Tag: Serie A

Milan fiton me vuajtje, ka shpresë për Champions-in (video)

Rikthehet shpresa për arritjen e vendit të katërt në Serinë A nga Milan. Skuadra e Genaro Gattusos ka mundur në shtëpi Bologna-n me rezultatin 2-1, duke rimarrë vendin e pestë në renditje.

Një takim dinamik dhe plot tension, me arbitrin që dha tre kartona të kuq gjatë ndeshjes dhe tensionit të pakutpimtë mes trajnerit të Milanit dhe futbollistit Bakayoko.

Ky i fundit refuzoi të futej në fushën e lojës, duke i thënë Gattusos se nuk ishte gati, ndërsa tekniku i “Rosonerëve”, përdori dhe fjalë të rënda për lojtarin.

Goli i parë i takimit erdhi në minutën e 37′ me Suson që kaloi të tijët në avantazh. Ndërsa Borini dk të realizonte në minutën e 37′, duke dyfishuar rezultatin për kuqezinjtë.

Bologna rifutet në lojë me golin e Destro-s, i cili ka luajtur te Milan para disa sezoneve. Minutat e fundit ishin me emocione, pasi Milan po luante me një lojtar më pak pas të kuqit të Paqueta, por rezultati mbeti i pandryshuar.

Edhe Bologna e mbylli ndeshjen me dy lojtarë më pak pas të kuqëve të Sansone dhe Dijks në kohën shtesë.

Napoli fiton me përmbysje, e ndihmon dhe VAR (video)

Napoli ka përmbysur Cagliarin në shtëpi me rezultatin 2-1, duke marrë fitoren e 22 për këtë sezon në Serie A. Ndonëse e dominoi ndeshjen nga fillimi deri në fund, Napoli e pati shumë vështirë në portë e kundërshtarit.

Me pjesën e parë që u mbyll në barazim pa gola, në të dytën janë miqtë që kalojnë në avantazh në mundësinë e parë që u jepet. Pavoletti realizoi për Cagliarin në të 63′.

Megjithatë, Napoli nuk e pranoi rezultatin dhe arriti të vendoste barazpeshën në minutën e 85′ me Mertens. Ndërsa në shtesë Lorenzo Insigne realizon nga pika e bardhë, pasi VAR i dha një penallti Napolit.

Gjimshiti i shënon Strakoshës, Atalanta presion Interit (video)

Atalanta ka fituar me përmbysje ndaj Lacios në sfidën e javës së 35-të kampionatit italian, duke hedhur një hap të rëndësishëm drejt sigurimit të Champions League sezonin e ardhshëm. 1-3 ka përfunduar sfida e pasdites së sotme, me Berat Gjimshitin që ishte një nga shënuesit e kësaj sfide.

Parolo shënoi i pari duke zhbllokuar sfidën për Lacion, duke realizuar që në minutën e tretë. Ky gol krijoi iluzionin se Lacio do e kishte të lehtë fitoren, por Zappata vendosi barazpeshën në minutën e 22′.

Kastanj në të 58-tën, përmbysi gjithçka, ndërsa Berat Gjimshiti vulosi shifrat në të 76′, me qendërmbrojtësin që realizoi me kokë pas një goditje këndi, duke mposhtur Thomas Strakoshën.

Atalanta mbetet në vendin e katërt me 62 pikë, duke u afruar me Interin që ka një pikë më shumë. Lacio rrezikon shumë pas kësaj humbje, ku tashmë jo vetëm Championsi, por edhe Europa League vihet në pikëpyetje sezonin e ardhshëm.

Inter hap fals në luftën për Champions-in, Udinese pikë mbijetese (video)

Nuk ka shkuar më shumë se barazimi 0-0 Inter ndaj Udineses, duke humbur një mundësi të shkëlqyer për të siguruar vendin e tretë në renditjen e Serisë A, e për rrjedhojë Championsin sezonin e ardhshëm.

Një lojë përgjithësisht e kontrolluar nga Inter, me të besuarit e Spallettit që kanë shfaqur dëshirë, por para portës kanë gabuar disa raste.

Duke parë rëndësinë e pikës, që vlen shumë në luftën për mbijetesë, Udinese është mbrojtur mirë duke mbyllur çdo rrezik nga kundërshtari.

Nga krahu tjetër Spalletti hedhë në fushë Icardin në fraksionin e dytë të lojës, teksa rastet shtohen por sërish ‘zikaltërit’ përballen me rezistencën e Udines.

Ndoj dhe Brescia zyrtarisht në Serinë A (video)

Brescia dhe Emanuele Ndoj janë zyrtarisht pjesë e Serisë A për sezonin e ardhshëm, duke u bashkuar me ekipet elitare në futbollin italian.

Ndërsa futbollisti i kombëtares shqiptare, që ka dhënë kontribut të rëndësishëm në suksesin e Brescias këtë sezon, do të jetë në të njëjtën ligë me Elseid Hysaj, Etrit Berishën, Berat Gjimshitin, Thomas Strakoshën dhe Frederic Veselin.

Brescia fitoi ndaj Ascolit 1-0 në ndeshjen e javës së 34 të Serisë B, duke siguruar matematikisht ngjitjen në Serinë A, pasi ka 7 pikë më shumë se Palermo i vendit të tretë, teksa kanë mbetur dhe dy javë nga përfundimi i kampionatit.

Emanuele Ndoj mungoi në sfidën ndaj Ascolit, pasi mesfushori u dëmtua ndeshjen e kaluar ndaj Lecces, duke u detyruar të lërë takimin në mes pa e pêrfunduar atë.

Gjithësesi ai do të ketë mundësi ta shijojë festën në dy ndeshjet e fundit, ku Brescia do të luajë për të promovuar lojtarët për sezonin tjetër.

Atalanta mund Udinesen dhe kap Championsin (video)

Atalanta është duke bërë një sezon fantastik, teksa mbrëmjen e së hënës fitoi ndaj Udineses 2-0 dhe ka marrë vendin e katërt në Serinë A, çka do të thotë një vend në Champions Sezonin e ardhshëm.

Skuadra e Gasperinit bëri një ndeshje të mirë, me pjesën e parë që u mbyll pa gola. Këta të fundit erdhën pasi qendërmbrojtësi shqiptar, Berat Gjimshiti, u fut në fushë si zëvendësues në minutën e 78′.

Kështu Atalanta brenda tre minutash, 82′ dhe 85′, realizon dy herë me De Roon dhe Pasalic, duke vulosur rezultatin dhe njëkohësisht duke u ngjitur në renditje.

Një fitore e madhe e Atalantës, ndërsa Milan ka zbritur në vend të shtatë. Tashmë gjithçka është komplikuar për kuqezinjtë.

Napoli “blindon” vendin e dytë, Frosinone drejt Serisë B (video)

Napoli ka siguruar vendin e dytë në renditjen e Serisë A, duke siguruar pjesëmarrjen në Champions League sezonin e ardhshëm.

Skuadra e Ancelottit ka mundur në transfertë Frosinones, me ndeshjen që është mbyllur me rezultatin 0-2 për Napolin.

Pas kësaj humbje Frosinone zhytet dhe më tepër në renditje, duke konfirmuar zbritjen nga Seria A në Serinë B për sezonin e ardhshëm.

Dries Mertens shënoi golin e parë për Napolin në minutën e 19′, duke vendosur dhe një rekord personal, pasi realizoi golin e 81-të me “blutë”, po aq sa legjenda Diego Armando Maradona.

Younes dyfishoi për Napolin pas pushimit të pjesës së parë, duke vulosur rezultatin 0-2 për të tijët, që shkojnë në kuotën e 70 pikëve në renditje, 8 më shumë se Interi.

Frosinone ndodhet në vend të parafundit me 23 pikë, plot 10 pikë larg vendit të 17-të që shpëton nga rënia në Serie B.

E ardhmja tek Inter, Spalletti: Do të rrija dhe 100 vite këtu!

Luciano Spalletti ka folur për mirkofonët e “Sky Sport”, pas barazimit të Interit me Juventusin mbrëmjen e së shtunës në “San Siro”. Trajneri i ekipit “zikaltër” ka analizuar ndeshjen, duke u shprehur se skuadra e tij luajti mirë dhe jo duke u mbrojtur.

“Një ndeshje e bukur të cilën të dyja skuadrat tentuan ta fitojnë. Në pjesën e parë provuam të administrojmë më shumë topin por pa mundur dot të dyfishojmë. Pastaj nuk kemi karakteristikat e një skuadre që mbron. Shumë futbollistë nuk kanë cilësitë e lojës mbrojtëse, ndërsa ata u treguan të aftë për të gjetur hapësirat dhe për të shënuar”, komentoi Spalletti.

I pyetur nga gazetarët rreth të ardhmes së tij, Spalleti është shprehur se për këtë vendos klubi, ndërsa ai vet do të donte të qëndronte përjetësisht tek Inter.

“Nuk është një problem, vendos klubi. Unë do të qëndroja edhe për 100 vjet te Inter, sepse është një klub i bukur. Keni parë se çfarë emocioni dhuron ky publik. Inter bën mirë të zgjedhë më të mirën për veten”.

“Nëse kjo nënkupton anullimin e punës time, nuk vlen asgjë. Inter duhet të ketë personazhe që të dinë të vendosin, dhe mbi të gjitha nevojitet të mbrohet Inter”, deklaroi ndër të tjera trajneri i Inter, Luciano Spalletti.

Nainggolan realizon një “perlë”, CR7 vendos rekordin e ri personal!

Një ndeshje spektakolare ajo e sotmja në “San Siro” mes Interit dhe Juventusit, por në fund është mbyllur në barazim 1-1.

Interi kaloi i pari në avantazh me Nainggolan që realizoi një gol spektakolar nga distanca, duke zhbllokuar takimin.

Megjithatë, miqtë u kundërpërgjigjën me Cristiano Ronaldon, që në minutën e 62′ vendosi barazpeshën në fushën e lojës.

Ky ka qenë gol i veçantë për CR7, që realizon golin e tij të 600 në nivel klubesh në të gjitha kompeticionet në Europë.

Ky barazim nuk kënaq asnjë nga dy ekipet, me Interin që nuk ka arritur të shkëputet nga rivalët në garën për të siguruar një vend në Champions League.

Ndërsa Juventus i ka thënë lamtumirë rekordit të 102 pikëve, i vendosur nga Juventusi i Antonio Conte-s në sezonin 2013/14.

Roma i rrëmben vendin e katërt Milanit në Serinë A (video)

Roma ka hedhur një hap të rëndësishëm në luftën për një vend në Champions League sezonin e ardhshëm, pasi këtë pasdite ka mundur Kaliarin në shtëpi me rezultatin e pastër 3-0.

Fazios ka zhbllokuar rezultatin pas vetëm pesë minutash lojë, ndërsa Pastore dyfishon për Romën tre minuta pas golit të parë.

Kur duheshin dhe katër minuta të mbyllej koha e rregullt, Kolarov ka vulosur shifrat në 3-0 për Romën.

Me fitoren e sotme skuadra e Romës shkon në kuotën e 58 pikëve duke i rrëmbyer përkohësisht Milanit vendin e katërt në renditje, që luan nesër.

Skip to toolbar