Vetëm pak orë para nisjes së protestës opozita ka nisur të bëjë përgatitjet e fundit. Kanë filluar të vendosin pajisjet dhe të ngrenë podiumin, ku mesa duket ashtu si edhe në protestën e kaluar edhe mbrëmjen e së shtunës do të ketë një fjalim të kryetarit Basha.
Gjatë mesditës teknikët kanë bërë prova zëri dhe kanë provuar nëse fonia është në rregull.
Ndërsa siç shihet edhe në foto, edhe policia ka marrë masat e saj dhe ka vendosur gardhin e hekurt para kryeministrisë ku me siguri do të ketë edhe një gardh me efektivë policie, siç ka ndodhur edhe gjatë protestave të kaluara.
Protesta e mbrëmjes së sotme shënon protestën e 8 të opozitës, e cila sot ka dhënë garanci se nuk do të ketë dhunë. Ky qëndrim i ndryshuar i PD erdhi pas deklaratave të bëra nga zëvendës ndihmës sekretari amerikan i shtetit, Palmer i cili e tha qartë se drejtuesit e protestës do të mbajnë përgjegjësi për çdo akt dhune.
Në protestën e kaluar Basha tha se tani fjalën e ka sovrani. Të shohim si do shkojë protesta e mbrëmjes së sotme.
