“Massimiliano Allegri nuk do të ulet në stolin e Juventusit në sezonin 2019/2020”, ky është njoftimi i klubit të Juventusit i shpërndarë sot zyrtarisht, pas një takimi që ka pasur trajneri me presidentin e klubi Andrea Agnelli.
Më tej, në njoftimin e klubit të Juventusit, thuhet se gjatë ditës së nesërme do të ketë një konfernecë për shtyp në “Allianz Stadium”, ku do flasi për herë të fundit Max Allegri i shoqëruar nga numri një i klubit, Andrea Agnelli.
Gjatë pesë seszoneve që drejtoi Juventusin, Allegri e udhëhoqi ekipin drejt fitores së 5 kampionateve, 4 Kupa të Italisë dhe dy Superkupa, me plot 11 trofe. Megjithatë, 51-vjeçari nuk arriti të kishte sukses në Champions League, as me ardhjen e Cristiano Ronaldos në Torino.
Aaron Ramsey ka zhvilluar seancën e fundit stërvitore me Arsenalin, para se futbollisti uellsian të largohet nga “Topçinjtë”, për të nisur një aventurë të re në Itali me Juventusin.
Pasi u përshëndet me tifozët, Ramsey është përshëndetur dhe nga klubi i Arsenalit ditën e sotme, ku i është kushtuar një baner me mbishkrimin “Vetëm një Aaron Ramsey”.
Fotoja është publikuar në rrjetin social Twitter nga Arsenal, duke i bashkëngjitur dhe një mbishkrim ku thuhej: “Dita e fundit e në Qendrën e Trajnimit të Arsenalit për Aaron Ramsey. Faleminderit për gjithçka, Rambo”.
Pas njëmbëdhjetë sezoneve me fanellën e “Gunners”, 369 paraqitje, 64 gola dhe 62 asistime, talenti i Uellsit tani është i gatshëm të përballet me futbollin italian, i etur për t’u testuar në atë që do të jetë një kampionat i ri për të.
I rritur në Cardiff, Ramsey në të vërtetë ka kaluar gjithë karrierën e tij në Premier League, duke veshur, përveç Arsenalit, edhe fanellën e Nottingham Forest.
Final day at Arsenal Training Centre today for @AaronRamsey
Mehdi Benatia u largua në janar nga Juventusi, pasi nuk po gjente shumë hapësira në formacion. Shkaku i largimit të tij nga Bardhezinjtë ka qenë pikërisht trajneri Allegri, i cili, sipas mbrojtësit, e kishte prerë në besë Benatian. Ky i fundit ka folur në një intervistë për “Yahoo Sport”, ku ka treguar dhe arsyen e largimit nga Torino.
“Kur mora vesh për rikthimin e Bonucci-t, menjëherë shkova të flisja me Allegri-n. Ai më tha të mos shqetësohesha sepse unë dhe Chiellini do të ishim titullarë dhe Bonucci duhet ta rifitonte vendin në formacion, por unë nuk luajta më kur filloi sezoni dhe nuk e mora mirë”.
"Allegri mi disse di non preoccuparmi, ma poi non ho giocato più"
“Shkova të flas me drejtuesit dhe i thashë se nuk dua të luaj më me këtë trajner. Shokët e ekipit u munduan të më ndryshonin mendjen, por vendosa të mos rinovoj”.
“Megjithëse kisha filluar të kërkoja për një shtëpi në Torino pasi doja ta mbyllja karrierën time tek Juventus. Kështu që vendosa të largohem nga Europa për të përjetuar një eksperiencë të re me familjen time”.
Eleminimi nga Champions League, pavarësisht fitores së kampionatit për të tetin vit radhazi, nuk ishte një moment i mirë për Juventusin. Ardhja e Cristiano Ronaldos krijoi iluzione se Max Allegri do t’ia dilte këtë sezon, por nuk ndodhi kështu.
Mediat kanë spekuluar gjatë ditës së djeshme, por dhe sot, se Allegri është shumë pranë divorcit me klubin torinez. Madje, disa syresh shkuan më tej, duke i gjetur dhe klubin e ardhshëm.
Megjithatë, media italiane “Tuttosport”, shkruan sot pasdite se Juventus nuk ka asnjë divorc me trajnerin Allegri. Megjithatë, thekson gazeta, e ardhmja e tij nuk është aspak e sigurtë.
Gjatë ditës së djeshme u përfol se do të kishte një takim mes Allegrit dhe Agnellit në qendrën stërvitore të klubit, ku do të diskutohej çështja e vazhdimësisë.
Mirëpo Drejtori i klubit torinez, Fabio Paratici, ka mohuar këto deklarata. “Ne kemi qenë të gjithë në vende të ndryshme. Këto dy javë nuk ka pasur asnjë rast që Allegri të takohet me presidentin”, shkurtimisht drejtori i Juves.
E ardhmja e Elseid Hysaj nuk do të jetë te Napoli. Kjo tashmë dihet, pasi jo vetëm rritja e Malkuit, por dhe nisja e kërkimeve nga Ancelotti për një mbrojtës të ri në krahun e djathtë, e bën dhe më të sigurtë largimin e mbrojtësit shqiptar.
Napoli, ashtu si dhe Juventus, prej kohësh po mbajnë në vëzhgimin mbrojtësin e Tottenham, Kieran Trippier. Sot, mediat italiane, raportohet se në këtë garë është futur dhe Inter.
Skuadra e Luciano Spalletit kërkon një mbrojtës të djathtë me përvojë ndërkombëtare, teksa prej kohësh trajneri zikalëtr pëlqen dhe Elseid Hysajn. Mirëpo, siç raportohet nga Gazetra dello Sport, mbrojtësi shqiptar do të jetë një alternativë e dytë.
Inter po interesohet dhe mban nën vëzhgim Trippier. Megjithatë, skuadra nga Milano do ta ketë të vështirë luftën me Napolin dhe Juven, kjo edhe për arsye financiare. Në këtë aspekt, Elseid Hysaj, kthehet në alternativë konkrete për Interin, që mund ta tërheqë mbrojtësin drejt Milanos për vetëm 25 milionë euro.
Titulli kampion në Itali nuk ishte
ajo që prisnin tifozët e Juventusit këtë sezon. Ardhja e Cristiano Ronaldos në
Torino, bëri që shumë kush të besonte se “bardhezinjtë” do të ngrini lart
trofeun e Champions League, por u eleminuan pa shkuar në gjysmëfinale.
Kritikat ndaj Massimiliano Allegrit kanë qenë të shumta, jo vetëm nga tifozët e Juventusit, por trajneri është kritikuar ashpër edhe nga opinioni sportiv në Itali. Në mbrojtje të numrit një të stolit “bardhezi” ka dalë së fundi mbrojtësi Miralem Pjanic.
“Më duket mungesë respekti të thuash diçka negative për këtë Juventus. Shumë njerëz flasin në ajër pasi nuk marrin vesh nga futbolli. Sigurisht që ne si ekip mund të përmirësohemi në shumë aspekte, por kemi njerëz e një trajner të përgatitur pranë, ndaj dimë se çfarë duhet bërë për sezonin tjetër”.
“Dolëm nga kompeticioni sepse rivali përfitoi nga mungesat tona. Kur përmendet ‘fati’, është pikërisht në lidhje me këtë aspekt. Nuk është justifikim, ndaj le të punojmë për të bërë më mirë edicionin e ardhshëm”.
Juventus nuk ka çfarë të humb në ndeshjet e mbetura në kampionat, ndaj Massimiliano Allegri ka gjithë të drejtën të shijojë lojën e skuadrës së tij, pas shpalljes Kampion Italie.
Në përfundim të ndeshjes me Interin, që u mbyll në barazim 1-1, Allegri ka folur për “Radio Rai 1”, duke u shprehur se skuadra e tij bëri një pjesë të dytë të mirë.
“Jemi përmirësuar në pjesën e dytë, sepse kemi luajtur më mirë në aspektin teknik. Në të parën kemi humbur shumë topa, kemi gabuar 4-5 nisje të rrezikshme dhe kemi qenë në vështirësi”, ka thënë trajneri i bardhezinjve”.
“Inter është skuadra që ka shënuar më shumë gola pas nesh në goditjet standarde dhe ne kemi kërkuar t’i përmbajmë, më pas në pjesën e dytë kemi bërë një ndeshje të mirë dhe jam argëtuar”, ka thënë tekniku i bardhezinjëve.
Në fund ai ka folur edhe për Cristiano Ronaldon, duke komentuar faktin se portugezi mbetet golashënuesi më i shpeshtë te Juve. Allegri u shpreh se kur ai është në fushë, është e vështirë të shënojê lojtar tjetër.
“Është e vështirë të shënojnë të tjerët kur luan ai, këtë vit kemi shënuar shumë gola me kokë, Ronaldo është i vrasës, një sulmues ndryshe nga të tjerët. Duhet të punojmë, por ai ka nevojë për lojtarë me karakteristika të caktuara rreth vetes”, ka përfunduar Allegri.
Luciano Spalletti ka folur për mirkofonët e “Sky Sport”, pas barazimit të Interit me Juventusin mbrëmjen e së shtunës në “San Siro”. Trajneri i ekipit “zikaltër” ka analizuar ndeshjen, duke u shprehur se skuadra e tij luajti mirë dhe jo duke u mbrojtur.
“Një ndeshje e bukur të cilën të dyja skuadrat tentuan ta fitojnë. Në pjesën e parë provuam të administrojmë më shumë topin por pa mundur dot të dyfishojmë. Pastaj nuk kemi karakteristikat e një skuadre që mbron. Shumë futbollistë nuk kanë cilësitë e lojës mbrojtëse, ndërsa ata u treguan të aftë për të gjetur hapësirat dhe për të shënuar”, komentoi Spalletti.
I pyetur nga gazetarët rreth të ardhmes së tij, Spalleti është shprehur se për këtë vendos klubi, ndërsa ai vet do të donte të qëndronte përjetësisht tek Inter.
“Nuk është një problem, vendos klubi. Unë do të qëndroja edhe për 100 vjet te Inter, sepse është një klub i bukur. Keni parë se çfarë emocioni dhuron ky publik. Inter bën mirë të zgjedhë më të mirën për veten”.
“Nëse kjo nënkupton anullimin e punës time, nuk vlen asgjë. Inter duhet të ketë personazhe që të dinë të vendosin, dhe mbi të gjitha nevojitet të mbrohet Inter”, deklaroi ndër të tjera trajneri i Inter, Luciano Spalletti.
Një ndeshje spektakolare ajo e sotmja në “San Siro” mes Interit dhe Juventusit, por në fund është mbyllur në barazim 1-1.
Interi kaloi i pari në avantazh me Nainggolan që realizoi një gol spektakolar nga distanca, duke zhbllokuar takimin.
Megjithatë, miqtë u kundërpërgjigjën me Cristiano Ronaldon, që në minutën e 62′ vendosi barazpeshën në fushën e lojës.
Ky ka qenë gol i veçantë për CR7, që realizon golin e tij të 600 në nivel klubesh në të gjitha kompeticionet në Europë.
CR7 scores his 600th career club goal. Is Cristiano Ronaldo the best player in the world??? Obviously 😍 G. O. A. T 🔥 #InterJuvepic.twitter.com/iOVKpcDsCW
Nuk ishin të vetmit e as të parët, Fiorin Durmishaj dhe Mario Vrushaj, lojtarët që refuzuan Shqipërinë në mars të këtij viti, për të luajtur me një kombëtare tjetër.
Shqipëria është mësuar tashmë me të tilla histori, por një nga ato të bujshmet e disa viteve më parë rikthehet në kujtesën e të gjithëve, as më shumë e as më pak, por nga vetë protagonisti.
Elvis Kabashi është një nga lojtarët që vite më parë refuzoi ftesën e Shqipërisë, pasi shpresonte të luante me kombëtaren e Italisë, pasi bënte pjesë te të rinjtë e Juventusit.
Mesfushori i qendrës, që aktualisht luan me Dinamom e Bukureshtit, ku aktivizohet dhe mbrojtësi Naser Aliji, ka folur në një intervistë për gazetën rumune, “Digisport.ro”.
Ai ka risjellë në kujtesë letrën që asokohe, sipas Kabashit, ish-menaxheri i tij i dërgonte FSHF-së duke refuzuar kombëtaren shqiptare.
Elvis Kabashi ka treguar se po punon fort që të marrë një ftesë nga kombëtarja e Shqipërisë. Sipas tij, ajo letër e pozicioni kundër Kombëtares, ndërsa shprehet se me ish-menaxherin është në gjyq për këtë çështje.
“Me Alijin kuptohemi shumë mirë dhe kemi një marrëdhënie shoqërore dhe jashtë fushe. Është mirë të jesh në një ekip me një shqiptar tjetër. Shpresoj, sepse ka pasur disa keqkuptime sa i përket grumbullimit tim me Kombëtaren”
“Është folur për një letër që unë kam shkruar, por nuk është e vërtetë, sepse letrën e pati shkruar ish-menaxheri im, me të cilin kam disa gjyqe të hapura. Ajo letër më pozicionoi kundër kombëtares, sepse, nëse unë nuk do të doja të luaja me Shqipërinë nuk do të luaja as me 19-vjeçarët në eliminatoret e Europianit”.
“Prindërit e mi janë Shqiptarë, unë kam lindur në Itali, por gjaku im është ai i një shqiptari, ndaj nuk ka arsye pse ta refuzoj Kombëtaren e Shqipërisë. Gjithë këtë rrëmujë e ka shkaktuar ish-menaxheri, i cili nuk donte që të luaja me Kombëtaren, por të përqendrohesha vetëm tek Juventusi”
“Njerëzit kanë të drejtë të më gjykojnë, pasi nuk e dinin të vërtetën, ndërsa unë nuk kam folur më parë për këtë letër, sepse nuk kam shkruar asgjë dhe në ndërgjegjen time jam i qetë”.
“Ndoshta duhet të isha kundërpërgjigjur, por m’u duk sikur do t’i hidhja benzinë zjarrit. Tani është në dorën time të tregoj se sa e rëndësishme është Kombëtarja për mua. Shpresoj të grumbullohem, pasi është një krenari të mbrosh ngjyrat e vendit tënd. Do të përpiqem të stërvitem e të punoj sa më shumë për t’u rikthyer në Kombëtare”, tha Kabashi.”
