Rudina: “Përgjimet u ruajtën për një ditë të zezë: Kur Basha refuzoi prokurorinë”

Rudina Hajdari që drejton opozitën parlamentare ka reaguar të martën për përgjimet e zbardhura nga gazeta gjermane Bild. Hajdari shkruan në facebook se nuk është rastësi që përgjimet dolën në të njejtën ditë kur Basha refuzoi prokurorinë që ta njohë me akuzën ndaj tij.

Ajo shkruan se këto përgjime janë mbajtur prej vitesh në sirtar për t’u përdorur për një ditë ditë si kjo, ndërsa thekson se tashmë e gjithë klasa politike është e implikuar dhe ka humbur legjitimitetin para qytetarëve.

“Zbulimi i përgjimeve nga gazeta Investigative “BIRN” dhe nga Zëri i Amerikës e më pas nga gazeta Gjermane ‘Bild’ tregon një ndryshim të strategjisë për sa i përket këtyre përgjimeve, që taktikisht janë përdorur për të ngritur modelin e Maqedonisë së Veriut dhe për të rrëzuar një qeveri, ashtu sic ndodhi atje me qeverinë e Gruevskit.

Garancinë, që një model i këtij lloji mund të ndodhë, e dha një gazetë gjermane që mesa duket ka edhe mbështetjen e një pjese të Budenstagut Gjerman për një përmbysje të tillë, po pa marrë në konsideratë hetimet e tjera që po ndodhin në Prokurorinë e Tiranës.

Ajo që është e qartë, përvec faktit të mungesës së shtetit të së drejtës, është se asgjë nuk është rastësi. Dalja e përgjimeve pikërisht në një datë kur Kryetari i PD-së shmangi paraqitjen në Prokurori, me fjalën se do ta arrestonin, ka ndezur gjendjen aktuale dhe pritet të ketë akoma më shumë ngjarje në ditët në vijim. Ajo që është e qartë nga e gjithë kjo histori është se të gjitha palët janë të zhytura në probleme të mëdha me ligjin dhe me shtetin e së drejtës. Të gjitha palët e kanë humbur legjitimitetin e tyre përpara popullit si përfaqësues të denjë për të mbrojtur interesat më minimale publike.

Të gjitha palët janë të gatshme të hedhin Shqipërinë në erë ashtu sic po ndodh me negociatat me Bashkimin Evropian në mënyrë që asnjë palë të humbin influencën dhe pushtetin e tyre si brenda dhe jashtë vendit”, shkruan Hajdari.

Më tej ajo thotë se CD me përgjime kanë 3 vjet që ruhen dhe nuk është ndërmarrë asnjë hetim i mëtejshëm, dhe as që bëhet fjalë për arrestim në flagrancë.

“Dosja 339 (700 CD me përgjime) dhe Dosja 184 janë shembuj konkret të zvarritjeve të njëpasnjëshme, procedime që kanë rreth 3 vite të regjistruara si procedime penale dhe akoma nuk ekziston transkriptimi i CD ndaj përgjimeve që janë bërë e jo më të flitet për dërgimin e tyre në gjyq.

Në të dyja këto procedime e sa e sa të tjera, të lidhura drejtpërsëdrejti me krimin e lartë shtetëror, jo vetëm që kanë mbetur të cunguara lidhur me traskriptimin e CD, por deri më sot janë të pashoqëruara me veprime të tjera hetimore, përshembull, ndjekje a kapje në flagrancë të personave të vënë nën përgjim. Theksohet fakti që vetë përgjimi sipas neneve përkatëse të Procedurës Penale nuk është gjë tjetër veç një indicje, e cila duhet të shoqërohet me veprime të tjera hetimore, të rëndësishme dhe konkrete që të merret si provë në fajësinë apo jo të një individi”, shkruan Hajdari.

Më tej ajo e cilëson të papritur anullimin e raportimit të kryeprokurores Arta Marku në kuvend që ishte parashikuar të zhvillohej të hënën, ndërsa bën thirrje që të enjte kryeprokurorja të flasë në seancë edhe për këto procedime.

“Pas një anullimi të papritur të Prokurores së Përgjithshme Arta Marku për të raportuar mbi veprimtarinë e këtij institucioni për vitin 2018, presim që këtë të enjte Prokurorja do të paraqitet për të raportuar përpara Parlamentit me datë 20 qershor 2019. Pyetja themelore është kjo: çfarë do të ndodhë me këto procedime? E pra, kjo është njëra pikë e rëndësishme që vetë Prokurorja e Përgjithshme duhet të analizojë dhe të argumentojë para Kuvendit të Republikës së Shqipërisë për të dalë mbi palët dhe për të garantuar shtetin e së drejtës, si një prokurore që ka kaluar vetingun”, shkruan Hajdari.

Zbulimi i përgjimeve nga gazeta Investigative “BIRN” dhe nga Zëri i Amerikës e më pas nga gazeta Gjermane ‘Bild’ tregon…
Gepostet von Rudina Hajdari am Dienstag, 18. Juni 2019

Ironia e Hajdarit për Metën: Bën si patriot, por e ka gruan në parti, zgjedhjet shtyhen me 1 muaj!

Rudina Hajdari gjatë fjalës së saj në Kuvend, në seancën për mocionin e shkarkimit të presidentit Ilir Meta, ka ironizuar me këtë të fundit. Znj.Hajdari, u shpreh se Meta bën si patriot, ndërkohë që këtë gjë e quajti të shëmtuar. “Bën edhe gjeste patriotike. Nuk mund të më thotë presidenti se unë jam patriot. Është një akt i shëmtuar që të vjen për të qeshur kur e shikon. Duhet të kuptojmë thelbin”.

“Nëse argumentojmë në mënyrë juridike, sot mund të thotë ka takuar ca njerëz. Presidenti mund të thotë për hir të Shqipërisë të kthejmë ligjin me vdekje. Mendoni se organet e drejtësië mund ta kthejnë këtë. Ku jemi këtu. Ky njeri po bën akte në sajë të interesit të vet apo të publikut”.

Më tej, Rudina Hajdari u shpreh se Ilir Meta e ka gruan në parti, ndërkohë sipas saj, zgjedhjet mund të shtyhet maksimumi me vetëm një muaj. “Ai e ka gruan në parti. Jemi lodhur me këtë gjendje, e di çfarë mund të ndodhë të dashur shqiptarë në më të mirën e rastit zgjedhjet do shtyhen vetëm një muaj, muajin tjetër do kemi zgjedhje”.

“A ja vlejti gjithë ky bojkot, a ia vlejti barra qiranë, absolutisht jo. Kjo bëhet që këta të tre të ulen bashkë dhe të bëjë një konsultë për të zgjatur pushtetin e tyre. Kaq është të dashur shqiptarë, kaq mund tu them që bëjnë politikanët në Shqipëri. Është koha që ne të largohemi nga këta njerëz“, u shpreh Hajdari.

Shkarkimi i Metës, Rudina Hajdari: S`ju intereson Shqipëria, por jetëgjatësia e pushtetit tuaj!

Kryetarja e Grupit Parlamentar të deputetëve të djathtë në Parlament, Rudina Hajdari ka marrë fjalën në seancën plenare, ku po diskutohet mocioni i shkarkimit të Presidentit të Republikës Ilir Meta. Hajdari e quajti mocionin e Grupit Parlamentar të PS pa vlerë juridike, ndërsa dekretin e kreut të shtetit për shfuqizimin e 30 qershorit e cilësoi si “akt të shëmtuar”. Megjithatë, sipas znj. Hajdari, Qeveria është bashkëfajtore për situatën, pasi zgjodhi presidentin dy vjet më parë, ndërkohë që ky i fundit kishte konflikt interesi sepse zgjodhi në krye të LSI, gruan e tij.

“Nuk ka ndonjë vlerë juridike. Ngre presionin dhe shantazhin ndaj presidentit Meta. Gjykimi për vendimin e Presidentit të Republikës së Shqipërisë e merr vetëm Gjykata Kushtetuese. Mocioni për shkarkimin e Presidentit vjen nga ¼ e deputetetëve. Pasi Komisioni Hetimor të verifikoi, të konstatoi, më pas ky Komision Hetimor të përpilojë një raport në Parlament që ti dërgohet Gjykatës Kushtetuese”.

“Fakti që ne nuk e kemi këtë Gjykatë, është një fatkeqësi e madhe. E theksoj, Gjykata Kushtetuese është organi i vetëm që konstaton këtë shkelje. Dua të di pse mendon se me këtë veprim, Ilir Meta mendon se zgjidh Krizën? Nëse palët nuk ulen bashkë dhe nuk arrijnë një kompromis, a nuk e fusim ne vendin më shumë në krizë?!”.

“Pika e dytë që duhet ti ngre presidentit; Më falni zoti president, nëse gruaja juaj është pjesë e opozitës, a nuk është ky konflikt i pastër personal? Doni të zgjasnin pozitën e tij, të zgjasni jetëgjatësinë e LSI-së. A nuk ishte zoti president, atëherë në atë kohë, në konflikt interesi, kur ai zgjodhi gruan e tij në krye të LSI? Pse nuk bët mocion në atë kohë. Mazhoranca u bë palë me LSI-në, vetëm për të zgjatur pushtetin tuaj, se nuk ju intereson fare çfarë ndodh në Shqipëri”, tha ndër të tjera Hajdari.

Hajdari: Palët politike, bashkëpunim që të humbë besimi te Reforma në Drejtësi

Deputetja demokrate Rudina Hajdari ka folur për reformën në drejtësi dhe domosdoshmërinë e saj për të rikthyer shpresën e humbur. E ftuar në emisionin “Ekopolitikë”, ajo tha se politika po trembet nga kjo reformë dhe se palët do të bashkohen për të humbur kredibilitetin e saj, ndërsa opozita parlamentare nuk duhet të bjerë në këtë kurth.

“Çdo kush do ta marrë flamurtarin se është pro reformës në drejtësi dhe të tjerët kanë frikë nga reforma në drejtësi. Nga ana tjetër unë mendoj se të gjithë janë shumë të frikësuar nga reforma në drejtësi. Shumë shpejt interesat do t’i bashkojnë dhe do bëjnë të pamundur që kjo reformë të humbë kredibilitetin tek popullsia dhe tek njerëzit. Ne nuk duhet të futemi në këtë kurth dhe duhet të mundohemi të tregohemi sa më koshientë se kjo është e vetmja reformë që mund të na japë shpresë për një të ardhme. Njerëzit e kuptojnë qartë se edhe pse këta janë kundërshtarë kanë interesa të përbashkëta.”

Hajdari i është përgjigjur edhe personave që e cilësojnë atë si tradhtare, duke thënë se qëndrimi i saj në parlament ka forcuar më shumë PD dhe demokratët.

“Do ta them troç fare. Unë duke qëndruar në parlament kam forcuar PD dhe demokratët në tërësi sepse i kam dhënë legjitimitet faktit që ne duhet të qëndrojmë në parlament dhe unë i përfaqësoj ata dhe do vazhdoj ti përfaqësoj ata. Kështu nuk besoj se kjo logjikë është e drejtë duke më quajtur mua tradhtare.”

Seanca, Balla: Negociatat hapen brenda 2019. Hajdari kërkon dialog politik, kritika Ramës dhe Berishës

Ka nisur me debate seanca e sotme parlamentare ndërkohë që deputetët janë përqëndruar tek diskutimi i progres raportit të KE-së. Kreu i grupit parlamentar të PS-së, Taulant Balla pohoi me bindje se negociatat hapen brenda vitit, ndërsa deputetja e opozitës, Rudina Hajdari ka kritikuar Ramën se nuk është i pranishëm në seancë për të folur për rekomandimet e KE-së.

“Sot është një ditë e gëzueshme për të gjithë shqiptarët, pasi meritat kryesore i takojnë atyre. 94% e shqiptarëve e mbështesin rrugën europiane. Kjo mbështetje është pikënisja ku mbështetet puna e qeverisë sonë për të ndërmarrë reformat. KE rikonfirmoi rekomandimin pa kushte për çeljen e negociatave për Shqipërinë. Dua të jem i sinqertë se për ne, për shumicën, ky vendim nuk ishte asgjë tjetër i punës sonë të sigurtë për aspiratën e shqiptarëve drejt BE. Publikimi i raportit u la direkt pas zgjedhjeve europiane është një fakt që ky proces është edhe politik. Është fakt se vendimi i cili ishte rekomanduar që vitin e kaluar u shty akoma më tej për arsye politike. Shqipëria mund të influencojë por nuk mund të jetë vendim marrëse. Progres raporti i bazuar në fakte, ndonëse nuk i hapi negociatat vitin e kaluar, qeveria jonë vijoi punën. Progres raporti i publikuar dje, është raporti më i mirë që ka marrë vendi ynë. Shqipëria do i hapë negociatat brenda vitit 2019. Viti 2019 do mbahet mend për hapjen e bisedimeve dhe përpjekjet e opozitës për të minuar rrugën europiane. Progres raporti është objektiv, me shifra dhe jo me retorikë rruge. Raport inkurajon çdo institucion të vijojë përpjekjet. Arsyeja për se kundërshtarët e saj janë bërë bashkë është kundërshtia e kësaj reforme.

Në raport thuhet” Zbatimi i reformës në drejtësi ka vazhduar në një formë konsitstente. Rivlerësimi i gjyqtarëve dhe prokurorëve ka përparuar në një formë të prekshme”, pra dje u tha troç se reforma jonë në drejtësi është unike dhe artikulohet si model për atë që ka bërë Shqipëria. Edhe në fusha të tjera KE thotë se Shqipëria është në nivelin e vendeve të BE. Në luftën kundër korrupsionit vlerësohen hapat që ka bërë vendi ynë. Ky skaner është pikënisja e vendeve anëtare. Cështjet e brendshme nuk duhet të krijojnë një barrierë. Në raport evidentohet se lufta kundër korrupsionit përfshin shkarkimin nga detyra edhe të gjyqtarëve që nuk respektonin asnjë cak. Nuk mund ta mbanim gjykaten kushtetuese me shejtanin brenda. Brenda këtij sesioni parlamentar ne fund te korrikut, vendi do kete gjykata kushtetuese. Në fund për sa i përket krimi të organizuar,citohen operacionet që kanë finalizuar arrestime.

Nuk është ligji ai që ka munguar por lidershipi i munguar i këshillit kombëtar për integrimin. Ia kemi besuar opozitës dhe për 18 muaj”, tha Balla.

Rudina Hajdari në fjalën e saj kërkoi më shumë dialog dhe bashkëpunim politik.

“Unë e kuptoj retorikën tuaj politike, por nuk dua të hyjë në atë mesele. Mungon Rama, qoftë duke na thënë diçka sa i përket këtij raporti. Kam ardhur të them këtu disa të vërteta. Sot kemi vetëm një njeri se është i “i vetmi më i miri i të mirëve”, po përpiqet të bind se vetëm ky po punon. Një njeri që varfëron të varfërit. Qeveria e tij është në një regres, integrimi nuk vjen nga të paintegruarit. Asnjë nga liderët tonë nuk e bindi dot BE që do jenë ato që do bëjnë integrimin. BE ka pasur një ndikim të jashtëzakonshëm për BP, por pranojë se BE na ka ndihmuar shumë, por ndihma më e vërtetë duhet të vijë nga ne. Ne nuk dimë se ç’do të thotë integrimi për Shqipëri, ku thonë se rroga është më e larta se në Gjermani, kur shpërndanë karta si letra nderi si njëherë e një kohë, kur nuk bëjnë asnjë ditë punë, por vetëm letra dashuri, apo ata që protestojnë në një ditë pushimi ku ai është vetë pushim. Shqipëria është bërë me një “gjoja”. Ka ardhur koha që të mos bëjmë më gjoja. Ka ardhur koha e një gjenerate që arsimohet ndryshe. Është detyra jonë patriotike për të marrë vendimin pozitiv të BE, duhet të fitojmë”, tha Hajdari.

Hajdari: Mirënjohje protestuesve, por vazhdojmë përpjekjen për hapjen e negociatave

Rudina Hajdari ka reaguar ditën e sotme, duke shprehur mirënjohjen për protestuesit e opozitës gjatë ditës së djeshme, të cilët shmangën dhunën.

Kryetarja e Grupit Parlamentar të deputetëve të rinj, që morën mandatet e dorëzuara nga opozita, ka shkruar një status në Facebook, ku pasi përshëndet protestën paqësore, shprehet se përpjekjet për hapjen e negociatave vazhdojnë.

“U jam mirënjohëse të gjithë atyre që morën pjesë në protestën e mbrëmshme dhe mbajtën një protestë paqësore”.

“Ndërsa vazhdon përpjekja për hapjen e negociatave në javët e ardhshme, kjo betejë është në emër të të gjithë qytetarëve, pavarësisht nga përkatësia e tyre partiake”, shkruan Hajdari.

Opozita parlamentare kërkon tryezë për reformën zgjedhore

Opozita e re parlamentare e përbërë nga 38 deputetë kanë firmosur një kërkesë drejtuar Kuvendit të Shqipërisë ku kërkojnë një tryezë të hapur për diskutimin e reformës zgjedhor. Ka qenë vetë deputetja Rudina Hajdari dhe njëherësh kryetarja e Grupi Parlamentar Demokrat në parlament që ka bërë publike këtë kërkesë.

Mospërfaqësimi i vërtetë i popullit në organet e zgjedhura, përqendrimi i pushtetit në një rreth të ngushtë personash dhe shit-blerja e votës kanë qenë disa nga problemet që Hajdari ka listuar.

“Shumë të shqetësuar për problemet e rënda që sistemi zgjedhor në tërësinë e tij mbart. Mospërfaqësimi i vërtetë i popullit në organet e zgjedhura, përqendrimi i pushtetit në një rreth të ngushtë personash, shit-blerja e votës, partizimi i procesit zgjedhor (administrimi politik/partiak i zgjedhjeve), barazia reale e votës qytetare, keq-përdorimi i burimeve shtetërore janë ndër problemet më themelore që duhet të adresohen përmes reformës elektorale. Defiçencat e sistemit zgjedhor janë drejtpërdrejtë defiçenca për “Demokracinë e Shtetin e së Drejtës”. Eventualisht këto janë pasoja tepër të dëmshme për qytetarët Shqiptarë, organizimin institucional e shoqëror në tërësi.”

Hajdari tha se forcimi i demokracisë përmes sistemit zgjedhor është një ndër objektivat e opozitës në parlament.

“Grupi Parlamentar Demokrat ka ndër objektivat e tij kryesore: “reformimin e sistemit zgjedhor në Shqipëri” me synim forcimin e demokracisë, evropianizimin e procesit elektoral (në tërësinë e tij) rritjen e besimit publik në organet e zgjedhura, rritjen e pjesëmarrjes qytetare në procesin e zgjedhjes së përfaqësuesve e të demokracisë aktive. Në këtë drejtim 38 deputetë të opozitës nënshkruan një kërkesë ndaj Kuvendit të Shqipërisë dhe mazhorancës për të mbledhur një tryezë me forcat e ndryshme politike dhe shoqërinë civile për të hapur një diskutim të gjerë publik për reformimin e sistemit zgjedhor.”

Shumë të shqetësuar për problemet e rënda që sistemi zgjedhor në tërësinë e tij mbart. Mospërfaqësimi i vërtetë i…
Gepostet von Rudina Hajdari am Freitag, 24. Mai 2019

Rudina Hajdari: Nuk vjen ndryshimi duke ndenjur në rrugë

Deputetja që përfaqëson opozitën në parlament, Rudina Hajdari tha në seancë parlamentare, se sot më shumë se kurrë, vendi ka nevojë për unitet, për të punuar për hapjen e negociatave me BE-në. Hajdari, e sapo kthyer nga një tur vizitash në parlamentet e Gjermanisë, Francës e Holandës, vuri theksin te domosdoshmëria që politikanët, të vënë të paktën këtë herë, interesat e vendit përpara interesave të tyre për pushtet. Ajo akuzoi të dy palët e polikës, si Bashën ashtu dhe Ramën për krizën në të cilën ndodhet vendi, ndërsa tha se ndryshimi nuk vjen duke ndjenjur në rrugë por duke bashkëpunuar.

“Mendoj se shërimi i këtyre plagëve është anëtarësimi në BE, reforma në drejtësi, fuqizimi i bizneseve. Ajo që kam parë është një përpjekje e dështuar e të gjithëve. Marrëveshje që kanë përfunduar në bllokim, duhet të kemi një konsensus. Duhet të kemi unitet për të dërguar Shqipërinë përpara, këto janë munguar, të gjithë palët kanë luftuar për veten dhe kur janë ulur në tryezë nuk kanë qenë të besuar prë publikuan. Kam pasur vizita në tre vende, Gjermania, Franca dhe Holanda, jam takuar me zyrtarë të lartë dhe parlamentarë dhe do të doja që të shprehja me ju se cfarë u tha në këto takime. Më duhet të them se arroganca që mbizotëron në sjelljen e qeverisë si brenda dhe jashtë po dëmton Shqipërinë. Ndodhemi në një moment të vështirë për Europën dhe Shqipërinë dhe qeveria sillet arrogante me homologët tregon se ata nuk duan një bashkëpunim.

Edhe opozita nuk po e ndihmon këtë rrugëtim. Në një anë kemi një kryetar në tentativë që jo vetëm viziton Anglinë që po del nga BE por shoqërohet nga disa delegatë i një ushtri të vdekur dhe nuk shoqërohet nga asnjë i ri. Pse nuk shprehim qartë vullnetin e shqiptarëve për t’u integruar. Celja e negociatave nuk është anëtarësim, por thellim i përgjegjësisë sonë. Shqipëria ndodhet në një moment të vështirë që nuk ka arritur që të kapërcejë konfliktet ndërpartiake. Mungesa për të arritur një konsensus tregon se jemi përballë disa politikanëve që nuk përfaqësojnë vullnetin e të gjithë vendit. Opozita e përcarë dhe gjysma e saj është jashtë parlamentit. E kam të vështirë para tyre që të shpjegoj që opozita është jashtë parlamentit. Duke ndenjur në rrugë nuk vjen ndryshimi, duhet të shpalosim një alternativë që do të mbushë mendjen e botës që ne jemi në gjendje të unifikohemi dhe se vendosim në radhë të parë interesin e vendit”, tha Hajdari.

Trembet Hajdari: Po përgatisin shtratin për marrëveshjen e radhës

Rudina Hajdari e ka cilësuar të paligjshme dërgimin e komisionarëve të PD dhe LSI në KZAZ-të. Përmes një statusi në Facebook, Hajdari thotë se palët po përgatiten për të bërë marrëveshjen e radhës, pasi nuk u bëhet vonë për zgjedhje, por për marrëveshje në kurriz të Shqipërisë.

“Papërgjegjshmëria dhe veprimet e paligjshme me dashje tregon që nuk ekziston vullneti që të realizohet një proces i rregullt zgjedhor. Po nuk u bëhet vonë këtyre për zgjedhje, se nuk ofrojnë as zgjidhje e as alternativë! U bëhet vonë për marrëveshje, për marrëveshje në kurriz të Shqiptarëve, për marrëveshje në kurriz të rinisë, për marrëveshje në kurriz të biznesit, për marrëveshje ne kurriz te fëmijëve tanë qe po u vjedhin të ardhmen.” -shkruan Hajdari.

Statusi i plotë:

Është e paligjshme!

Në përvjetorin e marrëveshjes që mori të majtën për tatëpjetë dhe të djathtën për lum asnjë nuk mund të përligj tentativën e dytë, qoftë ky celibash i oborrit të gjeneralit hije me ushtri të mpirë, apo caush i kryetarit në tentative të legjionit të shpërbërë.

Zullumqaret përgatisin shtratin për marrëveshjen e radhës duke tentuar te legjitimojnë prezencën e PD në komisione pa çuar njerëz në KZAZ dhe duke pretenduar të mos futen në zgjedhje.

Nëse kryetari i legjionit kërkon që gjenerali hije të mbaje përgjegjësi për të gjitha zullumet e këtyre viteve dhe degradimin ekstrem të Shqipërisë, atëherë vet nuk mund te mbajë një dorë në revani dhe një dorë në bakllava, nuk mund të jetë dhe në zgjedhje dhe pa zgjedhje kur akoma nuk ka sqaruar elektoratin e djathtë e prerë në besë me imponimin e dorëzimit të paprecedentë të mandateve si t’i kishin absolutisht personale.

Asnjë nga palët nuk përmend sugjerimin e OSBE/ODIHR për komisionerë apolitike, por vazhdojnë të këmbëngulin për jeniçerë elektoral me qëllim deformimin e vullnetit qytetar gjatë procesit të zgjedhjeve.

Papërgjegjshmëria dhe veprimet e paligjshme me dashje tregon që nuk ekziston vullneti që të realizohet një proces i rregullt zgjedhor. Po nuk u bëhet vonë këtyre për zgjedhje, se nuk ofrojnë as zgjidhje e as alternativë!

U bëhet vonë për marrëveshje, për marrëveshje në kurriz të Shqiptarëve, për marrëveshje në kurriz të rinisë, për marrëveshje në kurriz të biznesit, për marrëveshje ne kurriz te fëmijëve tanë qe po u vjedhin të ardhmen.

Mblidhet komisioni i Reformës Zgjedhore, Hajdari: Të ndryshojmë sistemin aktual

Është zhvilluar sot mbledhja e parë e Komisionit Parlamentar të Reformës Zgjedhore, nën drejtimin e Damian Gjiknurit dhe Rudina Hajdari, pas arritjes së marrëveshjes në parlament.

Gjiknuri tha se bashkëpunimi do të sjlell një produkt më të mirë dhe zgjedhje më cilësore.

“Uroj të krijojmë një klimë të mirë bashkëpunimi. Bashkë kemi mundur, kur ishim në opozitë, të bisedojmë, të gjejmë marrëveshjet e duhura dhe të kalojmë reforma konsensuale. Zgjedhjet këtë vit kanë përmirësime. Me kimën e mirë të bashkëpunimin do kemi mundësi të kemi produktin më të mirë. Kërkoj mbështetjen e institucioneve ndërkombëtare dhe atyre që janë këtu për të na mbështetur qoftë me një kontribut modest. OSBE e ka deklaruar se është e gatshme të ofrojë asistencë, ne e mirëpresim. Presim dhe donatorët e tjerë për bashkëpunim dhe mbështetje”, tha Gjiknuri.

“Ndaj opinion të ndryshëm nga Gjiknuri, por kjo nuk do të thotë që nuk do bashkëpunojmë, pasi jemi këtu për një arsye të vetme, ndryshimi i sistemit politik.” tha Hajdari gjatë fjalës së saj. Ajo tha se zgjedhjet janë kthyer në shit-bjerje të votës dhe se opozita dhe pozita duhet të sigurohen që të krijojnë një sistem që nuk është i kapur nga partitë politike.

“Sistemi aktual është i dominuar nga anti-kushtetueshmëria, klasa politike nuk është e përfaqësuar nga njerëzit, por përfaqësohet në mënyrë të padrejtë në Kuvend. Shqiptarët janë të interesuar për këtë reformë. Kjo reformë kërkon vullnet të gjerë politik. Në këto tri dekada komisionet nuk kanë prodhuar reforma të mira. Duke marrë parasysh sfidën e madhe që kemi përpara, fakti që jemi ulur këtu tregon se ka një konsensus të gjerë për diskutim për ndryshimin aktual të sistemit. Zgjedhjet kanë qenë problematike dhe janë përdorur shumë nga partitë e mëdha, dhe sistemi aktual ka qenë gracka e kësaj, duke mos i dhënë prioritet popullit. Kemi arritur në një pikë ku një mandat kushton gati te 1 milion euro. Sot nuk mund të futesh në Kuvend pa pasur fond të caktuar. Tregu i zgjedhjeve është kthyer në treg të zi të shit-blerjes së votës. Ne do të bazohemi në tri pika kryesore. Ne duhet të gjejmë një sistem që nuk është i kapur nga partitë politike, që ua zvogëlon atyre mundësinë për të qenë pronarët e tyre dhe ju jep mundësi përfaqësuesve të jenë të zgjedhur nga populli. Zgjedhja e opozitës jashtë për të mos qenë pjesë e këtij komisioni nuk na pengon të garantojmë votën e lirë e të ndershme për të gjithë shqiptarët.” – deklaroi Hajdari