Sot finalja e FA Cup, City kërkon të futet në histori!

Sonte në mbrëmje do të zhvillohet finalja e FC Cup në Angli, ku Manchester City do të përballhet me Watford. Skuadra e Pep Guardiolës do të synojë të vendos një rekord historik, duke fituar “tripletën” e trofeve në ishull.

Pas suksesit në kampionat, ku City u shpall kampion i Anglisë me vetëm një pikë më shumë se Liverpool dhe fitoren e Kupës së Ligës, Pep Guardiola do të synojë edhe trofeun e FC Cup.

Wtford do të tentojë ta ndal Manchester Cityn sonte në mbrëmje, duke i dhënë mudësinë skuadrës së Pep Guardiolës të shijojë fitoren e dy trofeve të tjerë. Nëse City nuk fiton FA Cup sonte, ekipi i Guardiolës do të bëhej skuadra e katërt që fiton dy garat kryesore të futbollit në Angli në një sezon.

Kjo do të ndodhte pas Arsenalit, që fitoi në sezonin 1992-93, Liverpool në 2000-01 dhe Chelsea në 2006-07.

“Nëse fitojmë nesër, sezoni është i jashtëzakonshëm”, ka thënë Guardiola në konferencën për shtyp. “Nëse nuk mendojmë se ka qenë i jashtëzakonshëm, edhe po të kishim humbur Premierligën me një pikë, përpjekja do të ishte e njëjtë”.

“Lojtarët e mi ka pasur shumë mbështetje nga tifozët tanë. Do të ishte e pabesueshme nëse do të fitonim katër tituj në një sezon. Është një finale dhe shpresojmë se që ne të festojmë”, ka thënë ndër të tjera një ditë më parë në konferencën për shtyp trajnerin i Cityt.

Arsenal i jep lamtumirën Ramsey-t: Faleminderit për gjithçka Rambo!

Aaron Ramsey ka zhvilluar seancën e fundit stërvitore me Arsenalin, para se futbollisti uellsian të largohet nga “Topçinjtë”, për të nisur një aventurë të re në Itali me Juventusin.

Pasi u përshëndet me tifozët, Ramsey është përshëndetur dhe nga klubi i Arsenalit ditën e sotme, ku i është kushtuar një baner me mbishkrimin “Vetëm një Aaron Ramsey”.

Fotoja është publikuar në rrjetin social Twitter nga Arsenal, duke i bashkëngjitur dhe një mbishkrim ku thuhej: “Dita e fundit e në Qendrën e Trajnimit të Arsenalit për Aaron Ramsey. Faleminderit për gjithçka, Rambo”.

Pas njëmbëdhjetë sezoneve me fanellën e “Gunners”, 369 paraqitje, 64 gola dhe 62 asistime, talenti i Uellsit tani është i gatshëm të përballet me futbollin italian, i etur për t’u testuar në atë që do të jetë një kampionat i ri për të.

I rritur në Cardiff, Ramsey në të vërtetë ka kaluar gjithë karrierën e tij në Premier League, duke veshur, përveç Arsenalit, edhe fanellën e Nottingham Forest.

Brighton ka në dorë titullin në Angli, Klopp: Ata mund ta ndalin City-n!

Të dielën në orën 16:00 do të luhet beteja e fundit në Premier League, nga ku do të vendoset se kush do të jetë fituesi i kampionatit, me Liverpool dhe Manchester Cityn që i ndajnë një pikë mes tyre në këtë betejë dhe nesër kanë përballje relativisht të lehta.

“The Reds” do të përballen me Wolves, që nuk pretendon më asgjë për këtë sezon, ndërsa “Cityzens” do të përballet me Brighton, që në ndeshjet e fundit ka treguar se mund të bëjë gjëra të mëdha.

Jurgen Klopp ka folur për mediat para përballjes së fundit në Premier League, ku vendoset dhe fati i titullit. I pyetur rreth një komenti për City-n e sezonit të ardhshëm, Klopp është shprehur: “Ata ndoshta nuk do të jenë më jeq vitin e ardhshëm, as ne nuk do të jemi më keq. Por rivalët e tjerë do të kthehen më të fuqishëm”, ka thënë fillimisht Klopp.

“Dallimi kryesor midis nesh, City-t dhe katër ekipeve të tjeta nuk është cilësia, por përqëndrimi”, – tha Klopp – “Përputhshmëria është diçka për të cilën duhet të punosh, ndërsa cilësia do të rritet te klubet e tjera. Ne duhet të sigurohemi të qëndrojmë në rrugën e duhur dhe të bëjmë gjërat e duhura, kështu do të kemi të ardhme pozitive”, është shprehur trajneri i Liverpool.

Nëse City shpallet kampion nesër, Jurgen Klopp do t’i shpreh urimet rivalit të tij Pep Guardiola, teksa tregon se “Qytetarët” kanë bërë një sezon mbresëlënës. “Urimet për një sezon të pabesueshëm, sigurisht që është mbresëlënëse. Ata janë të impresionuar nga ne, ne jemi gjithashtu të impresionuar prej tyre”, tha Klopp.

Në fund Jurgen Klopp ka folur dhe për takimet e ditës së nesërme, të cilat janë parashikuar të luhen në të njëjtin orar. “Ne donim të kualifikoheshim në finalen e Champions League dhe ta fitojmë atë. Por fillimisht duhet të shohim se çfarë do të bëjë Brighton në kampionat. Të gjithë mendojnë se ne do ta mundim Wolves, kjo duket si 100 % e sigurt ashtu siç duket dhe që City do fitojë ndaj Brighton”.

“Por unë mendoj se ata (Beighton) treguan një reagim të habitshëm ndaj Arsenal. Kjo është mbresëlënëse dhe tani pa ndonjë presion, Brighton është në gjendje të luajë futboll të mirë. Ata e dinë se kundër “Qytetarëve” do të duhet të mbrojnë shumë”.

“Ky është futbolli, asgjë nuk është e sigurt, por unë nuk mendoj për të. E vetmja gjë për të cilën po mendoj është ajo që mund të bëjmë kundër Wolves”, ka përfunduar trajneri i Liverpool, Jurgen Klopp.

Lë Zvicrën për Kosovën, mbrojtësi pajiset me pasaportën “Dardane”

Një tjetër talent shqiptar ka vendosur të luajë për përfaqësuesen e Kosovës, duke i dhënë fund aludimeve. Fjala është për talentin Florent Hadërgjonaj, i cili ka pranuar të përfaqësojë “Dardanët” në nivele ndërkombëtare.

Futbollisti, që aktualisht aktivizohet me Huddersfield në Angli, gjatë ditës së sotme është pajisur me pasaportën e Republikës së Kosovës, duke u bërë gati për portierin Challandes për ndeshjet e muajit qershor.

Pasaporta e Kosovës, Hadërgjonajt i është dorëzuar nga Presidenti i FFK-së, Agim Ademi, i cili e ka përgëzuar dhe falënderuar për vendimin e marrë që kontributin e tij tash e tutje ta japë në fanellën e Kosovës.

Mbrojtësi 24-vjeçar tashmë është në dispozicion të përzgjedhësit Bernard Challandes dhe pa dyshim do të jetë një armë shumë e fortë në repartin e mbrojtjes për ndeshjet e ardhshme të ciklit kualifikues për Euro 2020.

Florenti deri tani ka luajtur me të gjitha ekipet e grupmoshave të Kombëtares së Zvicrës, por në fund vendosi me zemër që t’i bashkohet ekipit të Dardanëve, fanellë të cilën e ndjenë më shumë dhe aty ku emocionet janë të papërshkrueshme.

Florent Hadërgjonaj në këtë edicion të Premier Ligës ka luajtur në 24 ndeshje me Huddersfieldin, 19 prej të cilave ka qenë titullar, derisa në fushën e gjelbër i ka kaluar 1840 minuta.

Guardiola fiton trofeun personal, tani pret titullin në Premier League!

Manchester City po lufton për të fituar titullin kampion në Angli, duke u ngushëlluar për skualifikimin nga Champions League.

Dhe në fakt, lufta në Premier League, mes Cityt dhe Liverpool, ka më shumë gjasa që të përfundojë me fitoren e skuadrës së Guardiolës.

Ky i fundit duket se e ka nisur mbarë fundin e kampionatit, pasi është votuar si “Trajneri i muajit prill” në Premier League.

Kështu, pas këtij suksesi personal, Guardiola do të synonë të arrijë suksesin me ekipin e tij, duke mbrojtur tiullin në Premier League javën e ardhshme.

Kompany i jep fitoren dhe e afron City-n me titullin (video)

Ndeshja e fundit e Premier League do të vendos dhe fatet e titullit kampion për këtë sezon, megjithëse, Manchester City duket gjithmonë e më pranë fitores së kampionatit.

Të besuarit e Pep Guardiolës kanë fituar ndeshjen e fundit në kampionat ndaj Leicester me rezultatin 1-0, duke marrë tre pikë që e rikthejnë Cityn në vendin e parë të renditjes me një pikë më shumë se Liverpool.

Një gol i Vincent Kompany e fut atë në historinë e Manchester Cityt, pasi nëse ndeshja do ishte mbyllur në barazim gjërat komplikoheshin për “Qytetarët”.

Futbollisti belg ka realizuar një gol të bukur nga 25 metra, duke i dhënë Cityt golin e avantazhit dhe të fitores. Ndërsa për vetë Kompany kjo ishte goditja e parë e tij nga distanca pas më shumë se gjashtë vjetësh.

Arsenal i bën “gropën” vetes, ndalet nga Brighton (video)

Arsenal vijon me rezultatet zhgënjyese në Premier League, duke i ulur shanset për pjesëmarrjen në Champions League sezonin e ardhshëm. Të dielën “Topçinjtë” barazuan me Brighton 1-1, duke u larguar nga vendi i katërt në renditje, me 3 pikë diferencë.

Tani skuadrës së Unai Emery i duhet të fitojë Europa League ose të mund Tottenham me goleadë në ndeshjen e fundit, për të mbajtur gjallë shpresën e arritjes së Championsit sezonin e ardhshëm.

Aubameyang kaloi të tijët në avantazh që në minutën e 9′, duke realizuar nga pika e bardhë e penalltisë. Ky gol mund të mos kishte qenë i vetmi për Arsenal, nëse nuk do të kishte shpërdoruar disa mundësi të tjera.

Brighton barazon në minutën e 60′, pas një shpërqëndrimi të Granit Xhakës në zonë. Glan Murrayy u tregua i saktë përballë Lenos. Një rezultat i keq për Topçinjtë, të cilët sulmojnë me shumë forca pas barazimit.

City në krye të Premier League, e ndihmon teknologjia (video)

Titulli kampion do të diskutohet deri në javën e fundit në Angli, mes Manchester Cityt dhe Liverpool, dy ekipet që po rivalizojnë këtë sezon në Premier League.

Skuadra e Pep Guardiolës luajti kundër Burnleyt këtë pasdite, duke fituar minimalisht me rezultatin 1-0, me tre pikët që e rikthejnë në krye skuadrën e City-t.

Nuk ka qenë aspak e lehtë për Manchester Cityn të marrë tre pikët, ndonëse ka kontrolluar lojën gjatë gjithë lojës.

Një gjuajtje e Sergio Agueros në minutën e 63′ kalon vijën fatale, megjithëse fillimisht u mendua se topi ishte larguar nga mbrojtësit vendas. Mirëpo “Goal Line Tecnology” ka ardhur në ndihmë duke konfirmuar golin.

Ky gol i dha tre pikë shumë të rëndësishme Cityt, ndërsa Aguero vendos një rekord personal, pasi bëhet lojtari i dytë që shënon mbi 20 gola në pesë kampionate radhazi në Premier League, pas Thierry Henry.

Ka qenë një fitore e rëndësishme për City-n, që kryeson renditjen me një pikë avantazh ndaj Liverpool-it, kur kanë mbetur edhe dy ndeshje nga fundi i Premier League.

Arsenal drejt greminës, Leicester i jep goditjen e radhës (video)

Arsenal është futur në rrugë pa krye, pasi “Topçinjtë” kanë pësuar humbjen e tretë radhazi në Premier League, me Leicesterin që u ka shënuar tre herë kryeqytetasve këtë mesditë.

Kjo humbje e radhës për Arsenal i vështirëson dhe më tepër mundësitë e londinezëve për të arritur një vend në Champions sezonin e ardhshëm.

Dalja me karton të kuq e Maitland-Niles në minutën e 36′, bëri që Arsenal të humbiste terren ndaj “Dhelprave”. Këto të fundit duke shfrytëzuar epërsinë numerike në fushë, gjejnë golin e avantazhit në minutën e 59′ me Tielemans.

Katër minuta para fundit të kohës së rregullt, Jamie Vardy dyfishon për vendasit, pasi në shtesë trefishoi dhe vulosi fitoren e Leicester, duke i dhënë një goditje të rëndë Arsenalit.

Aktualisht Arsenal ndodhet në kuotën e 64 pikëve, në vend të pestë, 1 më pak se Chelsea dhe 2 më shumë se Manchester United që përballen sot mes tyre. Ndërkohë për Leicester ishte thjesht një tre pikësh për renditje, pasi kupat e Europës janë të pakapshme

Norwich rikthehet në Premier League (video)

Norwich është rikthyer në elitën e futbollit anglez, pasi ka mundur 2-1 Blackburn Rovers. Vendasve u ka mjaftuar 13 minuta lojë për të kaluar në avantazh me Marco Stipermann, i cili ka shënuar nga distanca.

Mario Vrancic ka realizuar në minutën e 21-të golim e dyfishimit për “Kanarinat”, përsëri me një gjuajtje nga distanca.

Blakckburn ka reaguar menjëherë, duke ngushtuar diferencën me Lewis Travis. Pjesa e dytë nuk ka patur gola, pavarësisht rasteve të shumta të krijuara nga vendasit.

Gjithsesi, “Kanarinat” kanë arritur ta mbrojnë rezultatin deri në fund dhe sezonin e ardhshëm do të kthehen të luajnë në Premier League pas tre sezonesh të kaluar në Championship.

Skip to toolbar