Mediat greke kanë zbardhur detaje tronditëse nga ngjarja e ndodhur 9 muaj më parë në Greqi ku u përdhunua dhe u vra studentja Eleni Topaloudi. Të akuzuar për vrasjen e saj janë dy shtetas, shqiptari Aleksandër Luca dhe greku Manoli Koukouras.
Mediat kanë zbardhur detaje që dalin nga raporti i policisë, ndërsa dy vrasësit në dëshmitë e tyre ia hedhin fajin njëri-tjetrit, por rezulton se që të dy e kishin paracaktuar përdhunimin e studentes fatkeqe. 20-vjeçari shqiptar asokohe dyshohet se i dërgoi një mesazh në ‘Facebook’ Eleni Topaloudi që të takoheshin.
Në orën 21:00 të 27 nëntorit 2018, dy të rinjtë u takuan pak para mesnatës me studenten e re. Kur vajza shkoi në banesë me dy autorët e dyshuar, ndjeu frikë dhe siklet. Eleni Topaloudi ka ndjerë frikë dhe siklet që në fillim kur ishte në shtëpi me ta. Greku dhe shqiptari akuzohen se e kanë përdhunuar duke përdorur dhunë fizike ndaj saj. Ata e kërcënuan atë me thikë dhe e mbytën në përpjekje për ta detyruar atë në veprime të tjera të çmendura. Pas krimit greku, akuzohet se ka fshirë llogarinë e tij në Facebook.
Të dy të pandehurit ia hedhin njëri-tjetrit që nga fillimi. Mbetet për t’u parë kur dhe ku do të zhvillohet gjyqi dhe cilat mesazhe ka marrë vajza në ‘Facebook’ pak para krimit. 23-vjeçari grek Manoli Koukouras dhe Aleksandër Luca janë arrestuar për vrasjen e studentes 21-vjeçare Eleni Tofaloudis në ishullin Rodos të Greqisë më 27 Nëntor. Hetuesit besojnë se dy autorët tentuan të kryenin marrëdhënie seksuale me të, por ajo nuk pranoi dhe tentoi të largohej. Si pasojë e dhunuan dhe kur vajza humbi ndjenjat, besuan se e kishin vrarë. Për të fshehur krimin, e hodhën studenten në një shkëmb buzë detit. Besohet së e reja, vdiq nga plagët e shkaktuara nga hedhja e trupit nga lartësia.