Tag: Atalanta

E bujshme: Fiorentina në sulm për Gjimshitin, por mbrojtësi kushton…

Fiorentina interesohet për qendërmbrojtësin shqiptar, Berat Gjimshiti. Ky lajm raportohet nga mediat pranë klubit të Fiorentinës, të cilat pohojnë se klubi pritet të kontaktojë Atalantën për shqiptarin.

Futbollisti i kombëtares shqiptare është duke bërë një sezon të shkëlqyer me Atalantën në Serinë A, teksa bergamezët janë duke realizuar ëndrrën për pjesëmarrjen në Champions League sezonin e ardhshëm.

Gjimshiti është kthyer në shtyllë kryesore në skemën me tre mbrojtësa në qendër të trajnerit Gasperini, duke i dhënë siguri skuadrës së Atalantës në prapavijë. Megjithatë, ai këtë sezon numëron dhe dy gola të shënuar ndaj Interit dhe Lazios, duke i rritur kreditet e tij.

Fiorentina nuk është ekipi i vetëm që interesohet për futbollistin shqiptar, pasi Zenit dhe klube të tjera europiane kanë shfaqur interes.

Por ky transefrim është në mos i pamundur i vështirë, pasi Gjimshiti ka rinovuar me Atalantën dhe klubet e tjera për të prishur kontratën do të duhet të derdhin mbi 20 milionë euro për shqiptarin.

Ky është vlerësimi që i bënte pak ditë më parë Skay Sport kartonit të Gjimshitit, teksa një pengesë tjetër mund të jetë fakti që mbrojtësi shqiptar të llogaritet si pjesë e planit Champions për sezonin e ardhshëm.

Gjimshiti i shënon Strakoshës, Atalanta presion Interit (video)

Atalanta ka fituar me përmbysje ndaj Lacios në sfidën e javës së 35-të kampionatit italian, duke hedhur një hap të rëndësishëm drejt sigurimit të Champions League sezonin e ardhshëm. 1-3 ka përfunduar sfida e pasdites së sotme, me Berat Gjimshitin që ishte një nga shënuesit e kësaj sfide.

Parolo shënoi i pari duke zhbllokuar sfidën për Lacion, duke realizuar që në minutën e tretë. Ky gol krijoi iluzionin se Lacio do e kishte të lehtë fitoren, por Zappata vendosi barazpeshën në minutën e 22′.

Kastanj në të 58-tën, përmbysi gjithçka, ndërsa Berat Gjimshiti vulosi shifrat në të 76′, me qendërmbrojtësin që realizoi me kokë pas një goditje këndi, duke mposhtur Thomas Strakoshën.

Atalanta mbetet në vendin e katërt me 62 pikë, duke u afruar me Interin që ka një pikë më shumë. Lacio rrezikon shumë pas kësaj humbje, ku tashmë jo vetëm Championsi, por edhe Europa League vihet në pikëpyetje sezonin e ardhshëm.

Ekskluzive, pas Lyon, gjigantët e Milanit shfaqin interes për talentin shqiptar!

Veç Olympique Lyon, që ka shfaqur interes dhe ka nisur tratativat për të blerë talentin shqiptar, Gliberto Gega, që luan me të rinjtë e AEK-ut, janë dhe dy klube të tjera që duket se do të futen në garë për 17-vjeçarin shqiptar.

“RealStory.al” ka mësuar ekskluzivisht se gjigantët italian, Milan, është klubi tjetër që kërkon të vëzhgojë nga afër Gilberto Gegën. Agjenti i futbollistit shqiptar, Stelios Greg dhe agjenti italian, Luca Grippo, janë duke punuar për një transferim të mundshën.

Kështu, Milan pritet të dërgojë një kërkesë zyrtare drejt AEK-ut javën e ardhshme, ku do t’i kërkojë skuadrës greke që talenti shqiptar të bëjë një periudhë prove në Milano, për ta parë nga afër drejtuesit e klubit kuqezi.

Atalanta mund të jetë një tjetër klub ku 17-vjeçari shqiptar mund të shkojë për provë. Megjithatë, Gilberto Gega është vëzhguar më herët edhe nga Lyon në Francë, me këto të fundit që e kërkojnë qendërmbrojtësin, me orgjinë nga Lezha, për ekipin U-19.

Por deri më tani, ndonëse Lyon ka marrë të gjithë informacionim e nevojshëm përfshi dhe dokumentat e lojtarit nga Federata Greke e Futbollit, ende nuk i ka dërguar kërkesën zyrtare AEK-ut për transferimin e talentit shqiptar. Arsyeja është sepse Lyon kërkon që Gilberto Gega të shkojë gjatë verës në Francë për një periudhë prove.

Atalanta mund Udinesen dhe kap Championsin (video)

Atalanta është duke bërë një sezon fantastik, teksa mbrëmjen e së hënës fitoi ndaj Udineses 2-0 dhe ka marrë vendin e katërt në Serinë A, çka do të thotë një vend në Champions Sezonin e ardhshëm.

Skuadra e Gasperinit bëri një ndeshje të mirë, me pjesën e parë që u mbyll pa gola. Këta të fundit erdhën pasi qendërmbrojtësi shqiptar, Berat Gjimshiti, u fut në fushë si zëvendësues në minutën e 78′.

Kështu Atalanta brenda tre minutash, 82′ dhe 85′, realizon dy herë me De Roon dhe Pasalic, duke vulosur rezultatin dhe njëkohësisht duke u ngjitur në renditje.

Një fitore e madhe e Atalantës, ndërsa Milan ka zbritur në vend të shtatë. Tashmë gjithçka është komplikuar për kuqezinjtë.

Sky Sport: Nëse doni të blini Gjimshitin duhet të paguani 20 mln euro!

Berat Gjimshiti bëhet një nga lojtarët më të shtrenjtë tek Atalanta. Të paktën kështu është sipas “Sky Sport” në Itali, që pas kualifikimit të skuadrës së Gasperinit në finalen e kupës, ka bërë një analizë për vlerën e disa lojtarëve të klubit bergamez.

Ndër ta është dhe Berat Gjimshiti, qendërmbrojtësi që po kalon një sezon të shkëlqyer në aspektin personal, ndonëse në fillim ishte në dilemë vazhdimësia me klubin e Atalantës.

“Berat Gjimshiti (20 milionë euro). Rritja e hierarkike në mbrojtje ka qenë gjithnjë bindëse. 26-vjeçari shqiptar erdhi si një transferim me parametra zero nga Zyriu në janar të vitit 2016. Nëse doni ta blini futbollistin duhet të paguani së paku 20 milionë euro”, shkruhet në komentin e “Sky Sport”.

Atalanta, Lacio dhe Panucci, Gjimshiti tregon gjithçka!

Berat Gjimshiti ishte një nga lojtarët më të mirë në fushën e lojës për Atalantën mbrëmjen e së enjtes kundër Fiorentinës, në gjysmëfinalen e dytë të Kupës së Italisë.

Qendërmbrojtësi i Kombëtares shqiptare ka folur pas kualifikimit të ekipit të tij në finale, duke komentuar disa çështje për mikrofonin e “Rai Sport”.

Fillimisht, gazetarët e kanë pyetur Gjimshitin lidhut me luftën për një vend në Champions League sezonin e ardhshëm. Sipas preshevarit, skuadra e Atalantës e kuptoi se mund ta arrinte këtë objektiv kur po fitonte ndaj ekipeve të mëdha në Serinë A.

“Mendoj se e kuptuam shpejt, sepse po shihnim ndeshjet që po bënim ndaj ekipeve të mëdha. Ndaj tyre po bënim lojëra shumë të mira”, ka thënë fillimisht Gjimshiti.

Më pas mbrojtësi i Atalantës ka komentuar ndeshjen me Fiorentinën dhe kalimin në finalen e Kupës së Italisë.

“Ne e njohim potencialin që kemi. Sot (dje) kemi pasur një kundërshtar të vështirë përballë me sulmues të shpejtë. Në pësimin e golit të parë ishim vendosur gabim, por reaguam mirë, jemi të kënaqur dhe presim me padurim finalen”, ka thënë Gjimshiti.

I pyetur nëse ka frikë nga ndonjë nga sulmuesit e Lacios, Berat Gjimshiti shprehet kështu: “Ne nuk mendojmë për lojtarët e kundërshtarit. Të gjithë sulmuesit në Serinë A janë të mirë. Milinkovic, Imobile apo dhe të tjerët janë të mirë, por ne kemi ekip të fortë dhe çdo ndeshje e luajmë për ta fituar”, është shprehur qendërmbrojtësi.

Në fund, gazetarët e kanë pyetur Gjimshitin edhe për ish-trajnerin e Kombëtares Christian Panucci. “Nuk kam folur shumë rreth Italisë me të, vetëm për ekipin kombëtar. Ne kemi një marrëdhënie të mirë së bashku. I uroj Panuccit më të mirat për të ardhmen”, ka përfunduar mbrojtësi i Kombëtares.

Atalanta finalistja e dytë e Kupës së Italisë (video)

Italia ka mësuar mbrëmjen e së enjtes edhe finalisten tjetër të kupës. Është Atalanta ajo që do të përballet me Lacion, pasi mundi në gjysmëfinale Fiorentinën me rezultatin 2-1.

Mund të cilësohet një sezon i jashtëzakonshëm ky për skuadrën bergameze. Trajneri Gasperini ka ditur t’i marrë më të mirën një grupi lojtarësh këtë sezon, të cilët e kanë çuar Atalantën në vend të katërt në kampionat dhe tani në finalen e Kupës së Italisë.

Fiorentina e zhbllokoi rezultatin e ndeshjes pas 3 minutash lojë me Muriel, që vendos një rekord personal, pasi ka shënuar në të treja ndeshjet e luajtura kundër Atalantës.

11 minuta pasi u ndëshkuan vendasit reagojnë me Ilicic, që ka shënuar nga pika e bardhë e penalltisë, duke vendosur barazpeshën ne fushë.

Gomez në minutën e 69′ ka shënuar golin e avantazhit për Atalantën, i ndihmuar edhe nga devijimi i portierit Lafont.

Atalanta e ka siguruar kualifikimin në finale me rezultatin e përgjithshëm 5-4. 90 minuta për Gjimshitin, ndërsa Berisha nuk i ndahet stolit.

Atalanta do të përballet me Lazion në finalen që do të luhet 15 majin e ardhshëm në Romë dhe që do të vërë përballë njëri-tjetrit Berat Gjimshitin dhe Thomas Strakoshën.

Napoli bën “qoka”, i hap rrugën Atalantës, bergamezët shohin Championsin (video)

Lufta për një vend në Champions League sezonin e ardhshëm, po bëhet interesante në Itali. Pas Juventusit që u shpall kampione, Napoli është ekipi tjetër që pritet të konfirmohet në vendin e dytë të kampionatit, të cilin e mban aktualisht me 67 pikë, 6 më shumë se Interi i vendit të tretë.

Për këtë arsye, duket se skuadra e Ancelotit i hapi rrugë Atalantës mbrëmjen e të hënës në kampionat, me bergamezët që përmbysën dhe fituan ndeshjen me rezultatin 1-2 në fushë kundërshtare.

Me këtë fitore Atalanta ka hedhur një hap të rëndësishëm drejt ëndrrës Champions për sezonin e ardhshëm, pasi ka shkuar në kuotën e 56 pikëve në vend të pestë, po aq sa Milani i vendit të katërt, por që ka golavarazh më pozitiv.

Megjithatë ishin vendasit ata që kaluan në avantazh me golin e Dries Mertens në minutën e 28’ të takimit. Ky ishte goli i 12-të i belgut në Serie A. Pas pushimit u nxeh situata dhe Atalanta del në sulm për të kërkuar golin e barazimit.

Miqtë ushtrojnë presion dhe në minutën e 69’ të takimit shënojnë golin e merituar me Duvan Zapata-n. Zapata vazhdon të luftojë për Këpucën e Artë dhe me këtë gol ndodhet në vend të dytë me 21 gola.

Në minutën e 80’ të takimit Atalanta befason San Paolo-n me golin e avantazhit. Ishte Pasalic ai që dërgoi në rrjetë topin nga brenda zonës.

Atalanta është ngjitur në vend të pestë të renditjes me pikë të barabarta me Milan-in e vendit të katërt. Berat Gjimshiti ishte titullar dhe tregoi edhe njëherë forcën e tij në qendër të mbrojtjes së Atalanta-s.

Ronaldo apo Icardi, Gjimshiti: Nuk janë këta sulmuesit më të vështirë!

Goli ndaj Interit jo vetëm që është nga të vetmit e karrierës, por padyshim dhe më i veçanti për qendërmbrojtësin e kombëtares shqiptare, Berat Gjimshiti. Ai ka folur së fundi për formatin “StarCasino”, një emision që i bën futbollistët të njohur për tifozët, pasi këta të fundit u bëjnë pyetje të drejtpërdrejta.

Pas tri vitesh në Itali, ka ardhur koha që mbrojtësi i kombëtares kuqezi të flasë edhe mbi përvojat e mëparshme:  “Dallimet midis kampionatit italian dhe atij zviceran janë të shumta. Mbi të gjitha, diferencat janë taktike. Kësaj pjese i jepet shumë më tepër vëmendje këtu. Pastaj, në Serie A, shumë ekipe mund të fitojnë në çdo fushë”.

Intervista e plotë e Gjimshitit:

Prej tri sezonesh luani në Seria A. Cila është diferenca e këtushme me kampionatin zviceran, ku je aktivizuar më parë?

 Diferenca, sipas meje, është e madhe. Në fillim nuk m’u duk shumë ndryshe, por sa më shumë që të luash këtu, aq më shumë e kupton se është krejt tjetër, sidomos taktikisht. Eksperienca, sipas meje, përbën diferencën e madhe, sepse këtu luajnë dhe futbollistë me moshë 36, 37 apo 38 vjeç.

Në sezonin aktual keni luajtur ndaj sulmuesisht shumë të fortë. Dy prej tyre, Icardin dhe Ronaldon, i keni neutralizuar në Kupën e Italisë. Cili ka qenë futbollisti më i forte, që keni markuar në karrierë?

 Kam pasur mundësi të luaj ndaj sulmuesve të mëdhenj. Njëri prej tyre nuk është tani, por në vitin që erdha në Itali, në ndeshjen time të parë, ai që më impresionoi ishte Higuain. Ai e mbylli sezonin me 36 gola. Shënonte thuajse nga dy gola për ndeshje.

Tek Atalanta keni zgjedhur fanellën me numrin 19, që tifozëve iu kujton German Denis? Përse bëtë këtë zgjedhje?

 Më kujtohet ai lojtar, sepse ishte këtu deri 1-2 muaj para se të vija unë. Zgjodha këtu numër, sepse kam lindur më 19 shkurt. Në fakt, mua më pëlqen numri 5, por ishte i zënë këtu tek Atalanta.

Cili është momenti më i bukur me Atalanta, në këtë sezon?

 Kemi kaluar shumë momente të bukura këtu. Ndoshta në fillim të sezonit pak më pak, por goli ndaj Interit, në ndeshjen e parë, ishte padyshim momenti më i bukur i imi.

Skip to toolbar