Ka nisur me debate Komisioni i Reformës Zgjedhore, i cili gjatë mbledhjes së të martës do të dëgjojë propozimet e shoqërisë civile mbi ndryshimet në Kodin Zgjedhor. Por debatet janë zhvilluar në nisje të mbledhjes nga deputeti Kujtim Gjuzi i cili kërkoi fjalën, ndërkohë që nuk është anëtar i këtij komisioni.
Bashkëkryetari Damian Gjiknuri e refuzoi kërkesën e Gjuzit duke mos ia dhënë fjalën, ndërsa ky i fundit shpërtheu me akuza derisa u largua nga salla.
Më poshtë lexoni të plotë debatin mes tyre:
Rudina Hajdari: Fjalën e ka tani Shoqëria Civile.
Kujtim Gjuzi: Do flas unë.
Damian Gjiknuri: Nuk mund të flasësh ti, e ka radhën Shoqëria Civile.
Kujtim Gjuzi: Nuk mund të kontrollosh ti, do flas se s’bën.
Damian Gjiknuri: Nuk je anëtar ti, ca procedure thua.
Kujtim Gjuzi: Procedura këtu do vijë se s’bën, se janë 44 parti që kanë sjellë draftin dhe e mbani dy vjet aty.
Damian Gjiknuri: Nuk mund të marrësh fjalën.
Kujtim Gjuzi: Unë nuk e njoh këtë komision me bashkëkryetar Damian Gjiknurin nuk e njoh.
Damian Gjiknuri: Ik dil jashtë. Ik je në konflikt me logjikën, të lutem tani, vazhdo tani….. hajde ik.
Kujtim Gjuzi: Më thua mua nuk je anëtar ti, Ti vjedh vota!
Damian Gjiknuri: Ik Gjuzi se je në konflikt me logjikën.