Një person humbi jetën pasi u përplas për vdekje nga një makinë, gjatë kohës që po tentonte të kalonte rrugën. Ngjarja e rëndë ka ndodhur në aksin rrugor Milot- Rrëshen, tek “Rrethrrotullimi i Milotit”.
Automjeti tip “Benz” ka përplasur një këmbësor, identiteti i të cilit nuk dihet ende. Ai u dërgua me urgjencë drejt spitalit të Traumës në Tiranë, por nuk mundi t’i mbijetojë plagëve të marra.
Policia ka shoqëruar drejtuesin e mjetit me iniciale A.N., për sqarimin e plotë të aksidentit tragjik.
