700 kg kokainë nga Ekuadori drejt Shqipërisë është zbuluar nga DEA amerikane, policia greke dhe ajo shqiptare falë një telefonate anonime që ka zbuluar trafikun e drogës. Gazeta greke “Kathimerini” ka zbuluar gjatë të martës detaje të reja në lidhje me sasinë e çmendur të drogës të kapur në Portin e Pireut dhe që kishte si destinacion portin e Durrësit. Kathimerini shkruan se për këtë sasi droge janë arrestuar 4 persona në Greqi.
Por i gjithë trafiku i drogës është zbuluar falë një telefonate anonime në datën 2 gusht. Një person i panjohur i telefonoi Byrosë së Përmbarimit të Drogës dhe i tha oficerit që në ngrirjen e një enë të ngarkuar me banane nga Ekuadori kishte kokainë të fshehur. Pas kësaj u bë një kontroll i kontenierëve brenda Stacionit të kontejnerëve të Selanikut (SEBO) dhe në motor u gjetën 47 pako me 51 kg kokainë.
Ky ishte fillimi i një hetimi të vazhdueshëm që ka çuar më pas në sekuestrimin e më shumë se 700 kg kokainë të fshehur në frigoriferët e 12 kontenierëve të bananeve të nisura nga Ekuadori, ngarkesa këto që kishin si destinacion Pireun, Selanikun dhe Portin e Durrësit në Shqipëri, shkruan gazeta greke Kathimerini.
Në 4 prej 12 kontenierëve me banane janë zbuluar 137 kg kokaine që kishin destinacion Shqipërinë. Në operacionin e koduar “Kuito” mori pjesë edhe DEA amerikane. Ata organizuan skemën duke zëvendësuar një qese kokainë me një qese oriz dhe ku vendosën GPS me shpresën se do të kapnin kokat e trafikut të drogës. Në portin e Durrësit u arrestuan dy persona Ardian Bega 53 vjeç dhe Altin Mislihaka, 35 vjeç si dhe u shpall në kërkim Gentian Malindi, 43 vjec. Ditën e martë (sot) u dha edhe masa e arrestit me burg për Ardian Began 53-vjeç, i cili dyshohet se ka qenë pritësi i kokainës në Shqipëri.
Autoritetet greke dyshojnë se pas drogës qëndron mafia shqiptare dhe ajo sasi ishte porosi e dy grupeve me aktivitet të shtrirë në Elbasan dhe në Fier.
Mediat greke shkruajnë gjithashtu se trafiku i drogës Ekuador – Greqi është zbuluar dhe se trafikantët përkohësisht do të kërkojnë rrugë të reja. Është çështje ditësh përfundimi i plotë i hetimeve për këtë ngjarje./realstory.al