Themeluesi i “Wikileaks” Julian Assange është arrestuar nga Policia e Londër, 7 vite pas qëndrimin në godinën e Ambasadës së Ekudaroit në Londër. Prej 7 vitesh, Assange ishte në pritje të miratimit të kërkesës për azil nga autoritetet ekuadoriane, por nuk arriti dot ta përfitonte atë.
Pak ditë më parë mediat britanike njoftuan se dy qeveritë, ajo Britanike dhe Ekuadoriane kanë arritur një marrëveshje për arrestimin e Assange.
Këtë enjte, policia metropolitane e Londrës ka
konfirmuar arrestimin e Assange dhe se ai do të paraqitet përpara gjykatës “sa
më shpejt të jetë e mundur”.
Një shtetas shqiptar është arrestuar nga policia italiane, pasi u kap me një sasi të konsiderueshme kokaine.
Shtetasi me iniciale K.H., 26 vjeç, nga Durrësi ishte banues në Emilia Romagna dhe lëvizte me një makinë Mercedes B class, ku mbante të fshehur drogën.
Policia u vu në ndjekje të shqiptarit pas lëvizjeve të tij të dyshimta dhe informacioneve paraprake. Gjatë kontrollit të makinës së tij, u gjetën 3 kg kokainë e ndarë në 3 pako, që ishin e fshehura në një hapësirë të krijuar poshtë sedijes së pasme të pasagjerëve. Droga po të dilte në treg do të kapte një vlerë prej 500 mijë euro.
Gjatë ditës së djeshme policia realizoi një
operacion të suksesshëm që çoi në arrestimin e mikut të Shullazit dhe goditjen
e grupit Çapja në Elbasan ndërsa u sekuestruan 1.5 kg kokainë. Taulant Balla ka
reaguar sot teksa ka vlerësuar punën e policisë së Shtetit dhe ka kërkuar goditje
dhe arrestime të tjera të grupeve kriminale në vend. Po kështu Balla ka
komentuar edhe grabitjen në Rinas teksa i ka cilësuar të turpshme sulmet nga
opozita në drejtim të policisë.
“Lufta kundër krimit po intensifikohet
çdo ditë, me goditje dhe arrestime, duke hyrë në një fazë tjetër kontrollesh
dhe reagimesh parandaluese në mënyrë të dedikuar ndaj të gjithë ata që janë një
bezdi për komunitetet, ata që kultivojnë apo shpërndajnë lëndë narkotike dhe që
kanë plot precedentë të tjerë penalë. Këta soj duhet të jenë përditë nën
presionin goditës të Policisë së Shtetit.
Goditja e djeshme e një grupi kriminal me
tentakula në disa qytete të Shqipërisë, duhet të vijojë me goditje dhe
arrestime të tjera. Sulmet e përsëritura këto ditë për rastin e “Rinasit” ndaj
Policisë së Shtetit janë gjëja më e turpshme. Si kurrë më parë, Policia e
Shtetit iu përgjigj grabitjes në mënyrë të menjëhershme, duke u vënë në ndjekje
të keqbërësve dhe duke eliminuar organizatorin e grabitjes.
Policia e Shtetit u përgjigj edhe pse përballë nuk kishte disa grabitës të zakonshëm, por një grup të strukturuar kriminal, i armatosur deri në dhëmbë, i përbërë nga individë tejet të rrezikshëm që kanë qenë në gjendje të arratisen edhe nga burgje të vendeve të Bashkimit Europian”, deklaroi Balla.
Lufta kundër krimit po intensifikohet çdo ditë, me goditje👊 dhe arrestime, duke hyrë në një fazë tjetër kontrollesh dhe reagimesh parandaluese në mënyrë të dedikuar ndaj të gjithë ata që janë një bezdi për komunitetet, ata që kultivojnë apo shpërndajnë lëndë narkotike dhe që kanë plot precedentë të tjerë penalë. Këta soj duhet të jenë përditë nën presionin goditës të Policisë së Shtetit🚔 👮Goditja e djeshme e një grupi kriminal me tentakula në disa qytete të Shqipërisë, duhet të vijojë me goditje dhe arrestime të tjera.Sulmet e përsëritura këto ditë për rastin e “Rinasit” ndaj Policisë së Shtetit janë gjëja më e turpshme. Si kurrë më parë, Policia e Shtetit iu përgjigj grabitjes në mënyrë të menjëhershme, duke u vënë në ndjekje të keqbërësve dhe duke eliminuar organizatorin e grabitjes.Policia e Shtetit u përgjigj edhe pse përballë nuk kishte disa grabitës të zakonshëm, por një grup të strukturuar kriminal, i armatosur deri në dhëmbë, i përbërë nga individë tejet të rrezikshëm që kanë qenë në gjendje të arratisen edhe nga burgje të vendeve të Bashkimit Europian.
Policia e Korçës ka arrestuar dy të rinj, pasi qarkullonin me armë zjarri dhe municione pa leje në komunitet.
Ky shqetësimi fillimisht u raportuar nga qytetarët e fshatit Pirg, ku denoncuan në polici se dy shtetas qarkulloni me armë zjarri. Ka qenë i menjëhershëm reagimi i policisë së Maliqit, ku kanë bërë të mundur kapjen dhe arrestimin në flagrancë të shtetasit R.L, 20 vjeç, banues në Korçë dhe një 17 vjeçari banues në fshatin Pirg.
Policia ka vendosur masën arrest me burg për 20 vjeçarin, ndërsa procedimin penal në gjendje të lirë për 17 vjeçarin.
Dy shtetasve iu sekuestrua në cilësinë e provës materiale një armë zjarri tip automatik, një krehër me 3 fishkë dhe 343 copë fishekë të tjerë të vendosur brenda një çante, të cilat i posedonin pa leje.
Materialet në ngarkim të tyre i kaluan Prokurorisë pranë Gjykatës së Shkallës së Parë Korçë për veprime të mëtejshme.
Policia Kufitare e Kakavijës ka goditur një tjetër tentativë të “Trafikut ndërkombëtar të lëndëve narkotike”.
Policia ka arrestuar në flagrancë shtetasin me iniciale L.K., 39 vjeç, banues në Shkodër, pasi në mjetin e tij u gjet një sasi e konsiderueshme lëndë narkotike.
Nga një kontroll i imtësishëm i makinës e kryer nga Policia Kufitare dhe e Migracionit, në gomën rezervë të mjetit u gjetën disa pako me Cannabis Sattiva, me peshë totale 3.5 kilogramë.
Veprimet hetimore dhe proceduriale të mëtejshme i kaluan Policisë Gjirokastër, që ka çuar në arrestimin e 39-vjeçarit.
Kakavije. Policia Kufitare godet një tjetër tentativë të "Trafikut ndërkombëtar të lëndëve narkotike".Sekuestrohet…
Policia e Elbasanit ka finalizuar me sukses operacionin e koduar “Shënkolli”, ku është goditur një grup kriminal i tregtimit të drogave të forta, kryesisht kokainë.
Në operacion u përfshinë strukturat e Drejtorisë Vendore të Policisë Elbasan, Drejtoria e Forcës së Posaçme Operacionale, Reparti RENEA dhe Drejtoria Vendore e Policisë Tiranë, ku u bë i mundur arrestimi i 6 shtetasve:
K. Gj., 32 vjeç, banues në Elbasan me precedent kriminal në fushën e krimeve ndaj personit;
A. Q., 45 vjeç, banues në Tiranë, me precedent kriminal në fushën e krimeve ndaj personit;
S. P., 23 vjeç, banues në Elbasan;
L. D., 35 vjeç, banues në Elbasan;
L. Gj., 25 vjeç, banues në Elbasan;
K. T., 31 vjeç, banues në Elbasan.
Si dhe ndiqen në gjendje të lirë dy shtetasit A. Q., dhe K. Gj., si organizatorë të grupit kriminal, siguronin lëndën narkotike dhe pjesëtarët e tjerë të grupit kryenin shpërndarjen e lëndës narkotike në doza të vogla në qytetin e Elbasanit.
Policia gjatë kontrollit fizik të krerëve të grupit, por edhe kontrollit në banesat e tyre, gjeti dhe sekuestroi në cilësinë e provës materiale një sasi prej rreth 550 gramë lëndë narkotike të dyshuar kokainë.
Operacioni është ende në vijim, për identifikim dhe kapjen e personave të tjerë të implikuar në këtë veprimtari kriminale.
ElbasanFinalizohet operacioni "Shënkolli".Operacioni i ndjekur me metoda speciale të hetimit nga Sektori për Narkotikët në DVP Elbasan, në bashkëpunim me Prokurorinë e Rrethit Gjyqësor Elbasan.Goditet një grup i strukturuar kriminal në fushën e tregëtimit të drogave të forta, kryesisht kokainë.Finalizimi i operacionit nga Drejtoria Vendore e Policisë Elbasan në bashkëpunim me Prokurorinë, Drejtorinë e Forcës së Posaçme Operacionale, Repartin RENEA dhe DVP Tiranë.Në pranga 6 persona.Sekuestrohen 550 gramë lëndë narkotike e dyshuar kokainë.Gjatë ditës së sotme, në funksion të procedimit penal të vitit 2018 të Prokurorisë së Rrethit Gjyqësor Elbasan, është zhvilluar dhe finalizuar me sukses operacioni policor antidrogë i koduar "Shënkolli".Në operacion u përfshinë strukturat e Drejtorisë Vendore të Policisë Elbasan, Drejtoria e Forcës së Posaçme Operacionale, Reparti RENEA dhe Drejtoria Vendore e Policisë Tiranë, ku u bë i mundur arrestimi i shtetasve:K. Gj., 32 vjeç, banues në Elbasan me precedent kriminal në fushën e krimeve ndaj personit;A. Q., 45 vjeç, banues në Tiranë, me precedent kriminal në fushën e krimeve ndaj personit;S. P., 23 vjeç, banues në Elbasan;L. D., 35 vjeç, banues në Elbasan;L. Gj., 25 vjeç, banues në Elbasan;K. T., 31 vjeç, banues në Elbasan.Si dhe ndiqen në gjendje të lirë dy shtetase.Shtetasit A. Q., dhe K. Gj., si organizatorë të grupit kriminal, siguronin lëndën narkotike dhe pjesëtarët e tjerë të grupit kryenin shpërndarjen e lëndës narkotike në doza të vogla në qytetin e Elbasanit. Policia gjatë kontrollit fizik të krerëve të grupit, por edhe kontrollit në banesat e tyre, gjeti dhe sekuestroi në cilësinë e provës materiale një sasi prej rreth 550 gramë lëndë narkotike të dyshuar kokainë.Operacioni është ende në vijim, për identifikim dhe kapjen e personave të tjerë të implikuar në këtë veprimtari kriminale.
Policia e Dibrës në bashkëpunim me Komisariatin e Policisë Kufitare Bllatë dhe Interpol Tirana, kanë bërë të mundur arrestimin e një shtetasi maqedonas me qëllim ekstradimin e tij në Gjermani.
I arrestuari me iniciale B. C., 34 vjeç, banues në Maqedoninë e Veriut, ishte shpallur në kërkim ndërkombëtar nga Interpol Wiesbaden/Gjermani.
34-vjeçari akuzohet për vjedhje dhe mashtrim kompjuterik nga Gjykata Aachen në Gjermani, ku dhe pritet të ekstradohet për të kryer dënimin.
Policia e Korçës ka mundur të parandalojë një ngjarje të rëndë, duke arrestuar një person në flagrancë për kanosje me armë.
Policia ka reaguar pas marrjes së njoftimin se një konflikt i ashpër po ndodhte mes ty shtetasve M.I., 19 vjeç dhe një 38 vjeçari, duke ndërhyrë në kohë dhe shmangur një tragjedi.
“Në vijim të veprimeve të tjera proceduriale, gjatë kontrollit të banesës së shtetasit M.I, iu gjetën dhe sekuestruan në cilësinë e provës materiale një armë automatike, me 3 krehra fishekësh, si edhe 817 copë fishekë luftarake, të cilat i posedonte pa leje.” – ka njoftuar policia.
Policia ka arrestuar 19 vjeçarin nën akuzën për veprat penale “Kanosja” dhe “Mbajtja pa leje dhe prodhimi i armëve e municionit”.
Policia e Tiranës ka bërë të mundur arrestimin e 4 personave që vepronin si një grup kriminal. Të arrestuar janë shtetasit Leonard Duka, 33 vjeç, Dritan Agaj, 38 vjeç, Oltian Loga, 38 vjeç, Elvis Gacaj, 44 vjeç.
Njoftimi i plotë i policisë:
Bashkëpunimi me qytetarët për të luftuar krimin vë në pranga katër shtetas për “Prodhim dhe mbajtje pa leje të armëve e municionit luftarak” dhe “Prodhim dhe shitje lëndësh narkotike”.
Sekuestrohen mjet i blinduar, armë zjarri pistoletë, municion luftarak dhe një sasi e dyshuar lënde narkotike.
Seksioni i Forcës së Posaçme të Operacioneve Speciale dhe Kërkimit në bashkëpunim me Seksionin për Hetimin e Krimeve të Rënda ndaj Jetës në D.V.P Tiranë, pas informacioneve të siguruara në rrugë operative për disa persona që dispononin armë e drogë, arrestoi në flagrancë shtetasit:
L. D., 33 vjeç, banues në Tiranë;
D. A., 38 vjeç, banues në Tiranë;
O. L., 38 vjeç, banues në Tiranë;
E. G., 44 vjeç, banues në Tiranë.
Policia ka ushtruar kontroll në banesën me qera ku këta shtetas jetonin, pasi dispononte nga qytetarët informacion se këta shtetas mbanin në banesë sende të kundraligjshme. Gjatë kontrollit të ushtruar këta shtetas janë munduar të largojnë sendet e kundraligjshme duke hedhur një pjesë të tyre nga ballkoni i banesës.
Policia sekuestroi në cilësinë e provës materiale:
Një mjet të blinduar;
Një armë zjarri pistoletë me krehër me fishekë;
46 fishekë luftarak, si dhe doza me lëndë narkotike kanabis.
Në bashkëpunim me Prokurorinë vijon puna për dokumentimin e plotë të veprimtarisë kriminale të tyre, si dhe të përfshirjes të personave të tjerë. Materialet do ti kalojnë për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur për veprat penale të “Prodhimit dhe shitjes së lëndëve narkotike” dhe “Prodhim dhe mbajtja pa leje e armëve e municionit luftarak e kryer në bashkëpunim”, parashikuar nga nenet 283 dhe 278/25 të Kodit Penal.
