Tag: Barcelona

Kaos te Barça: Messi dëshiron Neymar, por Griezmann po vjen

Baracelona nuk është në momente të mira. Kaosi institucional, financat delikate dhe pavendosmëria, janë disa nga çështjet kyç që kanë prishur qetësinë në klubin Blaugrana. Të mërkurën dha dorëheqjen e parevokueshme zëvendëspresidenti Jordi Mestre, përgjegjës për çështjet sportive në klub. Tani, Josep Maria Bartomeu është pa krahun e tij të djathtë në klub. Dorëheqja e Mestres erdhi pas një serie sulmesh në drejtim të tij nga anëtar të klubit. Kjo që po ndodh me Barcelonën nuk vjen në një moment pozitiv, pasi presidenti aktual, Bartomeu, duhet të menaxhojë një tjetër situatë. Marrëveshja me ish-sulmuesin e Atletico Madrid, Antoine Griezmann është afër, por dhe Neymar duket gjithashtu në horizontin e Barcelonës.

Në fakt, marrëveshja me Atletico Madrid për Griezmann është arritur vitin e kaluar, pavarësisht se gjithçka është zbuluar vetëm të enjten nga Marca. Megjithatë, veç francezit, sulmuesi aktual i PSG-së, Neymar, duket pranë rikthimit në ish-klubin e mëparshëm. Negociatat janë në rrugën e duhur, teksa Barcelona po sheh disa mundësi për të rikthyer brazilianin në “Cam Nou”, duke futur si pjesë të marrëveshjes edhe dhënien e Rakitiç dhe Coutinho për PSG-në. Madje, Neymar duket se dëshirohet dhe nga Lionel Messi. Argjentinasi zhvilloi një takim me Neymar, pas ndeshjes gjysmëfinale të Copa America, ku përballë luajtën Argjentina dhe Brazili, me këtë të fundit që shkoi në finale.

Takimi i Messit me Neymar medohet të ketë pasur lidhje pikërisht me rikthimin e brazilianit te Barcelona. Edhe Messi duket se e mirëpret këtë rikthim, por problemi mbetet Griezmann. Afrimi i dy lojtarëve cilësorë si Neymar dhe Grizemann në Camp Nou, do të vështirësonte shumë çështjen e menaxhimit të lojtarëve, shto këtu faktin, që formacioni te Barcelona, është gjithmonë në varësi të Messit. Mesaduket, takimi me Neymar, ka qenë një sinjal edhe për drejtuesit e klubit, Messi do brazilianin. Por jo vetëm kaq, me tre yje të këtij niveli në ekip, Barça duhet të bëjë mirë llogaritë edhe në aspektin financiar, pasi rroga e të treve bashkë për një sezon, shto dhe Suarez, mund të shkonte mbi 100 milionë euro. Goxha shifër!

Rikthimi i Neymar në “Camp Nou”, Barcelona i ofron Coutinhon PSG-së

Philippe Coutinho mund të largohet nga Barcelona në drejtim të Paris Saint-Germain, duke i hapur rrugë rikthimit të Neymar në “Camp Nou”. Prej ditësh agjenti i Coutinho thuhet se ka nisur bisedimet me drejtuesit e PSG, për të siguruar një lëvizje të lojtarit drejt Parisit, gjë që do të lehtësonte kthimin e Neymar në Barcelonë.

Që kur u bashkua me Barçën për 145 milionë euro në janar të 2018, ish-sulmuesi i Liverpool, nuk ka pasur sukses në “Camp Nou”, në krahasim nga çka pritej prej tij. Sipas gazetës katalanase, Sport, agjenti i Coutinho ka negociuar me drejtorin e ri sportiv të PSG-së, Leonardon, për të parë mundësinë e një transferimi të mundshëm të brazilianit drejt Parisit.

Në këtë mënyrë do t`i hapej rruga rikthimit të Neymar te Barcelona, pasi kostoja e transferimit do të ulej. Katalanasit, sipas këtij skenari, do të paguajnë 130 milionë euro për rikthimin e Neymar, duke dhënë në këmbim edhe Coutinhon.

27-vjeçari ka qenë prej kohësh objektiv i kampionëve francezë dhe, siç thekson Sport, paga e tij do të jetë dukshëm më e ulët se ajo e Neymar. Nëse Coutinho do të largohet drejt Parisit, Barcelona do të ishte gati të bënte dhe hapin e radhës duke i ofruar pronarëve të PSG-së edhe dy emra të tjerë, Ivan Rakitiç dhe Ousmane Dembele.

Barcelona “harron” Griezmann, asnjë kontakt me Atleticon deri tani

Antoine Griezmann do të largohet nga Atletico Madrid këtë verë, teksa lojtari francez është lidhur gjithnjë e më shumë me një kalim të mundshëm te Barcelona. Megjithatë, kjo e fundit duket se nuk ka bërë asnjë përpjekje për të afruar sulmuesin deri më tani. Këtë gjë e ka konfirmuar presidenti i Atletico Madridit Enrique Cerezo.

Ai ka folur për mediat spanjolle, ku ka deklaruar se “nuk kam idenë më të vogël se ku do të shkojë Antoine”. Barcelona ishte pranë Griezmann 12 muaj më parë, kur ky i fundit fitoi Kupën e Botës me Francën. Megjithatë, pas dështimit të katalanasve në Ligën e Kampionëve, interesi i klubit Blaugrana ka ardhur duke u ftohur.

“Griezmann ka qenë me pesë vjet dhe ka bërë një punë të shkëlqyer”, tha Cerezo. “Kemi një marrëdhënie të mirë, të bukur e  të besueshme. Shpresoj se kudo që shkon, Griezmann të trajtohet njësoj si te ne. Unë nuk e di se ku po shkon, ai nuk ka thënë, nuk kam idenë më të vogël se ku do të shkojë, nuk mendoj se dikush e di”, ka thënë ndër të tjera Presidenti i Atletico Madirdit, duke shtuar në fund se “askush nga Barça nuk më ka kontaktuar”.

Humbja ndaj Valencias trondit Barcelonën, mbledhje urgjente e bordit të klubit

Barcelona pësoi një dështim spektakolar mbrëmjen e djeshme duke humbur finalen e Copa del Rey ndaj Valencias. Kjo humbje nuk është pritur mirë në klubin blaugrana, duke ngritur alarmin e krizës në një nivel të ri.

Mediat pranë klubi të Barcelonës raportojnë se Presidenti Josep Maria Bartomeu ka thirrur një mbledhje urgjente të bordit drejtues, për të diskutuar rreth krizës, pas eliminimit nga Liverpool në Champions League dhe humbjes ndaj Valencias në finalen e Copa del Rey.

Një nga çështjet kryesore që do të diskutohet në mbledhjen e bordit, raporton “SPORT”, është e ardhmja e menaxherit të përgjithshëm, Pep Segura, që sipas medias katalanase do të zëvendësohet menjëherë.

Një tjetër problem që duhet zgjidhur është dhe e ardhmja e trajnerit Ernesto Valverde. Zërat për shkarkimin e trajnerit kanë ardhur gjithmonë e në rritje brenda klubit katalanas. Megjithatë, trajnerit i kanë dalë në mbrojtje Bartomeu dhe Lionel Messi.

“Unë mendoj se ai ka bërë një punë mbresëlënëse që kur ka ardhur këtu. Do të doja që ai të vazhdonte“, tha Messi të premten. Topi është tani në fushën e Bartomeut. Presidenti ka një javë të vështirë përpara tij.

Valencia fiton Copa del Rey, Barcelona e mbyll me turp

Barcelona është turpëruar nga Valencia në finalen e Copa del Rey, duke e humbur atë përballë Valencias.

Këto të fundit kanë bërë një ndeshje të madhe duke arritur të fitonin një nga trofetë e rëndësishëm të sezonin në Spanjë.

Kevin Gamerio ka kaluar Valencian në avantazh në minutën e 21′ të takimit, pas një aksioni brenda zonës.

Por Valencia nuk e la me kaq, pasi tregoi se e dëshironte më shumë se Barcelona këtë trofe, duke realizuar dhe golin e dytë me Rodrigon në minutën e 33′.

Katalanasit shtojnë presionin pas pushimit të pjesës së parë, kur Messi arrin të shënojë në minutën e 73′.

Megjithatë, Valencia u mbrojt mirë dhe nuk lejoi që kundërshtari të barazonte, ndonëse shanset nuk i munguan Barcelonës.

Messi fiton për të gjashtën herë Këpucën e Artë, si askush më parë!

Barcelona u shpall përsëri kampione e Spanjës, duke lënë pas rivalët e përjetshëm të Real Mardid. Ndonëse nuk arriti të shkonte as këtë sezon në finalen e Champions League, ekipi katalanas ka bërë një sezon të shkëlqyer dhe meritën për këtë e ka Lionel Messi.

Ky i fundit ka luajtur një tjetër sezon mbresëlënës me ekipin e tij, duke shënuar 36 gola për Bareclonën. Këto rrjeta i kanë dhënë Lionel Messit për herë të tretë Këpucën e Artë si golashënuesi më i mirë në Europë, duke lënë pas rivalin e tij të vetëm, Kylian Mbappe, që realizoi vetëm 33 gola.

Kështu Lionel Messi bëhet lojtari i parë në botë që fiton gjashtë herë këpucën e artë në Europë, duke vendosur rekord absolut. Ndjekësi kryesor i argjentinasit është rivali i tij kryesor gjatë gjithë karrierës, Cristiano Ronaldo, i cili e ka fituar katër herë këpucën e artë.

Shënuesit të tjerë të mëdhenj, të cilët kanë nga dy këpuca të arta janë: Eusebio, Gerd Muller, Dudu Georgescu, Fernando Gomes, Ally McCoist, Mario Jardel, Thierry Henry, Diego Forlan dhe shoku aktual i skuadrës i Lionel Messit, Luis Suárez.

De Ligt bëhet çështje për Barcelonën, Juventus gati të përfitojë

Transferimi i kapitenit të Ajax-it, Matthijs De Ligt drejt Barcelonës po kthehet në çështje. Në fakt, prej kohësh palët (Barcelona dhe Ajax) dukeshin se kishin arritur marrëveshje, ashtu sikundër ka ndodhur edhe me De Jong. Mirëpo, sezoni i shkëlqyer që ka bërë 19-vjeçari me ekipin holandez, ka bërë që të rriten pretendimet financiare nga lojtari dhe agjenti i tij Mino Rajola.

Në fakt, ky i fundit, duket se është bërë dhe shkaku kryesor i mos pasjes së një marrëveshje deri më tani. Rajola kërkon të përfitojë një shumë të konsiderueshme nga transferimi i lojtarit drejt një klubi tjetër. Ndaj, mediat katalanase, konkretisht gazeta Sport, ka shkruar sot se Barcelona mund të tërhiqet nga tratativa për të bindur De Ligt.

Kështu, Manchester United mund të rikthehet në skenë për të përfituar nga kjo lëvizje e Barcelonës, duke i ofruar lojtarit të Ajax pagën e kërkuar me rreth 14 milionë euro në vit. Por në Itali mediat shkruajnë se Juventus është gati të futet në garë për De Ligt, duke ofruar përmbushjen e kërkesave të agjentit dhe lojtarit.

Megjithatë, mbrojtësi ka deklaruar se do t`i pëlqente të luante me shokun e tij të skuadrës De Jong, i cili do të bashkohet me Barcelonës sipas një marrëveshje të arritur më herët.

E do United dhe Liverpool, por De Ligt pëlqen Barcelonën!

Frenkie de Jong është një nga lëvizjet e para në merkato për Barcelonën. Futbollisti holandez pritet të bashkohet me klubin blaugrana së shpejti, teksa Barcelona do të paguajë në arkat e Ajax rreth 75 milionë euro për këtë transferim. Megjithatë, duket se “pazari” në shtëpinë e Ajax nuk ndalet këtu për skuadrën kampione të La Ligas.

Mbrojtësi anësor i kampionëve të Hollandës, Matthijs de Ligt, është një tjetër futbollist që kërkohet nga skuadra e Ernesto Valverdes. Ndonëse në garë për të janë disa klube si Manchester United apo dhe Liverpool, vetë lojtari ka lënë të kuptohet se dëshiron Barcelonën.

Këtë gjë e ka zbuluar në një intervistë për mediat, ku ka komentuar pikërisht nënshkrimin e De Jong me skuadrën katalanase. “Unë mendoj se ai ka bërë një sezon të shkëlqyer. Ai meriton të nënshkruajë për Barcelonën”, ka thënë De Ligt për De Jong.

 “Të luaj me të atje? Do të ishte mirë të luaja me Frenkin në një klub, porn ë këto momente nuk di se çfarë do të ndodhë”, ka thënë 19-vjeçari i talentuar, duke lënë të kuptohet se do të dëshironte të shkonte në La Liga.

Messi vlerësohet me çmimin e rëndësishëm në Barcelonë!

Lionel Messi ka rrëmbyer mbrëmjen e sotme një tjetër çmim personal, teksa është nderuar me “Creud de Sant Jordi”, apo “Kryqi i Shën Gjergjit” në shqip.

Ky çmim i është dhënë nga qeveria e Katalonjës, e cila e ka vlerësuar yllin e Barcelonës mes 28 personaliteteve të tjera në fusha të ndryshme dhe 15 institucione.

Messi është shoqëruar në ceremoninë e dhënies së çmimeve nga presidenti i Bareclonës, Josep Maria Bartomeu së bashku me dy zëvendësat e tij.

Ky çmim i jepet për herë të dytë një futbollisti pas Johan Cruyff më 2006, që gjithashtu ka qenë një nga legjendat e futbollit katalanas.

Griezmann largohet nga Atletico, rivalët e La Ligas gati të paguajnë klauzolën për francezin!

Antoine Griezmann njoftoi pak ditë më parë se në fund të këtij sezoni do të largohet nga Atletico Madrid. Sulmuesi francez ka kaluar pesë sezone në “Wanda Metropolitana”, duke arritur disa suksese me skuadrën e Diego Simeones.

Rrjeti i “Sky Sport” raporton sot se Barcelona është e gatshme të paguajë 108 milionë euro kaluzolën e zgjidhjes së kontratës me Atleticon për ta sjellë futbollistin në “Camp Nou”.

Kjo do të ishte një lëvizje e bujshme, megjithëse, ishte paralajmëruar më herët dëshira që Barcelona të bënte të vetin lojtarin që u shpall Kampion Bote me Francën vitin e kaluar.

Në mesazhin e lamtumirës, Griezman thoshte: “Kanë qenë pesë vite të pabesueshme këtu. Shumë faleminderit për gjithçka. Do t’ju kem gjithmonë në zemër”.

Skip to toolbar