Grabitja në Rinas, arrestohet bashkëpunëtori i 5-të

Policia ka arrestuar edhe një person të 5-të si bashkëpunëtor të grabitjes së parave në Rinas. Ditën e djeshme policia arrestoi 4 bashkëpunëtorët e tjerë Oltion Veseli, Alkond Bengasi, Renaldo Sula dhe Saimir Cela, ndërsa vijojnë hetimet për zbardhjen e plotë të personave të përfshirë në vjedhjen e 9 prillit në Rinas.

I arrestuar është shtetasi me iniciale E.P. nga Kruja, ndërsa nuk jepen informacione të tjera.

Në njoftimin e saj policia sqaron:

“Në vijim të veprimeve të kryera nga një grup i posaçëm hetimor për zbardhjen e ngjarjen së datës 09 prill në aeroportin e Rinasit, ju informojmë se mbrëmë në mesnatë është kapur dhe ndalur shtetasi E.P banues në Krujë, i dyshuar si një prej autorëve të kësaj ngjarje.

Materialet proceduriale i kaluan Prokurorisë Pranë Gjykatës së Shkallës së Parë për Krime të Rënda Tiranë për veprën penale të “Vjedhjes me armë të kryer në bashkëpunim” në kuadër të “Grupit të Strukturuar Kriminal”, ”Mbajtjes pa leje e armëve dhe municioneve luftarake” “Vrasje e Punonjësve të Policisë “ e kryer në bashkëpunim e mbetur në tentativë”

Policia e ShtetitNë vijim të veprimeve të kryera nga një grup i posaçëm hetimor për zbardhjen e ngjarjen së datës…
Publiée par Policia e Shtetit sur Mardi 23 avril 2019

Parandalohet tragjedia, të shtëna me armë për motive pronësie

Policia e Krujës ka parandaluar në kohë një tragjedi, duke çuar në arrestimin në flagrancë të një 56-vjeçari.

Arrestohet shtetasi me iniciale Sh.Q., 56 vjeç, pasi po kanoste me armë zjarri shtetasin L.P., 51 vjeç.

56-vjeçari ka qëlluar disa herë në ajër, pas një konflikti për motive pronësie me 51-vjeçarin.

Në cilësinë e provës materiale u sekuestrua arma e zjarrit tip pushkë dhe një kuti me 1000 fishekë luftarakë.

Materialet i kaluan Prokurorisë pranë Gjykatës së Shkallës së Parë Durrës për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”.

Krujë Kanos me armë zjarri një shtetas për motive pronësie, arrestohet në flagrancë nga Policia.Sekuestrohet një…
Publiée par Policia e Shtetit sur Mardi 23 avril 2019

Fierakja arrestohet me armë në kufi

Policia Kufitare në Kakavijë ka arrestuar një shtetase me iniciale L.S. 45 vjeçe, banuese në Fier.

Pas verifikimeve dhe kontrollit të ushtruar në automjetin e 45-vjeçares, nga punonjësit e Policisë Kufitare në bashkëpunim me shërbimet doganore, në bagazhet e këtij mjeti, u gjet e fshehur një armë zjarri e llojit Glock, kalibri 9 mm, me gjithsej 9 fishekë.

45-vjeçarja do të gjykohet për veprën penale “Prodhimi dhe mbajtja pa leje e armëve luftarake dhe municionit”.

Kakavije. Policia Kufitare godet një rast të armëmbajtjes pa leje.Arrestohet në flagrancë poseduesja e armës së…
Publiée par Policia e Shtetit sur Lundi 22 avril 2019

Arrestimi i grabitësve në Rinas, Rama përshëndet aksionin e policisë

Kryeministri Edi Rama ka përshëndetur aksionin e policisë për arrestimin e 4 grabitësve në ngjarjen e Rinasit. Rama e cilësoi arrestimin e grabitësve një zhvillim inkurajues në rrugën e ndëshkimit ligjor.

“Ndalimi i 4 personave të përfshirë në grabitjen e aeroportit, një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit. Policia e Shtetit duhet të provojë përditë se sa më shumë sulmohet e baltoset, aq më shumë rritet forca e saj goditëse.” – shkruan Rama

Ndalimi i 4 personave të përfshirë në grabitjen e aeroportit,një zhvillim inkurajues në rrugën e ndalimit dhe ndëshkimit ligjor të të gjithë autorëve të krimit👍Policia e Shtetit duhet të provojë përditë se sa më shumë sulmohet e baltoset,aq më shumë rritet forca e saj goditëse👊
— Edi Rama (@ediramaal) April 22, 2019

Zyrtare, Policia njofton arrestimin e grabitësve të Rinasit. Ja detajet

Policia e Shtetit ka shpërndarë njoftimin për arrestimin e grabitësve të parave në Rinas. Policia njofton se në pranga kanë rënë katër persona si autorë të dyshuar të përfshirë në këtë ngjarje.

Personat e arrestuar janë: Oltion Veseli 38 vjeç nga Kruja, Alkond Bengasi, 34 vjeç nga Elbasani por me banim në Tiranë dhe i dënuar më parë për prodhim e shitje lëndësh narkotike, Renaldo Sula 25 vjeç nga Elbasani dhe Saimir Çela 28 vjeç nga Kajani i Elbasanit (i cili njihet edhe me pseudonimin Tale Çela).

Sipas policisë, për arrestimin e këtyre personave janë zhvilluar aksione në qytetet e Tiranës, Elbasanit dhe Durrësit si dhe është përfshirë një grup i posaçëm hetimor me Specialistët më të mirë të Hetimit të Policisë Tiranë, Policisë së Shtetit, Durrësit e Elbasanit, nën drejtimin e Prokurorisë për Krime të Rënda.

Ndërkaq, policia ende nuk e ka zbuluar shumën e saktë të parave të grabitura në Rinas, ndërsa thekson se ka prova të shumta për thellimin e hetimeve dhe zbardhjen e plotë të ngjarjes.

Akuzat që janë ngritur ndaj të arrestuarve janë:

“Vjedhje me armë të kryer në bashkëpunim” në kuadër të “Grupit të Strukturuar Kriminal”, ”Mbajtje pa leje e armëve dhe municioneve luftarake” “Vrasje e Punonjësve të Policisë “ e kryer në bashkëpunim e mbetur në tentativë.

TiranëVazhdon veprimtaria hetimore për zbardhjen e plotë të ngjarjes së ndodhur më datë 9 prill në Rinas.Në…
Publiée par Policia e Shtetit sur Lundi 22 avril 2019

Transportonin 45 kg drogë, arrestohet çifti shqiptar

Policia kufitare në pikën doganore “Bogorodica” në Maqedoninë e Veriut ka arrestuar një çift shqiptarësh pasi u kapën me lëngë narkotike në makinën e tyre.

Çifti do të kalonte kufirin, por gjatë kontrollit iu gjetën 45 kg lëndë narkotike e fshehur në dyshemenë e mjetit që po udhëtonin. Lënda ishte e ndarë në 49 pako e mbështjellë me letër të gjelbër.

Në pranga kanë rënë shtetasit me iniciale O.L dhe A.J. nga Shqipëria.

Arrestohen adoleshentet vrasëse, planifikonin asgjësimin e shokëve të shkollës

Dy adoleshente, përkatësisht nga 14 vjeç, janë arrestuar pasi kanë bërë komplot për të vrarë disa moshatarë të tjetër në shkollën ku ato studionin. Adoleshentet madje kishin krijuar një listë me 9 emra që planifikonin se si t’i asgjësonin.

Ngjarja e rëndë ka ndodhur në shkollën e mesme Avon Park në Florida, SHBA. Sipas policisë ka qenë njëri nga mësuesit që ka gjetur listën me emrat në një nga dosjet e vajzave të titulluara “Informacion privat”, “Mos e Hap” dhe “Projekti 11/9”.

Dosja përmbante tetë faqe shënimesh rreth armëve dhe strategjive se si planifikonin të vrisnin të paktën 9 prej moshatarëve të tyre. Mësuesi tha se në letër kishte gjëra të tmerrshme të shkruara, ku planifikohej se si personat të vriteshin me armë zjarri dhe më pas të digjeshin trupat e tyre apo t’i varrosnin për të humbur gjurmët.

Gjatë arrestimit adoleshentet thanë se e gjitha ishte një shaka, ndërsa policia tha në një deklaratë se nuk mund të bëhej shaka me jetën e njerëzve. Aktualisht dy adoleshentet ndodhen në dhomat e paraburgimit dhe akuzohen për 9 përpjekje për vrasje të paramenduar dhe tre akuza për rrëmbim personi.

Vodhi çanta luksoze me vlerë mijëra euro, arrestohet shqiptari

Karabinierët italianë kanë arrestuar një shtetas shqiptar, i cili akuzohet për vjedhjen e një makine dhe disa çantave super luksoze.

Më herët shqiptari kishte vjedhur një makine tip “Fiat Idea” dhe u pikas nga kamerat e sigurisë në një kryqëzim të Monza-s në kufi me Brugherion.

Pas ndalimit të makinës, në brendësi të saj u gjetën edhe disa çanta të vjedhura të firmave luksoze “Louis Vuitton, “Hermes dhe “Golce Gabbana, që kapnin një vlerë prej disa mijëra eurosh.

Policia ka arrestuar shtetasin shqiptar me iniciale X.N., 25 vjeç, ndërsa bashkëpunëtorët e tij kanë arritur të largohen.

Kërkohej për mashtrim, shkon në burg me këmbët e tij

Policia e Fierit ka bërë të mundur arrestimin e një shtetasi të kërkuar nga drejtësia , i cili ka shkuar me këmbët e tij deri tek burgu. Shtetasi me iniciale O.S. kishte shkuar për të takuar një shokun e tij në burgun e Fierit, por ra edhe vetë në qeli.

Sipas verifikimeve të kryera nga policia, ky shtetas ishte shpallur në kërkim nga policia e Tiranës, pasi akuzohej për mashtrim.

Aksion kundër “piratëve” të Vlorës, 2 të arrestuar

Policia e Vlorës ka bërë të mundur arrestimin e dy personave dhe ka shpallur në kërkim dy të tjetër, të cilët akuzohen për vjedhje të disa banesave. Gjatë operacionit të koduar “Piratët”, policia ka bërë të munduar arrestimin e në flagrancë i shtetasve M.H., 29 vjeç, E.K., 25 vjeç, me banim në Vlorë, si dhe shpallja në kërkim e A.M dhe L.H.

Shtetasit M.H dhe E.K, janë kapur në flagrancë në lagjen “28 Nëntori” duke vjedhur në një banesë. Ndërsa shtetasit A.M dhe L.H, pjesëtarë të grupit, në të njëjtën kohë kanë hyrë për të vjedhur në një supermarket, ku dhe kanë mundur të largohen duke marrë vetëm steka me cigare.

Në vijim të operacionit, nga veprimet hetimore intensive, janë zbardhur edhe 12 vjedhje të ndodhura në kohë të ndryshme, që dyshohet se janë kryer nga këta shtetas në bashkëpunim me njëri-tjetrin, të listuar si më poshtë:

Më datë 16.04.2019, është vjedhur banesa e shtetasit S.M, në lagjen “29 Nëntori”.

Më datë 07.04.2019, është vjedhur banesa e shtetasit I.M, në lagjen “Isa Boletini”.

Më datë 30.03.2019, është vjedhur banesa e shtetasit L.Sh, në lagjen “Lef Sallata”.

Më datë 30.03.2019, është vjedhur banesa e shtetasit P.K, në lagjen “Isa Boletini”.

Më datë 15.03.2019, është vjedhur banesa e shtetasit A.H, në lagjen “Pavarësia”.

Më datë 11.03.2019, është vjedhur banesa e shtetasit G.K, në lagjen “Hajro Çakërri”.

Më datë 07.03.2019, është vjedhur banesa e shtetases L.Sh, në lagjen “24 Maji”.

Më datë 05.03.2019, është vjedhur banesa e shtetasit B.T, në lagjen “1 Maji”.

Më datë 25.02.2019, është vjedhur banesa e shtetasit M.K, në lagjen “Hajro Çakërri”.

Më datë 15.02.2019, është vjedhur banesa e shtetasit K.B, në lagjen “15 Tetori”.

Më datë 14.02.2019, është vjedhur banesa e shtetasit F.F, në lagjen “24 Maji”.

Më datë 14.02.2019, është vjedhur banesa e shtetasit M.P, në lagjen “28 Nëntori”.

Materialet iu referuan Prokurorisë në ngarkim të tyre për veprën penal.

VlorëFinalizohet operacioni policor i koduar "Piratët"Operacioni nga Seksioni i Krimeve në bashkëpunim me Patrullën…
Publiée par Policia e Shtetit sur Jeudi 18 avril 2019