Alvin Berisha, vogëlushi shqiptar që u shpëtua nga kampi Al Hol, iu nënshtrua një operacioni, që synonte përmirësimin e gjendjes së tij shëndetësore në këmbën që kishte plagosur gjatë bombardimit që i mori jetën nënës së tij në Siri.
Ka qenë vetë doktoresha e Alvinit që ka publikuar fotot në Facebook, ku vogëlushi shihet i buzëqeshur edhe pse me paterica. Doktoresha, e cila ndoqi kurimin e Alvinit që brenda kampit e më pas jashtë tij, tha se ai është në gjendje të mirë shëndetësore. Alvin duket me paterica në duar, por i qeshur, në praninë e babait, Afrim Berisha.
Alvin Berisha u largua nga familja e tij para 5 vitesh nga e ëma, e cila ishte kthyer në radikale të ISIS. Pas vdekjes së saj nga një sulm me bombë në Siri, Alvini kishte përfunduar i vetëm në kampin Al Hol, duke u përballur aty çdo ditë me rrezikun e mbijetesës. Fatmirësisht historia e Alvinit pati një fund të lumtur, pasi arriti të bashkohej me të atin dhe motrat në Itali.