Tag: Real Madrid

Real Madrid “mbretëror” në takimin e parë të La Ligas

Pas humbjes së Barcelonës të premten, La Liga ka nisur në mënyrën e duhur për Real Madridin të shtunën. Skuadra e Zinedine Zidane ka fituar 1-3 në transfertën ndaj Celta Vigo, duke bindur që në ndeshjen e parë të kampionatit.

Me mungesën e blerjes së bujshme të merkatos së verës, Eden Hazard, dhe daljen me të kuq të Luka Modric, Real Madrid ka treguar se do të jetë një ekip i ‘frikshëm’ këtë sezon. Një sprint i shkëlqyer i “padëshiruari” Gareth Bale, që futet në zonë në minutën e 12`, gjen dhe i pason topin Karim Benzema, që përballë portierit kundërshtarë nuk e ka të vështirë të shënojë.

Në minutën e 56` Luka Modric la Realin me 10-të lojtarë, pasi u ndëshkua me të kuq, pas një ndërhyrje të gabuar ndaj një lojtari kundërshtar. Megjithatë, as i kuqi i Modric nuk e penalizmi Realin, pasi në të 61` Kroos dyfishon shifrat për madrilenët, me një gol spektakolar nga jashtë zone.

Dhjetë minuta para përfundimit, ishte Lucas që trefishoi për Realin me një realizim të bukur nga brenda zonës. Megjithatë, vendasit ngushtojnë shifrat në 1-3 në minutën e 90+1`. Me këtë fitore, Real Madrid tregon se ndeshjet miqësore të verës, kanë qenë thjesht një histori e parëndësishme, pavarësisht se humbjet ishin shqetësuese për tifozët.

Çmimi largon Realin nga Pogba, Van de Beek në ‘radarët’ e Zidane

Real Madrid është një nga klubet që ka shpenzuar më shumë në merkaton e verës këtë sezon, ndërsa ka pasur edhe një ecuri shumë negative në pesë ndeshje miqësore. Megjithatë, klubi nuk shqetësohet për këtë, pasi fokusi është te merkato.

Një dështim i mundshëm i negociatave me Manchester United për transferimin e Paul Pogba në “Santiago Bernabeu”, ka bërë që “Losblancos” të mendojnë për planin “B”.

Ai është Donny van de Beek, mesfushori i talentuar i Ajax në Hollandë. 22-vjeçari u dallua në “Bernabeu” në ndeshjen e të 16-ve ku Ajax fitoi 4-1 ndaj Realit, para se të shënonte ndaj Juventusit në Torino në çerekfinalen e Ligës së Kampionëve sezonin e shkuar.

Van de Beek ka luajtur 57 ndeshje sezonin e kaluar, duke shënuar 17 gola dhe 13 asiste. Mesfushori vlerësohet me një çmim prej rreth 60 milion euro, shumë herë më pak se 170 milion euro që kërkon United për Pogba. Në këto kushte, ky skenar duket më i realizushëm dhe Real Madrid do të fokusohet te transferimi i 22-vjeçarit.

Interesin e “Losblancos” e ka pranuar vetë lojari i Ajax, i cili është shprehur se Real ka pasur kontakt me të. “Po, Real Madrid është interesuar për mua. Por unë nuk mund të flas për atë që nuk ekziston.

Tani për tani duha të përqëndrohem këtu”, është shprehur lojtari. Ten Hag, trajneri i Ajax, gjithashtu foli për interesin e Real Madridit për lojtarin e tij: “Ne nuk duam ta humbim atë, por mund të bëjmë shumë pak për ta penguar, nëse një klub si Real Madrid e kërkon atë”.

Real Madrid me shifra “apokaliptike”, pëson 16 gola në pesë ndeshje

Real Madrid është duke kaluar periudhën më të vështirë në aspektin sportiv, që prej vitit 1980. Skuadra e Zinedine Zidane ka pësuar 16 gola në pesë ndeshje të luajtura, gjatë turneve të verës në SHBA dhe Europë.

Shifra të frikshme këto që duhet të shqetësojnë tifozët madrilenë për ekipin e tyre, që këtë sezon ka shpenzuar jo pak në merkato. Humbja 3-7 ndaj Atletico Madrid në stadiumin “MetLife” solli përsëri në kujtesë humbjen famëkeqe 9-1 nga Bayern Munich në verën e vitit 1980.

Dhe ngjashmëritë midis atij sezoni dhe këtij aktuali janë shumë të mëdha. Në pesë ndeshje Real Madrid pësoi 16 gola. Kjo është një shifër e madhe. Nëse ekipi i Zidane do të pësojë një tjetër gol në 7 gusht ndaj Red Bull Salzburgut apo kundër Romës katër ditë më vonë, do të barazohet rekordi famëkeq i vitit 1980, ku Real pësoi 17 gola gjatë turneve të verës.

 “Të mos harrojmë se kjo është para sezonit”, u shpreh Benzema gjatë turneut “Audi” në Munih. Të njëjtin mendim pati dhe Zidane, pas humbjes me Bayernin në Huouston, në turneun e klubeve në SHBA. “Ne do i rregullojmë gabimet”, tha tekniku i madrilenëve.

Ronaldo kthehet në Madrid, vlerësohet nga Marca dhe takon presidentin e Realit

Cristiano Ronaldo ka marrë çmimin “Legjenda e Marcas” për karrierën e tij të suksesshme si futbollist profesionist dhe madhështinë që ka arritur në nivele ndërkombëtare. Futbollisti mori çmimin nga drejtori i gazetës spanjolle, Marca, Juan Ignacio Gallardo, në një aktivitet të mbajtur në Teatrin Reina Victoria në Madrid. Në këtë ceremoni ka qenë i pranishëm dhe Presidenti i Real Mdrid, Floerntino Perez.

Gjatë fjalës së tij, Ronaldo është shprehur se shumica e meritës së çmimit që ka fituar, është arritur në Madrid. “Ky trofe do të jetë në një vend shumë të rëndësishëm në muzeun tim. Madridi është i veçantë, unë udhëtoj shumë, por ka pak qytete si Madridi. Shumica e këtij çmimi rrjedh nga ajo që kam bërë këtu. Faleminderit të gjithëve atyre që më kanë ndihmuar të arrij këtu. Është krenari për mua”, ka thënë portugezi.

Ronaldo është golashënuesi më i mirë i historisë së Real Madridit. Gjatë karrierës së tij në kryeqytetin spanjoll, ai shënoi 451 gola në 438 ndeshje të luajtur me fanellën e “Losblancos”. Rikthimi në Madrid dhe takimi me Perez, thyen disi “akullin” e marrëdhënieve mes Ronaldos dhe ish-klubit të tij, Real Madrid.

Një vit më parë, Ronaldo u largua nga Spanja, por largimi i tij u shoqërua me shumë polemika, lidhur me refuzimin e rinovimit të kontratës nga klubi madrilen, që nuk pranoi të paguante një rrogë më të madhe për portugezin.

Zidane i jep ‘dorën’ Bale: Nëse ikën nesër, më mirë

Marrëdhënia Real Madrid-Gareth Bale është në fund. ‘Los Blancos’ ka konfirmuar zyrtarisht, nëpërmjet trajnerit Zinedine Zidane, se Bale do të largohet. “Unë nuk kam asnjë personale kundër Bale”, është shprehur trajneri i madrilenëve në një konferecë për shtyp.

Në këto kushte, Zidane ka konfirmuar se uellsiani do të largohet shumë shpejt nga klubi. Gareth Bale u la jashtë lojtarëve të grumbulluar në ndeshjen që Real Madrid luajti kundër Bayern Munich në “International Champions Cup”.

Për këtë trajneri Zidane është shprehur “Ai nuk u thirr për shkak se klubi është duke negociuar për transferimin e tij diku tjetër. Nëse gjithçka zgjidhet nesër, aq më mirë”, tha Zidane. Kjo çështje është kthyer në shqetësim, raportojnë mediat.

Zidane nuk ndihet rehat për momentin, pasi nëse gjithçka nuk zgjidhet shpejt, debati për të ardhmen e Bale mund të ndikojë shumë te ecuria e Real Madrid gjatë pjesës tjetër të turneut të “International Champions Cup”, që po zhvillohet në SHBA mes klubeve evropiane. Ndërkohë, Gareth Bale ka deklaruar më herët se nuk dëshiron të largohet nga klubi dhe se ndihet mirë aty.

Megjithatë, javët e fundit nuk kanë qenë aspak pozitive mes Zidane dhe Bale, teksa në konferencë për shtyp, trajneri madrilen është shprehur se: “Situata me Bale nuk ka ndryshuar qysh nga qershori, dhe aspak”.

Real Madrid krijon ekip për femra, “Galaktikja” e parë një shqiptare

Real Madrid ka vendosur të krijojë një ekip femrash, që do të garojë në Liga Iberdrola (kampionati i futbollit për femra në Spanjë), dhe lojtarja e parë e këtij ekipi, pritet të jetë një futbolliste me orgjinë shqiptare, Kosovare Asllani. Sulmuesja, që aktualisht luan për Linkoping në Suedi dhe kombëtaren e këtij shteti, është në krye të listës së lojtareve që pritet të transferohen nga Real Madrid, për të krijuar ekipin e ri. Sipas medias spanjolle “AS”, Asllani, e njohur në Suedi si “Zllatan femër”, do të jetë “Galaktikja” e parë femër në Madrid.

Në fakt, Reali nuk ka një ekip femrash, dhe klubi ka miratuar vendimin për të krijuar një të tillë, që do të garonte në kampionat gjatë sezonit 2019/20. Mirëpo, për shkak të kohës së kufizuar, skuadra nuk mund të krijohet, për këtë arsye, klubi  ka vendosur të bashkëpunojë me ekpin CD Tacon, i sapo ngjitur në elitën e futbollit të femrave në Spanjë. Ky ekip, gjatë sezonit 2019/20 do të garojë nën logon e Real Madrid Femra, ndërsa pas një sezoni do të njihet zyrtarisht si “Real Madrid Femenino”.

Skuadra e CD Tacon do të stërvitet në komplekset stërvitore të klubit “Losblancos”. Kosovare Asllani është lojtare e lirë për momentin pas përfundimit të kontratës me Linkoping. Më parë, ajo ka luajtur për PSG dhe Manchester City, ndërsa është pjesë e skuadrës kombëtare të Suedisë, ekip me të cilin së fundi shkoi deri në gjysmëfinale të Kupës së Botës për femra.

Bale i mbetet në “derë” Realit, Zidane nuk e do, lojtari s`largohet

Në Madrid ka një çështje mes Gareth Bale dhe Zinedine Zidane. Trajneri francez i “Los Blancos” nuk e ka në preferencat e tij sulmuesin uellsian. Ndaj, më herët, Zidane ka kërkuar që sulmuesi të shitet nga klubi pasi nuk do të ketë hapësira në formacion gjatë sezonit të ardhshëm.

Megjithatë, Gareth Bale nuk dëshiron të largohet. “AS” shkruan se uellsian ka këmbëngulur për përmbushjen e kontratës së tij, e cila skadon pas tre vjetësh me Real Madrid. Klubi ka zhvilluar takime me lojtarin, por Bale nuk ka pranuar asnjë kompromis veç përmbushjes së kontratës së tij. Kontrata aktuale mes Bale dhe Real Madrid përfundon në vitin 2022.

Mungesa në planet e Zidane e nxjerr Bale praktikisht një lojtar të panevojshëm për klubin, që do të duhet ti paguajë rrogën e majme edhe për tre vite. Për këtë arsye Zidane do të preferonte të shihej mundësia e rikthimit të Gareth Bale në Angli, duke shfrytëzuar merkaton e verës, e cila mbyllet në 8 gusht.

Por nuk është e lehtë, shitja e Bale është  e komplikuar pasi lojtari ka një vlerë të madhe të kartonit të tij, gjë që pak klube do të ishin gati ta blinin, përfshirë këtu edhe faktin se performanca e Bale sezonin e fundit ka qenë shumë e dobët.

Zyrtare: Eden Hazard bëhet lojtar i Real Madrid, nënshkruan për pesë sezone

Tashmë është zyrtare, Chelsea i jep lamtumirën Eden Hazard. Klubi nga Stamford Bridge ka njoftuar zyrtarisht se “Chelsea dhe Real Madrid kanë arritur një marrëveshje për transferimin e Eden Hazard”, shkruhet në nisje të deklaratës. Më tej skuadra e presidentit Roman Abramoviç, shkruan se Hazard do të bashkohet me Realin pasi të kryejë testet mjekësore dhe do të nënshrkuajë kontratën.

“Hazard lë Chelsea si një nga lojtarët e mëdhenj në historinë tonë. Ai ndihmoi ekipin të fitojë Premier Ligën në dy raste, Europa League dy herë, FA Kupën dhe Kupën e Ligës një herë. Ai është votuar si “Chelsea Player of the Year” në një rekord prej katër herësh”, thuhet më tej në deklaratë.

Belgu ka luajtur 352 ndeshje me Blutë e Londës, duke shënuar 110 gola. Ai është një nga lojtarët më të mirë të dekadës së fundit për skuadrën e Chelsea. Drejtoresha e përgjithshme e Chelsea, Marina Granovskaia ka thënë: “Megjithëse është e trishtueshme, i themi lamtumirë Edenit. Ne e respektojmë vendimin që ai ka marrë për të nisur një sfidë të re në një vend tjetër ku do të ndjekë ëndrrën e tij të fëmijërisë për të luajtur me Real Madridin”, është shprehur Granovskia.

Më pas ka qenë Real Madrid, që ka publikuar një deklaratë zyrtare, ku shkruan se “lojtari është i lidhur me klubin gjatë pesë sezoneve të ardhshme, deri më 30 qershor 2024. Eden Hazard do të paraqitet si lojtar i ri i Real Madridit të enjten më 13 qershor në stadiumin “Santiago Bernabeu”, pas testeve mjekësore”, shkruan klubi Los Blancos.

Mbappe “përkëdhel” Real Madrid: Më pëlqen të trajnohem nga Zidane

“Mbappe zgjedh Zidane dhe i shkel syrin Real Madridit”, kështu e titullon gazeta spanjolle “AS” artikullin e kësaj të premteje rreth të ardhmes së yllit të PSG, Kylian Mbappe. Real Madrid e di se negociatat me PSG për Mbappe do të jenë të vështira, por dëshira e sulmuesit për të punuar nën urdhrat e Zidane, mund të hapë derën. Sulmuesi është shprehur se do t`i pëlqente të punonte me trajnerin e Real Madrid, por Paris Saint-Germain është i vendosur të mos e lejojë Mbappe të largohet nga “Parku i Princave”.

Florentino Perez ishte gjatë kësaj jave në kryeqytetin francez në Kongrezin e 69-të të FIFA-s. Nasser Al-Khelaifi, presidenti i PSG, pritej të merrte pjesë, por arriti të shmangte një foto që nuk do të kishte dyshim se do të nxiste spekulimet. Presidenti i PSG-së kishte planifikuar të ishte në Roland Harros për “Fanc Open”, por ai ka zgjedhur të qëndrojë në Doha.

Emiri i Katarit është i lodhur nga polemikat me Neymar, presioni i Fair Play Financiar dhe zhgënjimet e Ligës së Kampionëve. Ideja e largimit të yllit të tyre, e cila dukej e pamundur kohët e fundit, tani mund të marrë formë. Në skenarin aktual, mundësia që 20-vjeçari të përfundojë në Madrid duket të jetë më e mundshme se edhe vetëm një muaj më parë.

Por edhe kjo do të ishte e rrezikshme, pasi Florentino Perez nuk do të donte të krijonte “armiqësi” me PSG. Ndaj, ai ka dashur që vetë Mbappe të vihej në lëvizje për të ecur para me transferimin. Dhe këtë e ka bërë vetë Kylian Mbappe, që ka deklaruar se “se do të dëshironte të punonte nën urdhrat e Zinedine Zidane”.

Real Madrid mbyll marrëveshjen me Chelsea, pritet prezantimi i Hazard

Real Madrid dhe Chelsea kanë arritur marrëveshjen për sulmuesin belg, Eden Hazard. Gazeta spanjolle “AS” shkruan se dy klubet duket se kanë gjetur një marrëveshje, për transferimin e Hazard nga Londra në Madird.

Ndonëse Chelsea kërkonte 130 milionë euro për të lëshuar Hazard, Abramovic është bindur për ta lënë të lirë belgun për rreth 100 milionë euro, duke parë se kontrata e tij skadon vitin e ardhshëm, ndërsa sulmuesi 28-vjeçar nuk ka shprehur dëshirën për të rinovuar.

Marrëveshja mes dy klubeve është mbyllur në orët e vona të së mërkurës. Megjithatë, Federata Belge e Futbollit nuk ka pasur informacion se nëse lojtari kishte planifikuar një lëvizje drejt Madridit këtë të enjte, pasi aktualisht ai është i grumbulluar me kombëtaren e Belgjikës për dy ndeshjet kualifikuese të Euro 2020.

Veç “AS”, lajmin për arritjen e marrëveshjes mes Real Madrid dhe Chelsea për Hazard e ka shpërndarë dhe “Sky Sport”, që shkruanë detaje të tjera nga transferimi.

Pritet që sulmuesi belg të nënshkruajë një kontratë pesë vjeçare në “Santiago Bernabeu”, teksa ai do të përfitojë veç pagës së lartë, edhe bonuse të tjera financiare. Mediat raportojnë se Real Madrid mund të bëjë që prej kësaj të enjte në mbrëmje prezantimin  e Eden Hazard.

Skip to toolbar