Peruja ëahtë finalistja e dytë e Copa America pasi fitoi ndaj Chilit të enjten në gjysmëfinale. Skuadra peruane ka dominuar takimin gjatë gjithë ndeshjes duke shkurorëzuar kampionët në fuqi të këtij kompeticioni. Seria e golave në fitoren 3-0 të Perusë nisi në minutën e 21. Ishte Flores që kaloi të tijë në avantazh, ndërsa 17′ më vonë Yotun dyfishoi për Perunë.
Chili mundohet të reagojë por skuadra kampione në fuqi e Copa America nuk arriti të ishte e rrezikshme sa duhet në portën kundërshtare. Në pjesën e dytë Guerrero shënon golin e tretë në mimutat shtesë të takimit, duke kaluar në finalen e madhe të Copa America. Përballë Perusë në finale do të jetë Brazili që të mërkurën eleminoi në gjysmëfinale me shumë polemika Argjentinën.
Skuadra e Leo Messit ka akuzuar arbitrin e ndeshjes për dy penallti të padhëna, ndërsa ankimi zyrtar është bërë në organizatën më të lartë të futbollit të Amerikës Latine. Megjithatë, Argjentina do të luajë kundër Chilit të dielën për vendin e tretë, ndërsa Brazili dhe Peruja do të diskutojnë trofeun e Copa America.
