Një sharje i mori jetën 56-vjeçarit në Vlorë

Një sharje e 56-vjeçarit kundrejt njërit prej autorëve, i mori jetën Stavri Minos, pasditen e të dielës. Sipas dëshmisë së autorëve të arrestuar, më herë nga policia, ato nuk donin ta vrisnin dhe ngjarja ishte aksidentale në sherr e sipër.

Sipas dëshmisë së autorëve një sharje mes viktimës dhe njërit prej vëllezërve Hameti, u bë shkak i nisjes së sherrit mes tyre. Ky sherr ka rezultuar tragjik për 56-vjeçarin, i cili pas goditjes ra në tokë dhe goditi kokën në një gur.

“Ishte aksidentale, nuk donim ta vrisni. Pas goditjes pati gjakderdhje, Nëse ambulanca do kishte ardhur në kohë mund të kishte shpëtuar.” citohet në dëshminë e autorëve.

Në lidhje me ngjarjen janë arrestuar dy vëllezërit Astrit Hameti 48 vjeç dhe Agron Hameti 56 vjeç, si dhe i afërmi i tyre Nusret Hoda, 57 vjeç.

Gjatë sherrit fizik mes Stavri Mino, ra në tokë dhe nuk u ngrit më i gjallë. Goditja e kokës në gur ka qenë fatale për të duke humbur jetën në vendin e ngjarjes. Ngjarja tragjike ndodhi në lagjen “1 maji” në Vlorë, paditen e së dielës.

Masakrohet shqiptari, e hedhin në kanal dhe e mbulojnë me gjethe

Një 27 vjeçar shqiptar është gjetur i masakruar dhe i hedhur në mes të pyllit në qytetin e Dölauer Heide në Gjermani. Sipas hetuesve i riu është qëlluar me thikë dhe armë dhe më pas është hedhur në një gropë duke e mbuluara me gjethe. Trupi është gjetur para 3 ditësh, ndërsa nuk jepen ende detaje se prej sa kohësh ishte i vdekur.

Viktima u arrit të identifikohej përmes ADN-së, ndërsa policia vijon hetimet për zbulimin e autorit dhe arsyet e vrasjes së tij makabre.

Plumb kokës për kondicionerin, KSHH: Të hetohen gjyqtarët që lanë të lirë vrasësit

Pas ngjarjes së rëndë ku u qëllua për vdekje me një plumb në kokë i riu Indrit Celaj ka reaguar Komiteti Shqiptar i Helsinkit, i cili kërkon hetimin e plotë të gjyqtarëve dhe prokurorëve që kanë lënë të lirë dy vëllezërit vrasës të cilët janë të njohur për të kaluarën e tyre kriminale.

KSHH kritikon ashpër drejtësinë shqiptare, e cila ka lënë të lirë autorët e krimit, dy vëllezërit Albano dhe Griseldo Kusi, të dy me të shkuar kriminale.

“KShH i sugjeron organeve të rendit që në përputhje me detyrat e parashikuara në ligjin për policinë e shtetit, të ndërmarrin të gjitha masat e nevojshme për zbulimin dhe kapjen e autorëve kryesorë të dyshuar të këtij krimi të rëndë. Ngjarja ku mbeti i vrarë shtetasi I.Ç ka ndodhur në një nga zonat afër qendrës së Tiranës, shumë afër institucioneve të policisë së shtetit.

KShH i sugjeron organeve përkatëse të procedimit penal të hetojnë në mënyrë të plotë, të gjithanshme dhe objektive çështjen në fjalë si dhe çështje të tjera ku dyshohet se janë implikuar autorët e krimit.

KShH, në kushtet kur Inspektorati i Lartë i Drejtësisë nuk është ngritur ende, i sugjeron Këshillit të Lartë Gjyqësor dhe atij të Prokurorisë që të kenë në vëmendje të veçantë të veprimtarisë, shkeljet e mundshme që mund të jenë kryer nga gjyqtarë dhe/ose prokurorë të ngarkuar me hetimin dhe gjykimin e veprave penale për të cilat janë akuzuar në të kaluarën autorët e dyshuar të këtij krimi. Ndërkohë që sipas ligjit nr.115/2016, Inspektori i Lartë i Drejtësisë është autoriteti shtetëror përgjegjës për verifikimin e ankesave, hetimin e shkeljeve disiplinore dhe për fillimin e procedurës disiplinore ndaj gjyqtarëve dhe prokurorëve të të gjitha niveleve”, shkruhet në deklaratën e Komitetit Shqiptarë të Helsinkit.

Griseldo Kusi dhe Albano Kusi janë dy autorët e vrasjes së 26 vjeçarit Indrit Çelaj dhe janë shpallur në kërkim nga policia.

Që të dy kanë qenë më parë të dënuar për vepra të rënda kriminale, për vrasje dhe plagosje.

Albano Kusi është përballur në gjykatë në vitin 2011 me akuzën e vrasjes me dashje të Shkëlqim Nozllit të ndodhur në tetor të vitit 2010. Sipas vendimit të Gjykatës që la në arrest me burg Albano Kusin, motivi i ngjarjes ishte një borxh prej 650 eurosh që i kishte viktima.

Ndërsa vëllai tjetër, Griseldo Kusi në vitin 2011 është arrestuar nga policia pasi ka tentuar të vrasë Maksut Hysën. Ngjarja ndodhi në fshatin Mnik të Tiranës, ku Griseldo Kusi ka tentuar të vrasë Maksut Hysin.

Ndërsa në janar të vitit 2012, Kusi u perfshi ne nje tjeter ngjarje kriminale ku qëlloi në atentat 26 vjeçarin Boiken Spahiu i cili u qëllua teksa parkonte makinën, dhe një nga plumbat ka depërtuar në makinë e ka goditur duke e plagosur rëndë.

Ngjarja u klasifikua “vrasje e mbetur në tentativë” , dhe policia vuri në pranga Griseldo Kusin.

Por pavarësisht këtyre veprave të rënda penale që të vëllezërit Kusi endeshin të lirë në Tiranë.

VRANË 26-VJEÇARIN, VËLLEZËRIT KUSI TË DËNUAR MË PARË, PËR VRASJE DHE PLAGOSJE

VDES 26 VJEÇARI, E VRANË DJEMTË E VILËS KU PO PUNONTE. NË PRANGA 4 TË TJERË

DËSHMOI PËR VRASJEN E INDRIT ÇELAJT, GJYKATA LË NË BURG LORENC VELIAJN PËR 3 VEPRA PENALE

Shqiptari vritet me 5 plumba nga shoku i tij, autori largohet i qetë për në shtëpi

Një 21-vjeçar shqiptar nga Kosova është vrarë me 5 plumba nga shoku i tij. Ngjarja ndodhur pranë një “Fast Food-i” në Kassel të Gjermanisë, ndërsa policia ka arrestuar shokun e tij, 26 vjeç, si autor.

Policia arrestoi 26-vjeçarin pas dëshmive të shumta, por ai ende nuk e ka pranuar fajin. Pas vrasjes së shqiptarit me 5 plumba, autori është larguar nga vendi i ngjarjes dhe ka shkuar në shtëpi. 21-vjeçari ka ndërruar jetë menjëherë. Ngjarja ka ndodhur pas një sherri mes të rinjve për motive ende të panjohura.

Vrasja e adoleshentes, Ministri i Brendshëm rumun jep dorëheqjen

Vrasja e një 15-vjeçare ka detyruar ministrin e ri të Brendshëm të Rumanisë të jap dorëheqjen. I ndodhur në detyrë vetëm prej 6 ditësh, Nicolae Moga dha dorëheqjen pas presionit të madh publik pas vrasjes sё adoleshentes.

“Vendosa të jap dorëheqjen, pёr tё mbrojtur reputacionin e ministrisë. Reputacioni i ministrisë ёshtё tronditur rёndё prej veprimit tё dobёt tё policisë lidhur me vrasjen e 15-vjeçares.” – tha Moga

Një 15-vjeҁare u zhduk më 24 korrik teksa përpiqej përmes auto-stopeve tё mbёrrinte nё shtëpi. Rrugës atë e mori në shofer. Një ditë më pas, ajo i telefonoi urgjencës dhe policisё, pёr t’i komunikuar ku e kishin çuar. Vetёm pas 12 orёsh policia mbёrriti nё vendin ku ishte mbajtur vajza e re. Ndonёse nё raste tё tilla emergjencash nuk janё tё nevojshme urdhёrat pёr kontroll, hetuesit aplikuan pёr njё tё tillё dhe pritёn deri nё tё gdhirë, pёrpara se tё hynin nё shtёpi. Por kjo ishte një kohë e humbur dhe tepër vonë për 15-vjeçaren, e cila kishte vdekur.

Policia arrestoi një 65-vjeҁar, i cili pranoi se kishte vrarё adoleshenten dhe njё grua tjetёr. Ky rast u bё shkak pёr kritika masive ndaj autoriteteve, madje edhe presidenti Klaus Iohannis dhe kryeministrja Viorica Dancila akuzuan policinë pёr dështim të punës së tyre.

Blogerja gjendet therur dhe e futur në valixhe

Një blogere e njohur ruse për udhëtimet është gjetur e vdekur në apartamentin e saj në Moskë. Ekaterina Karaglanova, 24 vjeç, u gjet me fyt të prerë e futur në një valixhe. Familja e saj mori policinë pasi kishte humbur kontaktet prej disa ditësh dhe pas kontrollit të banesës ë saj, ajo u gjet e futur në një valixhe e vdekur.

Policia tha se ata po hetonin xhelozinë si një motiv të mundshëm, pasi kamerat e sigurisë kishin kapur ish të dashurin e saj duke vizituar banesën në ditët para zhdukjes së saj.

Policia tha që nuk kishte prova që të kishte ndodhur ndonjë sherr në apartament, dhe asnjë armë nuk u gjet në vendin e ngjarjes.

Ekaterina Karaglanov ishte një blogere e njohur udhëtimesh, i cila kishte 85,000 ndjekës në Instagram.

Shqiptarja gjendet e vdekur në makinë, dyshohet se u vra nga babai

Një 20-vjeçare shqiptare është gjetur e vrarë në makinë, pak metra larg shtëpisë. Ngjarja ka ndodhur në Australi dhe i dyshuari kryesor për vrasjen e saj është babai, Petrit Lekaj.

Viktima Sabrina Lekaj, studente të mjekësisë dhe pianiste, është gjetur e vdekur në makinën Mercedes-Benz, e vetme me babanë e saj, Petrit Lekaj.

Ai ishte i plagosur në stomak dhe policia australiane shprehet se është i dyshuari i vetëm për vrasjen e të bijës. Petrit Lekaj po merr mjekimin në spital ndërsa pritet që të merret në pyetje për të zbuluar më shumë rreth dinamikës së ngjarjes.

Policia nuk konfirmon vrasjen, mediat holandeze: Lato i mbytur në borxhe

Paraditen e të dielës lajmi kryesor në mediat shqiptare ishte “vrasja e Festim Latos”, një shtetas shqiptar që prej vitesh jeton në Hollandë. Festim Lato nuk ishte një emër tepër i panjohur në Shqipëri, pasi ai e kishte shpallur veten “President të Republikës së Çamërisë”. Megjithatë, vrasja e Latos në Hollandë ka mbetur evazive, derisa mediat holandeze kanë nisur të shkruajnë për çështjen. Së fundi, në mediat holandeze shkruhet se “trupi i pajetë i një burri, gjetur të shtunën përgjatë rrugës “Nieuwe Ubbergseweg” afër rajonit të Nijmegen, dyshohet të jetë i Festim Latos.

Megjithatë, mediat holandeze shkruajnë se policia vendase ende nuk e ka konfirmuar identitetin e viktimës. Lajmi për vrasjen e Festim Latos u dha fillimisht nga të afërm dhe miq të tij, të cilët shkruan në rrjetet sociale se “Festim Latos i është bërë atentat, pasi dy persona e kishin ftuar për të pirë kafe. Ai është vrarë te dera e shtëpisë”, shkruhej ndër të tjera në postimet në rrjetet sociale të miqve të Festim Latos.

Megjithatë, ky version bie ndesh me atë që japin mediat holandeze, të cilat edhe pse nuk konfirmojnë nëse viktima është shtetasi shqiptar në fjalë apo jo, pohojnë se trupi i pajetë i një personi është gjetur në anë të një rruge.

Megjithatë, ndryshe nga motivet e përhapura në media për vrasjen e Festim Latos (që pritet të konfirmohet ose jo zyrtarisht), mediat në Hollandë raportojnë për një tjetër pistë. Sipas tyre, Lato ka qenë i mbytur në borxhe, dhe disa kohë më parë, në 24 prill, një gjykatë kishte shpallur falimentin e biznesve të tij. Lato ka qenë i përfshirë në biznesin e hidrokarbureve, raporton “AD.nl”, dhe dy vitet e fundit jetonte në Afferden, ndërmjet Nijegenit dhe Venray. Ai dyshohet se kishte borxhe ndaj disa kompanive dhe individëve të ndryshëm, të cilat shkonin në disa miliona euro.

Një diplomat holandez, Jeroen Zandberg, që punon për një organizatë në këtë vend, i njohur i Latos, ëshë shprehur “ai ka bërë binzes me sipërmarrës që nuk paguanin TVSH. Si rezultat, ai ka bërë shumë marrëveshje të fshehta”. Në këto kushte, shtohen dyshimet për vrasjen e Festim Latos, që mbetet ende i pakonfirmuar nga policia holandeze, por miq dhe familjarë të tij, kanë konfirmuar më herët gjatë të dielës, se lajmi për ekzekutimin e “Presidentit të vetëshpallur të Çamërisë”, është i vërtetë.

Vritet në Holandë Presidenti i vetëshpallur i Republikës së Çamërisë, Festim Lato?

Festim Lato, i vetëshpallur si ‘President i Republikës së Çamërisë’ është vrarë në Holandë. Në lidhje me ngjarjen nuk ka asnjë informacion zyrtar as nga autoritete holandeze dhe as ato shqiptare. Vrasja e tij është bërë me dije nga miqtë dhe familjarët e tij në rrjetet sociale.

Ali Aliu, i vetëshpallur si “Kryeministri i Republikës së Çamërisë”, ka shkruar në rrjetet sociale se Festim Latos i është bërë atentat në Holandë, ndërsa familjarët e tij janë lajmëruar nga policia holandeze. Në statusin e tij, Aliu e cilëson krimin për motive politike.

“Në Holandë nga vrasës të paidentifikuar, iu bë atentat presidentit të Republikës së Çamërisë z. Festim Lato. Për vrasjen e Festim Latos, sot familjen Lato në Vlorë e njoftoi Policia Holandeze. Me këtë rast Qeveria e Republikës së Çamërisë i shpreh ngushëllime Familjes Lato nga Vlora, miqëve dhe shokëve të tij. Vrasja e Presidentit të Republikës së Çamërisë, Festim Lato është vrasje me motive politike. Festim Lato është heroi i parë Republikës së Çamërisë. Festim Lato, dritë t u bëftë gjaku o trim! Çamëria është gjaku ynë që s´falet! Lavdi që të patëm” shkruan, Ali Aliu

Ndërsa i vëllai i viktimës, Xhemil Lato tha për mediat se ishte kontaktuar mbrëmjen e të shtunës nga autoritetet holandeze për t’i dhënë lajmin e vrasjes në një atentat, ndërsa tha se nuk ka asnjë detaj tjetër për ngjarjen.

Festim Lato jetonte në Holandë prej vitesh dhe ishte vetëshpallur si ‘President i Republikës së Çamërisë’. Lato ka edhe një histori të gjatë me drejtësinë. Ai është dënuar disa herë për mashtrim me mijëra euro, pas denoncimeve nga shumë persona në Shqipëri dhe Kosovë, para që i merrte nga qytetarët me justifikimin për kauzën e Çamërisë.

Dy adoleshente masakrojnë dhe vrasin shoqen e tyre se ishte më e bukur

Dy adoleshente kanë torturuar dhe vrarë bashkëmoshataren e tyre pasi, ishte më e bukur se ato. Ngjarja tronditëse ka ndodhur në Rusi, ndërsa dy 16-vjeçare janë arrestuar pasi kanë pranuar krimin.

Policia gjeti trupin e pajetë dhe të masakruar të 17-vjeçares Viktoria Averina në një godinë të braktisur. Ajo ishte e shpërfytyruar në fytyrë dhe e prerë me copa xhami, ndërsa më pas ishte rrahur dhe mbytur nga dy shoqet e saj.

Njëra nga adoleshentet e arrestuara rrëfeu se ato e goditën viktimën deri sa e lidhen dhe më pas i kanë thyer një shishe në kokë, dhe me copat e xhamit i kanë prerë fytyrën duke e shpërfytyruar. Sipas policisë viktima është torturuar për një kohë të gjatë dhe më pas ka gjetur vdekjen si pasojë e mbytjes.