“500 milionë euro dëme”, gazetari publikon tabelën me kostot e rindërtimit nga tërmeti

Gazetari i ekonomisë, Fatos Çoçoli foli në “Real Story” të gazetarit Sokol Balla në lidhje me pasojat ekonomike që shkaktoi tërmeti i 26 nëntorit. Çoçoli bëri një bilanc të kostove financiare që Shqipëria do të duhet të përballojë për rindërtimin pas tërmetit. Sipas llogarive të tij, kostoja paraprake shkon në rreth 500 milionë euro.

“Ekonomia nuk pret. Çdo minutë që kalohet është në dëmë të ekonomisë. Shifra e dëmeve mendoj se është afër reales, 499 milionë euro”, tha ndër të tjera Çoçoli. Ai foli edhe për pasojat që tërmeti ka në ekonomi. Sipas tij, sektori që preket më shumë është turizmi. Çoçoli propozoi që për këtë sektor të ketë një paketë fiskale lehtësuese nga qeveria, duke përfshirë heqjen e disa taksave.

“Asaj që i frikësohem më shumë është sektori i turizmit. Shpresoj që të mos ketë inerte për periudhën e parë të sezonit. Goditja ndaj imazhit, ndaj sigurisë së destinacionit Durrës është shumë e rëndësishme. Ne duhet të përcjellim mesazhin që Durrësi është i sigurtë. Duhet të ketë taksa zero për Durrësin turistik. Duhet të ketë vetë promovim dhe kalendari i aktiviteteve duhet të përqëndrohet atje. Ne kemi 1.7 miliardë euro që gjenerohet nga turizmi. Duhet të rikuperojmë këtë sitautë me një politikë fiskale”, tha Çoçoli.

Ndërkohë, inxhinieri i ndërtimit, Arben Meçe, u shpreh se Shqipëria është në luftë me kohën për procesin e rindërtimit. Ai tha se nuk do të jetë e lehtë përballimi i kësaj situate, por shprehu besimin se vendi do ta përballojë. “Unë nuk jam pesimist, por dëmtimet janë ato që janë. Kemi kaluar goditje më të rënda dhe i kemi kaluar. Sfida është shumë e madhe. Jeta do vazhdojë, lufta me kohën është sfida jonë. Nëse fitojmë këtë luftë, kemi arritur të kalojmë sfidën më të madhe”, tha Meçe. /Realstory.al/

**Tabela e kostos së dëmeve sipas gazetarit Fatos Çoçoli**

1 milionë turistë të huaj në 20 ditë, Rama: Ta kthejmë turizmin në fuqi ekonomike

Turizmi është një sektor që ka një peshë të madhe në ekonominë e Shqipërisë, një vend që gjithmonë e më shumë po lakmohet nga të huajt. Kjo vihet re në shifrat në rritje të turistëve të huaj që preferojnë të shohin bukuritë e Shqipërisë.

Vetëm në 20 ditët e para të gushiti, kanë hyrën plot 1 milionë turistë. Lajmin e ka bërë të ditur vetë kryeministri Rama, i cili publikoi edhe foton e “turistet së 1 miliontë”, vajza e vogël Luisa nga Austria që kishte ardhur për pushime në Shqipëri së bashku me familjen duke hyrë nga porti i Sarandës. Luisa mori nga ministri i turizmit, Blendi Klosi një surprizë të këndshme, që e identifikon atë si turistja e 1 miliontë.

Kjo shifër tregon se numri i të huajve që ka hyrë në vendin tonë gjatë gushtit vetëm në këto 20 ditë është rritur me 16.5 % më shumë se sa numri i të gjithë turistëve të huaj gjatë gjithë muajit gusht të 2018.

Rama tha se kjo rritje rrit përgjegjshmërinë jo vetëm të qeverisë dhe bashkive për të investuar edhe më shumë në këtë fushë, por edhe të qytetarëve që të japin kontributin e tyre që nga kujdesi i mjedisit deri tek mikpritja që duhet të bëjnë. Kryeministri Rama theksoi se turizmi është një fuqi zhvillimi ekonomik e social për vendin dhe se duhet të punojmë që ta kthejmë atë në një burim krenarie kombëtare.

“Rritja që po shënon turizmi vit pas viti, është një arsye e madhe për të besuar gjithnjë e më shumë tek ky vend dhe e ardhmja e tij, po edhe për të rritur më shumë përpjekjet tona, në çdo aspekt, si qeveri, si bashki e si komunitete, si qytetarë e njerëz që patriotizmin duhet ta masim në radhë të parë me kontributin në pastërtinë e mjedisit, respektimin e rregullave dhe në rrezatimin e traditës shqiptare të mikpritjes. Që Shqipëria ta kthejë turizmin në një burim krenarie kombëtare dhe fuqi gjithnjë e më të madhe zhvillimi ekonomik e social.”-shkruan Rama në facebook.

TURISTI I 1 MILION-të😍Shifra rekord e turistëve në regjistrin e pashaportave të huaja gjatë gushtit, i takoi Luisës,…
Gepostet von Edi Rama am Dienstag, 20. August 2019

“Nuk jemi në Korsikë por në Shqipëri, një parajsë e panjohur”. Dokumentari në TV francez

Televizioni francez TF1 ka transmetuar së fundi një dokumentar për turizmin në Shqipëri duke e cilësuara të një parajsë të panjohur, një perlë të Ballkanit.

Sipas televizioni francez TF1 Shqipëria është një ndër destinacionet më të reja dhe më të preferuara të francezëve për këtë vit.

Dokumentari flet për plazhet e virgjëra të vendit tonë dhe brigjet detare që janë më pak të frekuentuara nga njerëzit dhe më pak të zbuluara.

Gjithashtu në rrugëtimin e dy gazetarëve francezë nuk lihet pa përmendur Berati, qyteti antik shqiptar i mbrojtur nga UNESCO, kalaja dhe rritja e numrit të turistëve që e vizitojnë.

Një rëndësi e madhe i kushtohet edhe ushqimit dhe fjetjes, ndërsa lëngu i thanës duket se është pija që i ka bërë më shumë përshtypje turistëve.

MIRËMËNGJES 😃dhe me këtë dokumentar të televizionit më të shikuar francez TF1, kushtuar Shqipërisë si destinacioni më i ri i preferuar turistik, ju uroj një ditë të mbarë 😊
Gepostet von Edi Rama am Dienstag, 13. August 2019

Foto e ditës/ Lamtumirë bregdetit venecian, gjermanët zbulojnë Shqipërinë

Plazhet shqiptare janë kthyer në ‘kërcënim’ për ato italiane. Mediat në vendin fqinj, japin alarmin se “turistët gjermanë po braktisin plazhet e Venecias për Shqipërinë”, shkruan “LaNuovaVenezia”. Në një artikull kushtuar turizmit dhe numrit të pushuesve në gjysmën e sezonit, media në vendin fqinj vë re se këtë vit, ka pasur një ulje të konsiderueshme të turistëve të huaj, që kanë zgjedhur të pushojnë në plazhet e Venvecias, konkretisht në Jesolo.

“Turizmi në telashe në Jesolo, bie nën 20%. Të dhënat e para për korrikun konfirmojnë rënie. Konkurrenca e vendeve të huaja ndihet gjithnjë e më shumë. Jesolo në bregdetin venecian, zbulon konkurrentët e rinj si Shqipëria, me plazhet e mrekulleshme dhe të virgjëra”, shkruhet ndër të tjera. Sipas shkrimit, ky largim i turistëve nga plazhe e Venecias, ishte lajëruar kohë më parë nga operatorët turistikë, për shkak se plazhe e “margjinalizuar” në vende më të pazhvilluara, do të zhvilloheshin për shkak të çmimeve konkurruese.

Të dhënat paraprake flasin për ulje të kërkesës për apartamente me qira deri në 20% më pak në krasim me vitet e kaluara. Megjithëse të dhënat nuk janë ende jo zyrtare, sipas mediave italiane, ato mund të jenë dhe më serioze. “Ne shohim më pak gjermanë, ose ato mbiemra klasikë gjermanësh: Muller, Schmidt, Fischer etj, por ato janë zëvendësuar me emrat e emigrantëve gjermanë me prejardhje rumune, hungareze, apo vendeve të lindjes në përgjithësi”, shkruhet në artikull.

Pronari i një hoteli të njohur në plazhin e Jesolo, Gianni Dalla Mora, është shprehur se: “Këtu po vijnë gjermanët e rinj, sepse të tjerët, gjermanët historikë, kanë zgjedhur plazhet e tjera, si Shqipëria, e cila është plot këtë vit”, duke shtuar: “Sot, turizmi në Jesolo është i një niveli më të ulët, është e pamohueshme. Turistët kërkojnë më shumë natyrën, gjelbërimin, shtigjet e maleve, çmimet konkurruese, etj”.

Rama: Të zhvillojmë turizmin, mbështetje financiare për ngritjen e bujtinave

“Synimi kryesor i qeverisë është që të nxisë turizmin në të gjithë vendin në të gjitha mënyrat’, ky ishte mesazhi që kryeministri Edi Rama dha nga fshati Lin i Pogradecit.

Gjatë takimit me banorët, Rama u kërkoi atyre që shtëpinë të mos e përdornin vetëm për t’u strehuar por ta kthenin atë në një burim të ardhurash duke e kthyer në një bujtinë. Rama theksoi se çdokush që kërkon ta kthejë shtëpinë e tij në një bujtinë me parametrat që kërkon ligji do gjej mbështetjen e plotë financiare nga ana e qeverisë. “Për nismat individuale të atyre qytetarëve që kërkojnë të kthejnë shtëpinë ë tyre ne bujtinë, do kenë mbështetjen e plotë financiare nga ana e qeverisë në formën e huasë,” tha Rama.

Duke prezantuar projektin “100 fshatrat” Rama theksoi nevojën e shfrytëzimit në maksimum të bukurive natyrore për turizëm, si një nga bazat e zhvillimit të ekonomisë

“Nëse ky fshat kthehet në resort turistik ku çdo pronar shtëpie merr fitimin do fillojnë të rriten edhe çmimet ekzistuese. Ne do bëjmë disa ndërhyrje për ta kthyer këtë fshat në një model të suksesshëm transformimi në këto vite që nis mandati i ri me kryetarin e ri të bashkisë. Unë besoj që këtu kemi një aleat shumë të madh që është natyra e mrekullueshme dhe trashëgimia e pasur dhe na duhet të bashkojmë forcat. Nga një drejtim ju për të bërë më shumë bujtina dhe nga ana tjetër ne me mbështetjen financiare“, tha Rama.

Protestat nuk pengojnë turistët e huaj, por largojnë shqiptarët

Protestat e këtij viti duket se nuk i kanë frikësuar vizitorët e huaj, pasi sipas INSTAT Shqipëria po vizitohet gjithnjë e më shumë nga të huajt, por njëkohësisht është rritur edhe numri i shqiptarëve që dalin jashtë vendit. Shqetësimi për protestat është ngritur më parë nga operatorët turistikë, të cilët janë shprehur se protestat e dhunshme të muajve të fundit kanë shkaktuar shqetësim te turistët e huaj dhe disa prej tyre kanë anuluar prenotimet. Megjithatë, kjo nuk vihet re në shifrat e INSTAT.

Sipas shifrave zyrtare, numri i shtetasve të huaj të hyrë në vendin tonë në katërmujorin e parë të vitit 2019 është 1.105.087, duke u rritur me 7,4 %, në krahasim me të njëjtën periudhë të vitit 2018. Në katërmujorin e parë 2019, ndër vendet që kanë hyrjet më të larta të shtetasve në Shqipëri janë Gjermania, e cila ka pasur rritje me 21.3%, Spanja me 27%, SHBA me 28.3% dhe Zvicra, që ka pasur rritjen më të madhe me 29,5 %.

Hyrje-daljet e shtetasve shqiptare dhe te huaj ne Shqiperi

Ndërsa uljen më të ndjeshme e ka pasur Kosova me 6,4 %. Megjithatë, sipas shifrave të Kosovës, Shqipëria mbetet destinacioni kryesor i turistëve nga Kosova, sidomos për pushimet verore, ku vërehet se ka rritje të kërkesës nga ana e shtetasve të Kosovës. Ndërsa kërkesa për turizëm në Shqipëri mbetet e qëndrueshme nga vendet e tjera fqinjë. Shtetasit nga Italia rezultojnë 8.9% më të shumë në numër se sa në katërmujorin e parë të vitit 2018. Gjithashtu vizitorët nga Maqedonia u rritën me 7%. Polakët vijojë të kenë një kërkesë të lartë edhe pse ende nuk është sezoni i plazhit. Në katërmujorin e parë, numri i polakëve që vizituan Shqipërinë u rrit me 12%.

Nga ana tjetër, daljet e shtetasve shqiptarë dhe të huaj nga vendi, gjatë muajit Prill 2019, janë 854.355, duke shënuar një rritje me 5,0 %, krahasuar me të njëjtën periudhë të një viti më parë. Kurse daljet vetëm për shtetasit shqiptarë nga territori i Shqipërisë, gjatë muajit Prill 2019, janë 469.788. Krahasuar me Prill 2018, ky numër është rritur 4,1 %.

Por, ndryshe nga sa rezultojnë shifrat në rritje për të huajt që vizitojnë Shqipërinë, e kundërta ndodh me shqiptarët, të cilët kanë rritur ndjeshëm numrin e daljeve nga territori i vendit tonë në 4 mujorin e parë të vitit 2019. Sipas shifrave të INSTAT, numri i shtetasve shqiptarë të dalë në katërmujorin e parë është 1,719,591, duke u rritur 10%, krahasuar me të njëjtën periudhë të një viti më parë. Megjithatë, sipas operatorëve turistikë, ky numër ka ardhur në rritje nga viti në vit dhe mund të mos ketë ndikuar drejtpërdrejt klima politike në vend.

BE dhe BERZH i japin Shqipërisë 100 milionë euro për turizmin

Kryeministri Edi Rama ka prezantuar sot në kryeministri projektin më të fundit në bashkëpunim me BE dhe BERZH të cilët do të japin një kontribut prej 100 milionë eurosh për zhvillimin e turizmit në Shqipëri. Rama tha se ky investim është shprehje e besimit të institucioneve ndërkombëtare te qeveria shqiptare.

“Shprehje të besimit e vlerësimit tek strategjia e përzgjedhur prej qeverisë shqiptare përmes rilindjes urbane”, tha Rama. “Projekti që lançojmë sot si një projekt i përbashkët mes BE-së dhe BERZH përbën jo vetëm shifër 100 mln euro por mbi të gjitha në përmbajtjen e vet një arsye më shumë për të vlerësuar rolin dhe kontributin e jashtëzakonshëm në vendin tonë të këtyre dy forcave. Kjo marrëveshje e re e cila do t’i shkojë si një mbështetje më shumë programit tonë transformues të turizmit në Shqipëri është edhe një shprehje kuptimplotë e vlerësimit dhe besimit të këtyre institucioneve tek rruga dhe strategjia e përzgjedhur prej nesh përmes rrugës së rilindjes urbane dhe asaj urbane”, theksoi kryeministri i cili bëri të ditur se Shqipëria do të vazhdojë të rrisë numrin e turistëve të huaj edhe gjatë këtij sezoni turistik.

“Shqipëria me axhendë të re, ofron edhe turizëm protestash”

Në prag të çeljes së sezonit turistik, kryeministri Rama ishte i pranishëm në hapjen e aktivitetit turistik “Festat lokale 2019” në Ishull Lezhë, ku foli për rritjen e numrit të turistëve të huaj dhe angazhimin e qeverisë për të shtuar aktivitete kulturore për argëtimin e tyre.

Rama gjithashtu ironizoi edhe protestat e opozitës duke i klasifikuar edhe ato si pjesë e atraksionit turistik.

‘Ne mund të bëhemi një vend, që do mund të ofrojmë edhe turizëm protestash. Duke qenë se janë protesta me orar dhe stacione të përcaktuar dhe me të gjithë atë skenografinë e përgatitur për të argëtuar njerëzit përmes ekraneve, duke iu sugjeruar edhe vizitorëve të shohin edhe një protestë. me shumë mundësi turistët do të numërohen si protestues dhe do i rrisin numrin artificialisht.” – tha Rama