LEZHË- Nuk ishte e papritur, por të shtunën u bë fakt. Ish-gjyqtari i Gjykatës se Lartë Gjin Gjoni, tashmë është zyrtarisht drejtues i lartë i foltores së Sali Berishës. Në një votim që nuk la dyshime për rezultatin, Gjin Gjoni është zgjedhur drejtues i Rithemelimit për qarkun e Lezhës.
Që dikush t’i futet politikes, nuk ka asgjë të keqe, sidomos në rastin e zotit gjoni, i cili nuk është me gjyqtar, pasi ai refuzoi vettingun dhe dha dorëheqjen. Por pikërisht këtu qëndron pika e diskutueshme, jo për të, por për Sali Berishën.
Ish-kryeministri ishte dhe është një nga kundërshtarët me të ashpër të reformës në drejtësi. Ai i ka mbrojtur gjithmonë gjyqtarët e shkarkuar nga vettingu, dhe ka akuzuar palën tjetër se po fut njerëzit dhe influencën e vet në sistemin e drejtësisë. Por tashmë morali i kësaj akuze ka rënë.
Reforma në drejtësi po jep dhe rezultate indirekte si rasti i Gjin Gjonit, të cilin Berisha edhe formalisht e mori në gjirin e tij, pasi e fshehu për dekada rresht në sistemin gjyqësor, aty ku gjoni mori disa vendime qe i shërbyen shume Sali Berishes dhe pushtetit të tij politik.
Tani mund të rrinë bashkë, pa pasur më frikë. Njerëzit e kishin marrë me mend, por tani është zyrtare; gjithë ish gjyqtaret që vettingu i nxori jashtë sistemit, mund të strehohen te ballkoni i Sali Berishës./ abcnews.al