Tag: UEFA

Ngatërrimi i himnit shqiptar, UEFA nis procedim disiplinor ndaj “gjelave”

UEFA nuk e ka pritur mirë ngatërresën dhe vonesën e lojës që është bërë në ndeshjen Francë-Shqipëri ku u ngatërrua himni kombëtar shqiptar, duke vendosur atë të Andorrës. Si pasojë e saj ndeshja nisi me 7 minuta vonesë, gjë që ka bërë që UEFA të nis një procedim disiplinor ndaj Federatës Franceze të Futbollit.

Sipas L’Equipe”, Komiteti Disiplinor pritet të vendosë më 17 tetor masën disiplinore që mund të jetë një gjobë prej 100 mijë eurosh për Federatën Franceze të Futbollit, ose dënim të fushës.

Ndeshja Francë-Shqipëri, e zhvilluar në “Stade de France”, nisi me vonesë pasi u ekzekutua himni i Andorrës në vend të atij shqiptar, gjë që solli indinjatën me të drejtë të tifozëve kuqezinj. Lojtarët e Kombëtares vendosën të mos nisnin lojën deri në mbajtjen e himnit të Shqipërisë.

UEFA i jep Partizanit 800 mijë euro, përfitojnë dhe Kukësi, Laçi e Teuta

Klubet shqiptare që luajtën në Europë, ndonëse nuk shkuan shumë larg, mund të gëzojnë pasi do të presin shpërblimin financiar që jep UEFA për ekipet që marrin pjesë në kompeticionet e saj. Ekipi i Partizanit, do të fitojë nga pjesëmarrja në Europë, së bashku me shpërblimin si Kampion i Shqipërisë, rreth 800 mijë euro. Kjo është një shumë e konsiderueshme të ardhurash, që do të thotë siguri financiare për klubin dhe lojtarët.

Teuta, Laçi dhe Kukësi do të përfitojnë secili nga 240 mijë euro, si ekipet që luajtën në turin e parë të Europa League. Ky është shpërblimi që UEFA jep vetëm për pjesëmarrjen në turet kualifikuese të saj, ndërsa në rast se këto ekipe do të kishin kaluar turin e parë, shuma e fituar nga pjesëmarrja në Europë do të ishte sa dyfishi që do të fitojnë këtë sezon.

Ndonëse nuk arritën të bënin më të mirën në kupat e Europës, shumat financiare që përfitojnë katër ekipet shqiptare nga UEFA, është ndihmë e konsiderueshme për të përballuar shpenzimet vjetore të klubeve, kryesisht ato të pagave të lojtarëve.

Në kampionatin kosovar, që u përfaqësua me dy ekipe, skuadra e Feronikelit ka arkëtuar plot 1 milionë euro nga pjesëmarrja në Europë, ndërsa Prishtina ka përfituar 220 mijë euro. 800 mijë euro ka përfituar ekipi tjetër shqiptar, Shkëndija e Tetovës në Maqedoninë e Veriut.

UEFA hije dyshimi për trukim ndeshjesh mes Kukësit dhe Kastriotit

UEFA ka dërguar në Federatën Shqiptare të Futbollit, raporton Panorama Sport, një raport ku ngre dyshime për trupimin e një ndeshje të kampionatit shqiptar, mes Kukësit dhe Kastriotit, luajtur në 30 maj të këtij viti. Bëhet fjalë për ndeshjen e cila përfundoi me rezultatin 3-1 në favor të Kukësit, me ekipin verilindor që arriti të përmbyste rezultatin e pjesës së parë, që ishte 0-1 për Kastriotin. Dy ditë më pas, UEFA ka arritur që nëpërmjet sistemit BFDS (i njëjti që kapi luhatjet e basteve, që sollën më pas dënimin e Skënderbeut), të ngrejë dyshime se ndeshja mes Kukësit dhe Kastriotit të jetë e trukuar.

“Ekzistojnë prova të qarta dhe mbizotëruese të basteve se drejtimi dhe rezultati i kësaj ndeshjeje ishte përfundimisht i ndikuar me synimin për të fituar baste të korruptuara. Provat e basteve treguan se bastexhinjtë kishin njohuri paraprake për dështimin e Kastriotit për të fituar ndeshjen”, thuhet ndër të tjera në raportin e UEFA-s për ndeshjen e luajtur më 30 maj ora 16:00 në stadiumin e Kamzës, ku Kukësi ishte pritës.

Pas publikimit të këtij lajmi, ka ardhur dhe reagimi i presidentit të Kukësit, Safet Gjici, i cili ka hedhur poshtë akuzat dhe është shprehur se “skuadra ime nuk është përfshirë në trukim ndeshjesh”. Më pas, klubi ka reaguar me një komunikatë zyrtare ku mohon përfshirjen në trukim ndeshjesh.

“Deklarojmë me përgjegjësi se nuk ka asnjë element që të vërtetojë këtë akuzë. Ekypi ynë e ka patur jetike këtë ndeshje, për të siguruar vendin e dytë në Kategorinë Superiore dhe për të qenë i sigurtë në pjesmarrjen e kupave të Europës. daj, impenjimi ka qenë maksimal nga skuadra dhe stafi. Ne sigurojmë Uefa-n, institucionet e futbollit në Shqipëri, gjithë opinionin sportiv dhe tifozërinë se jemi të hapur ndaj çdo hetimi dhe se FK Kukësi kurrë nuk është përfshirë në ngjarje të tilla që shëmtojnë futbollin dhe imazhin e Klubit”, shkruhet ndër të tjera në deklratën e Kukësit.

Vendimi i CAS, UEFA: E përshëndesim, na konfirmoi ne

UEFA mirëpret Gjykatën e Arbitrazhit për vendimin e Sportit për të hedhur poshtë ankesën e paraqitur nga KS Skënderbeu kundër vendimit të Organit të Apelit UEFA të datës 26 prill 2018.

Si pasojë CAS konfirmoi vendimin e marrë nga organet disiplinore të UEFA për të përjashtuar KS Skënderbeu nga pjesëmarrja në garat e klubeve UEFA për 10 vjet dhe për të gjobitur klubin me 1.000.000 euro për shkak të përfshirjes së saj në aktivitetet që synonin rregullimin e rezultateve të ndeshjeve .

Kjo është një konfirmim i mëtejshëm i besueshmërisë së sistemit të zbulimit të mashtrimeve të UEFA-s (BFDS) në identifikimin e modeleve anormale të basteve në ndeshjet që luajnë klubet në nivel evropian dhe vendas.

Me këtë vendim, CAS mbështet përpjekjet e marra për të mbrojtur garat vendase dhe UEFA nga ndreqja e ndeshjeve. Ajo gjithashtu tregon besimin CAS ka në UEFA BFDS  zhvilluar në bashkëpunim me Sportradar, i cili është një instrument për të ndihmuar në garantimin e integritetit të garave. Raportet e monitorimit të basteve si ato të ofruara nga Sportradar dhe ofruesit e tjerë, si në rastin konkret Starlizard,  konfirmohen si mjete të përshtatshme në luftën kundër ndreqjes së ndeshjeve.

BFDS u krijua në vitin 2009 në përgjigje të kërcënimit në rritje të manipulimit të ndeshjeve si në UEFA ashtu edhe në garat e ligës evropiane. Roli i saj është të nxjerrë në pah lëvizjet e parregullta të basteve, si para ndeshjes ashtu edhe në lojë (live) në tregjet kryesore të basteve duke monitoruar të gjithë bastaxhinjtë kryesorë evropianë dhe aziatikë. Monitorimi i tregjeve të basteve mbulon të gjitha ndeshjet e konkurrencës UEFA (rreth 2,000 në sezon) dhe lojëra në dy divizionet më të larta dhe konkurrenca e kupave të shoqatave anëtare të UEFA-s (rreth 30,000 ndeshje në sezon).

“Rama ik” në stadium, aksioni i PD mund të na penalizojë nga UEFA

Mbrëmjen e së martës në “Elbasan Arena” kombëtarja jonë e futbollit luajti kundër Moldavisë në ndeshjen e katërt elemintaore të Euro 2020, duke fituar me rezultatin 2-0. Pak pas nisjes së pjesës së dytë, në fillim të tribunës E, disa të tifozë shpalosën një flamur të madh kombëtar, dhe më pas sipër tij vendosën disa shkronja, të cilat formonin fjalën “Rama Ik”.

Në fillim ishte e paqartë se cilit grupim i përkisnin këta tifozë, ndërsa mediat shkruan se ishin “Tifozë Kuq e Zi”. Në fakt, këta të fundit nuk ishin, pasi kanë tribunën e tyre dhe veshjen e tyre identifikuese.

Në fakt, e vërteta është zbuluar këtë të mërkurë, kur kanë qenë vetë disa anëtar të FRPD-së, të cilët kanë publikuar fotot nga stadiumi si dhe flamurin kombëar me mbishkrimin “Rama Ik”.

Mes tyre qëndron edhe kryetari i FRPD-së Belind Këlliçi, çka duket se gjithçka ka qenë e mirëmenduar. Veç parullës së shpalosur, ky grupim gjatë ndeshjes ka thirrur në kor “Rama Ik”.

Nuk dihet nëse delegati i ndeshjes e ka shënuar në protokollin e tij këtë veprim, por nëse kjo ka ndodhur, pritet që kombëtarja të jetë objekt disiplinor në UEFA, pasi në stadiume janë të ndaluara thirrjet me prirje politike apo shpalosja e parullave me mesazhe të tilla, duke u dënuar me gjobë apo deri në luajtjen e ndeshjeve pa tifozë.

Nderim fansave Kuq e Zi mbrojten Flamurin nga banditet me uniforme.Ju lumte! Rama ik! sb

Gepostet von Sali Berisha am Dienstag, 11. Juni 2019

Lajm i madh për futbollin kosovar, UEFA merr vendimin e rëndësishëm!

Duke nisur nga viti i ardhshëm Kosova do të ketë mundësi të përfaqësohet me tre klube në kupat e Europës. Lajmin e ka dhënë Federata e Futbollit të Kosovës, e cila me anë të një komunikate publike, ka njoftuar klubet anëtare të saj se vendimi për pjesëmarrjen e tre klubeve kosovare në kupat e Europës është marrë gjatë takimit dyditor që UEFA po zhvillon me federatat anëtare në Budabest.

“Në fakt, UEFA, pas kërkesës së vazhdueshme të krerëve të FFK-së ka pranuar që tani e tutje Kosova në garat evropiane të përfaqësohet me tri klube. Edhe pse realisht ende nuk është arritur koeficienti i kërkuar për më shumë skuadra pjesëmarrëse, pas takimit të sotëm që presidenti Ademi dhe sekretari i përgjithshëm Salihu patën me përfaqësuesit e UEFA-s, këta të fundit kanë pranuar që ta shpërblejnë FFK-në me një klub më shumë në garat evropiane”.

“Kësisoj, që nga edicioni i ardhshëm nga kampionati i Kosovës pjesëmarrjen në garat evropiane do ta sigurojnë kampioni, nënkampioni dhe fituesi i kupës. Pa dyshim ky është një lajm i shumëpritur dhe i cili do të ndikojë edhe më shumë në rritjen e konkurrencës në elitën e futbollit tonë dhe njëherësh do të rrisë edhe nivelin e organizimit në Superligë”.

Shqipëri-Moldavi, dalin në shitje biletat, FSHF surprizon me çmimet!

Kombëtarja shqiptare e futbollit do të presë Moldavinë në “Elbasan Arena” më 11 qershor, në ndeshjen e vlefshme për kualifikueset e Euro 2020.

Pas dështimit me përmbushjen e afateve për përfundimin e stadiumit “Arena Kombëtare”, FSHF-ja ka zyrtarizuar stadiumin e Elbasanit si impiantin e zhvillimit të kësaj ndeshje.

Ditën e sotme FSHF-ja ka publikuar dhe çmimet e biletave për ndeshjen e 11 qershorit, ku bie në sy fakti se për këtë takim ka një ulje të çmimit të biletave, duke nisur me ato në tribunën vip, që në ndeshjet e marsit kushtonin 180 mijë lekë ndërsa tani do të kuahtojë 60 mijë lekë më pak.

Bileta më e shtrenjtë do të kushtojë 12.000 lek (120 mije lek të vjetra), e cila veln për tribunën VIP. Ndërkohë 10.000 lek do të kushtojë në tribunë VIP 2.

Sipas tribunave, çmimet variojnë në 6000, 5000, 4000, 2000, 1500, 1000 dhe 500 lek, që është çmimi më i lirë për të ndjekur Kombëtaren.

Damir Skomina do të gjykojë finalen e Ligës së Kampionëve, slloveni vendos rekord!

Slloveni Damir Skomina do të jetë arbitri kryesor i ndeshjes finale të Ligës së Kampionëve mes Liverpool dhe Tottenham, që do të luhet në Madrid më 1 qershor.

Komiteti Arbitrave në UEFA ka vendosur sot pikërisht arbitrat përgjegjës që do të gjykojnë finalen e madhe të Madridit mes dy ekipeve angleze.

Skomina është arbitër ndërkombëtar prej vitit 2002, teksa me finalen në Champions, ai plotëson gjykimin e trefishtë të kompeticioneve të UEFA-s për klube në arenën Europiane.

Më herët ai ka gjykuar finalen e UEFA Europa League mes Ajax dhe Manchester United në 2017 si dhe Superkupën e Europës mes Chelsea dhe Atletico Madrid në 2012.

42-vjeçari ka qenë arbitër i katërt në finalen e Champions League mes Borussia Dortmund dhe Bayern Munich. Gjatë këtij sezonin, Damir Skomina ka gjykuar katër ndeshje në Champions League dhe dy në Europa League.

Në finale e Madridit, Skomina do të ndihmohet nga bashkatdhetarët e tij Jure Praprotnik dhe Robert Vukan. Zyrtari i katërt do të jetë Antonio Mateu Lahoz nga Spanja.

Ekipi i plotë i arbitrave në finalen e Champions League!

Arbitri: Damir Skomina (Slloveni)
Ndihmës Gjyqtarët: Jure Praprotnik, Robert Vukan (të dy nga Sllovenia)
Zyrtari i katërt: Antonio Mateu Lahoz (Spanjë)
Video asist Referee: Danny Makkelie (Holandë)
Asistentë të VAR: Pol van Boekel (Holandë), Felix Zwayer (Gjermani)
Jashtë VAR: Mark Borsch (Gjermani)

Përjashtimi nga Champions-i sezonin e ardhshëm, Manchester City reagon zyrtarisht!

Manchester City festoi titullin e radhës kampion në Premier League dy ditë më parë. Por në fillim të kësaj jave, klubi anglez u trondit nga një lajm që bëri xhiron e mediave ndërkombëtare.

New York Times publikoi një artikull ku thuhej se Manchester City rrezikonte pjesëmarrjen në Champions League sezonin e ardhshëm, pasi UEFA pritet ta dënojë klubin me një vit përjashtim nga kompeticionet europiane për shkak të shkeljeve të “Fair Play” Fianciar.

Mirëpo, sot, me anë të një reagimi zyrtar, klubi i Manchester Cityt ka përgënjeshtruar gjithçka, duke u shprehur se ata, klubi, janë duke bashkëpunuar me Trupën e Kontrollit të Financave të Klubeve.

“Raporti i New York Times, duke cituar “njerëzit që njihen me rastin”, është jashtëzakonisht shqetësues. Implikimet janë që ose besimi i mirë i Manchester City në CFCB IC është i gabuar ose procesi ICCB CF po keqinterpretohet nga individë që synojnë dëmtimin e reputacionit të klubit dhe interesave të tij komerciale. Ose të dyja”.

“Akuzat për parregullsi financiare janë krejtësisht të rreme, dhe një dëshmi gjithëpërfshirëse e këtij fakti i është dhënë ICCB CB”, thuhet në një pjesë të deklaratës së Manchester City.

E ardhmja e futbollit shqiptar, specialisti i UEFA-s tregon çelsin e suksesit!

Një nga specialistët e UEFA-s, për projektin Grassroots, që i dedikohet futbollit te fëmijët, Piet Hubbert ka zhvilluar një vizitë në Federatën Shqiptare të Futbollit, ku veç të tjerash ka pasur takime me Sektorin e Futbollit Amator, Sektorin e Edukimit, Sektorin e Futbollit të Femrave dhe Zyrën e Projektit Grow.

Në këtë vizitë Hubbert u njoh nga afër me situatën e futbollit amator, futbollit të femrave dhe punën që zhvillon sektori edukimit për licensimin dhe kualifikimin e trajnerëve dhe mësuesëve të edukimit fizik.

Pjesë e vizitës së mentorit të UEFA Grasstoots isha dhe ndjekja nga afër e orës së edukimit fizik në dy shkolla 9 vjeçare të Qarkut të Tiranës ku po implementohet projekti Grow, që ka të bëj me shtrirjen e futbollit në shkolla për moshat U-7 dhe U-9, djem dhe vajza.

Në shkollën “Niket Dardani” u zhvillua dhe trajnimi teorik dhe praktik me mësuesit e edukimit fizik për përmirësimin e mënyrës së stërvitshmërisë së fëmijëve.

Në fund Hubbert u ndal të flasë edhe për Kombëtaren shqiptare dhe rrugën që duhet të ndjekë Shqipëria për tu rritur në futboll. “Nëse gjykojmë nga performanca e viteve të fundit, skuadra kombëtare e Shqipërise ka treguar një formë shumë të mirë, ata u kualifikuan gjithashtu për fazën finale të Europianit”.

“Tani është e rëndësishme të ndërtoni një bazë të fortë futbolli grassroots që një ditë disa prej këtyre lojtarëve të kalojnë në nivele elitare dhe të bëhen futbollistë profesionistë, dhe të jenë kandidatë për skuadrën kombëtare.

“Çdo federatë duhet të kuptojë që programi grassroots është ai që siguron kualitetin e futbollit profesional në vend. Jam shumë i lumtur që jo vetëm UEFA, por dhe FSHF, janë të gatshëm të investojnë në programin grassroots”.

Skip to toolbar