Nga 61 raste të reja infektimesh me koronavirus, 11 prej tyre janë shënuar në një fasoneri.
Bëhet fjalë për 11 rastet e reja të raportuara ditën e sotme nga ministria e Shëndetësisë, për qarkun e Vlorës.
Të infektuarit e fundit në qytetin bregdetar, janë të gjithë punonjës në të njëjtën fasoneri.
Hetimi epidemiologjik ka zbuluar se të infektuarit, janë kontakte të rasteve të mëparshme.
Deri më tani numri i viktimave në vend ka shkuar në 53, ndërkohë që janë 931 persona aktivë me Covid-19.
Shpërndarja gjeografike e rasteve aktive sipas qarqeve Tiranë 359; Durrës 180; Shkodër 156; Vlorë 96; Fier 44; Lezhë 31; Korçë 26; Kukës 16; Elbasan 11; Gjirokastër 7 dhe Berat 5.