Rezoluta e Kongresit të SHBA-së: Dënohet terrorizmi i Iranit në Shqipëri

Të mërkurën, më 9 tetor, u zhvillua një konferencë nga anëtarë të të dyja partive, Demokratike dhe Republikane, në Dhomën e Përfaqësuesve të SHBA-së, për të shpallur mbështetjen e 110 ligjvënësve nga të dyja partitë në dënimin e terrorizmit dhe luftënxitjes së regjimit iranian në Lindjen e Mesme. Përfaqësuesit theksuan gjithashtu mbështetjen e tyre për opozitën iranian, Këshillin Kombëtar të Rezistencës së Iranit, që udhëhiqet nga Maryam Rajavi.

Rezoluta 374 e Kongresit Amerikan për dënimin e terrorizmit shtetëror të regjimit dhe në mbështetje të dëshirës së popullit iranian për të themeluar një shtet demokratik, arriti në 110 përfaqësues nga të dyja partitë.

Kjo rezolutë dënon terrorizmin e regjimit iranian në Europë dhe në Shtetet e Bashkuara, kundër tubimit të opozitës iraniane MEK në Villepinte të Parisit, si dhe komplotin terrorist kundër Muxhahedinëve në Shqiëpri.

Në këtë konferencë, Hakeem Jeffries, Kryetar i Grupit Demokratik në Dhomën e Përfaqësuesve, shprehu mbështetjen e tij për rezistencën iraniane dhe për një Iran të lirë, demokratik e jo-bërthamor.

Rezoluta 374 u bëri gjithashtu thirrje qeverive që t’i ndalojnë veprimtaritë shkatërrimtare të misioneve diplomatike iraniane dhe t’i mbyllin ambasadat e këtij regjimi, përfshirë në Shqipëri, si dhe që ta mbështesin planin me dhjetë pika të Presidentes së zgjedhur iraniane Maryam Rajavi për një Iran të lirë. Përfaqësuesit në rezolutën dypartiake 374 thanë se mbështesin të drejtën e popullit iranian për të themeluar një republikë demokratike, laike dhe jo-bërthamore.

Irani bën të ‘fortin’ me SHBA: Jeni të dëshpëruar

Konfliktet mes Iranit dhe SHBA janë duke u rritur gjithnjë e më shumë pas sulmeve në rafineritë e naftës në Arabinë Saudite. SHBA akuzon Iranin si përgjegjës dhe për këtë ka rritur sanksionet ndaj saj, që godasin kryesisht Bankën Qendrore iraniane.

Irani, nga ana tjetër nuk e pranon përgjegjësinë, ndërsa i pëlqen të bëj të “fortin” ndaj SHBA duke iu drejtuar “se me këto sanksione vetëm vërteton gjendjen e saj të dëshpëruar.” Presidenti Hassan Rohani tha se populli iranian i ka rezistuar me sukses sanksioneve dhe presionit të SHBA-ve. “Amerikanët po sanksionojnë institucione që kanë qenë në listë të zezë. Kjo sinjalizon dëshpërimin e plotë të Amerikës dhe tregon se presioni maksimal ka dështuar, pasi kombi i madh iranian ka rezistuar me sukses” tha Rohani gjatë një deklarate për mediat e vendit.

Sulmi i rafinerive të naftës në Arabinë Saudit, nxiti deklarata të ashpra mes dy vendeve si dhe çoi në vendosjen e trupave amerikane në rajonin e Lindjes së Mesme. Sekretari amerikan i Shtetit, Mike Pompeo tha se trupat janë vendosur në Arabinë Saudite për “mbrojtjen e rajonit” dhe jo për luftë. Ndërsa Rohan, nga ana tjetër deklaroi se Irani është i përgatitur “për t’u përgjigjur në të gjitha drejtimet.”

Irani kërcënon SHBA: Do përgjigjemi me luftë në rast sulmi ushtarak

Ministri i jashtëm iranian, Mohamed Zarif ka paralajmëruar se Teherani është i përgatitur për “luftë të gjitha drejtimet” nëse SHBA apo Arabia Saudite fillon një sulm ushtarak ndaj vendit të tij. Gjatë një interviste për CNN, Zarif kërcënoi SHBA-të, pas lajmit të Washingtonit se “Irani ishte përgjegjës për një sulmet në rafineritë e naftës në Arabinë Suadite” javën e kaluar.

“Unë po bëj një deklaratë shumë serioze në mbrojtje të vendit tim, dhe them se ne nuk duam të përfshihemi në një konfrontim ushtarak, por do të mbrojmë territorin tonë.” tha Zarif

Rebelët Houthi që luftojnë aktualisht me Arabinë Saudite në Jemen morën përgjegjësi për sulmin, i cili shkaktoi zjarre masive në dy nga objektet më të mëdha të naftës në vend. Por Sekretari i Shtetit Amerikan Mike Pompeo tha se Irani, i cili mbështet Houthis në Jemen, qëndronte në të vërtetë pas sulmit, i cili u krye duke përdorur drone. Në lidhje me ngjarjen presidenti Trump tha do të rriten sanksionet kundër Iranit.

Franca ‘tradhton’ Trump, fton ministrin Iranian në samitin e G-7

Ndërkohë që 7 udhëheqësit e botës ishin duke diskutuar masat kundër Iranit, Ministri i Jashtëm i shtetit islamik në azinë e mesme, Mohammad Javad Zarif ka befasuar me praninë e tij në Biarritz të Francës, ku është duke u mbajtur samiti i G-7. Lajmin për praninë e Zarif në Biarritz e ka konfirmuar Ministria e jashtme iraniane, e cila është shprehur se “Mohammad kishte ftesë nga homologu i tij francez”, për të shkuar në Biarritz.

Ndërkohë, një zëdhënës i kësaj ministrie, është shprehur se nuk do të ketë takime me zyrtarë amerikanë. Për vizitën e papritur të diplomatit iranian në samitin e G-7, presidenti francez Emanuel Macron, kishte informuar liderët e tjerë pjesëmarrës në samit, përfshirë dhe Donald Trump.

I pyetur nga mediat për këtë vizitë të ministrit të jashtëm iranian, Trump është shprehur “s`kam koment”. Ndërkohë, Sekretari i thesarit amerikan, Stephen Mnuchin është shprehur se ‘presidenti amerikan nuk do ta përjashtonte një takim’.

Gjatë takimit të së dielës në samit, Macron kishte hedhur idenë për një plan duke shuar tensionet në rritje në zonën e Gjirit, duke hequr pjesërisht embargon amerikane të naftës ndaj Iranit, ndërsa Teherani do të angazhohej për të respektuar marrëveshjen e vitit 2015 që kufizon programin e tij bërthamor.

Momenti kur Irani rrëmben anijen britanike (video)

Irani dhe Britania e Madhe vijojnë provokimet e marrëdhënieve mes tyre. Pas bllokimit të një cisterne të nafte të Iranit nga Britania e Madhe me dyshimin e po shkonte në Siri, duke shkelur sanksionet e vendosura nga BE dhe SHBA, të njëjtën gjë ka bërë edhe Irani.

Forcat e Rojës Revolucionare të Iranit kanë bllokuar një anije britanike me arsyetimin se “është në shkelje të rregullave ndërkombëtare detare”. Kjo gjë u mohua nga autoritetet britanike, të cilët deklaruar se anija ishte në përputhje të plotë me rregulloren në ujërat ndërkombëtarë, ndërsa Ministri i Jashtëm britanik Jeremy Hunt e ka quajtur ngjarjen një “provokim të papranueshëm.”

Bllokimi i anijes britanike Stena Impero me 23 persona në bord ndodhi dy ditë më parë, ndërsa të dielën mediat botërore kanë nxjerrë pamjet e sekuestrimit të saj nga forcat iraniane.

Anija britanike u rrethua në ngushticën e Hormuzit nga varka të vogla të zeza, ndërsa nga helikopterët zbritën forcat iraniane në bordin e saj. Anëtarët e ekuipazhit britanik janë indianë, rusë, letonezë dhe filipinas.

Bllokoi cisternën me naftë, Irani kërcënon Britaninë e Madhe

Tensionet mes Britanisë dhe Irani janë rritur ndjeshëm pas konfiskimit të një cisterne me naftë të Teheranit nga marina britanike. Cisterna e Iranit u konfiskua me pretendimin se ajo do të çohej në Siri duke shkelur sanksionet e Bashkimit Europian dhe SHBA të vendosura ndaj Bashar al Asaad.

Udhëheqësi suprem i Iranit, Ayatollah Ali Khamenei, e cilësoi këtë veprim si “pirateri” dhe qeveria do të hakmerrej për këtë.

“Republika Islamike dhe forcat e saj të përkushtuara nuk do ta lejojnë këtë djall pa një përgjigje.” ka thënë Khamenein.

Në lidhje me ngjarjen ka reaguar edhe sekretari i Jashtëm britanik, Jeremy Hunt, i cili tha se do të dorëzonte cisternat vetëm nëse Teherani garanton se ato nuk do të shkojnë në Siri.

Nëse konfirmohet se cisterna është ngarkuar nga Irani, në përpjekje për ta dërguar në Sirinë e shkatërruar nga lufta, atëherë kjo përbën shkelje të sanksioneve të SHBA-së dhe BE që do të shoqërohet me sanksione të tjera.

Kërcënon Irani: Do rrisim nivelin e pasurimit të uraniumit

Irani po e rrit nivelin e pasurimit të uraniumit përtej niveleve të lejuara nga marrëveshja bërthamore e vitit 2015 që vendosi kufizime ndaj programit bërthamor të vendit.

Teherani e njoftoi këtë ndryshim të dielën. Agjencia Reuters tha se Irani mund ta rrisë nivelin e pasurimit në 5% për të prodhuar karburant për termocentralet.

Javën e kaluar, Irani njoftoi se e kishte tejkaluar kufirin e uraniumit të pasuruar prej 300 kilogramësh, por zyrtarët, përfshirë Ministrin e Jashtëm Mohammad Javad Zarif, thanë se Teherani ishte gati t’i respektonte përsëri kufizimet e vendosura nga marrëveshja, nëse do të merrte ndihmën ekonomike nga vendet e tjera të përfshira në marrëveshje.

Presidenti iranian Hassan Rouhani kohët e fundit tha se vendi i tij do të fillojë pasurimin e uraniumit në nivele më të larta, nëse nuk lehtësohen sanksionet nga nënshkruesit e tjerë të marrëveshjes së vitit 2015.

Marrëveshja e ndalon Iranin të prodhojë uranium të pasuruar mbi nivelin 3.67% dhe e lejon të mbajë vetëm 300 kilogramë nga ky lloj materiali në rezervat e vendit./VOA/

Sekuestrohet 228 kg heroinë, synonte tregun europian

Policia bullgare në pikën doganore që lidhet me shtetin turk, ka sekuestruar 288 kg heroinë në ngarkesën e një kamioni, që vinte nga Irani përmes Turqisë.

Policia arrestoi dy persona, shoferin e kamionit një shtetas iranian dhe një shtetas turk, që ishte shoqëruesi i tij. Droga ishte e ndarë në 144 pako dhe ishte fshehur në dyshemenë dhe tavanin e një makine, që po transportohej brenda kamionit.

Droga u gjet pas skanimit të ngarkesë me rreze X. Dy të arrestuarit përballen me akuzën me burg nga 15 deri në 20 vjet.

Bullgaria është quajtur ndryshe edhe si “rruga e drogës” për narko-trafikantët nga Ballkani dhe Lindja e Mesme drejt Europës Perëndimore.

Vendimi i SHBA-së kthehet në çështje inati për Iranin

Pas vendimit të presidentit Trump për të shpallur Gardën Revolucionare Iraniane si organizatë terroriste, nuk ka qëndruar duarkryq as qeveria e Iranit.

Sipas televizionit shtetëror iranian, Këshilli i Lartë i Sigurisë ka caktuar gjithashtu forcat ushtarake të SHBA si një “organizatë terroriste, raporton Reuters.

“Asnjë vend nuk ka të drejtën ligjore për të caktuar si terroristë forcat e armatosura të një vendi tjetër … Ndikimi i Iranit në Lindjen e Mesme dhe suksesi i tij në luftën kundër Shtetit Islamik janë arsyet prapa këtij vedimi.” – tha televizioni shtetëror iranian.

Vendimi i Trump është hera e parë që SHBA ka shpallur ushtrinë e një qeverie tjetër si një organizatë terroriste.