale P. K., 37 vjeç, lindur në Vlorë dhe banues në Tiranë, i dënuar më parë me 18 muaj burg për veprën penale “Vjedhja”. E. R., 34 vjeç, lindur dhe banues në Sauk, Tiranë, i dënuar më parë për falsifikim dokumentesh. R. M., 25 vjeç, lindur dhe banues në Sauk, Tiranë.

Shtetasi P.K., në rrugën “Myslym Shyri”, i ka vjedhur një shtetase, nga çanta, celularin iPhone XS Max. Në cilësinë e provës materiale u sekuestrua celulari i vjedhur nga 37-vjeçari. Po ky shtetas dyshohet edhe për vjedhje të tjera, të kryera në këtë formë dhe vijon puna për dokumentimin e tyre.

Ndërsa shtetasit E.R dhe R.M në bashkëpunim me njëri-tjetrin, duke përdorur çelësin e banesës së shtetases L.A, kanë vjedhur në kohë të ndryshme, gjatë muajit korrik dhe gusht të këtij viti lekë, euro, bizhuteri, celularë, një kartë bankomati në emër të shtetases L. A., me anë të së cilës kanë kryer tërheqje lekësh në bankomat nga llogaria e kësaj shtetaseje.

Shtetasit E.R. dhe R.M. dyshohet se kanë kryer vjedhje të një marketi, një varëse floriri, të cilën ja kanë marrë nga qafa një shtetaseje dhe vjedhje banesash, për të cilat vijon puna për dokumentimin e tyre.

Materialet e para procedurale do t’i kalohen Prokurorisë së Rrethit Gjyqësor Tiranë, për veprime të mëtejshme hetimore, për veprën penale “Vjedhja”, në ngarkim të shtetasit P.K dhe për veprën penale “Vjedhja” e kryer në bashkëpunim për shtetasit E.R dhe R.M.

TiranëFinalizohet operacioni “Përsëritësit”, për goditjen e veprimtarisë kriminale në fushën e vjedhjes së pronës. Operacioni nga Komisariati i Policisë Nr. 2. Vihen në pranga tre shtetas.I vjedh celularin në rrugë nga çanta një shtetaseje, identifikohet dhe arrestohet autori. Në pranga 37-vjeçari, i dënuar më parë me 18 muaj burg për vjedhje. Në pranga edhe dy shtetas të tjerë, të cilët dyshohet se kanë kryer disa vjedhje banesash e marketesh. Shërbimet e Komisariatit të Policisë Nr. 2, në vijim të punës për parandalimin e vjedhjeve, zbardhjen e atyre të ndodhura më parë, kapjen dhe vënë para përgjegjësisë ligjore të autorëve, kanë organizuar dhe finalizuar operacionin e koduar “Përsëritësit”, si rezulat i të cilit u kapën dhe u ndaluan shtetasit: P. K., 37 vjeç, lindur në Vlorë dhe banues në Tiranë, i dënuar më parë me 18 muaj burg për vepren penale “Vjedhja”. E. R., 34 vjeç, lindur dhe banues në Sauk, Tiranë, i dënuar më parë për falsifikim dokumentesh. R. M., 25 vjeç, lindur dhe banues në Sauk, Tiranë.Shtetasi P.K., në rrugën "Myslym Shyri", i ka vjedhur një shtetasje, nga çanta e krahut, celularin iPhone XS Max. Në cilësinë e provës materiale u sekestrua celulari i vjedhur nga 37-vjeçari. Po ky shtetas dyshohet edhe për vjedhje të tjera, të kryera në këtë formë dhe vijon puna për dokumentimin e tyre.Ndërsa shtetasit E.R dhe R.M në bashkëpunim me njëri-tjetrin, duke përdorur çelësin e banesës së shtetases L.A, kanë vjedhur në kohë të ndryshme, gjatë muajit korrik dhe gusht të këtij viti lekë, euro, bizhuteri, celularë, një kartë bankomati në emër të shtetases L. A., me anë të së cilës kanë kryer tërheqje lekësh në bankomat nga llogaria e kësaj shtetaseje.Shtetasit E.R. dhe R.M. dyshohet se kanë kryer vjedhje të një marketi, një varëse floriri, të cilën ja kanë marrë nga qafa një shtetaseje dhe vjedhje banesash, për të cilat vijon puna për dokumentimin e tyre.Materialet e para procedurale do t’i kalohen Prokurorisë së Rrethit Gjyqësor Tiranë, për veprime të mëtejshme hetimore, për veprën penale “Vjedhja”, në ngarkim të shtetasit P.K dhe për veprën penale “Vjedhja” e kryer në bashkëpunim për shtetasit E.R dhe R.M.
Gepostet von Policia e Shtetit am Samstag, 31. August 2019

Përdhunoi dhe rrëmbeu në Itali, i riu arrestohet në Tiranë

Një person është arrestuar nga policia e Tiranës, pasi ishte shpallur në kërkim ndërkombëtar nga drejtësia italiane. Në pranga ka rënë 30-vjeçari Erind Bicerri, banues në Tiranë, ndaj të cilit rëndojnë akuzat e përdhunimit dhe rrëmbimit ndaj një personi në Itali.

Gjykata e Apelit në Milano e ka dënuar 30-vjeçarin me 7 vjet burg për kryerjen e veprave penale “Marrëdhënie seksuale me dhunë”, “Rrëmbim” dhe vepra të tjera.

Arrestimi i tij u bë nga policia e Tiranës me qëllim ekstradimin drejt Italisë.

Detajet, breshëri plumbash në drejtim të ish policit, mik i Ervis Martinajt

Detaje të reja janë zbardhur në lidhje me ngjarjen e rëndë të vrasjes së një ish polici, mbrëmjen e të martës në zonën e Xhamllikut në Tiranë.

Viktima Santiago Malko, 26 vjeç, ishte duke udhëtuar me automjetin e tij tip “BMW X5” gjatë sulmit. Autorët e kanë mbajtur nën vëzhgim viktimën dhe i kanë zënë pritë sapo Malko ka dalë nga një pikë lavazhi pranë zonës së ‘Xhamllikut’. Autorët kanë vepruar me dy makina, pasi e kanë ndjekur një makinë tjetër i ka prerë rrugën ndërsa nga fugoni me ngjyrë të bardhë i ka hapur zjarr tek ish-fabrika e Porcelanit, breshëri plumbash që kanë vazhduar për disa metra, duke i kushtuar jetën 26-vjeçarit. Pas të shtënave makina e Malkos është përplasur me një shtyllë dhe më pas ka përfunduar në ambientet e një biznesi. Zona ka qenë e pa ndriçuar mirë gjë që ka ndihmuar autorët e krimit, të cilët të fshehur pas kapuçave të zinj, janë larguar me shpejtësi.

Sipas dëshmitarëve, autorët janë larguar me dy automjete me fugonin tip “Vosklwagen”, me të cilin u hap zjarr ndaj ish-policit dhe një mjet tjetër ngjyrë gri. Rruga ishte e mbushur me plumba për shkak të gjuajtjeve me breshëri në drejtim të 26-vjeçarit Santiago Malko. Ngjarja e tmerrshme është parë nga shumë qytetarë, të cilët kanë njoftuar policinë dhe ambulancën, por qëkur kanë mbërritur në vendngjarje e kanë gjetur Malkon pa shenja jete. Ndërkohë policia është duke punuar edhe me kamerat e sigurisë të cilat kanë pikasur një automjet tip ‘Benz C Class’ që është larguar me shpejtësi për nga zona e Freskut që dyshohet se mund të jetë i përfshirë në këtë ngjarje.

Autorët dyshohet se janë larguar në drejtim të fshatit Ferraj në periferi të Tiranës, ku u gjet i djegur automjeti me të cilin hapën zjarr. Ish-polici, që dikur ka shërbyer në radhët e policisë së Shtetit dhe më pas është përjashtuar, njihet si kontingjent kriminal dhe i përfshirë në disa ngjarje me armë në Tiranë.

Ai është mik i ngushtë me Ervis Martinaj, biznesmenin e lojërave të fatit, si dhe ishte i përfshirë së bashku me të ngjarjes në ish blloku, ku mbeti i varrë një person. Në atë periudhë, Santiago Malko, u shpall në kërkim policor por pas qetësimit të situatës, Malko është vetëdorëzuar në polici ku dhe ka shpjeguar pozicionin e tij në këtë ngjarje.

Grupi hetimor ka ngritur pistat e para të hetimit dhe ka shpallur deri më tani si të dyshuar personin D. A., i cili rezulton me precedentë penalë në fushën e narkotikëve dhe armëmbajtjes pa leje. Aktualisht ka shoqëruar në polici 20 persona, ndërsa mendohet se atentati ka ndodhur për motive hakmarrje.

26-vjeçari ishte i martuar, madje edhe bashkëshortja, Dea Ricku, ka qenë pjesë e Policisë së Shtetit. Ajo ka punuar për pak kohë si police e rendit në Komisariatin e Kamzës dhe më pas, në janar të vitit 2016, është bërë pjesë e “Shqiponja-ve”, duke qëndruar për një vit. Në 2017, Dea Ricku ka vendosur të shkëputet nga policia me dëshirën e saj.

Atentati në Tiranë, viktima ish-punonjës policie, i përfshirë në ngjarje kriminale

Një orë pas ngjarjes së rëndë, ku mbeti i vdekur një person, Policia e Shtetit ka dhënë informacion zyrtar për ngjarjen. Viktima e këtij atentati është 26-vjeçari Santiago Malko, ish efektiv i patrullës së policisë.

Sipas policisë, mësohet se autorët e ngjarjes dyshohet se janë larguar në drejtim të fshatit Ferraj, aty ku kanë djegur mjetin e tyre “Mercedes Benz”.

Shërbime të shumta policore kanë ngritur disa pika kontrolli në kryeqytet dhe janë vënë në ndjekje të autorëve. Ndërkohë ekspertët e kriminalistikës po mbledhin prova në vendgjarje që do të ndihmojnë hetimin.

Policia ka nisur shoqërimin e disa personave që mund të kenë dijeni pë rrethanat e krimit. Gjatë kohës së atentatit mësohet se 26-vjeçari ka qenë duke udhëtuar me mjetin e tij tip BMW X5, ndërkohë që autorët e kanë qëlluar në kokë.

Ndërkohë, 26-vjeçari, Santiago Malko, ka pasur tre vite më parë një konflikt me dy shtetas të tjerë, pasi personat kanë pasur disa pika bastesh në zonën ku ka ndodhur ngjarja.

E morën peng dhe i kërkuan 10 mijë euro familjarëve, pranga 5 pengmarrësve

5 persona janë arrestuar pasi kanë marrë peng prej disa ditësh një 31-vjeçar. Policia e Tiranës pas marrjes së informacioneve se në një fshat të Korinthos, Greqi, disa shtetas shqiptarë për motive të dobëta kishin marrë peng një shtetas nga Tirana dhe i kërkonin 10.000 euro për ta lënë të lirë ka kërkuar ndihmën e policisë greke. Policia e Tiranës në bashkëpunim me atë greke kanë finalizuar me sukses operacionin e koduar “Korinthi”, kanë bërë të mundur lirimin e pengut, shtetasit me iniciale J.T, 31 vjeç, banues në Tiranës dhe kanë vënë në pranga 5 persona, një i arrestuar në Tiranë dhe 4 në Greqi.

Po si ndodhi ngjarja?

Pas një hetimi disaditor, Policia e Tiranës, falë informacionit të grumbulluar për vendndodhjen e saktë të autorëve dhe vendit ku mbahej peng shtetasi J.T., i ka dhënë Policisë greke informacion të saktë në kohë reale mbi vendndodhjen e personit të marrë peng dhe pengmarrësve. Policia greke mbi bazën e informacioneve të marra nga Policia e Shtetit bëri të mundur arrestimin në flagrancë të shtetasve Xh.N., 49 vjeç, H.M., 35 vjeçe, B.M., 41 vjeç, M.M., 19 vjeç, të gjithë banues në Tiranë.

Gjithashtu policia e Tiranës arrestoi shtetasin L. P., 24 vjeç, banues në Tiranë, si bashkëpunëtor i pengmarrësve. Ka qenë pikërisht L.P i cili është paraqitur tek vëllai i pengut dhe i ka kërkuar shumën prej 10 mijë eurove në mënyrë që të linin të lirë pengun J.T. në të kundërt ata kishin kërcënuar se do ta vrisnin. Shtetasi J. T. është marrë peng në stacionin e autobuzist në Lutraki, Korinthia nga shtetasi Xh. N. 49 vjeç. Pas dhunimit ato i kanë kërkuar prej 10 mijë euro për ta lënë të lirë ose do ta vrisnin.

Materialet do i kalohen për ndjekje të mëtejshme Prokurorisë pranë Gjykatës së Shkallës Parë për Krime të Rënda, për veprat penale “Shtrëngimi me anë të kanosjes ose dhunës për dhënien e pasurisë” dhe “Heqja e paligjshme e lirisë“ e kryer në bashkëpunim.

Policia e ShtetitOperacion policor ndërkombëtar mes Policisë së Tiranës, Prokurorisë së Krimeve të Rënda, Departamentit të Policisë Kriminale në P.SH dhe Policisë greke, me ndërmjetësimin e Interpol TiranaFinalizohet operacioni policor i koduar ”Korinthos", iniciuar nga Drejtoria Vendore e Policisë Tiranë.Arrestohen 5 shtetas të dyshuar si autorë të pengmarrjes së një shtetasi, nga këta 1 i arrestuar në Shqipëri dhe 4 në Greqi.Falë inicimit nga Policia e Tiranës, dhënies së informacionit në kohë reale Policisë greke me adresën e saktë të vendndodhjes së pengmarrësve dhe mbajtjes së pengut, Policia greke bëri të mundur lirimin e pengut dhe arrestimin e katër shtetasve.Specialistët e Sektorit për Hetimin e Krimeve të Rënda ndaj Jetës dhe Pronës në Drejtorinë Vendore të Policisë Tiranë morën informacion se në një fshat të Korinthos, Greqi, disa shtetas shqiptarë për motive të dobëta kishin marrë peng një shtetas nga Tirana dhe i kërkonin 10.000 euro për ta lënë të lirë.Pas një hetimi disaditor duke përdorur metodat speciale të hetimit, Sektori i Krimeve të Rënda ndaj Jetës dhe Pronës në Drejtorinë Vendore të Policisë Tiranë, në bashkëpunim me Prokurorinë pranë Gjykatës së Shkallës së Parë për Krime të Rënda Tiranë dhe Policinë greke, me ndërmjetësimin e Interpol Tirana, finalizoi me sukses operacionin policor ndërkombëtar “Korinthos”.Policia e Tiranës, falë informacionit të grumbulluar për vendndodhjen e saktë të autorëve dhe vendit ku mbahej peng shtetasi J.T., i ka dhënë nëpërmjet Interpol Tirana, Policisë greke informacion të saktë në kohë reale mbi vendndodhjen (adresën e banimit) të personit të marrë peng dhe pengmarrësve.Policia greke mbi bazën e informacioneve të marra nga Policia e Shtetit bëri të mundur arrestimin në flagrancë të shtetasve: Xh.N., 49 vjeç, banues në Tiranë.H.M., 35 vjeçe, banuese në Tiranë.B.M., 41 vjeç, banues në Tiranë.M.M., 19 vjeç, banues në Tiranë. Gjithashtu, si rezultat i ndërhyrjes në kohë është bërë i mundur lirimi i pengut, shtetasi J. T., banues në Tiranë.Po në vijim të operacionit Policia e Tiranës bëri kapjen dhe arrestimin në flagrancë të shtetasit: L. P., 24 vjeç, banues në Tiranë, (bashkëpunëtor)Policia e Tiranës në bashkëpunim me Prokurorinë e Krimeve të Rënda Tiranë vazhdon punën intensive për dokumentimin e plotë ligjor të kësaj ngjarjeje.Materialet do i kalohen për ndjekje të mëtejshme Prokurorisë pranë Gjykatës së Shkallës Parë për Krime të Rënda, për veprat penale “Shtrëngimi me anë të kanosjes ose dhunës për dhënien e pasurisë" dhe "Heqja e paligjshme e lirisë“ e kryer në bashkëpunim.
Gepostet von Policia e Shtetit am Montag, 26. August 2019

Plumb kokës për kondicionerin, KSHH: Të hetohen gjyqtarët që lanë të lirë vrasësit

Pas ngjarjes së rëndë ku u qëllua për vdekje me një plumb në kokë i riu Indrit Celaj ka reaguar Komiteti Shqiptar i Helsinkit, i cili kërkon hetimin e plotë të gjyqtarëve dhe prokurorëve që kanë lënë të lirë dy vëllezërit vrasës të cilët janë të njohur për të kaluarën e tyre kriminale.

KSHH kritikon ashpër drejtësinë shqiptare, e cila ka lënë të lirë autorët e krimit, dy vëllezërit Albano dhe Griseldo Kusi, të dy me të shkuar kriminale.

“KShH i sugjeron organeve të rendit që në përputhje me detyrat e parashikuara në ligjin për policinë e shtetit, të ndërmarrin të gjitha masat e nevojshme për zbulimin dhe kapjen e autorëve kryesorë të dyshuar të këtij krimi të rëndë. Ngjarja ku mbeti i vrarë shtetasi I.Ç ka ndodhur në një nga zonat afër qendrës së Tiranës, shumë afër institucioneve të policisë së shtetit.

KShH i sugjeron organeve përkatëse të procedimit penal të hetojnë në mënyrë të plotë, të gjithanshme dhe objektive çështjen në fjalë si dhe çështje të tjera ku dyshohet se janë implikuar autorët e krimit.

KShH, në kushtet kur Inspektorati i Lartë i Drejtësisë nuk është ngritur ende, i sugjeron Këshillit të Lartë Gjyqësor dhe atij të Prokurorisë që të kenë në vëmendje të veçantë të veprimtarisë, shkeljet e mundshme që mund të jenë kryer nga gjyqtarë dhe/ose prokurorë të ngarkuar me hetimin dhe gjykimin e veprave penale për të cilat janë akuzuar në të kaluarën autorët e dyshuar të këtij krimi. Ndërkohë që sipas ligjit nr.115/2016, Inspektori i Lartë i Drejtësisë është autoriteti shtetëror përgjegjës për verifikimin e ankesave, hetimin e shkeljeve disiplinore dhe për fillimin e procedurës disiplinore ndaj gjyqtarëve dhe prokurorëve të të gjitha niveleve”, shkruhet në deklaratën e Komitetit Shqiptarë të Helsinkit.

Griseldo Kusi dhe Albano Kusi janë dy autorët e vrasjes së 26 vjeçarit Indrit Çelaj dhe janë shpallur në kërkim nga policia.

Që të dy kanë qenë më parë të dënuar për vepra të rënda kriminale, për vrasje dhe plagosje.

Albano Kusi është përballur në gjykatë në vitin 2011 me akuzën e vrasjes me dashje të Shkëlqim Nozllit të ndodhur në tetor të vitit 2010. Sipas vendimit të Gjykatës që la në arrest me burg Albano Kusin, motivi i ngjarjes ishte një borxh prej 650 eurosh që i kishte viktima.

Ndërsa vëllai tjetër, Griseldo Kusi në vitin 2011 është arrestuar nga policia pasi ka tentuar të vrasë Maksut Hysën. Ngjarja ndodhi në fshatin Mnik të Tiranës, ku Griseldo Kusi ka tentuar të vrasë Maksut Hysin.

Ndërsa në janar të vitit 2012, Kusi u perfshi ne nje tjeter ngjarje kriminale ku qëlloi në atentat 26 vjeçarin Boiken Spahiu i cili u qëllua teksa parkonte makinën, dhe një nga plumbat ka depërtuar në makinë e ka goditur duke e plagosur rëndë.

Ngjarja u klasifikua “vrasje e mbetur në tentativë” , dhe policia vuri në pranga Griseldo Kusin.

Por pavarësisht këtyre veprave të rënda penale që të vëllezërit Kusi endeshin të lirë në Tiranë.

VRANË 26-VJEÇARIN, VËLLEZËRIT KUSI TË DËNUAR MË PARË, PËR VRASJE DHE PLAGOSJE

VDES 26 VJEÇARI, E VRANË DJEMTË E VILËS KU PO PUNONTE. NË PRANGA 4 TË TJERË

DËSHMOI PËR VRASJEN E INDRIT ÇELAJT, GJYKATA LË NË BURG LORENC VELIAJN PËR 3 VEPRA PENALE

Aksidentohet për vdekje 55-vjeçari në Tiranë, ndalohet drejtuesi i mjetit

Një aksident i rëndë me pasojë vdekjen e një 55-vjeçari ka ndodhur mbrëmjen e së premtes në rrugën “Teodor Keko” në Tiranë.

Aksidenti ka ndodhur rreth orës 21:15, kur një mjet me drejtues shtetasin E.S., 32 vjeç, ka goditur për vdekje një këmbësor, që mësohet të jetë rreth 55-vjeç, sipas informacioneve paraprake të policisë.

Viktima ka qenë duke ecur në rrugë, kur është goditur nga mjeti. Plagët e marra nga aksidenti, ka bërë që 55-vjeçari të ndërrojë jetë në vendin e ngjarjes.

Policia ka mbrritur në vendin e ngjarjes menjëherë sapo është njoftuar për aksidentin, duke shoqëruar në komisariat drejtuesin e mjetit, 32-vjeçarin me inicialet E.S. Ndërkohë, grupi hetimor ka nisur punën për sqarimin e rrethanave të aksidentit dhe identifikimin e viktimës.

U kap me armë në një lokal në Tiranë, i zbulohen vepra të tjera penale

Policia e Tiranës ka arrestuar një 23-vjeçar, i cili qarkullonte me armë zjarri me vete. Arrestimi i tij u bë pas denoncimit të qytetarëve se ky shtetas lëvizte me armë. Menjëherë në lëvizje u vunë forcat blu, të cilët bënë të mundur arrestimin e 23-vjeçarit me iniciale A.Gj.

23-vjeçari është një emër i njohur për policisë pasi më herët ka qenë i dënuar për vjedhje me dhunë dhe prej më shumë se një vit kërkohej për tentativë vrasje. Arrestimi i tij u bë gjatë operacionit të koduar “Aleati”, ku autori ndodhej në një lokal në rrugën “Teodor Keko”, ku pas kontrollit të tij policia i gjeti në çantë armën e zjarrit dhe 5 fishekë.

Që prej 2018, ai ishte i shpallur në kërkim nga drejtësia për tentativë vrasje me dashje, ngjarje e ndodhur në bulevardin “Bajram Curri”. Pas një konfikti të çastit, në bashkëpunim me një shtetas tjetër ka qëlluar me armë zjarri shtetasin A. B., i cili ka mbetur i plagosur.

Materialet procedurale do t’i kalojnë Prokurorisë së Rrethit Gjyqësor Tiranë për veprime të mëtejshme.

Vranë 26-vjeçarin, vëllezërit Kusi të dënuar më parë, për vrasje dhe plagosje

Griseldo Kusi dhe Albano Kusi dy autorët e vrasjes së 26 vjeçarit Indrit Çelaj te “Myslim Shyri” janë emra të njohur për policinë për shkak të kaluarës së tyre kriminale.

Albano Kusi është përballur në gjykatë në vitin 2011 me akuzën e vrasjes me dashje të Shkëlqim Nozllit të ndodhur në tetor të vitit 2010.

Pas hetimeve rezultoi se zanafilla ishte një borxh i papaguar i viktimës ndaj Kusit. Për këtë ngjarje u arrestuan policët I. Ademi dhe J. Nuhu për moskallëzim krimi ndërsa Albano Kusi si autor i vrasjes. Sipas vendimit të Gjykatës që la në arrest me burg Albano Kusin, motivi i ngjarjes ishte një borxh prej 650 eurosh që i kishte viktima.

Ndërsa në janar të vitit 2012, Kusi u perfshi ne nje tjeter ngjarje kriminale ku qëlloi në atentat një 26 vjeçar. Aso kohë shtetasi Boiken Spahiu u qëllua teksa parkonte makinën, katër herë me armë zjarri dhe një nga plumbat që ka depërtuar në makinë e ka goditur duke e plagosur rëndë.

Ngjarja u klasifikua “vrasje e mbetur në tentativë” , dhe policia vuri në pranga Griseldo Kusin. Sipas burimeve nga policia mësohet se mes të plagosurit dhe të dyshuarit për ngjarjen ka pasur një konflikt për çështje lëndësh narkotike në Angli.

VDES 26 VJEÇARI, E VRANË DJEMTË E VILËS KU PO PUNONTE. NË PRANGA 4 TË TJERË

Tiranë, po rregullonte internetin, bie në kontakt me rrymën elektrike

Një person ka rënë në kontakt me rrymën elektrike gjatë kohës që ishte duke punuar për të rregulluar linjën e internetit. Shtetasi me iniciale V.N., 30 vjeç, ishte duke riparuar rrjetin e internetit, kur ka rënë në kontakt me rrymën, kjo ka bërë që ai të bie nga shtylla e tensionit nga një lartësi e konsiderueshme.

Ngjarja e rëndë ka ndodhur në rrugën “Demokracia”, ndërsa 30-vjeçari ndodhet në spital në gjendje kritike për jetën.

Policia ka nisur hetimet për zbardhjen e plotë të ngjarjes së rëndë.