“Pse më shihni shtrembër”, si nisi sherri masiv në Durrës, ku një person u vra e dy u plagosën

“Pse më shihni shtrembër”, këto fjalë u bënë shkak i sherrit të ndodhur mbrëmjen e djeshme në Durrës, ku mbeti i vrarë mbeti 39-vjeçari Armando Baboçi dhe u plagos djali i tij si dhe një nga agresorët.

Ngjarja u regjistrua në lagjen 13 në qytetin bregdetar. Mësohet se shkak i sherrit të dhunshëm mes babë e bir dhe fisit Tatozi nisi pasi një prej tyre iu drejtua se; “Pse më shihni shtrembër”.

Kaq mjaftoi që mes Armando Baboçit, i cili shoqërohej nga djali, Erald Gjini, dhe Klodjan Dacit, Henri Tatasi (I plagosur) si dhe Sergio Tatasi të niste një përplasje fizike, ku u përdorën dhe karrige e shkopinj bejsbolli dhe me pas u perdor arma e zjarrit. Ndërkohë, dy të tjerë, Endri Cimo (Bregu) dhe Argit Kastrioti janë arrestuar për ‘Moskallëzim krimi”, ndersa dyshohet se me arme zjarri ka qelluar Klodjan Daci./realstory.al

Detaje tronditëse, Drita Saliaj u përdhunua para se të mbytej në rezervuar

51-vjeçarja Drita Saliaj është përdhunuar përpara se të mbytej në rezervuarin e fshatit Gjerbës në Mallakastër. Sipas dëshmisë së një prej të arrestuarve Sindi Shehaj, 16 vjeç, ai së bashku me 26-vjeçarin Ervis Zotaj dhe nipin e burrit të viktimës Luis Saliaj, kanë shkuar në banesën e saj për të blerë hashash, por që kanë debatuar për çmimin. Pas debatit Sindi Shehaj tha se 26-vjeçari ka përdhunuar 51-vjeçaren dhe më pas e kanë lidhur duke e futur në makinë dhe mbytur në rezervuar.

Sipas dosjes së prokurorisë zbardhur nga News 24, “nga shpjegimet e personit nën hetim Sindi Shehaj, i pyetur në prani të psikologes rezulton se, i njeh personat nën hetim Ervis Zotaj e Luis Saliaj, e se ata i ka shokë”.

“Në datën 04.01.2020, rreth orës 22:30, e ka telefonuar Luis Saliaj, e i ka thënë që të shkonte në Gjerbës ta takonte pasi ashtu e kishte punën. Në këto rrethana është nisur me makinën e tij e ka shkuar tek Luisi, ku janë takuar në afërsi te banesës së këtij të fundit.

Në bisedë e sipër i ka thënë të linte aty makinën e tij e të merrte atë të Ervis Zotaj, pasi do të shkonin të merrnin hashash tek shtëpia e Drita Saliaj. Pas kësaj kane shkuar tek banesa e kësaj të fundit, ku sipas tij, Luisi i ka thënë që të mos hynte brenda pasi kishte pak punë.

Ka pritur jashtë ndërkohë që Ervin Zotaj e Luis Saliaj, kanë qenë brenda duke pirë kafe me shtetasen Drita Saliaj. Pas rreth 20 minutash e ka thirrur Luisi, e është futur brenda, ku Drita i ka dhënë një gotë raki.

Gjatë kohës që po pinte gotën e rakisë Luisi, është ngritur me pretendimin se do shkonte në tualet por në të vërtetë është futur në dhomën tjetër, e ka dalë prej andej me një pako hashash.

Këtë të fundit e ka lënë tek pragu i derës e është futur përsëri në kuzhinë. Pas kësaj Luisi ka kërkuar që hashashin ta blinte me 50 euro, ndërsa Drita thoshte me 200 euro. Ndërkohë Luisi i ka thënë që të dilte jashtë e ta priste tek makina.

Kur ka dalë jashtë ka dëgjuar të bërtiturat e Dritës. Është afruar tek dritarja dhe ka parë që Ervisi i ka hequr me dhunë pantallonat Dritës e pas kësaj ka kryer marrëdhënie seksuale me të.

Ndërkohë që Ervisi kryente marrëdhënie seksuale, Luisi ka dalë jashtë ku ka gjetur dy litarë me të cilët e kanë lidhur Dritën. Pas kësaj Ervisi dhe Luisi i kanë futur në gojë një shall dhe e kanë nxjerrë jashtë duke e mbajtur në krahë dhe e kanë çuar tek makina e Ervisit.

Makinën e ka drejtuar ai, e Ervisi ka qëndruar me Dritën në sediljen e pasme, ndërsa Luisi në sedijen e pare të pasagjerit. Pasi janë nisur Luisi i ka thënë të ecte shpejtë në drejtim te rezervuarit.

Rreth orës 03:00, të datës 05.01.2020, kanë mbërritur tek rezervuari, ku Luisi dhe Ervisi e kanë zbritur nga makina dhe e kanë hedhur menjëherë në ujë. Pas kësaj janë kthyer në Gjerbës ku ka marrë makinën e tij dhe është larguar për në banesën e vet, ndërsa Ervisi e Luisi kanë shkuar përsëri tek banesa e Drita Saliaj.

Në momentin e ndarjes ata e kanë porositur që të mos tregonte për gjithçka ndodhi. Në banesë ka mbërritur rreth orës 04:30, datë 05.01.2020, e atë ditë nuk ka dale nga shtëpia.

Në datën 06.01.2020, ka çuar vëllezërit në shkollë e është kthyer përsëri në banesë, rreth orës 12:30. Në date 07.01.2020, rreth orës 02:00, tek banesa e tij ka shkuar policia, e cila e ka shoqëruar për në Komisariat”, thuhet në dëshminë e një prej të akuzuarve në dosjen e Prokurorisë.

Drita Saliaj u vra më 5 janar, por u gjet dy ditë më pas në rezervuarin e fshatit, pas denoncimit që bënë familjarët për zhdukjen e papritur. Ajo jetonte e vetëm, pasi burrin e kishte emigrant në Greqi.

E vrau nipi i burrit, flasin familjarët e viktimës: O të zhduken si fis, ose vetëgjyqësi

Vrasja e Drita Saliajit në Mallakastër nga nipi i burrit të saj ka sjellë reagimin e ashpër të familjarëve, të cilët kërkojnë largimin e familjes së autorit ose do të bëjnë vetëgjyqësi. Kunata e viktimës, Mjaftoni Saliaji thotë për mediat se familjet kishin konflikte të vazhdueshme dhe kërkon që familja e nipit të burrit të Drita Saliajit të largohet nga fshati Gjerbës ose situata do të përkeqësohet.

“ Kërkojmë drejtësi nga shteti. Kemi djem për të rritur edhe ne. Unë jetoj në Ballsh por vij se kam tokën. O vetëgjyqësi o të zhduket ky fis nga këtu. Nuk duam të shohim më se janë njerëzit më të këqij që ekzistojnë. Të ikin nga ky vend, ti çojnë në Afganistan. Nga kush pres të ruhem unë? Nga kunata, nga kunati? Ata kanë bërë atë që kanë bërë. Gruaja ka qenë e vetmuar se burri i ikte emigrant 1 muaj ose 2 muaj .

E bëri ai mund të bëhemi dhe ne kriminel. Shteti të marrë vendime. S’kam pse jetoj me frikë as bezdis njeri. As i hap derën dikujt, as i bie në qafë, as bezdis njeri. Kërkoj ndihmë. Jetoj me punën time, me djersën time. Prandaj ose do bëjmë vetëgjyqësi ose të zhduken fare. Unë tani kam frikë. E mora vesh ngjarjen nga Policia, Na njoftuan në 1:20 e natës. Në fillim na u raportua si zënkë. Unë jam prekur shumë si nënë. Kam 42 vite në këtë Fshat. Kam 30 vjet me gruan, me kunatën time. I gjetëm gjërat e lidhura këtu në shtëpi, edhe xhupin e kishte aty të hedhur. Po dridhem e gjitha sepse mua mu vra një person i familjes, padrejtësisht mbi një femër, mbi një nënë. Po të kishte bërë krim le ta kishin vrarë. Le ta kishin vrarë burrin se burrat burra janë dhe e kanë me njëri- tjetrin.”- tha kunata e viktimës.

50-vjeçarja u gjet e vdekur e lidhur me litar në rezervuarin e fshatit, ndërsa ishte zhdukur që më 5 janar. Nipi i burrit të saj kishte shkuar për të vjedhur banesën së bashku me dy shokë, por hasi në rezistencën e saj. Kjo bëri që ato ta rrëmbenin dhe më pas ta lidhnin me litar e ta hidhni në rezervuar ku humbi dhe jetën. Tre autorët kanë rënë në prangat e policisë.

16-vjeçari me dy shokë vret gruan e xhaxhait në Mallakastër

Nipi 16-vjeçar i viktimës ishte një nga autorët e ngjarjes horror të ndodhur në Mallakastër më 5 janar 2020. 3 të rinj kanë përfunduar në pranga, nën akuzën e rrëmbimit dhe vrasjes së 50-vjeçares Drita Saliaj.

Të rinjtë përkatësisht nipi i saj L. Saliaj, 16 vjeç, së bashku me dy shokët e tij S. Sh., 16 vjeç dhe E. Z., 26 vjeç, kanë hyrë në banesën e viktimës për ta grabitur me idenë se nuk kishte njeri në shtëpi. Por kur kanë hasur rezistencën e viktimës dhe janë identifikuar nga ajo, të rinjtë e kanë rrëmbyer, më pas e kanë lidhur me litar dhe e kanë hedhur në rezervuarin e fshatit.

Ngjarja është raportuar sot në mëngjes në polici nga familjarët e viktimës për humbjen e kontakteve me të prej dy ditësh. Policia nisi hetimet ku u gjet trupi i pajetë dhe u zbardh e gjithë dinamika e ngjarjes.

Sipas policisë nipi i 50-vjeçares, hyri për të grabitur shtëpinë e xhaxhait, i cili ishte emigrant, duke menduar se nusja e tij nuk do të ishte. Fatkeqësisht 50-vjeçarja i njohu dhe përfundoi viktimë e tyre. Trupi i saj është nxjerrë nga rezervuari nga polumbarët e RENEA, ndërsa u arrestuan edhe 3 të rinjtë.

Vrasja në Korçë, pranga 18-vjeçarit

Policia e Korçës arrestoi një 18-vjeçar me inicialet D.H., i dyshuar për vrasjen e shtetasit Flamur Doçi, ngjarje e ndodhur një ditë më parë. Me anë të një komunikate për mediat, 18-vjeçari dyshohet se është autori i vrasjes së 48-vjeçarit Falmur Doçi, i cili të enjten në orët e para të mëngjesit u gjet i vdekur në fshatin Mborje.

“Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale ‘Vrasja me dashje”, thuhet ndër të tjera në komunikatën e Policisë. I dyshuari ka qenë më parë i dënuar për veprën penale “Plagosja e rëndë me dashje”.

Ndërkohë, të enjten në 19 dhjetor, shtetasi Flamur Doçi u gjet pajetë në afërsi të një lokali që kishte në pronësi në fshatin Mborje. Ai kishte dalë për të shkuar në punë, por u gjet i vdekur, teksa në trup kishte një shenjë e cila dyshohet se i ishte bërë me mjet prehës.

Gjithashtu, autorët kishin tentuar edhe ta digjin shtetasin Flamur Doçi. Ai jetonte i vetëm pasi ishte i divorcuar, ndërsa policia vijon hetimet në disa pista për zbardhjen e plotë të ngjarjes. Autori dhe viktima ishin komshinj në fshatin Mborje. Ende nuk dihen arsyet dhe shkaqet që çuan në ekzekutimin e 48-vjeçarit.

Patos, viktima denoncoi tre ditë më parë autorin

Të tjera detaje kanë dalë nga vrasja e dyfishtë që ndodhi në qytetin e Patosit. Sipas Neës 24, viktima Manol Rapaj kishte bërë tre ditë më parë kallëzim penal ndaj autorit të vrasjes Martin Skëndaj, pasi Skëndaj dhe babai i tij e kishin pasur një debat me 22-vjeçarin. Ata pretendonin se Rapaj kishte ngacmuar motrën e Martin Skëndaj.

Sipas denoncimit të bërë në polici, Rapaj kishte thënë se në momentin kur ata kishin shkuar për t’u sqaruar, kishin pas me vete edhe mjete prerëse. Pas denoncimit, materialet i kishin kaluar Prokurorisë së Fierit për kanosje.

Ndërkohë, banorët e lagjes ku banonin viktima dhe autori, janë shprehur se i njihnin për çuna të urtë dhe se më parë nuk kishin dëgjuar për konflikte. “Nuk di asgjë për konflikt mes tyre, vetë si person nuk kam dëgjuar gjë. Shumë të mirë ishin të dy, edhe viktima, edhe ish-polici i burgut. Unë isha në punë, kur erdha në shtëpi e pashë në televizor”, është shprehur një banor në Patos.

Vritet lideri i ISIS, Abu Bakr al-Baghdadi?

Në mediat e huaja shkruhet se lideri i Shtetit Islamik, Abu Bakr al-Baghdadi mund të jetë vrarë gjatë një sulmi ajror amerikan. Një zyrtar i lartë amerikan tha për mediat se baza ku fshihej al-Baghdadi u bombardua gjatë natës, por nuk konfirmon nëse operacioni ishte i suksesshëm apo jo. Në lidhje me rastin është paralajmëruar dhe një konferencë për shtyp nga presidenti Trump për dhënien e një lajmi të rëndësishëm për opinionin publik. Vetë presidenti Trump bëri një twitter ku shkruante “Pikërisht në këtë moment ka ndodhur diçka e rëndësishme’, por pa dhënë detaje të tjera.

Revista amerikane “NewsWeek” ishte e para që dha lajmin për vrasjen e tij dhe detaje të operacionit të sulmit amerikan. Sipas burimeve të kësaj gazete, operacioni ushtarak i njësive speciale është zhvilluar në provincën Idlib, në veriperëndim të Sirisë. Kjo zonë konsiderohet si një prej rajoneve të fundit të kontrolluara nga islamistët. Pas një përleshje të shkurtër me armë, thuhet se Al-Bagdadi ka bërë vetëvrasje me një rrip të mjeteve shpërthyese. Vetëvrasja është bërë në praninë e anëtarëve të familjes, shkruan “NewsWeek”. Fëmijët nuk janë lënduar, por janë vrarë edhe dy gra të Al-Bagdadit.

Lideri i ISIS Abu Bakr al-Baghdadi është shpallur disa herë i vdekur gjatë operacioneve dhe sulmeve bombarduese ndaj ekstremistëve, por gjithmonë ka dalë gjallë dhe me video-mesazhe për hakmarrje. Në sulmin e fundit të SHBA në Idlib të Sirisë, pritet që zyrtarët të konfirmojnë ose jo vdekjen e tij.

Daily Mail ka publikuar pamjet e sulmeve ku mendohet se është vrarë edhe lideri i ISIS.

I riu vrau djalin e xhaxhait. Policia zbardh ngjarjen e Shkodrës

Policia e Shkodrës zbardh vrasjen e shtetasit Lazër Arra. Me anë të një komunikate zyrtare, Blutë e Shkodrës njoftuan se arrestuan shtetasin Marash Arra 26 vjeç, banues në fshatin Shtoj i Ri në Shkodër. I arrestuari është kushëriri i viktimës Lazër Arra.

Ky shtetas, sipas policisë, të hënën në 21 tetor dyshohet se vrau me armë zjarri kushëririn e tij 55 vjeç në fshatin Palaj, në njësinë administrative Shosh. Sipas policisë, motivet e krimit dyshohet se janë për shkak të konflikteve të mëparshme mes dy familjeve. Materialet iu referuan Prokurorisë së Rrethit Gjyqësor Shkodër, për veprat penale “Vrasja me paramendim” dhe “Armëmbajtja pa leje”.

Por si ndodhi ngjarja?

Të hënën rreth mesditës, salla e policisë në Shkodër u njoftua për një vrasje në zonën e Dukagjinit, në njësinë administrative Shosh. Pas hetimeve paraprake, u raportua se viktima ishte shtetasi Lazër Arraj, 55 vjeç, banues në Shkodër. Ky shtetas u gjet i vrarë nga të afërm të tij në mes të rrugës, u tha fillimisht.

Personat që gjetën trupin e pajetë ishin të afërm të tij, dy djemtë e xhaxhait. Një prej tyre ishte pikërisht shtetasi Marash Arra, i cili tashmë është vënë në prangat e policisë si autor i dyshuar për vrasjen. Ndërkohë, shtetasi Lazër Arra kishte shkuar të hënën në fshatin Palaj për të mbledhur prodhimet bujqësore, të cilat do t`i merrte me vete në banesën e tij në Shkodër.

Pranga “shpëtimtarëve”, Kishin kokainë

Bledar Toci, polici që vrau ish të dashurin e kushërirës Dritan Haxholli në Kavajë ka përfunduar në pranga së bashku me të vëllanë. Arsyeja: Iu gjetën doza kokaine në banesë.

Në vijim të zbardhjes së plotë të ngjarjes tragjike në Kavajë, ku mbeti i vrarë Dritan Haxholli dhe i plagosuri Bledar Toçi, policia bëri kontrolle edhe në banesën e të plagosurit, i cili mban detyrën e Shefit të Sigurisë së Brendshme pranë burgut të Durrësit. Policia gjeti dhe sekuestroi 7 doza kokainë në banesë, që i përkisnin vëllai të policit të plagosur, Bernard Toçi, 27 vjeç, qe ishin gati për shitje. Bernard Toçi ishte prej muajsh nën hetim nga autoritetet, pasi dyshohej si shpërndarës kokaine.

Në pranga ka përfunduar edhe vetë polici i plagosur, Bledar Toçi, 31 vjeç, pasi policia e akuzon për “vrasje me dashje”. Toçi gjatë një konflikti me Haxhollin u qëllua në pjesën e qafës me armë zjarri. Në këto kushte Bledar Toçi ka qëlluar me pistolete Haxhollin duke e lënë të vdekur.

Viktima e ngjarjes në Kavajë, Dritan Haxholli nuk është një emër i panjohur për policinë, pasi ndaj tij ka precedentë penal për krime kundër personit dhe trafikim të lëndëve narkotike.

“U FUT NGA DRITARJA PËR TA PËRDHUNUAR”, LUFTA ME 17 PLUMBA NË SY TË 3 FËMIJËVE

“NUK PRANOJ NDARJEN”, HAXHOLLI TENTOI TË VRASË GRUAN E MARTUAR ME FËMIJË

“MË KËRKONTE SEKS”, DËSHMIA E MARSIDËS NË POLICI

VRASJA NË KAVAJË, KUSH ËSHTË MARSIDA ME BURRIN EMIGRANT DHE ME 3 FËMIJË

KRIM “PASIONI” NË KAVAJË, POLICI VRET ISH TË DASHURIN E TË AFËRMES

Vrasja horror me çekiç, burg shqiptarit në Gjermani

E përplasi me makinë dhe më pas i mori jetën duke i gjuajtur me çekiç. Kjo ngjarje makabre ka ndodhur për shkak të gjakmarrjes mes dy shtetasve kosovarë në Gjermani.

Autori një 38-vjeçar kosovarë mori hakun e vrasjes së të atit, duke përplasur me makinë bashkëkombësin e tij 58-vjeçar dhe më pas e gjuajti me çekiç. 38-vjeçari përplasi me një makinë me targa gjermane shtetasin Deme Lulaj, 58 vjeç. Më pas doli nga makina dhe goditi Lulajn disa herë me çekiç. 58-vjeçari vdiq një ditë më vonë në spital.

Ngjarja ka ndodhur në 2017 në Wintersëijker të Gjermanisë për gjakmarrje. Si viktima dhe agresori u rritën në Kosovë. I dënuari, në moshën 12-vjeçare ishte dëshmitar i vrasjes së babait të tij nga i vëllai i Deme Lulaj me një copë druri në kokë.

Autori u dënua me 18 vite burg, ndërsa gjatë dhënies së vendimit gjykatësi tha se “Hakmarrja e gjakut është një fenomen i papranueshëm dhe i padëshirueshëm, për të cilin nuk ka vend në këtë shoqëri. Kjo është arsyeja pse vetëm dënimi me burgim të gjatë është i përshtatshëm”.

Gjykata tha se vrasja ka qenë e mirëmenduar, pasi makina e 38-vjeçarit ishte parë disa herë në rrugën ku banonte viktima përpara vrasjes. Autori postoi një foto në Facebook ditën e vrasjes, për ta pasur si alibi se ishte në Zvicër. Gjithashtu gjurmët e ADN-së së viktimës u gjetën në xhaketën e 38-vjeçarit, ndërsa makina që përdori për përplasjen, ishte e regjistruar në emër të autorit. Për gjykatën këto ishin prova të mjaftueshme bindëse për të dënuar 38-vjeçarin.