Koordinatori i Bindjes Demokratike Astrit Patozi, publikon një foto të disa adhuruesve të diktatorit Enver Hoxha, që sot i kanë shkuar te varri në ditën e tij të lindjes.
Ndër rreshta Patozi ironizon presidentin Meta, për dekoratat që kanë dhënë kohët e fundit.
“FLI I QETË, O KOMANDANT! Eh mor komandant, si vajti kjo punë! Kanë mbetur shumë pak në këtë vend që i merr malli për ty. Dhe akoma më pak nga ata, që të vijnë tek varri për ditëlindje. Kanë ndryshuar shumë gjëra në Shqipëri këto vite, gati gjithçka. Vetëm një gjë ka mbetur siç ka qenë: udhëheqësit e partisë dhe të popullit i largon veç vdekja nga pushteti, megjithëse ti nuk e kishe lënë amanet”, përmbyll Astrit Patozi.