Deputeti demokrat, Edmond Spaho është përjashtuar nga seanca plenare në Kuvend për shkak të zhurmës së shkaktuar me bilbil dhe bllokimit të Foltores .
Mirëpo Spaho që ka bllokuar foltoren me deputetët e tjerë, ka shkulur dhe mikrofonin e foltores.
Drejtuesja e seancës për ditën e sotme Ermonela Felaj tha se pas dhënies së masës së vërejtjes ndaj deputetit, ka vendosur përjashtimin e tij nga seanca.
“Do merren masa. Edmond Spaho nëse vazhdon kështu do përjashtohesh nga seanca. Nëse vazhdohet kështu, ndalohet paga e deputetit. I tërheq vëmendjen edhe zonjës Hoti, bëtë zhurmë”, tha Felaj.
Kjo e fundit tërhoqi vazhdimisht vëmendjen e deputetit disa herë gjatë seancës për zhurmën që shkaktonte.