Vrasja e shqiptarit në burgun grek, zbulohen detaje të reja

Detaje të reja janë zbuluar për vdekjen e dyshimtë të 34-vjeçarit shqiptar Bandiol Tusha, i cili u gjet i vdekur në qelinë e tij në burgun e Koridhalos në Greqi.

Vdekja e tij ndodhi më 27 Janar 2019 dhe fillimisht autoritete thanë se ndodhi nga mbidoza. Ekspertiza mjeko-ligjore, u arrit në konkluzionin se Bandiol Tusha ishte mbytur duke i vendosur duart në fyt, ndërsa mediat greke kanë publikuar edhe fotot ku duken shenjat e dhunës së ushtruar ndaj shqiptarit.

34-vjeçari u arrestua pasi u kishte ofruar strehim dy të dyshuarve për vrasjen e avokatit grek Mixaleis Zafeiropoulos, policia mendon se urdhri i vrasjes së tij është dhënë po nga personat e përfshirë në këtë ngjarje.

Kapet me 110 kg marijuanë, arrestohet shqiptari në Itali

Një shqiptar është arrestuar në Itali, pasi është kapur me 110 kilogramë marijuanë në banesën e tij. Në prangat e policisë ka rënë shqiptari me iniciale I.J., 47 vjeç, i cili do të gjykohet për veprën penale të prodhimit dhe shitjes së lëndëve narkotike.

Arrestimi ka ndodhur në provincën e Messinës. Pas lëvizjeve të dyshimta të shqiptarit, bëri që karabinierët t’i visheshin në ndjekje dhe më pas të bëni një kontroll në banesën e tij, ku u sekuestrua edhe sasia e drogës.

U kap me kokainë, arrestohet një 26-vjeçar shqiptar

Sjellja e dyshimtë e një të riu shqiptar ka bërë që të vihet në ndjekje nga policia italiane. Pas kontrollit fizik atij ju gjetën 450 euro dhe dy celularë, duke mos qenë në gjendje të justifikonte shumën, karabinierët bën një kontroll edhe në banesën e tij në Reggio Emilia.

Gjatë kontrollit në banesë, u sekuestruan 26 gramë kokainë, e fshehur në një sirtar.

26-vjeçari, identiteti i të cilit nuk bëhet i ditur, u arrestua dhe pritet të njihet me masën e sigurisë për trafikim të lëndëve narkotike.

Gati për të nxjerrë në treg 300 mijë euro drogë, arrestohet shqiptari

Karabinierët italianë kanë vënë në pranga shtetasin shqiptar Rudmir Tatari, 43 vjeç, nën akuzën e trafikimit të lëndëve narkotike. Shqiptari prej kohësh ishte nën vëzhgimit të policisë italiane, për lëvizjet e tij të dyshimta.

Policia vendosi të kontrollonte banesën e tij ku dhe konfirmoi edhe dyshimet e saj. Në të u gjetën 2 kuti të mëdha me marijuanë të ndara në disa doza, pesha e së cilave arrinte në 12 kg. Gjetja e lëndës narkotike u bë përmes njësisë së qenve anti-drogë.

Droga kapte në treg një vlerë prej 300 mijë euro, ndërsa ishte bërë gati për t’u shpërndarë në rrugët e Barit.

Bën aksident, i zbulohet droga që kishte në makinë

Një shtetas shqiptar ka bërë një aksident me makinë, por ajo që policia gjeti më pas çoi në arrestimin e tij. Pas kontrollit dhe ekspertizës së kryer në vendngjarje për zbardhjen e aksidentit, policia gjeti 75 gram kokainë dhe 1 mijë e 175 euro në makinën e shqiptarit.

24 vjeçari shqiptar pas marrjes së mjekimit të nevojshëm është transferuar në burgun e Kremones, ku do vuaj dënimin për trafikim të lëndëve narkotike.

Sekuestrohen 50 kg drogë, arrestohet shqiptari

Policia greke ka arrestuar një shtetas shqiptar, identiteti i të cilit nuk bëhet i ditur, pasi u kap me 50 kg drogë.

32-vjeçari u ndaluar në zonën e Selanikut, pas kontrollit që policia bëri në makinën e tij, ku gjeti drogën të ndarë në pako.

Itali, po transportonte 100 kg drogë, arrestohet shqiptari

Një shqiptar dhe një italian kanë rënë në prangat e policisë pasi janë kapur me një sasi të madhe droge.

Plot 100 kg drogë e llojit marijuanë është sekuestruar nga policia italiane, që po të dilte në treg kapte vlerën e 1 milionë eurove.

Një 38-vjeçar shqiptar dhe një 44-vjeçar italian u pikasën nga policia dhe u vunë në ndjekje të tyre. Arrestimi ndodhi pranë shtëpisë së shqiptarit, ndërsa drogën e kishin fshehur në sediljen e pasme të makinës dhe ishte paketuar në thasë të kuq.

Policia vazhdon hetimet për zbulimin e bashkëpunëtorëve të tjerë.

Kërkohej që në 2015, ekstradohet nga Athina shqiptari

Ekstradohet nga Greqia një shtetas shqiptar i dyshuar për veprën penale vrasja me dashje, e mbetur ne tentativë.

Shtetasi, K.S., 40 vjeç, banues në Lezhë, ishte shpallur në kërkim ndërkombëtar pasi Gjykata e Rrethit Gjyqësor Lezhë, ka caktuar masën e sigurisë “Arrest me burg” ndaj këtij, për veprat penale “Vrasja me dashje e mbetur ne tentativë” dhe “Prodhimi dhe mbajtja pa leje e armëve luftarake dhe municionit”.

Shtetasi K. S. më datë 17.04.2015, rreth orës 10:30, në Gjadër, Lezhë, dyshohet se ka qëlluar me armë zjarri në drejtim të shtetasit K.R.

Si rezultat i bashkëpunimit të Interpol Tirana me Interpol Athina u bë e mundur kapja e këtij shtetasi duke u finalizuar me ekstradimin e tij në vendin tonë.

Interpol TiranaEkstradohet nga Greqia një shtetas shqiptar i dyshuar për veprën penale "Vrasja me dashje, e mbetur ne…
Publiée par Policia e Shtetit sur Jeudi 2 mai 2019

Kapen 72 kg drogë në kufi, arrestohet shqiptari

Policia greke ka arrestuar një shqiptar pasi u kap me një sasi të madhe droge. Shqiptari 44 vjeçar ishte duke u udhëtuar drejt Greqisë me mjetin e tij “Mercedes-Benz” tip fuoristradë, ndërsa vinte nga kufiri i gjelbër në Kostur.

Në makinë u gjetën 5 çanta që përmbanin 72 kg marijuanë të ndarë në 50 pako si dhe u sekuestrua dhe 1 celular e 6 karta SIM.

Çanta plot me drogë në kufi, 3 shqiptarë të arrestuar

Policia greke ka arrestuar 3 persona, të cilët po transportonin një sasi të madhe droge.

Sipas raportime të mediave greke në pranga kanë rënë 3 shtetas shqiptarë të moshave 26 vjeç dhe dy nga 29 vjeç, emrat e të cilëve nuk janë bërë të ditur. 3 shqiptarët janë arrestuar pasi janë pikasur nga policia që po kalonin në këmbë pyjet e Kriovrisit në Igumenicë me disa çanta të mëdha.

Në çanta fshiheshin më shumë se 122 kg marijuanë e ndarë në 113 pako.