Tag: Barcelona

Dështoi te Barcelona, shitja e Coutinho-s i shpëton klubit 25 mln euro!

Barcelona mund të shpëtojë 25 milionë euro nga shitja e Philipe Coutinho gjatë merkatos së verës. Braziliani ka qenë një nga blerjet më të shtrenjta të Barcelonës një vit e gjysmë më parë, por paraqitja e tij nuk ishte kurrë ajo që priste klubi Blaugrana, duke u kthyer në zhgënjim për tifozët katalanas.

Nëse Barcelona arrin të shesë Coutinho-n gjatë verës, në aspektin ekonomik ai do të ishte me fitim për klubin, pasi Barcelona nuk do të paguante klauzolat e parashikuara në kontratë.

Braziliani mbrriti në “Camp Nou” për shifrën e 120 milionë euro, plus 40 milionë euro bonuse dhe shpërblime, që do ti kushtonin në total Barcelonës 160 milionë euro. Aso kohe “The Guardian” zbuloi këto klauzola shtesë në kontratën e Coutinho-s, që kapnin vlerën e 40 milionë euro. Nga këto, sulmuesi ka përfituar deri më tani 15 milionë dhe ka ende 25 milionë euro të tjera për të përfituar.

Por nëse ai largohet në verë nga katalanasit, klubi kursen 25 milionë euro. Klauzolat janë të ndara kështu: 5 milion euro për kualifikimin në Ligën e Kampionëve në sezonin e tij të parë dhe pesë të tjera për të njëjtën arsye në sezonin e tij të dytë. Këto të dyja kanë ndodhur dhe Coutinho i ka përfituar bonuest.

5 milionë euro të tjera i ka përfituad sipas kaluzolës se ai duhet të luante 25 ndeshje, gjë që e ka arritur. Kështu ai ka përfituar një total prej 15 milionë eurosh bonuse. Mirëpo kanë mbetur dhe 25 të tjera, që Coutinho duhet t’i përfitojë nëse arrin të luajë 100 ndeshje me Barcelonën, ku përfiton automatikisht 20 milionë euro, ndërsa 5 milionë të tjera i përfiton nëse arrinë të fitojë Ligën e Kampionëve.

Deri më tani Coutinho ka luajtur 77 ndeshje me Barcelonën dhe nuk e ka fituar ende Ligën e Kampionëve, duke mos i përfituar këto bonuse. Nëse ai largohet nga Barcelona në verë, klubi do i kursente këto para, teksa do të përfitonte të tjera nga shitja e tij.

De Ligt te Barcelona për 70 mln euro, Rajola pengon transferimin!

Mediat spanjolle raportojnë se Matthijs De Ligt është pranë arritjes së marrëveshjes me Barcelonën, teksa sipas “Marca-s”, klubi katalanas ka gjetur akordin me Ajax për transferimin e talentit, që pritet të kryhet për një shumë prej 70 milionë eurosh.

Duket se gjithçka është në rrugën e duhur, por problemi i vetëm në këtë marrëveshje është agjenti i De Ligt, Mino Rajola. Sipas “Marca-s”, Rajola kërkon një komision prej 20 % të vlerës së transferimit për mbrojtësin holandez.

Përkthyer në shifra financiare, kjo vlerë shkon në 14 milionë euro, çka do të ishte një shumë e ekzagjeruar për tregun e transferimeve. Zakonisht agjentët përfitojnë nga 5 deri në 10% të shumës së transferimit të lojtarit, por Rajola kërkon të shfrytëzojë rastin, duke penguar transferimin e De Ligt drejt Barcelonës. Agjenti “famëkeq” është duke pritur oferta nga klube të tjera për të përfituar sa më shumë.

Klubi holandez shpreson të mbyllë këtë marrëveshje shpejt në mënyrë që të riinvestojë në skuadrën e tyre aktuale për sezonin e ardhshëm. “Unë mendoj se këto do të jenë ndeshjet e fundit të De Ligt me Ajax”, tha shefi ekzekutiv i klubit, Edwin Van der Sar, pas ndeshjes me Tottenham. “Unë mendoj se ai do të shkojë në Angli apo Spanjë.”

Rakitiç tek Inter, por Barelona kërkon 50 milionë euro!

Inter ka plane serioze për sezonin e ardhshëm. Ndonëse ende nuk është siguruar pjesëmarrja në Champions League për sezonin tjetër, klubi Zikaltër është vënë në lëvizje duke vendosur piketat për merkaton e e verës.

Edhe pse e ardhmja e Spallettit është ende në dyshim, teksa Konte ka dalë në skenë, Morata kërkon të sigurojë blerjet e para.

Veç mbrojtësit të krahut të djathtë, ku në listë është dhe Elseid Hysaj, Inter kërkon përforcime dhe në sulm. Sipas “Mundo Deportivo”, Inter ka shfaqur inter për Ivan Rakitiç te Barcelona, teksa rapotohet madje që për kroatin ka pasur bisedime konkrete.

Sulmuesi kroat nuk ka pasur një sezon të mirë te katalanasit, ndaj ai është ndër të parët që pritet të largohet nga “Camp Nou”. Inter është gati të paguajë për të, por katalanasit kanë kërkuar 50 milionë euro. Interi po përpiqen ta ulin këtë shifër.

Palët nuk kanë lëvizur ende nga pozicionet fillestare, por për këtë ka optimizëm. Topi është në fushën e Interit, që duhet të propozojë ofertën e duhur ekonomike për nënkampionin e botës.

Suarez operohet në gju, ylli i Barcelonës humb finalen e rëndësishme në Spanjë

Luis Suarez ka mbyllur para kohe sezonin me Barcelonën. Numri “9” i katalanasve i është nënshtruar një operacioni në gjurin e djathtë pas një problemi që ka pasur në menisk.

Koha e rikthimit në fushë për Suarez do të jetë 4 deri në 6 javë, çka do të thotë mungesë në ndeshjet e mbetura të kampionatit dhe finalen e Kupës së Spanjës, që barça do ta luajë kundër Valencias më 25 maj.

Ky ka qenë një sezon i mirë për Luis Suarezin te Barcelona, pasi sulmuesi uruguaian ka shënuar 25 gola në 49 ndeshje të luajtura gjatë këtij sezoni. Ai ka prekur rrjetën 21 herë në kampionat, 3 në kupë dhe një në Champions League.

Me këto statistika, Suarez është golashënuesi më i mirë i Barcelonës pas Messit për këtë sezon, teksa klumi ishte hat-trick-u ndaj Real Madrid në “Camp Nou”.

Më 23 prill Suarez shënoi golin e 131 në La Liga, duke u barazuar Ladislao Kubala, si golashënuesi i tretë më i mirë në historinë e Barcelonës në La Liga.

E ardhmja e Valverdes në pikëpyetje, Barcelona mund ta largojë pa kosto!

E ardhmja e Ernesto Valverdes te Barcelona, pasi kjo e fundit u eleminua në mënyrë të turpshme nga Liverpool në gjysmëfinalen e Champions League, tashmë është e paqartë. Pas atij dështimi, mediat kanë nisur të gjejnë fajtorin, teksa Valverde është njeriu kryesor që mban përgjegjësinë, pasi e njëjta histori u përsëritë për dy vite radhazi.

Kështu media katalanase “Sport”, tregon se trajneri aktual i Barcelonës e ka të vështirë votëbesimin nga drejtuesit e klubit, të cilët me shumë mundësi nuk mund ta falin një dështim të tillë dy herë radhazi, teksa vejt katalanasit u eleminuan në mënyrë të ngjashme nga çerekfinalja e Champions League nga Roma.

Valverde rinovoi kontratën edhe për një sezon gjatë shkurtit të këtij viti, mirëpo disfata në Champions është e rëndë. Megjithatë, kontrata ka një klauzolë lehtësuese për Barcelonën, pasi është parashikuar shkarkimi apo largimi me dëshirë i trajnerit në çdo fund sezoni.

Në rast të një largimi të hershëm, marrëveshja është e dakorduar dhe Valverde nuk duhet të kompensohet për vitin e mbetur të kontratës. Nëse klubi tashmë e konsideron të mbaruar ciklin e tij, mund të aktivizojë klauzolën, pa ia paguar kontratën e plotë (sipas kohëzgjatjes). Në të njëjtën mënyrë, nëse Valverde dëshiron të largohet, ose të shkojë në një tjetër klub, ai ka një klauzolë të njëjtë, nuk i detyrohet asgjë Barcelonës.

Eleminimi i Barcelonës, Suarez: Duhet të kemi turp për këtë!

Barcelona u eleminua me turp nga Liverpool në gjysmëfinalen e dytë të Champions League, teksa peshën e humbjes dhe këtij turpi do e ndiejnë më shumë se kushdo futbollistët. Luis Suarez është një nga lojtarët që ka komentuar atë që ndodhi në “Anfield”, duke u kërkuar falje tifozëve katalanas.

“Ne duhet të bëjmë shumë vetëkritikë, është hera e dytë që na ndodh e njëjta gjë, – u tha sulmuesi gazetarëve. – Nuk mund t’i bëjmë këto gabime dy vite radhazi. Duhet të na vijë turp nga vetja për atë që bëmë gabim, duke menduar se gjithçka kishte përfunduar”.

“Ne jemi ata që luajmë në fushë, trajneri bën taktikat. Ne, lojtarët, duhet të jemi më të vetëdijshëm, jemi ata që luajmë. Ne duhet të kërkojmë falje për qëndrimin, nuk ishim ekip”.

“Për familjet tona, fëmijët tanë, tifozët tanë, duhet të kërkojmë falje. Nuk mund të ndodhë që në një minutë të pësojmë dy gola. Duhet ta kuptojmë, të gjitha kritikat do të bien mbi ne. Jemi shumë të trishtuar, të lënduar. Jemi qenie njerëzore, e ndiejmë dhimbjen, frustrimin”.

Eleminimi i Barcelonës, Valverde: Është e tmerrshme, Liverpool e meritoi!

Barcelona doli e turpëruar nga Anfield, teksa u mund 4-0 dhe u eleminua nga Champions League, duke humbur finalen e madhe. Trajneri blaugrana, Ernesto Valverde, ka kometuar shkurtimisht pas humbjes, duke u shprehur de gjithçka ishte për meritë të Liverpool.

“Liverpool ishte më i fortë se ne, luajtën shumë mirë dhe fituan duke e merituar. Për ne është një rezultat i tmerrshëm, por dhe për tifozët tanë. E gjitha kjo është për meritë të Liverpool”.

“Të gjithë do e vuajmë, ne, tifozët gjthashtu. Tani situata është kjo që është, nuk e prisnim diçka të tillë. Për momentin jemi të tronditur, është e tmerrshme”, u shpreh Valverde pas ndeshjes.

Asist në kualifikim historik të Liverpool, Shaqiri: Jam ende i tronditur!

Xherdan Shqiri ka shansin që të futet në histori si shqiptari që ja fituar dy herë trofeun e Champions League. Pas suksesit me Bayern Munich sezone më parë, Shaqiri është në prag të përsëritjes së këtij suksesi edhe me Liverpool, pas kualifikimit në finale.

Ditën e djeshme, Xherdan Shqiri pati shansin të rikthehej titullar me Liverpool, pasi skuadrës së Jurgen Klopp i mungonin Firmino dhe Salah. Shqiptari që luan me pêrfaqësuesen e Zvicrës, bëri një ndeshje të mirë, teksa në pjesën e dytë dha dhe asistin e golit të tretë. Pas ndeshjes ai është shprehur.

“Është e vështirë të gjesh fjalë në një moment të tillë. Jam jashtëzakonisht krenar për këtë ekip, për atë që kemi bërë. Pakkush e besonte, pasi e nisëm keq, por besuam dhe dëshironim të luanim lojën tonë deri në fund”.

“Jam ende i tronditur, por shumë krenar për këtë fitore. Nuk e kam provuar kurrë diçka të tillë. Është unike, nuk ndodh çdo ditë. Tifozët ishin të mrekullueshëm, pa ta nuk do ishte e mundur”.

“Tre muajt e fundit nuk kanë qenë të lehtë për mua, por prita shansin tim, duke u stërvitur fort. Liverpool është një super klub, duhet të dish të bësh diferencën. U ktheva në formacion duke e ditur se kisha një barrë të rëndë mbi vete, por u ndjeva shumë mirë dhe besoj se e justifikova besimin. Tani dua trofeun, nuk ka rrugë tjetër”.

Jurgen Klopp në delir: Këta djem janë të pabesueshëm!

Trajnerët janë arkitektët e suksesit, dhe merita u shkon atyre, po aq sa bartin dhe ngarkesën e dështimit. Vetëm një javë më parë Jurgen Klopp u vu në qendër të kritikave për humbjen 3-0 ndaj Barcelonës në ndeshjen e parë gjysmëfinale të Champions League, por jo më tani.

Pas fitores historike në Anfield, Klopp ka folur për mediat duke komentuar fitoren spektakolare dhe kualifikimin për herë të dytë radhazi në finalen e Champions League, ku tashmë pret vetë të njihet me kundërshtarin e radhës.

“Kjo ishte e tepërt! Ishte e papërballueshme emocionalisht. Luajtëm ndaj ekipit më të mirë në botë. Të fitosh është e vështirë, por të fitosh pa pësuar gol, kjo është e pabesueshme!”.

“Kam parë James Milner duke qarë në fushë pas ndeshjes. Kjo është një fitore shumë e rëndësishme për ne. Ka gjëra më të rëndësishme në këtë botë, por të krijosh këtë atmosferë kaq emocionuese është shumë e veçantë. Merita është e gjitha e lojtarëve”.

“Këta kanë potencial dhe zemër, por mbi të gjitha vetëbesim. Origi dhe Shaqiri nuk kanë luajtur shumë dhe të luash në atë mënyrë, kjo tregon se në futboll nuk ka asgjë të pamundur”

“Duhet të ishim seriozë, por edhe dinakë. Ishte e nevojshme. Barcelona mbrohet mirë, prandaj duhet të ishim të paparashikueshëm. Goditjen e këndit te goli i katërt nuk e pashë fare, ndërsa asistenti im më pyeti se çfarë kishte ndodhur”

“Ora është 11:30, fëmijët kanë fjetur. Më gjobisni nëse doni, por këta djem ishin “fucking unbelievable” (të pabesueshëm)”.

Liverpool i “çmendur”, kthen Barcelonën në shtëpi (video)

Liverpool është finalisti i parë i Champions League, duke përmbysur rezultatin e ndeshjes së parë të Barcelonës. Të besuarit e Jurgen Klopp kanë bërë një ndeshje të çmendhr në “Anfield”, duke mundur 4-0 Barcelonën e për rrjedhojë duke u kualifikuar në finalen e madhe të këtij kompeticioni.

Nga krahu tjetër, Barcelona ka përsëritur të njëjtin gabim si një vit më parë, kur shpërdoronte rezultatin 3-0 ndaj Romës, teksa këtë herë kjo i kushton finalen.

Një ndeshje e madhe me ritëm të lartë, me atmosferën unike të krijuar nga tifozët vendas, të cilët i kanë dhënë dhe më shumë motivim lojtarëve të tyre. Kështu pas vetëm 7-të minutash lojë, Liverpool kalon në avantazh me Divock Origi, që realizoi golin e parë të karrierës në këtë kompeticion.

Barcelona mundohet të reagojë, por shpërdoron disa mundësi, ndërsa pjesa e parë nuk pati ndryshim rezultati. Në të dytën Klopp hedhë në fushën e lojës Georginio Wijnaldum, që realizon dy gola të shpejtë në minutën e 54′ dhe 56′, duke trefishuar rezultatin për Liverpool.

Goli i katërt erdhi në minutën e 78′ me autor Origi, që bën të shpërthejë festa në Anfield me Jurgen Klopp që nuk arrinë ta besojë as vetë këtë çmenduri të ekipit të tij.

Skip to toolbar