Operacioni “Transit”, burg vëllait të ish-shefit të rrugores në Dibër dhe 6 të tjerëve

Gjykata e Tiranës la në burg 7 personat e arrestuar në një operacion të gjerë anti-drogë, që u zhvillua disa ditë më parë në disa qytete të vendit. Mes të arrestuarëve ishte dhe vëllai i ish-shefit të qarkullimit rrugor në Dibër, shtetasi Pajtim Aga. Ai, së bashku me të arrestuarit e tjerë u lanë në masën “arrest në burg”.

Konkretisht, Edmond Rajta, Pajtim Aga, Shkëlzen Mazari, Devis Mija, Fatjon Paulin Dodaj, Marsida Piperi dhe Arjet Halilaj, u njohën të martën me masën e sigurisë. Ata u arrestuan pak ditë më parë nga policia, në operacionin “Transit”, pasi kryenin trafik të lëndëve narkotike, duke u kapur në flagrancë me 32.5 kg kanabis. Në fakt, gjithçka u zbulua rastësisht, pasi Policia kishte nën përgjim Pajtim Agën, i cili dyshohej për një tjetër vepër penale.

Ai që pranoi se ishte poseduesi i drogës, ishte Shkëlzen Mazari. Megjithatë, dyshimet janë se Aga dhe Rajta e çuan drogën në shtëpinë e Mazarit. Ndërsa nipi i këtij shtetasi, Devis Mija mori makinën me drogë te banesa e Mazarit, por u arrestua vetëm pas pak minutash. Ndërkohë sasia tjetër e drogës u kap në Gjirokastër. Më 18 janar Policia e Shtetit arrestoi 7 persona dhe sekuestroi 32.5 kg lëndë narkotike “cannabis sativa” në formë çokollate gjatë operacionit të koduar “TRANZIT”.

Shtetasit e lartpërmendur kishin siguruar lëndë narkotike të llojit “Cannabis sativa në formë çokollate” në shtetit grek, lëndë të cilën e kishin kaluar nëpërmjet kufirit nga Konispoli, nëpërmjet dy shtetasve me banim në Gjirokastër.

Me pas lënda narkotike do transportohej në qytetin e Tiranës, me qëllim për ta nisur më vonë në një qytet në veri të vendit, për ta trafikuar jashtë Shqipërisë. Gjatë operacionit në cilësinë e provës materiale u sekuestruan 32.5 kg lëndë narkotike canabisa sativa në formë çokollate, 6 aparate celulare dhe 2 automjete. Pas operacionit, u pezullua nga detyra shefi i qarkullimit Dibër Robert Aga, emri i të cilit doli edhe në përgjimet e publikuara nga Bild për zgjedhjet në Dibër.

Nga detyra si gardian burgu tek biznesi, policit i digjet makina: Ja ku dyshoj

Një makinë tip “Benz” me targa AA 958 KS është përfshirë nga flakët në lagjen ‘Nënë Tereza’ në Lezhë. Ngjarja ka ndodhur gjatë natës, ndërsa makina është shkrumbuar plotësisht.

Makina është në pronësi të Nikoll Prengës, i cili është me detyrë gardian në burgun e Shënkollit në Lezhë.

Nga hetimet e deritanishme ka dyshime se ka qenë një zjarrvënie e qëllimshme, pasi mund të ketë lidhje me detyrën e policit apo biznesit që ai zotëron. Mjeti ishte i parkuar jashtë shtëpisë së efektivit si zakonisht, kur shpërtheu në flakë.

Për ngjarjen ka reaguar edhe efektivi Prenga i cili tha se ka dyshimet e tij dhe i ka treguar në polici. Efektivi mohoi për mediat se ngjarja mund të ketë lidhje me detyrën e tij, ndërsa tha se ka konflikte pronësie për një biznes që ai disponon.

“Për mua është për t’u parë, se makina ime nuk ka pasur probleme teknike. S’ka pasur asnjë problem elektrik. Është për t’u parë gjithçka. Unë punoj në këtë burg, s’kam asnjë shkak për arsye detyre, por ngelet për t’u parë. Nuk kam asnjë konflikt pune. Kur nuk sheh njeri, dhe nuk ke parë e dëgjuar gjë, si vë dot gishtin kujt…Mund të kemi konflikte të vogla, por jo të mëdha. Ne kemi një biznes të vogël këtu dhe disa persona janë futur jashtë gjërave ligjore, sa i përket të drejtave pasurore. Ne i kemi paralajmëruar se janë futur gabimisht, pasi kanë marrë kontrata me dokumente false, çështje që ka shkuar dhe në polici. Dyshimet janë nga të gjitha anët dhe se di, jam pak i lodhur shpirtërisht. Apeli im është që të zbardhen të gjitha çështjet të tilla. Këto janë çështje terroriste. Nëse ekziston dora e njeriut, është terroriste”, tha Prenga.

Aktualisht policia ndodhet në vendin e ngjarjes dhe po heton për zbardhjen e plotë të ngjarjes dhe autorëve.

Vrau Drita Saliajn, të burgosurit nuk e pranojnë në burg

Pak ditë pas ngjarjes së rëndë, ku tre të rinj vranë në mënyrë makabre 50-vjeçaren Drita Saliaj në fshatin Gjerbës të Mallakastrës, një incident ka ndodhur me një nga të akuzuarit për ngjarjen. Bëhet fjalë për 26-vjeçarin Ervis Zotaj, i cili është dërguar në paraburgim në qytetin e Fierit.

Mirëpo, të burgosurit e tjerë që ndodheshin në këtë institucion, kanë refuzuar të pranojnë Ervis Zotajn të vuajë dënimin në sektorin e tyre. Sipas Balkanweb, të burgosurit kanë ushtruar dhunë verbale ndaj Ervis Zotaj, pas krimit monstruoz ndaj 50-vjeçares Drita Saliaj.

Ngjarja e rëndë ndodhi në datën 5 janar në fshatin Gjerbës të Mallakastrës, ku Ervis Zotaj, nipi i burrit të viktimës dhe një tjetër preson, përdhunuan dhe vranë Drita Sliajn, trupin e të cilës e hodhën më pas në një rezervuar me ujë.

“Burg Salianjit”, reagon Basha: Gjyq politik ndaj opozitës

Lulzim Basha reagoi të martën pasdite në lidhje me kërkesën e prokurorisë për dënimin për kallëzim të rremë të ish-deputetit demokrat Ervin Salianji. Kryedemokrati e quan pretencën e Prokurorisë për Salianjin, “gjyq politik kundër opozitës”, ndërsa thotë se dy prokurorët e dosjes “Babalja” janë përdorur nga Kryeministri Rama.

“30 vjet pas rrëzimit të diktaturës, Edi Rama rikthen në Shqipëri gjyqet politike kundër opozitës. Për të dënuar Ervin Salianjin, që denoncoi me fakte, përfshirjen e vëllait të Ministrit të Brendshëm në trafik droge, Edi Rama përdori dy prokurorë të korruptuar, Kolë Hysenaj dhe Genci Qana, që zbatuan sot skenarin e dështuar për t’i mbyllur gojën opozitës. Pretenca e dy prokurorëve të korruptuar është paracaktuar nga Edi Rama që të nesërmen e publikimit të skandalit”, thotë Basha.

Basha thotë askush nuk do të arrijë t`i mbyllë gojën Salianjit dhe opozitës. Sipas Bashës, beteja me krimin e organizuar do vazhdojë. “Askush, nuk do të arrijë kurrë t’i mbyllin gojën as Ervin Salianjit dhe asnjë përfaqësuesi politik të Partisë Demokratike. Beteja jonë me krimin e organizuar, dhe denoncimi i lidhjeve të krimit të organizuar me Qeverinë e Edi Ramës dhe shërbëtorëve të tij në drejtësi, nuk ka për tu ndalur”, shkruan kryedemokrati.

Prokuroria kërkoi të martën dënimin me 1.6 vite burg për ish-deputetit e PD, Ervin Salianji, dënim që duhet të konvertohet në 3 vite shërbim prove. Dënimi kërkohet për akuzën penale të “kallëzimit të rremë”, për dosjen “Babalja”, ku Ervin Salianji pretendonte se vëllai i ish-ministrit Fatmir Xhafaj, ishte i përfshirë në trafikun e drogës.

Burg për 7 kultivuesit e kanabisit në Vlorë

Gjykata e Vlorës la në burg shtatë persona të arrestuar gjatë operacionit “Vjeshta”. Gjykata vendosi masën e sigurisë “Arrest në burg” për shtatë personat e akuzuar për “Kultivim i bimëve narkotike” dhe “Prodhimi dhe shitja e narkotikëve kryer në bashkëpunim”.

Personat e arrestuar të enjten më 18 tetor, janë Çerçiz Velaj 33 vjeç nga fshati Lapardha i Selenicës. Enton likaj 28 vjeç Banues në fshatin Kotë të Selenicës, Daniel Nikaj 22 vjeç Banues në fshatin Mazhar të Selenicës, Altiv Veizaj 37 vjeç banues në Vlorë.

Antonio Veizaj 27 vjeç, banues në Vlorë, Marjo Veizaj dhe Romeo Likaj 29 vjeç banues në fshatin Lapardha të Selenicës.

Këta persona u arrestuan gjatë një aksioni të organizuar nga Policia e Vlorës dhe FNSH e Fierit, nën drejtimin e Prokurorisë së Vlorës, pas një hetimi 6 mujor. Ndërkohë, tre persona të tjerë, në vazhdën e këtij hetimi, janë shpallur në kërkim.

Sherr në burgun e Rrogozhinës, i dënuari përfundon në spital

Disa të burgosur që vuajnë dënimin në Burgun e Rrogozhinës, janë përplasur mes tyre.

Si pasojë e përplasjes mbeti i plagosur rëndë një i dënuar, i cili është dërguar me urgjencë në Spitalin e Traumës në Tiranë.

Sherri ndodhi mes gjashtë të burgosurve në palestrën e burgut. Nga sherri mes 6 të dënuarëve janë plagosur dhe persona të tjerë.

Por vetëm një është dërguar në spital, pasi të burgosurit e tjerë nuk kanë pasur lëndime të rënda.

Ende nuk dihen shkaqet e këtij sherri mes të plagosurëve, ndërsa pritet informacion zyrtar.

Tahiri i “lirë” me kusht

Saimir Tahiri nuk do të bëj asnjë ditë burg. Gjykata e Krimeve të Rënda, pas më shumë se pesë orësh në dhomë këshillimi, ka marrë vendimin për dënimi e Saimir Tahirit me 5 vite burg. Por ky vendim konvertohet në 3.4 vite burg për shkak të gjykimit të shkurtuar. Megjithatë, Saimir Tahiri nuk do të bëj asnjë ditë burg, pasi dënimi i tij do të konvertohet në shërbim prove me tre vite. Në këto kushte, Saimir Tahiri, do të vuajë dënimin me kusht, me qëllim që ai gjatë kësaj periudhe të mos bëj asnjë shkelje tjetër të ligjit. Ndërkohë, Gjykata e Krimeve të Rënda ka rrëzuar tre akuzat e tjera për të cilat po hetohej Saimir Tahiri. Sipas Gjykatës së Krimeve të Rënda, Prokuroria nuk ka prova të mjaftueshme për të akuzuar Saimir Tahirin për “Grup të strukturuar kriminal”, “Trafikim të lëndëve narkotike në bashkëpunim” dhe “Korrupsion i zyrtarit të lartë”.

Pasi dëgjoi vendimin, Saimir Tahiri doli përpara mediave, teksa nuk e kurseu buzëqeshjen dhe ironitë, Tahiri gjatë fjalës së tij tha se nuk qesh dhe as nuk qan dot për vendimin, ndërsa i ftoi mediat të flasin nesër gjatë dhe gjerë së bashku.

“Meqë ca kushërinj të mi kanë përdorur emrin tim, un ë i bie që kam shpërdoruar detyrën. Më lini ta përtyp, nuk qesh dhe nuk qaj dot. Nesër do ju ftoj që të ndajmë ca mendime. Mu duk një gjë që; je i pafajshëm, por skemi këllqe që ta themi. Nuk konsideroj asgjë fitore. Kjo është vetëm maja e ajsbergut të betejës time. Më la pa fjalë Gjykata. Nuk jam kriminel, por paskam shpërdoruar detyrën. Më lini pak kohë ta përtyp këtë. Mu duk një gjë e tipit ‘je i pafajshëm, por nuk kemi kohë ta themi” Për të gjithë kushërinjtë idiot që kemi në farefis, do dënohemi për shpërdorim detyre. Nuk di c’të them.”- u shpreh Tahiri për mediat. Tahiri, edhe pse është munduar të shfaqej i qetë, por në fytyrën e tij shfaqej nervozizmi.

Saimir Tahiri kërkoi gjykim të shkurtuar nga Gjykata e Krimeve të Rënda, e cila në datën 10 shtator zhvilloi seancën e fundit dëgjimore të palëve, Prokurorisë dhe të akuzuarit. Në pretencën e saj, Krimet e Rënda kërkuan 12 vite burgim për Saimir Tahirin, i cili akuzohet për 3 vepra penale: “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të struktura kriminal”, në kuadër të dosjes “Habilaj”. Këto akuza janë hedhur poshtë nga ish-ministri i Brendshëm Saimir Tahiri, i cili ka kërkuar pafajësi.

Në seancën e 10 shtatorit, Saimir Tahiri paraqiti prova të reja përpara trupës gjykuese, ku sipas tij vërtetonin pafajësinë. Ai paraqiti një dokument, ku pretendonte se i kishte kërkuar ish-ministres së Mbrojtjes, Mimi Kodheli, që të shihte problemin e fikjes së radarëve. Ndërkohë, pas përfundimit të seancës maratonë të datës 10 shtator, Saimir Tahiri u shpreh se “nuk e mendonte dënimin”.

Edhe në seancën e të enjtes, Saimir Tahiri ka qenë i shoqëruar nga avokati i tij Maks Haxhia. Gjatë ditës, Haxhia u shpreh se ishte e papranueshme që të “dënohej një ish-ministër dhe deputet”, pa pasur asnjë provë. Ndërkohë, ashtu si në të kaluarën, procesi ndaj Saimir Tahirit edhe në ditën e vendimit, është vëzhguar nga përfaqësues të Ambasadës së Shteteve të Bashkuara në Tiranë.

Megjithatë, kujtojmë se Tahiri nuk është përfshirë në gjykimin e dosjes “Habilaj”, për të cilën drejtësia italiane ka dhënë vendimin me burg për disa të arrestuar, përfshirë Moisi Habilajn, kushuririn e Saimit Tahirit. Drejtësia në vendin fqinj nuk gjeti prova që implikonin Saimir Tahirin në trafikun e drogës të organizuar nga vëllezërit Habilaj në Vlorë, ndaj në Itali u pushuan hetimet për ish-ministrin e brendshëm./Realstory.al/

TAHIRI SULMON XHAFAJN: NUK MBAJTI PËRGJEGJËSI PËR VËLLAIN

SI U MBROJT 7 ORË NË GJYKATË TAHIRI, MBËRTHEU PROKURORËT

SHBA NDJEK “TAHIRIN”. ISH MINISTRI ZBULON SHKRESËN “TOP SECRET”

PROKURORIA KËRKON 12 VITE BURG PËR SAIMIR TAHIRIN, PRITET VENDIMI

Indonezi, aborti dhe seksi do dënohen me burg

Indonezia, po përgatitet të miratojë ligjin, që do të cilësojë “krim” marrëdhënien seksuale jashtë martesës. Kështu, nëse kryen akt seksual me të dashurin apo të dashurën, pavarësisht konsensusit mdis dy partnerëve, në Indonezi do të quhet “krim”, dhe do të dënohet me burg e gjobitje.

Ligji është shumë pranë miratimit, ndërsa ekspertët e të drejtave të njeriut kanë shfaqur ankesa për të. Miliona njerëz me prejardhje të ndryshme sociale janë të alarmuar nga masat e reja që gjithashtu kufizojnë lirinë e shtypit me një prag gjithnjë e më të ulët të tolerancës ndaj kritikave për drejtuesit e shtetit.

Ligji do të prek jo vetëm moshën madhore, por edhe shumë djem dhe vajza adoleshente, 40% e të cilëve, sipas një studimi nga organizata jo qeveritare, “kanë pasur marrëdhënie seksuale paramartesore”. Ligji parashikon dënimin deri në 6 muaj burg apo 700 euro gjobë, sa paga mesatare e tre muajve për një indonezian.

Por si do të dërgohen para ligjit, ata që bëjnë “seks të paligjshëm” në Indonezi? Sipas mediave ndërkombëtare, ligji ka parashikuar se denoncimet mund të kryen nga të afërm të personave, apo kryetari i fshatit.

Gjithashtu, ligji i ri parashikon edhe një dënim me 4 vite burg për gratë që do të abortojnë, përveç rasteve të urgjencës mjekësore dhe të përdhunimit. “Shteti duhet të mbrojë qytetarët nga sjellja në kundërshtim me parimet e Zotit”, ka thënë Nasir Djamil, një politikan i partisë për “Drejtësi dhe Prosperitet” në Indonezi.

Udhëtuan me paratë e biznesmenit që po hetonin, prokuroria: Burg për 3 gjyqtarët

Prokuroria e Krimeve të Rënda ka kërkuar 3.5 vite burg për 3 gjyqtarët e Durrësit të akuzuar për korrupsion. Gjykata ka pranuar gjykimin e shkurtuar për to, që nëse miratohet pretenca e prokurorisë, atëherë 3 gjyqtarët do të përfundojnë uljen e 1/3 të dënimit me burg.

Konkretisht gjyqtarët Petrit Ceno, Kliton Spahiu dhe Petraq Dhimitri akuzohen se kanë përfituar në mënyrë të paligjshme shërbime nga biznesmeni Namik Sadiku, për të lehtësuar procesin e gjykimit të tij, që ishte nën hetim nga prokuroria Durrës. Për biznesmenin Sadiku, prokuroria ka kërkuar 2 vite arrest me burg.

Tre gjyqtarët dyshohet të kenë përfituar në mënyrë të paligjshme udhëtime jashtë vendit, madje në një rast kanë ndjekur edhe një ndeshjen ‘El Classico’ në Spanjë. Si provë u paraqit udhëtimi i tyre në të njëtën kohë së bashku me biznesmenin, në Itali dhe më pas në Spanjë si edhe prerjen e biletave të udhëtimit në të njëjtën kompani, së bashku me akomodimin, të gjitha të paguara nga Sadiku.

Sipas hetimeve të Prokurorisë, gjyqtarët kanë udhëtuar për të ndjekur ndeshjen mes Real Madridit dhe Barcelonës në tetor 2014, ndërkohë që kishin një proces të hapur me këtë biznesmen, ku relator ishte gjyqtari Spahiu dhe anëtarë të trupit gjykues ishin Petrit Çeno dhe Petraq Dhimitri.

Burg, babait të vrasësve. Indriti u qëllua në tualet dhe u hodh jashtë me plagë në kokë

Gjykata e Tiranës ka vendosur masën e sigurisë “Arrest me burg” për Bujar Kusin babanë e dy djemve që akuzohen për vrasjen e Indrit Çelajt, ndërkohë që arrest me burg është vendosur edhe për personat e tjerë që tentuan të fshihnin ngjarjen.

Në burg janë lënë Bujar Kusi, babai i dy vëllezërve, të akuzuar për vrasjen e 26-vjeçarit dhe dy punëtorët e tjerë, Ferdinand Bakalli 41 vjeç dhe Ali Sula 43-vjeç, të cilët akuzohen për “Moskallëzim krimi” dhe “Veprime që pengojnë zbulimin e së vërtetës”.

Ndërkohë për punëtorin tjetër Luan Çakën është lënë në masën detyrim paraqitje.

ReportTv bën të ditur se brenda sallës së gjyqit është dëshmuar se Indrit Çelaj është qëlluar fillimisht me armë pistoletë në tualetin e vilës së Bujar Kusit e më pas e hodhën jashtë banese me plagën e hapur në kokë. Kamerat e sigurisë të një lokali pranë vilës dhe kamerat e vetë vilës kanë dhënë për hetuesit prova të mjaftueshme për të ngritur akuza ndaj Albano dhe Griseldo Kusit, si të dyshuar për vrasje, ndërsa prej më shumë se 72 orësh ata janë në kërkim.

Shkak për ngjarjen është bërë një debat për montimin e kondicionerit me tone të ashpra mes Kusëve dhe Celajt.

Albano dhe Griseldo Kusi janë dy persona me rekorde kriminale në të shkuarën. Që të dy janë arrestuar dhe dënuar për krime të tilla si vrasje dhe plagosje me armë zjarri. Një ditë më herët Komiteti Shqiptar i Helsinkit i bëri thirrje KLP që të hetojë gjyqtarët dhe prokurorët që kanë lënë të lirë këta dy kriminelë.

VDES 26 VJEÇARI, E VRANË DJEMTË E VILËS KU PO PUNONTE. NË PRANGA 4 TË TJERË

VRANË 26-VJEÇARIN, VËLLEZËRIT KUSI TË DËNUAR MË PARË, PËR VRASJE DHE PLAGOSJE

“TË NISESH PËR PUNË E TË KTHEHESH I VDEKUR”. RRËQETH BABAI I INDRITIT

PLUMB KOKËS PËR KONDICIONERIN, KSHH: TË HETOHEN GJYQTARËT QË LANË TË LIRË VRASËSIT