Policia malteze ka arrestuar një biznesmen të njohur i cili dyshohet të jetë vrasësi i gazetares investigative Daphne Caruana Galizia në vitin 2017.
Në pranga ka rënë Yorgen Fenech, pronar i kompanisë 17 Black. Arrestimi i tij erdhi vetëm një ditë pasi kryeministri Joseph Muscat tha se do të firmosje një falje për personin që jep të dhëna për vrasësin e gazetares.
Gazetarja Galizia ishte një blogere dhe shkruante për temat që lidhen me korrupsionin. Ajo u vra nga një bombë në makinë që shpërtheu në vitin 2017.
Trajtimi i çështjes nga Malta është shoqëruar me kritika ndërkombëtare.
Dëshmitarët e cituar nga gazeta “Times of Malta” thanë se jahti luksoz i z. Fenech u përgjua nga një anije patrullimi e armatosur ndërsa u largua nga porti i Portomaso, në veri të Valletta.
Policia nuk ka komentuar ende operacionin e arrestimit të tij.
Fenech kryeson një grup biznesi që fitoi një koncesion të madh të energjisë nga qeveria Maltese në 2013 për të ndërtuar një nënstacion energjie.
Gazetarja e kishte përmendur emrin e biznesmenit në investigimet e saj që kishin të bënin me çështjet më të rënda të shkeljeve dhe korrupsionit në vend.