Donald Trump dhe Ron DeSantis janë rivalë të mundshëm për nominimin presidencial nga radhët e republikanëve për zgjedhjet e vitit 2024 në SHBA.
Në zgjedhjet afatmesme të mbajtura më 8 nëntor, DeSantis u rizgjodh në Florida.
BBC shkruan se Donald Trump e ka paralajmëruar guvernatorin e Floridës, Ron DeSantis, të mos kandidojë për president në vitin 2024, duke thënë se një gjë e tillë do të dëmtonte Partinë Republikane.
“Unë mendoj se ai do të bënte një gabim. Unë mendoj se bazës nuk do t’i pëlqente,” tha ish-presidenti për Fox News.
Ai ka kërcënuar gjithashtu se do të nxjerrë informacione jo të këndshme për 44-vjeçarin, por pa dhënë detaje.
Të dy burrat janë këshilluar të shpallin kandidaturën presidenciale dhe të bëhen rivalë të mundshëm për nominimin republikan.
Komentet e Trump erdhën vetëm disa orë përpara zgjedhjeve afatmesme të së martës që vendosin se kush do e kontrollojë Kongresin.
Ai e quajti yllin republikan në rritje “Ron DeSanctimonious” në një tubim gjatë fundjavës.
“Unë nuk e di nëse ai po kandidon. Unë mendoj se nëse ai kandidon, ai mund të dëmtojë veten shumë keq. Unë me të vërtetë besoj se ai mund ta lëndojë veten keq,” tha Trump për Fox. “Unë nuk mendoj se do të ishte mirë për partinë.”
Nëse DeSantis do të shpallte kandidaturën presidenciale, Trump tha se do të zbulonte “gjëra rreth tij që nuk do të jenë shumë miqësore- unë di më shumë për të se kushdo – përveç, ndoshta, gruas së tij”.
Ai nuk dha detaje – por zoti Trump ka bërë më parë kërcënime për të nxjerrë informacione të dëmshme për rivalët.
Ai më vonë e përshkroi kundërshtarin e tij të mundshëm si “një djalë të mirë” dhe mohoi se kishte një mosmarrëveshje mes tyre.
“Nuk ka asnjë pengesë me mua, dhe unë jam shumë lart në votime,” tha ai.
DeSantis është një i sapoardhur në politikë, por fama e tij u rrit pasi u bë guvernator i Floridës në vitin 2019.
Ai e ka pozicionuar veten si një kampion entuziast i konservatorizmit dhe konsiderohet nga shumë si kandidati më i mundshëm për të zëvendësuar zotin Trump.
Emri i DeSantis ka qenë i perfolur shume në lidhje me një kandidim të mundshëm presidencial, por spekulimet kanë qenë të shumta.
Trump, ndërkohë, tha të hënën se do të bënte një “njoftim shumë të madh” më 15 nëntor.