Dosja “Tërmeti”, Gjykata lë në burg 9 të arrestuarit

Gjykata e Durrësit ka lënë në burg nëntë tëarrestuarit që dyshohen që kanë përgjegjësi për shembjen e ndërtesave, ku humbën jetën 23 persona nga tërmeti në Durrës.

Ish-drejtori i ALUIZNI-it në Durrës, Arben Isaku, drejtori i Konvaleshencës, Ahmet Doda si dhe shumë zyrtarë të tjerë apo ndërtues, janë njohur me masën e sigurisë nga Gjykata e Durrësit.

Në momentin e dhënies së masës së sigurisë, Gjykata tha se kjo masë merret për shkak të rrezikshmërisë për largimin e të dyshuarve, kështu që u vendos të lihen në “burg pa afat”. Pas leximit të masës së sigurisë, një nga familjarët e të arrestuarve ka pësuar gjendje të fikëti, ndërsa të pranishmit i kanë dhënë ndihmën e parë.

Ndaj tyre janë ngritur akuza si “vrasje në rrethana cilësuese”, konkretisht për dy ndërtues dhe “shpërdorim detyrëe” me pasojë “vrasjen me dashje” të 23 personave në rrënojat e ndërtesave të shembura nga tërmeti i 26 nëntorit.

Më poshtë lista e personave që u lanë në burg.

Arben Isaku, me detyrë ish-drejtor i ALUIZNI-it Durrës,

Klajdi Lame, në cilësinë e inspektorit të INUK Durrës, në objektin pallat 6- katësh,

Albrend Qetka, në cilësinë e specialistit të verifikimit në terren pranë ALUIZNI-it, Durrës, në objektin pallat 6- katësh,

Kujtim Hasa, në cilësinë e shefit të shërbimeve të shtëpisë së pushimit të Ministrisë së Brendshme,

Ahmet Doda, në cilësinë e drejtorit të shtëpisë së pushimit të Ministrisë së Brendshme,

Rruzhdi Xheka, në cilësinë e ndërtuesit informal në objektin “Hotel Mira Mare”,

Avdulla Osmani, në cilësinë e ndërtuesit informal të legalizuar më vonë në mënyrë të paligjshme të objektit “Hotel Tropikal”,

Defrim Celami, në cilësinë e specialistit që ka përpiluar aktin e ekspertimit teknik në objektin pallat 6- katësh,

Nevjana Isufi, e cila me studion e saj private hartonte projekte fiktive.

Ja biznesmenët e arrestuar. Policia jep informacion zyrtar

Policia e Shtetit ka dhënë informacion zyrtar në lidhje me arrestimin e 15 biznesmenëve në Tiranë dhe qytete të tjera të vendit. Me anë të një komunikate për shtyp, Policia e Shtetit njofton zyrtarisht se ka arrestuar 15 administratorë të shoqërive dhe kompanive të ndryshme në kuadër të operacionit “Informaliteti”. Konkretisht personat e arrestuar janë: Shpresa Joanidhi- Kandidate e PD-së për deputete në qarkun e Gjirokastrës, bashkë-ortake te SHPRESA AL; Besnik Pelivani- Administrator i kompanisë së ndërtimit A.B.BE; Astrit Lala- Ortak i kompanisë ‘LEKSI SECURITY ’; Fatmir Firi – Administrator i kompanisë ARB & TRANS 2010; Paqsor Buzi- Pronar dhe administrator i firmës GPG Company; Vangjush Mbirce; Rabi Kurti; Riza Roshi; Haxhi Sala- Pronar i kompanisë ‘LEKSI SECURITY’; Ilia Dimo; Ardian Bejko; Mhill Ndreca; Rrapo Baduni; Albert Ahmeti; Shkëlqim Prodani, ndërsa dy persona të tjerë janë nën hetim në gjendje të lirë.

Ndalimi i këtyre shtetasve është bërë pasi këta persona, sipas policisë, me aktivitete të ndryshme ekonomike si: Ndërtime konstruksion godinash, ndërtime të ndryshme, import, eksport, tregëtim me shumicë e pakicë të mallrave të ndryshme industrial, ushqimore, makineri e pjesë këmbimi, pajisje elektrike, elektronike, hidraulike, lëndë të para, materiale ndërtimi kanë kryer shitje dhe blerje të faturave fiktive në total në vlerën 182.677.020 lekë me TVSH 25.704.243 lekë të reja. Shitjet janë kryer vetëm tek një subjekt tregtar për të cilin nuk jepen të dhënat për arsye hetimi.

Nga analizimi i librave të blerjes rezultoi se shoqëria në total nuk ka kryer asnjë blerje ose importe sipas deklarimeve të subjektit në organin tatimor. Subjekti gjithashtu nuk ka berë asnjë deklarim tjetër në organin tatimor. Në kuadër të këtij proçedimi janë shpallur disa shtetas në kërkim, ku për arsye hetimore nuk jepen të dhëna të tjëra. Materialet proçeduriale ju kaluan Prokurorisë pranë Gjykatës së Shkallës së Parë, Tiranë, në ngarkim të shtetasve të mësipërm, për veprat penale “Krijimi i skemave mashtruese lidhur me tatimin mbi vlerën e shtuar”, “Falsifikimi i vulave, stampave ose formularëve”, si dhe “Fshehje e të ardhurave”.

Akuzon për ‘fake news’, por LSI përgënjeshtron veten: Mamani ka qenë kryetar partie

Mëngjesin e të dielës, Policia e Gjirokastrës njoftoi arrestimin e shtetasit Armand Mamai, ish-drejtor i Agjencisë së Mirëqënies dhe Kujdesit Social në Gjirokastër. Ky shtetas është arrestuar pasi dyshohet se ka vjedhur energji elektrike. Sapo lajmi u bë publik për arrestimin Mamanit, dolën dhe detaje të tjera.

Mediat shkruan se Armand Mamani ka qenë kryetar i LSI në qytetin e grutë, por Lëvizja Socialiste për Integrim e përgënjeshtroi lajmin me një deklaratë të bërë në orën 13:59 minuta. “LSI sqaron median dhe opinionin publik se Armand Mamani nuk ka qenë asnjëherë kryetar i LSI në Gjirokastër”, shkruante LSI në deklaratën e parë.

Mirëpo, në orën 16:39 minuta, zyra për shtyp e Lëvizjes Socialiste për Integrim, dërgon për mediat një tjetër deklaratë, ku korrigjon deklartën e parë, në lidhje me drejtorin e arrestuar në Gjirokastër. “LSI sqaron median dhe opinionin publik se Armand Mamani nuk është aktualisht kryetar i LSI në Gjirokastër”, shkruan në deklaratën e dytë LSI, duke pranuar se Armand Mamani ka qenë kryetar i kësaj partie.

Ajo që bie në sy, në të dyja deklaratat, është fakti se LSI akuzon mediat për “Fake News”, por ishte po vetë ajo që prodhoi një lajm të rremë, duke mohuar ekzistencën e Armand Mamanit si kryetar i LSI në Gjirokastër. “LSI po ashtu përgënjeshtron prerë lajmet se arrestimi i tij është bërë në ambientet e kampit të Jalës si një fake news bajat dhe i sajuar”, shkruante LSI në të dyja deklaratat, si te ajo e mohimit dhe te ajo e përgënjeshtrimit.

Kështu, Lëvizja Socialiste për Integrim pranon zyrtarisht se drejtori i arrestuar në Gjirokastër, ka qenë pjesë e strukturave të kësaj partie, por jo vetëm, Armand Mamani ka drejtuar këtë parti në qytetin jugor, madje duke mbledhur dhe aq vota sa LSI ka nxjerr dhe deputet në këtë qark.

LSI MOHON ISH-DREJTORIN E ARRESTUAR: NUK U ARRESTUA NË JALË