Tag: ambasada amerikane

SHBA, lehtësira për studentët shqiptarë: Ja rregulli i ri

Ambasada e SHBA-së ka shpërndarë një mesazh të rëndësishëm për të gjithë të rinjtë shqiptarë që zhvillojnë studimet në Amerikë. Në lidhje me skadimin e vizës, Ambasada njofton se nuk është e nevojshme që të vini në Shqipëri për të bërë rinovimin e saj , për aq kohë sa ndiqni rregullisht universitetin. Megjithatë ambasada e SHBA ka paralajmëron se nuk mund të lëvizin dot nga Shqipëria me vizë të skaduar dhe për këtë duhet të planifikoni në kohë takimin për rinovimin  saj.

“Mbajtës të vizave studentore — Nuk është e nevojshme të bëni gjithë atë udhëtim për në Shqipëri gjatë pushimeve verore vetëm për të rinovuar vizën tuaj. Për sa kohë që frekuentoni rregullisht universitetin tuaj, ju mund të qëndroni në Shtetet e Bashkuara edhe nëse viza ju ka skaduar. Gjithsesi, nëse largoheni nga Shqipëria dhe viza juaj është duke skaduar, sigurohuni që të caktoni një takim për ta rinovuar vizën. Planifikoni në kohë”, thuhet në postimin e ambasadës së SHBA.

50 të prekurit e Vettingut, të pandëshkuarit e drejtësisë së vjetër

Për trupën e pavarur të Komisionit të Kualifikimit që merret me procesin e vettingut, pjesa më e madhe e gjyqtarëve dhe prokurorëve që kishin bërë drejtësinë në këto 28 vite demokraci, nuk justifikuan pasurinë dhe disa të tjerë u akuzuan edhe për përfshirje me lidhje kriminale. Vettingu gjatë një viti pune ka shkarkuar më shumë se 50 gjyqtarë dhe prokurorë duke bërë të prekshme rezultatet e parë të reformës në Drejtësi.

Mbi të parët që ra çekiçi i vettingut ishin prokurorët e Gjykatës Kushtetuese dhe  Gjykatës së Lartë, aktualisht dy institucione jashtë funksioni, në pritje të zëvendësimit të vendeve vakante me gjyqtarë të denjë për sistemin e ri të drejtësisë. Në vjeshtë këto vente vakante pritet të zëvendësohen dhe analizojnë rreth 32 mijë dosjeve që presin në arkivat e këtyre dy gjykatave. Gjykata Kushtetuese ka vëtëm një anëtar dhe Gjykata e Lartë ka 2 anëtarë, të pamjaftueshme për të marrë vendime.

Paralelisht me pastrimin e sistemit nga krimi dhe korrupsioni janë ngritur institucionet e reja, Këshilli i Lartë i Prokurorisë dhe Këshilli i Lartë Gjyqësor. Këto institucione kanë nisur nga puna për ngritjen e SPAK dhe shumë shpejt ky institucion do të hetojë zyrtarët e korruptuar dhe krimin e organizuar. Prokurorët që duhet të bëjnë pjesë në SPAK duhet të kenë kaluar procesin e vettingut në të dy fazat e tij. Në lidhje me Reformën në Drejtësi dhe organet e reja që po ngrihen me të, Ambasada e Shteteve të Bashkuara të Amerikës  ka publikuara disa video ku sqaron publikun se si do të funksionojë drejtësia e re dhe pse duhet të jenë të besueshëm organet e reja, që do të jenë në monitorim të ndërkombëtarëve gjatë gjithë kohës.

Të hënë pasdite, ambasada amerikane publikoi një tjetër video ku bën një përmbledhje të zyrtarëve shqiptarë, të cilët kanë ngecur në “rrjetën” e Vettingut prej më shumë se një vit.

“Ndiqni podcast-in e dytë të serisë PodAlbania të prodhuar nga një grup pjesëmarrësish të programeve të shkëmbimit të Departamentit të Shtetit, me mbështetjen e Ambasadës së Shteteve të Bashkuara për të mësuar më shumë për reformën në drejtësi. Kjo seri synon të sjellë në vëmendje disa nga temat më të rëndësishme që prekin shoqërinë tonë. Reforma në drejtësi dhe procesi i vetting-ut në veçanti ka dhënë rezultatet e para.”- shkruan Ambasada Amerikane.

Protesta, Ambasada Amerikane: Shmangni institucionet për një kohë të pacaktuar

Ambasada Amerikane u kërkon qytetarëve të saj të qëndrojnë larg zonës ku do të zhvillohet protesta e opozitës më 8 qershor. Duke pasur parasysh protestat e kaluara ku ka pasur përdorim dhune, ambasada bën thirrje për shmangie të institucioneve kryesore në vend pas orës 19:00, pasi nuk dihet intenerari i saj.

“Një demonstrim i madh pritet të zhvillohet pranë Zyrës së Kryeministrit më 8 qershor 2019, duke filluar rreth orës 19:00. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat. Personeli i Ambasadës së SHBA-së dhe anëtarët e familjes janë drejtuar për të shmangur të gjitha pikat e grumbullimit dhe vendet ku demonstratat janë të pashmangshme ose në vazhdimësi. Ndërtesa e Parlamentit, Zyra e Kryeministrit , ndërtesa të tjera qeveritare” thuhet në deklaratën e Ambasadës Amerikane

Ambasada Amerikane mesazh para protestës: Shmangni grumbullimet, mund të ketë dhunë

Ambasada Amerikane ka reaguar në lidhje me protestën e opozitës që do të zhvillohet ditën e dielë në mbrëmje. Përmes një deklarate, Ambasada i bën thirrje shtetasve të saj që të shmangin grumbullimet, pasi në protestat e kaluara ka pasur dhunë.

Ambasada këshillon që të shmangen vende të tilla si sheshi pranë kryeministrisë, sheshi para parlamentit dhe ndërtesat e tjera qeveritare.

“Një demonstratë e madhe pritet të zhvillohet pranë Zyrës së Kryeministrit më 2 qershor 2019, duke filluar rreth orës 7:00 të mbrëmjes. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur. Demonstrimet e kohëve të fundit kanë përfshirë dhunën. Forcat e sigurisë kanë përdorur  ujë me presion dhe gaz lotsjellës për të shpërndarë turmat.

Personeli i Ambasadës së SHBA-së dhe anëtarët e familjes këshillohen  të shmangin të gjitha pikat e grumbullimit dhe vendet ku zhvillohet protesta”, njofton ambasada amerikane.

Raporti i KE, Ambasada e SHBA: Mbështetje të plotë për zbatimin e reformave të pakthyeshme

Ambasada Amerikane ka përshëndetur progres raportin e KE për Shqipërinë duke shprehur mbështetjen e saj të plotë që negociatat të hapen sa më shpejtë. Ambasada vlerësoi ecjen përpara të Shqipërisë me reformat e domosdoshme në vend dhe vijimin me zbatimin e tyre.

“Ne mirëpresim rekomandimin e Komisionit Europian për hapjen e bisedimeve të anëtarësimit me Shqipërinë dhe konfirmimin e saj se Shqipëria vijon të bëjë përpara në zbatimin e reformave jetike dhe të pakthyeshme. Shtetet e Bashkuara mbeten të përkushtuara që të punojnë me partnerët tanë shqiptarë dhe të BE për të siguruar integrimin me sukses të Shqipërisë në Bashkimin Europian, përfshirë edhe mbështetjen tonë të plotë për zbatimin në vijim të reformave legjitime dhe kushtetuese gjyqësore.” shkruhet në deklaratën e Ambasadës së SHBA

Opozita në shesh, Ambasada Amerikane: Larg dhunës, ose do mbani përgjegjësi

Ambasada Amerikane u bën thirrje qytetarëve ashtu edhe forcave ligjzbatuese që të përmbahen duke qëndruar larg dhunës gjatë protestës së sotme. Ambasada e SHBA-së i ka quajtur hedhjen e bombave molotov, gurëve dhe përplasje fizike të paligjshme dhe që nuk kanë vend në demokraci. Ambasada e përmbyll deklaratën me thirrjen e palëve që të përfshihen në dialog konstruktiv.

“Shtetet e Bashkuara respektojnë të drejtën demokratike të qytetarëve për të protestuar në mënyrë paqësore. Ju bëjmë thirrje të gjithë pjesëmarrësve në protestën e sotme – si qytetarëve ashtu edhe forcave ligjzbatuese – që të përmbahen duke qëndruar larg dhunës. Nxitja e përplasjeve fizike apo hedhja e mjeteve plasëse, bombave molotov dhe gurëve, është jodemokratike dhe e paligjshme. Ata që përfshihen në akte dhune kryejnë një krim dhe duhen vënë përpara përgjegjësisë. Shtetet e Bashkuara nxisin të gjitha palët të tregojnë vetëpërmbajtje, të refuzojnë dhunën dhe të përfshihen në një dialog konstruktiv.”

🇦🇱️ | Shtetet e Bashkuara respektojnë të drejtën demokratike të qytetarëve për të protestuar në mënyrë paqësore. Ju…

Gepostet von U.S. Embassy-Tirana am Samstag, 25. Mai 2019

Ambasada Amerikane paralajmëron qytetarët: Kujdes, në protestën e kaluar ka pasur dhunë

Ambasada Amerikane ka paralajmëruar qytetarët e saj në lidhje me protestën që opozita do të mbajë më 25 maj.

Ambasada cilëson në lajmërim se protesta do të nis në orën 19:00 por nuk dihet se sa do të zgjasë. Duke pasur parasysh dhunën e përdorur në protestën e kaluar, njoftojmë qytetarët që të tregojnë kujdes.

“Një demonstratë pritet të zhvillohet para Kryeministrisë. Grupi i demonstruesve mund të protestojnë në disa pika. Nuk dihet orari i përfundimit të demonstratës. Në demonstratat e mëparshme ka pasur dhunë. ‘Policia ka përdorur ujë dhe gaz lotsjellës për të zmbrapsur turmën”, shkruan Ambasada.

Çfarë duhet të bëni nëse keni fituar lotarinë Amerikane? Ndiq hapat

Nëse jeni me fat dhe lotaria amerikane ju ka përzgjedhur fitues, ju duhet patjetër të ndiqni këshillat e ambasadës Amerikane. Shpeshherë ajo jep direktiva sesi duhet të veproni në raste të caktuara. Sot ambasada këshillon të gjithë përsonat që kanë fituar Lotarinë që të dërgojnë të gjitha dokumentet e nevojshme arsimore përpara se të kryejnë intervistën. Bëhet fjalë për dokumentet, diploma e shkollës së mesme, vërtetimet e shkollës së mesme si dhe diplomat universitare nëse i zotëroni.

“Jeni përzgjedhur për Lotarinë DV2020? Mos harroni të dërgoni të gjitha dokumentet arsimore përpara intervistës tuaj – diplomat e shkollës së mesme, vërtetimet e shkollës së mesme dhe diplomat universitare! PyetAnen”, njofton ambasada e SHBA-së.

https://www.facebook.com/usembassytirana/photos/a.446371155837/10156384299555838/?type=3&theater

Ambasada e SHBA thirrje qytetarëve të saj t’i shmangen protestave

Ambasada Amerika u ka bërë thirrje qytetarëve të saj të ruhen dhe t’i shmangen protestave të opozitës.

Ambasada thotë se protestat kanë prirje të bëhen të dhunshme dhe të përdorën armë luftarake si molotov.

Mesazhi i Ambasadës Amerikane

Pikat që duhet të shmangen:

Ndërtesa e Parlamentit (Tiranë)

Zyra e Kryeministrit (Tirana)

Ndërtesa të tjera qeveritare (Në të gjithë vendin)

Rrugët kryesore në të gjithë vendin

Demonstrata të përsëritura pritet të ndodhin në të gjithë Shqipërinë për një periudhë të pacaktuar kohore, me mundësinë që të bëhen të dhunshëm. Datat e sakta dhe kohëzgjatja e këtyre demonstratave janë të panjohura.

Demonstrimet e kohëve të fundit kanë përfshirë dhunën, disa demonstrues kanë përdorur pajisje shpërthyese dhe molotov. Forcat e sigurisë janë përgjigjur me ujë dhe gaz lotsjellës për të shpërndarë turmat.

Personeli i Ambasadës së SHBA-së ju drejtohet që të shmangni të gjitha pikat e grumbullimit dhe vendet ku demonstratat janë të pashmangshme ose të vazhdueshme. Shmangni grumbullimet e mëdha dhe vendet ku demonstratat janë të pashmangshme ose në vazhdimësi.

Monitoroni mediat për përditësime.

Jini të vëmendshëm për mjedisin që iu rrethon.

Mbani një profil të ulët.

Protestat, Ambasada e SHBA: Organizatorët të dënojnë dhunën

Ambasada Amerika ka bërë sërish thirrje për protesta paqësore dhe demokratike, duke kritikuar dhunën e përdorur gjatë protestës së 11 majit. Ambasada e SHBA kërkoi që organizatorët e protestës, sidomos Basha dhe Kryemadhi të dënonin publikisht dhunën dhe të sigurohen që të gjitha protestat e ardhshme të jenë paqësore.

“Protestat paqësore janë thelbësore për demokraci të shëndetshme dhe e drejta e qytetarëve për t’u mbledhur dhe për të protestuar kundër qeverisë së tyre është themelore. Megjithatë, forca dhe dhuna nuk kanë vend në një proces demokratik. Ne dënojmë dhunën e pranishme gjatë protestave të 11 majit në Tiranë dhe përgjegjësit e saj. Dhuna çoi në plagosje dhe dëmtime të pronës, përfshirë edhe dëmtim të vendbanimit së Ambasadorit të OSBE-së. Këto veprime të dhunshme ishin të paligjshme dhe jodemokratike. Ne iu bëjmë thirrje udhëheqësve të opozitës, veçanërisht Kryetarit të Partisë Demokratike, Lulzim Basha dhe Kryetares së Lëvizjes Socialiste për Integrim, Monika Kryemadhi, që të dënojnë publikisht veprimet e dhunshme të mbështetësve të tyre, të bashkëpunojnë me çdo hetim që synon të identifikojë çdo person që i kreu ato dhe vënien e tyre përpara përgjegjësisë, si dhe të sigurojnë që të gjitha protestat e ardhshme publike të jenë të qeta dhe paqësore. Edhe autoritetet ligjzbatuese kanë përgjegjësi për të vepruar me vetëpërmbajtje, përfshirë edhe rastet kur iu përgjigjen provokimeve. Protestat e dhunshme po dëmtojnë përpjekjet e Shqipërisë për reforma demokratike dhe perspektivën e vendit për të bërë përpara në rrugën drejt Bashkimit Europian. Shtetet e Bashkuara nxisin të gjitha palët që të zmbrapsen nga përplasjet dhe të përfshihen në një dialog konstruktiv, që synon t’i japë fund ngërçit politik.”- shkruan Ambasada Amerikanë në deklaratën e saj

Skip to toolbar