Gazetari Sokol Balla ka qenë shumë aktiv në rrjetet sociale që në momentet e para të tërmetit të fuqishëm që goditi Shqipërinë mëngjesin e së martës, duke postuar video nga vendngjarja por edhe përjetimin e tij.
“Pak minuta pas Tërmetit. U zgjova dhe dukej sikur po binte një avion”, shkruan gazetari në Instagram.
Ndërsa në raportim live nga News24, gazetari Balla tha se tërmeti ishte i jashtëzakonshëm dhe më i fortë se ai i vitit 1979 që lëkundi Shkodrën.
“Situatë e jashtëzakonshme në Shqipëri, një situatë e ngjashme me atë të tërmetit të vitit 1979. Edhe atëherë ka pasur viktima por kryesisht në Shkodër, por asgjë s’mund të krahasohet me tërmetin 6.4 ballë. Numri i viktimave ka shkuar në 13. Shumica e viktimave janë në Durrës, pra persona kanë humbur jetën në Durrës, ndërsa 5 në Thumanë”, tha Balla.