Ajtanga Lubonja, e njohur si motra e analistit Fatos Lubonja, (në të vërtetë e ka djalë xhaxhai), i njohur për qëndrimet e tij anti qeverisë Rama dhe pro lëvizjeve dhe protestave të opozitës, ka bërë së fundi një reagim të ashpër ndaj liderëve të PD dhe LSI.
Aktivistja e njohur Ajtanga Lubonja megjithëse është shfaqur hapur se është kundër qeverisë dhe Ramës, shkruan në facebook se edhe opozita proteston vetëm për karriget e veta dhe se të ndjekësh protestat e tyre është çmenduri. Por më e ashpër Lubonja është treguar me kryetaren e LSI-së, Monika Kryemadhi për të cilën ka shkruar se “këta përbindësha rropën popullin” dhe nuk servirin asgjë.
“Është çmenduria më e madhe të ndjekësh këto protesta-karnavale. Ata që venë aty janë njerëz të programuar që ju shërbejnë një kaste që ideal kanë pushtetet e tyre…e nuk duan t’i humbasin!
Dështimin e Shqipërisë e motivon Monika, studio me studio dhe shesheve, ku tallen me këtë popull që e kthyen në tullumbace…që e frynë dhe e shfrynë sa herë duan!
Çfarë mund të na servirin këta përbindësha që e rropën popullin”, shkruan Lubonja e cila është ish e përndjekur nga regjimi komunist.
Një komentues i shkruan se “nuk qenke hiç mirë” por Lubonja i kthehet duke i thënë se: “Kam luftuar e do luftoj sikur dhjetëra si ju të më kundërvihen!
Një ditë Demokracia e pastër do fitojë”, -përfundon Lubonja.