Tag: Kategoria Superiore

“Talenti i sezonit”, Esat Mala merr çmimin e rëndësishëm në Superligë

Esat Mala është përzgjedhur nga shoqata “Sporti na Bashkon” si “Talenti i sezonit 2018/19”. Lajmin e ka dhënë klubi i kuq, me anë të një komunikate zyrtare shpërndarë në rrjetet sociale. Partizani shkruan se Esat Mala është shpallur fitues i anketës tradicionale të zhvilluar nga shoqata “Sporti na Bashkon”, në edicionin e 11 të saj.

Mala ka marrë shumicën e votave nga juritë e përbëra nga trajnerët dhe fazetarët sportiv, duke fituar kështu edhe çmimin që jepet nga kjo shoqatë. Mala është mesfushor i Partizanit dhe kombëtares U-21, dhe shihet si një nga lojtarët premtues të kampionatit tonë. 

Ceremonia e rastit është organizuar në ambientet e klubit të futbollit Partizani. Çmimi Esat Malas i është dorëzuar nga drejtori ekzekutiv i shoqatës “Sporti na Bashkon” Gëzim Nushi. Së fundi Esat Mala u aktivizua në të dyja ndeshjet që Partizani luajti në Champions League ndaj Qarabag.

Vlera e kartonit të mesfushorit të talentuar është rritur duke kapur vlerën e 425 mijë eurove, sipas transfermarkt. Kjo e bën lojtarin 20 vjeçar një nga tre lojtarët më të shtrenjtë të Partizanit dhe një nga tetë futbollistët me vlerën më të lartë të transferimit në Superligë. Nëse Mala do të vijojë të luajë ende në Europa League dhe do të ketë paraqitje të mira, vlera e kartonit të mesfushorit, mund të pësojë rritje të mëtejshme.

E ardhmja e Skënderbeut në dorë të Takajt

Skënderbeu mësoi të premten vendimin e hidhur të CAS, që lë në fuqi dënimin 10-të vjeçar të UEFA-s për përjashtimin nga pjesëmarrja në kupat e europës, dhe 1 milionë euro gjobë. Ky vendim është drastik, tashmë i paapelushëm dhe që i jep një goditje të rëndë klubit korçar, që fitoi 7 herë titullin kampion në dekandën e fundit dhe shkoi dy herë në fazën në grupe të Europa League. Por, tashmë fatet e Skënderbeut janë në dorën e presidentit të klubit Ardian Takaj. Dy vitet e para të dënimin tashmë janë ezauruar, mbeten dhe tetë  vite për të plotësuar gjithë dënimin, dhe më pas rikthimin në Europë.

Por koha duket e largët, dhe më së shumti, ajo që e bën dhe më të vështirë rikthimin në Europë, është fakti se Skënderbeut në tetë vitet e ardhshme do t`i duhet të luftojë në Superligë çdo vit për të qenë në tre vendet e para të kampionatit, pasi vetëm kështu mund të ezaurohet dënimi. Në të kundërt, nëse Skënderbeu nuk është në fund të sezonit në një nga tre vendet e para të kampionatit, dënimi për atë vit nuk quhet i shlyer. Gjithsesi, përtej kësaj, ka një tjetër çështje që tashmë do të duhet të zgjidhet te ekipi më i suksesshëm i dekadës së fundit në Shqipëri. E ardhmja!

Tashmë lojtarët janë në mes të katër rrugëve, pakkush do të donte të qëndronte në një ekip që nuk lufton për asgjë, pasi kjo do të ishte kohë e humbur nga ana sportive por dhe financiare për lojtarët. Megjithatë, në kampin korçar diçka është menduar. Vitin e kaluar klubi bëri një investim të rëndësishëm për të ardhmen. Krijoi ‘Akademinë Skënderbeu’, një projekt që synonte evidentimin e talenteve dhe më pas promovimin e tyre në ekipin e parë. Megjithatë, emri “Akademia Skënderbeu”, mund të përdoret edhe për të ndryshuar emerën e skuadrës, ekipit të parë.

Kështu, klubi do të shmangte tetë vite dënim, dhe do të duhet të kryej dhe tre të tjerë, pasi nëse skuadra do të duhet të rinis gjithçka nga zero duke zbritur në Kategorinë e Tretë. Ky është opsioni më i mirë i mundhshëm, për të mos e lënë qytetin korçar pa futboll. Por, nuk përjashtohet as mundësia që Ardian Takaj të investojë në një klbu tjetër (Devolli ose Maqliqi), dy qytete afër Korçës, që aktualisht kanë ekipe në Kategorinë e Parë dhe të Dytë.

Por, dënimi i Skënderbeut mund të largojë Ardian Takajn nga skuadra korçare përfundimisht, dhe kalimin në një tjetër klub, siç është Elbasani apo Vllaznia, dy klube që kanë traditë në futboll, kanë dy stadiumet më të mirë në vend, dhe mbi të gjitha, kanë tifozë. Ky është një tjetër opsion, por që mbetet i tillë, derisa presidenca e klubit të  shprehet publikisht, qoftë për vendimin e CAS qoftë për të ardhmen.

Skip to toolbar