Manchester United gati firmën me sulmuesin e Swansea!

Manchester United duket se është në prag të arritjes së marrëveshjes Daniel James, sulmuesin e Swansea City. Sky Sport se bisedimet ende vijojnë për termat e kontratës, por futollisti 21-vjeçar do të bëhet nënshkrimi i parë për Ole Gunnar Solskjaer për merkaton e kësaj vere.

Skuadra e United pritet të paguajë rreth 15 milionë euro për transferimin në arkat e skuadrës tjetër të Premier League. James ka dhe një vit kontratë me klubin e Swansea, teksa gjatë merkatos së dimrit të këtij viti ai refuzoi të rinovonte kontratën me klubin.

21-vjeçari është thirrur edhe në Kombëtaren e Uellsit nga trajneri Ryan Giggs gjatë ndeshjeve të muajit mars. Tashmë pritet vetëm të zyrtarizohet transferimit, dhe lojtari të kryejë kontrollet mjekësore te Manchester United.

Manchester United tenton transferimin e talentit uellsian!

Manchester United është pranë arritjes së marrëveshjes me Daniel James nga Swansea City. Ky transferim pritet t’i kushtojë United 15 milionë euro, teksa sulmuesi 21 vjeçar do të nënshkruante një kontratë afatgjatë për skuadrën e Ole Gunnar Solskjaer.

James, i cili është nën kontratë me Swansea deri në vitin 2020, zbuloi se në mars ishin duke u zhvilluar bisedimet për rinovimin e kontratës mes tij dhe klubit, ku do të parashikohej dhe një klauzolë për transferimin.

James është grumbulluar dhe me përfaqësuesen e Uellsit, ku në dy ndeshje ka shënuar një gol nën drejtimin e Ryan Giggs, në ndeshjen ndaj Sllovakisë.

Manchester United nuk është klubi i vetëm që interesohet për James, pasi në Premier League janë dhe disa ekipe të tjera që synojnë të arrijnë një marrëveshje me lojtarin.

Në krahun tjetër, Ole Gunnar Solskjaer synon që gjatë merkatos së verës të afrojë lojtarë të rinj, të cilët mund të luajnë për një kohë të gjatë me United.

Trajneri i “Djallit të kuq” nuk ka komentuar çështjen e transferimit të James në konferencën e fundit për shtyp, megjithatë ai është shprehur se dëshiron lojtarë që: “kalojnë këtu për shumë vite” siç kanë bërë Cristiano Ronaldo dhe Wayne Rooney.

Manchester United interesohet për Robert Lewandowski-n!

Robert Lewandowski ka refuzuar të rinovojë kontratën me Bayern Munich deri më tani. Klubi gjerman kërkon që gjatë verës të hidhet firma në kontratën e re mes klubit dhe sulmuesit polak.

Mirëpo Leva nuk e ka pranuar një gjë të tillë deri më tani. E gjithë kjo situatë mund të shfrytëzohet nga klube të tjera, që synojnë një transferim të mundshëm.

Ole Gunnar Solskjaer dhe klubi që ai drejton, Manchester United ka kërkuar informacion rreth situatës së Robert Lewandowskit.

Aktualisht futbollisti polak ka një kontratë deri në vitin 2021 me Bayern, teksa sipas mediave gjermane klubi ka vendosur të bëjë një ofertë të fundit pas finales së Kupës së Gjermanisë, që do të luhet javën e ardhshme.

Nëse 30-vjeçari e refuzon ofertën e Bayern, gjasat janë që ai të largohet gjatë verës, ku veç United, interes ka shfaqur dhe Paris Saint-Germain.

Solskjaer kthen sytë nga të rinjtë: Sezonin tjetër aktivizojmë lojtarët e akademisë!

Manchester United dështoi të arrinte vendin e katërt në Premier League, duke mos u kualifikuar në Champions League sezonin e ardhshëm. Megjithatë, Ole Gunnar Solskjaer arriti të ndryshonte diçka në ekipin që gjeti pas shkarkimit të Jose Mourinhos.

Trajneri aktuali i United ka premtuar se sezoni i ardhshëm do të jetë ndryshe, duke nisur me revolucion në merkato. Disa prej lojtarëve aktual pritet të largohen sapo të hapen dritaret e merkatos së verës, ndërsa të rinj pritet të afrohen. Megjithatë, Solskjaer ka dhe një tjetër plan për sezonin tjetër. Ai kërkon të aktivizojë më shumë lojtarë të rinj nga akademia e Manchester United.

Në përfundim të këtij sezoni, trajneri Soslkajer i dha minuta Mason Greenwood në Premiet League, ndërsa Tahith Chong, Angel Gomes dhe James Garner kanë qenë të gjithë të paktën një herë në dispozicion për ekipin e parë që nga ardhja e norvegjezit.

“Unë mund të them se do të ishte më mirë që këta lojtarë të huazoheshin diku, për të pasur minuta të plota dhe për të luajtur rregullisht. Por, përsëri mendoj se ndoshta vendi më i mirë për ta është të jenë këtu dhe të stërviten me lojtarët më të mirë në botë”, tha Solskjaer për sajtin zyrtar të United.

“Në këtë mjedis kemi detyrim të punojmë për t’i bërë ata më të mirët, por kemi dhe shembuj të lojtarëve që janë huazuar dhe pas një viti janë rikthyer më të pjekur. Le të shohim se çfarë do vendosim me këta djem, por unë mund të shoh që tani se shumica e tyre do të qëndrojnë këtu dhe do të kenë shanse me ekipin e parë vitin e ardhshëm”, ka thënë Solskjaer.

Solskjaer nis revolucionin, largohet mesfushori spanjoll nga United (video)

Ander Herrera do të largohet në fund të sezonit nga Manchester United. Spanjollit i përfundon kontrata në verë, teksa më herët mesi tij dhe klubit pati tratativa rinovimi? Por 30-vjeçari vendosi kushte. Ai kërkoi 200.000 paund në javë në kontratën e re për të qëndruar në Old Trafford.

Por Ed Woodward nuk ishte i gatshëm të plotësonte këtë kusht, aq më tepër kur bëhet fjalë për një futbollist 30-vjeçar. Kështu mesfushori do të largohet si transferim i lirë, teksa PSG-ja ka shfaqur interes për të dhe është gati t’i paguajë atij pagën që kërkoi te United.

Herrera do të jetë në dispozicion të Ole Gunnar Solskjaer për ndeshjen e fundit në kampionat kundër Cardiff City ku do të përshëndetet me shokët e skuadrës dhe tifozët e United. Sakaq, me anë të një video mesazhi, mesfushori ka shprehur lamtumirën nga “Djajtë e Kuq”.

“E kuqa është në zemrën time. E dija që ditën e parë qe erdha të luaj kët dhe vesha këtë fanellë. Një klub i madh me mijër tifozë që respektojnë dhe kujtojnë të gjithë lojtarët që japin gjithçka. Ndjeva emocione të veçanta kur dëgjova emrin tim që thirrej nga tifozët, ndjeva krenari kur tifozët vendosa të isha pjesë e kësaj historie të pabesueshme”, ka thënë ndër të tjera Herrera.

Formacioni më i mirë i vitit në Angli, pakënaqësi për mungesën e Hazard!

Shoqata e Futbollistëve Profesionist në Angli ka publikuar formacionin më të mirë të vitit në Premier League. Ky formacion dominohet nga lojtarët e Manchester Cityt dhe Liverpool, dy ekipet që janë luftë për titullin këtë sezon.

“Qytetarët” kanë 6 lojtarë në këtë formacion, ndërsa “Të kuqtë” përfaqësohen me 4 të tillë. Paul Pogba është i vetmi futbollist i kësaj 11-she, që vjen nga Manchester United, duke plotësuar formacionin e vitit.

Prania e francezit në këtë formacion ka shfaqur habi për shumë kënd në Angli, sikundër dhe mungesa e Eden Hazard, me këtë të fundit që ka bërë një sezon të shkëlqyer me Chelsea, ndërsa nuk ka qenë kështu për Pogba.

Për këtë arsye, ka plasur debati në rrjetet sociale dhe nuk kanë fund talljet me një formacion ku të paktën Pogba nuk duhej të kishte vend, duke parë sezonin e tmerrshëm të United dhe të francezit, edhe pse kampioni i botës ka shënuar shumë gola, kryesisht me penallti.

Ederson (City), Arnold (Liverpool), Van Dijk (Liverpool), Laporte (City), Robertson (Liverpool), Bernardo Silva (City), Fernandinho (City), Pogba (United), Sterling (City), Mané (Liverpool) dhe Agüero (City) janë lojtarët që përbëjnë “Ekipin e Vitit” në Premier League.

Liverpool kthehet në krye për çmimin e “Lojtarit më të mirë të vitit” në Premier League, me Van Dijk, pasi edicionin e kaluar e fitoi Mohamed Salah. Më parë, po nga të kuqtë, kishin triumfuar në këtë drejtim Luis Suárez (2013-14) dhe Steven Gerrard (2005-06), ndër të tjerë.

City fiton derbin me United dhe merr kreun e Premier League (video)

Derbi i Manchesterit ka përfunduar me fitoren e Cityt, të cilët mposhtën rivalët e United me rezultatin 0-2. Në këtë mënyrë skuadra e Pep Guardiolës merr kreun e Premier League me një pikë më shumë se Liverpool.

Lojtarët e Cityt kanë bërë një ndeshje të shkëlqyer kundër të besuarëve te Solskjaer në “Old Traford”, duke hedhur një hap të madh drejt titullit të dytë radhazi.

Ndeshja ishte e bukur dhe me ritëm të lart, me të dyja skuadrat që hidhen në sulm që në fillik të pjesës së parë, por rezultati nuk ndryshon në 45′ e para.

Goli erdhi krejt papritur në minutën e 54’ të takimit kur Bernardo Silva hyri i pashqetësuar në zonën kundërshtare dhe shënoi golin e avantazhit.

Në minutën e 66’ erdhi goli i nokautit nga Leroy Sane, i cili godet fortë në portën e De Gea-s. Megjithatë, portieri spanjoll mund ta kishte pritur.

Ky ishte goli i 157-t i sezonit për Manchester City, një rekord për futbollin anglez. City ka thyer rekordin e vendosur nga ai vetë në sezonin 2013/14.

Gjithsesi, Man United mbetet në garë për një vend mes katër më të mirëve pasi disfatës së Arsenal ndaj Wolves.

Derbi ndaj City-t, Solskjaer: Duhet të mbrohemi, loja e tyre është e përsosur!

Manchestet United pret nesër në shtëpi “komshinjtë” e drejtuar nga Pep Guardiola. Skuadra e Ole Gunnar Solskjaer është në luftë për të arritur një vend mes katër më të mirave, çka të jep një biletë për në Champions sezonin tjetër.

Në krahun tjetër, Manchester City është në luftë me Liverpool për titullin kampion të Premier League, çka e bën ndeshjen e nesërme një sfidë tepêr delikate për të dyja skuadrat e Manchesterit.

Trajneri i United, Ole Gunnar Solskjaer ka folur gjatë ditës së sotme në konferencë për shtyp, duke vlerësuar cilësitë e kundërshtarëve. Megjithatë, trajneri i “Djajve” shprehet se skuadra e tij duhet të mbrohet mirë, duke shfrytëzuar kundërsulmet për të goditur kundërshtarin.

“Manchester City ka shumë cilësi, sidomos në qakullimin dhe zotërimin e topit. Ne duhet të mbrohemi mirë. Kur ta fitojmë topin, duhet të jemi gati për të kundërsulmuar. Vetëm kështu mund ta zëmë në befasi kundërshtarin dhe ta godasim. Natyrisht, Manchester City nuk do të na e lehtësojë këtë. Do të ketë faulle, sepse kundërshtari angazhon shumë lojtarë përpara, do të na ndalojë aq lart sa mundet”

“Kjo nuk është ndeshja më e mirë, që mund të kërkonim tani për autokritikë, edhe me lojtarë të dëmtuar. Vijmë pas një humbje të rëndë. Ne patëm një analizë pas ndeshjes me Everton dhe të gjithë lojtarët janë të zhgënjyer. Me të vërtetë na ka lënduar shumë ajo paraqitje. Loja e Manchester City është e përsosur, nuk shfaq thuajse fare pika të dobta në fushë”

“Uroj që tifozët të na mbështesin. Do të ishte shumë mirë të riktheheshim te suksesi ndaj një skuadre si Manchester City. Unë kam ardhur këtu dhe kam thënë që do ta shijoj çdo sekondë të vetme. Nuk më pëlqen humbja, por është një sfidë e madhe, që të gjithë trajnerët e këtij klubi e kanë pasur mbi supe”.

Derbi i Manchesterit, Guardiola: Nuk është si dikur, jemi rritur shumë!

Nesër në Angli do të luhet ndeshja derbi mes Manchester United dhe rivalëve të qytetit, Manchester City. E gjithë vëmendja do të jetë e përqëndruar në “Old Traford”, në përballjen e 178-të mes City-t dhe United.

City ka humbur vetëm një ndeshje në 7-të vizitat e fundit në stadiumin mitik, ndërsa ka arritur të fitojë me rezultat deri në 6-1. Për këtë arsye trajneri i “Qytetarëve”, Pep Guardiola ka folur në prag të sfidës me United.

Kjo ndeshje është shumë e rëndësishme, pasi në rast të një fitoreje, skuadra e Guardiolës merr kreun e Premier League me një pikë më shumë se Liverpool, ndërsa Guardiola e komenton kështu bilancin pozotiv të Cityt në “Old Traford”:

“Nuk e di, nuk merrem me teoritë se çfarë ka ndodhur në të shkuarën dhe çfarë do të ndodhë në të ardhmen. Çdo ndeshje është ndryshe nga të tjerat.

“Man City është rritur shumë në dekadën e fundit dhe tani nuk i druhet udhëtimit në Old Trafford. Më përpara ndoshta ishte më e vështirë. Lojtarët që ka pasur Manchester City në dekadën e fundit ndoshta e kanë bërë më të ekuilibruar këtë derbi”.

Guardiola konfirmon mungesën e Kevin De Bruyne në derbi: “Do të mungojë, nuk e di a do kthehet më këtë sezon. Është një problem muskulor dhe do të shohim në vazhdim. Kaq shumë dëmtime muskulore për Kevin, tani duhet kujdes i madh para se të kthehet në fushë”

Mesi çon Barcelonën në “planetin” tjetër (video)

Barcelona nuk e ka diskutuar kualifikimin në gjysmëfinalen e Champions League mbrëmjen e sotme ndaj Manchester United. Katalanasit kanë fituar 3-0 në “Camp Nou” ndaj “Djallit”, duke prerë një biletë për në gjysmëfinale.

Ka qenë i zakonshmi Lionel Messi ai që ka zhbllokuar rezultatin për Barcelonën në minutën e 16`.

Argjentinasi ka bërë një lëvizje spektakolare jashtë zone, duke kaluar disa mbrojtës kundërshtar dhe më pas ka gjuajtur drejt rrjetës duke mposhtur De Gean.

Katër minuta më vonë “pleshti” ka dhuruar spektaklin e radhës, i ndihmuar këtë herë dhe nga gafa e portierit të United, De Gea.

Messi rrëmben një top dhe afrohet në kufijt e zonës kundërshtare, teksa gjuan me të djathtën. De Gea  e kap topin por nuk e kontrollon si duhet, duke e lënë të shkojë drejt rrjetës.

Kështu do të mbyllej pjesa e parë e takimit, teksa skuadra e Ole Gunnar Solskjaer nuk arriti të krijonte rrezik në portën kundërshtare. Madje vendasit do të trefishojnë me Coutinho në minutën e 61`, duke vulosur fitoren e Barcelonës 3-0.

Skip to toolbar