Tag: serbi

Vetëvendosja në Tiranë, kundër “Mini-Shengenit” me Serbinë

“Duhet patur kujdes nga Vuçiç”, u shpreh të enjten në mbrëmje Albin Kurti në intervistë për Sokol Ballën në Real Story ku u pyet për takimin e “mini Shengenit të Ballkanit”. Ndërsa të premten zyra e Vetëvendosjes në Tiranë ka shpërndarë një deklaratë zyrtare për mediat ku bën të qartë qëndrimin e saj kundër “Mini Shengenit” duke theksuar se kjo nismë është një përpjekje e Serbisë për të dominuar ekonomisht Rajonin. Vetëvendosja shkruan se nuk është asnjëherë vonë që Tirana zyrtare të tërhiqet nga kjo marrëveshje.

“Ajo çka e bën më të rëndë situatën është edhe fakti se Tirana zyrtare nuk ka nxjerrë mësime këto vite në lidhje me Serbinë, e cila nuk i ka ndryshuar politikat e saj ekspansioniste ndaj shqiptarëve, nuk e pranon dhe nuk kërkon falje për të shkuarën e vet kriminale, dhe vazhdon të mos e njohë dhe ta luftojë shtetin e Kosovës. Sakaq, realiteti politik në Kosovë ka ndryshuar pas zgjedhjeve të fundit parlamentare që i kanë hapur rrugën koalicionit të ri qeveritar LVV – LDK të qeverisë Kurti. Të dy këto subjekte e kanë bërë të qartë gjatë fushatës zgjedhore se do të kërkojnë e do të vendosin masa recipriciteti të plotë politik dhe ekonomik ndaj Serbisë. Tani që këto subjekte kanë fituar zgjedhjet dhe janë në prag të formimit të qeverisë së re Kurti e kanë bërë të qartë publikisht se këto masa reciprociteti do të jetësohen, pasi Serbia nuk ka ndryshuar dhe nuk ndryshon duke iu përulur ekspansionit të saj. Tirana zyrtare e ka ditur këtë gjë por nuk është asnjëherë vonë të tërhiqet nga marrëveshje që dëmtojnë interesat kombëtare. Shqipëria dhe Kosova kanë nëvojë ta unifikojnë politikën e tyre të jashtme dhe atë tregtare në dobi të interesave dhe ekonomisë kombëtare drejt bashkimit dhe zhvillimit të prodhimit vendas”, shkruhet në deklaratën e Vetevendosjes ndërsa më tej theksohet se kjo lëvizje mban “qëndrim kritik dhe kundërshtues ndaj kësaj iniciative”.

Sipas Vetvendosjes Tirana zyrtare nuk duhet të normalizojë marrëdhëniet në sferën ndërkombëtare me Serbinë para se ky shtet të njohë të shkuarën e tij, të njohë krimet, të kryej dëmshpërblimin e viktimave në Kosovë dhe të bëjë procesin e demillosheviçizmit.

“Tirana zyrtare gabon kur vepron në drejtim të normalizimit ndërkombëtar të Serbisë, para se Serbia të normalizojë vetveten. Duhet që Serbia të njohë të shkuarën e vet, të ballafaqohet me të dhe të nisë “demillosheviçizimin”. Ajo duhet të kërkojë falje për krimet, të dënojë kriminelët, të dëmshpërblejë viktimat dhe të njohë Kosovën. Këto janë kërkesa minimale që çdo pushtet që në Tiranë ka parasysh interesat kombëtare duhet t’i çojë përpara ndërkombëtarisht sa herë që mundet.

Iniciativat e tilla, të tregtisë së lirë, nuk janë formale. Ato kanë pasoja ekonomike. Nuk duhet që në emër të shtetit të nënshkruhen marrëveshje, pa u bërë më parë një analizë e hollësishme e përfitimeve dhe e kostove, si dhe pa u konsultuar në mënyrë transparente me grupet e interesit, që në këtë rast janë prodhuesit vendas në Shqipëri e Kosovë.

Shqipëria dhe Kosova duhet të konkretizojnë e zbatojnë sa më parë marrëveshjet e nënshkruara mes dy qeverive, duke krijuar një treg të përbashkët, ku prodhuesit e Shqipërisë dhe Kosovës mbrohen e drejtohen për të zhvilluar avantazhe në sektorë strategjik me potencial ekonomik.

Përfaqësuesit e qeverisë Rama që e mbrojnë “mini-Schengenin” me pretendimin se qëllimi përfundimtar është heqja e barrierave kufitare edhe mes Serbisë e Kosovës janë duke shtrembëruar të vërtetën, aq më shumë kur bëjnë referenca historike si në rastin e Gjermanisë dhe Francës pas Luftës së Dytë Botërore. Në atë kohë, barrierat kufitare janë hequr pasi ka ndodhur njohja e pasi janë pranuar dëmshpërblimet e luftës. Historia na mëson se kjo duhet të jetë rruga edhe mes Shqipërisë e Kosovës, nga njëra anë, dhe Serbisë, nga ana tjetër”, shkruhet në qëndrimin e zyrës së Vetëvendosjes në Tiranë.

“Mini-Schengen”, emri i ri i sferës së Serbisë në BallkanJavën e kaluar në Serbi u mbajt një takim i kryeministrave të…

Gepostet von Lëvizja Vetëvendosje – Qendra në Shqipëri am Freitag, 18. Oktober 2019
MINI SHENGEN, KURTI: DUHET PATUR KUJDES NGA VUÇIÇ

SHBA, Vuçiçit: Normalizo marrëdhëniet me Kosovën, forcon Serbinë

SHBA ka kërkuar nga Serbia të normalizojë marrëdhëniet me Kosovës dhe të rinis dialogun mes tyre, pasi kjo do të sjell qëndrueshmëri jo vetëm mes dy vendeve, por do të forcojë edhe Serbinë. Këto diskutime u bënë gjatë një drektë pune në New York mes sekretarit amerikan të shtetit, Mike Pompeo me presidentin serb Aleksandër Vuçiç.

Pompeo shkoi në twitter se ka kërkuar “normalizimi e marrëdhënieve me Kosovën që të forcohet qëndrueshmëria dhe përparimi i Serbisë, Ballkanit Perëndimor dhe komunitetit transatlantik”.

Po përmes rrjeteve sociale ka vendosur të flasë për takimin e presidenti Vuçiç, i cili deklaroi se i ka kërkuar SHBA që “të përpiqet më fuqishëm që të ndikojë mbi Kosovën që të heqin tarifat ndaj mallrave serbe.”

Tarifat e vendosur ndaj produkteve serbe kanë sjelle dhe bllokimin e bisedimeve mes Serbisë dhe Kosovës , për më shumë se një vit. Beogradi nuk pranon të rifillojë negociatat pa hequr taksën, ndërsa Kosova nuk pranon ta heq taksën nëse Serbia nuk e njeh atë si vend të lirë dhe të pavarur.

Shkëmbimi i territoreve, Palmer: Kjo vendoset mes Kosovës dhe Serbisë

“Sfida e tanishme e Kosovës është krijimi i një qeverie, e cila do ta kthente vendin sa më shpejt në normalitet dhe do të sillte rinisjen e dialoguar me Serbinë.” Ky ka qenë mesazhi që Matthew Palmer, zëvendës Ndihmës Sekretar i Shtetit për çështjet e Evropës dhe Euroazisë, ka dhënë në lidhje me situatën e krijuar në Kosovë pas dorëheqjes së Ramush Haradinaj. Në një intervistë për Zërin e Amerikës, Palmer tha sfida e menjëhershme e Kosovës është krijimi i një qeverie të re sa më shpejtë të jetë  e mundur për normalizimin e situatës në vend dhe më pas kjo qeveri të riniste dialogun. Palmer përsëri qëndrimin që SHBA ka mbajtur gjatë gjithë kësaj kohe, që të pezullohej taksa 100 % e mallrave që vijnë nga Serbia, taks e mbrojtur me forcë nga Haradinaj.

“Mendoj se ajo që është nevojshme tani është krijimi i një qeverie në Kosovë. Kjo është sfida e menjëhershme. Ne duam që Kosova të fillojë përpjekjet për formimin e një qeverie sa më shpejt që të jetë e mundur. Ne do të dëshironim që ajo qeveri pastaj t’i kthehet sa më shpejt dialogut, përfshirë pezullimin e tarifës ndaj mallrave të Serbisë dhe Bosnje Hercegovinës. Ne shpresojmë që kjo të fillojë së shpejti.” – tha Palmer

Për sa i përket një shkëmbimi të mundshëm të territoreve mes Serbisë dhe Kosovës, Palmer nuk u shpreh kundër kësaj nëse kjo gjë do të arrihej mes palëve. Gjithçka duhet të arrihet me marrëveshjen mes dy palëve tha Palmer dhe të sigurohen që marrëveshjet  të jenë gjithëpërfshirëse për normalizimin e  marrëdhënieve dhe jo vetëm të fokusohen në harta e territore. Palmer tha se asnjë palë nuk do të detyrohet të bëjë diçka që nuk e dëshiron.

“Ne tani jemi të përqendruar te rikthimi i palëve në tryezën e bisedimeve. Me t’u kthyer në tryezë, sigurisht është pastaj çështja se për çfarë do të negociojnë. Dhe i takon në të vërtetë vetë palëve të përcaktojnë se cilat janë parametrat e asaj që do të negociohet. Asnjëra nga palët nuk do të detyrohet të bëjë diçka që nuk mund ta bëjë. Por ne do të dëshironim që negociatorët të negocionin me vullnet të mirë për një marrëveshje që mund të çojë në njohje reciproke mes Serbisë dhe Kosovës dhe në një rrugë drejt Evropës. Shtetet e Bashkuara nuk do të vendosin ose diktojnë se cila do të jetë sfera e negociatave. Çdo marrëveshje që do të arrihet do të jetë gjithëpërfshirëse, do të ketë komponentë politike, të sigurisë, ekonomike, tregtare, kulturore, për shembull kur është fjala për pronën e kishës ortodokse në Kosovë. Pra, unë mendoj se përqendrimi vetëm te hartat dhe territoret e zhvendos mjaft vëmendjen nga domethënia e vërtetë e marrëveshjes gjithëpërfshirëse për normalizimin. Përkufizimi i normalizimit është përgjegjësi e palëve. Dhe ato mund ta bëjnë këtë vetëm në tryezën e dialogut.” –tha Palmer

Shkëmbimi i territoreve dhe taksa e vendosur ndaj produkteve serbe ka qenë një çështje e nxehtë debati në Kosovë, mes kryeministrit Ramush Haradinaj dhe presidentit Thaçi. Haradinaj është shprehur gjithmonë kundër shkëmbimit të territoreve si dhe heqjes së taksës. Në daljet e tij  për mediat, Haradinaj ka thënë se ndërkombëtarët duhet të ndalin presionin për të hequr taksën, pasi kjo gjë nuk ka për të ndodhur deri sa Serbia të njoh Kosovës. Të njëjtin qëndrim Haradinaj e mbajti deri në fund edhe gjatë dorëheqjen së tij, i cili tha prerë “Taksa nuk hiqet”.

Lexoni këtu intervistën e plotë të Matthew Palmer .

Masakroi banorët e Lipjanit në 1999, arrestohet serbi për krime lufte në Kosovë

Një shtetas serb është arrestuar në Kosovë si i dyshuar për krime lufte për periudhën 15 dhe 16 prill në 1999 në Komunën e Lipjanit. Shtetasi serb i arrestuar me iniciale G.S. akuzohet se ka qenë pjesë e në njësie rezervë ushtarake dhe policore të Serbisë, që ka zhvilluar një ofensive kundrejt banorëve të Komunës së Lipjanit.

Arrestimi i tij u konfirmua nga Prokuroria Speciale e Kosovës, e cila tha se i arrestuari do të gjykohet  për përdorimin e forcës ushtarake, dhunës, plaçkitjes dhe frikësimit, fillimisht kanë dëbuar popullsinë shqiptare nga shtëpitë e tyre dhe më pas duke i vrarë ato.

Prokuroria Speciale e Republikës së Kosovës në një deklaratë për mediat tha se ai arrestuari për “Krime Lufte kundër popullsisë civile” do të mbetet në paraburgim deri në gjykimin e tij.

“Kosova është Serbi” Daçiç vijon provokimet në rrjetet sociale

Tensionet mes Kosovës dhe Serbisë jo që nuk po shuhen por janë duke larguar gjithmonë e më shumë mundësinë për një rifillim të dialogut mes tyre. Që pas vendosjes së takës 100 % ndaj produkteve serbe, tensionet janë nxitur edhe më shumë përmes deklaratave të qeveritarëve të të dyja vendeve.

Serbia ka nisur një aksion në mediat sociale, ku secili nxitet të shkruajë në një kartëmonedhë “Kosova është Serbi”, me shpresën se një ditë ajo do t’i bashkohet sërish territorit serb. Pjesë e kësaj është bërë edhe ministri i Jashtëm i Serbisë, Ivica Daçiç ku ka postuar një foto të shkruan në një kartëmonedhë 100 dollarëshe “Kosova është Serbi”.

Rusia: BE e paaftë të ndërmjetësojë dialogun Serbi-Kosovë

Kryetari i Dumës Shtetërore të Rusisë, Vyacheslav Volodin, i ftuar për një fjalim në Kuvendin e Serbisë, ka folur për tensionimet mes Kosovës dhe Serbisë. Aksionin e Kosovës në Mitrovicë për të luftuar krimin e organizuar qeveria ruse duket se e sheh si një provokim dhe dënon bashkimin Europian që nuk merr asnjë masë. Kjo gjendje thotë Volodin e bënë BE të paaftë për të ndërmjetësuar dialogun Serbi-Kosovë.

“Mungesa e një reagimi të qartë të Bashkimit Evropian ndaj provokimeve të Kosovës ngre dyshime se BE-ja është në gjendje të veprojë si një ndërmjetëse në dialogun midis Beogradit dhe Prishtinës. Konsiderojmë se të gjitha palët duhet ta respektojnë Rezolutën 1244 të Këshillit të Sigurimit të OKB-së. Ata që nuk e respektojnë, duhet të mbajnë përgjegjësi.” tha Volodin

Rezoluta 1244, e miratuar në 1999 nga Këshilli i Sigurimit i Kombeve të Bashkuara, që themeloi prezencën ndërkombëtare civile dhe ushtarake në Kosovë, UNMIK, por me shpalljen e pavarësisë në 2008 misioni i tij është tashmë i tejkaluar.

Ashton: Ndërkombëtarët kanë rolin kyç në marrëveshjen Serbi-Kosovë

Ish shefja e diplomacisë europiane, Catherine Ashton ka folur lidhur me marrëdhëniet mes Beogradit dhe Prishtinës. Ashton ka vënë theksin tek roli i ndërkombëtarëve në normalizimin e marrëdhënieve Serbi-Kosovë në mënyrë që të dy shtetet të lëvizin para.

“Mbështetja ndërkombëtare, veçanërisht nga Europa, është e rëndësishme në mënyrë që të dyja palët të fitojnë besimin dhe të lëvizin përpara. Arritja e marrëveshjes është vetëm fillimi. Zbatimi dhe ekzekutimi i vendimeve kërkojnë burime, dhe komuniteti ndërkombëtar duhet të ndihmojë.” – tha Ashton

Ashton e cila ka qenë edhe negociatorja mes dy shteteve e vendosur nga BE, tha se arritja e një marrëveshje në 2013 ka qenë e vështirë, por dy ish-kryeministrat e atëhershëm të Kosovës dhe të Serbisë, Hashim Thaçi dhe Ivica Daçiç, ishin të vendosur për të çuar përpara negociatat e tyre.

Meta: Të rinis dialogu Kosovë-Serbi

Pas përfundimit të samitit Brdo-Brijunit në Tiranë, presidenti Meta ka bërë thirrje që Kosova dhe Serbia të rinisin sërish dialogun të ndërmjetësuar nga BE, që do të kontribuojë në paqen dhe stabilitetin në rajon. Me një postim në Facebook, Meta shkruan se dialogu do të normalizojë marrëdhëniet e tensionuara mes dy vendeve.

“Shqipëria do të mbështesë përpjekjet e institucioneve të Kosovës për t’u riangazhuar në dialogun me Serbinë, të ndërmjetësuar nga Bashkimi Europian. Një proces konstruktiv ka potencialin të prodhojë marrëveshjen përfundimtare, ligjërisht të detyrueshme, tërësore dhe të zbatueshme, që normalizon plotësisht marrëdhëniet ndërmjet dy vendeve dhe kontribuon për paqen, stabilitetin e perspektivën europiane të rajonit.” – shkruan Meta

Akuzat për ndarjen e Kosovës, Mogherini: Më shumë mençuri nga liderët

Lidhur me dialogun Kosovë-Serbi dhe akuzave të Haradinaj se ekziston një plan për ndryshimin e kufijve të Kosovës, Mogherini ka thënë se roli i saj është si lehtësuese për krijimin e kushteve dhe atmosferës ku dy palët të takohen, por se çfarë vendoset mes tyre është plotësisht në dorë të Kosovës dhe Serbisë. Mogherini tha se taksa e Kosovës 100% për mallrat serbë ka sjell dhe ngërçin në dialog, ndërsa bëri thirrje për më shumë mençuri dhe zgjuarsi pasi askush nuk del i përfituar nga mungesa e dialogut.

“Dialogu ka sjellë rezultate të rëndësishme për vite me radhë si për Beogradin ashtu dhe për Prishtinën, por edhe për rajonin. Muajt e fundit kanë qenë të vështirë dhe kanë qenë të vështirë që nga momenti që mund të kishte hyrë e gjitha në një fazë negocimesh më intensive dhe objektivi jonë ka qenë dhe vazhdon të jetë, objektivi i të arriturit në një marrëveshje ligjore të dakordësuar për të arritur normalizimin e plotë të marrëdhënieve mes Beogradit dhe Prishtinës. Gjatë muajve të fundit vendimi i qeverisë së Kosovës 100% tarifa për mallra që vinin nga Serbia dhe Bosnje Hercegovina kanë krijuar një ambient që nuk është frytdhënës për dialogun dhe është dhe në shkelje të marrëveshjeve që ka nënshtruar Kosova.

Nga ana jonë e BE dhe partnerëve të tjerë ndërkombëtarë kemi kërkuar të hiqen këto tarifa dhe kjo do të krijonte menjëherë kushtet që të rifillonte dialogu. Unë jam e bindur se në rast se do të hiqen këto tarifa, sonte, nesër në mëngjes unë do të bëja thirrje për një seancë të re të dialogut dhe kjo do të ishte e vështirë dhe e dhimbshme si zakonisht por ndoshta produktive. Në mungesë të këtij mjedisi unë nuk shoh që këto gjëra të rifillojnë.

Përgjegjësia është në duart e vendimmarrësve në Kosovë. Natyrisht që një mjedis ushqyes që sjell këtë gjë do të thoshte dhe pezullimin e fushatave për njohjen apo rinjohjen e Kosovës. Kjo nuk do të thotë se ne po heqim dorë nga lehtësimi i dialogut. Nuk jemi pjesë e ndonjë plani të caktuar. Roli i lehtësuesit do të thotë të krijosh kushtet, atmosferën, ambientin, mundësinë, hapësirën që të dyja palët të bëhen bashkë.

Dialogu është i tyre, nuk është i yni, nuk na përket ne. Jo vetëm që e respektojmë pozicionet dhe qëndrimet negociuese të secilës palë, por ne marrim shumë seriozisht dhe rolin tonë. Unë e marr seriozisht dhe rolin tim personal të të mos përcaktimit të përmbajtjes së marrëveshjeve të ardhshme por lejimin e asaj që do të jetë një marrëveshje ligjore dhe për normalizimin e marrëdhënies.

Ne duhet të rikrijojmë këtë hapësirë, këtë mundësi. Shpresoj të dominojë mençuria dhe zgjuarsia pasi askush nuk do të fitonte nga ky ngërç i vazhdueshëm në dialog, as Kosova, as Serbia por as pjesa tjetër e rajonit. Pajtimi dhe normalizimi, ashtu siç e ka përjetuar dhe vetë BE, është baza për begatinë ekonomike dhe integrimin, unë e di sa e rëndësishme është kjo për të gjithë qytetarët e Ballkanit. Askush nuk mund të nënvlerësojë interesin e të gjithë ne për rifillimin e këtij dialogu në mënyrë të respektuar ndaj të gjithëve.” – tha Mogherini

Pas taksës, Kosova merr një tjetër vendim ndaj Serbisë

Të gjithë zyrtarët serbë që mohojnë krimet e luftës në Kosove do të shpallen non-grata.

Ka qenë ministri i Punëve të Jashtme Behgjet Pacolli i cili tha se ka marrë vendim që të shpallen persona non-grata, të gjithë ata zyrtarë serbë që përmes deklarimeve mohojnë krimet e luftës në Kosovë.

Ndërkaq institucionet e Kosovës kanë nisur procedurat për themelimin e një gjykate për gjykimin e krimeve serbe në Kosovë.

Vendimi i Pacollit për shpalljen non grata të zyrtarëve serbë që nuk njohin krimet e luftës erdhi pas deklaratave të bëra nga Ministri i Punëve të Jashtme të Serbisë Ivica Daçiq, i cili ka mohuar masakrën e Reçakut, duke thënë se “ngjarjet në Reçak ishin shkaku i drejtpërdrejtë i bombardimeve të NATO-s kundër forcave serbe në Kosovë”.

Skip to toolbar