“Antishpifja”, KE: Kthimi nga Meta, shans të shtoni dhe rekomandimet tona

Komisioni Europian kërkon që qeveria shqiptare të rishikojë të ashtuquajturën “Paketa anti-shpifje” duke marrë parasysh të gjitha rekomandimet e tyre, pas kthimit të këtij ligji nga presidenti Meta për rishqyrtim. Zëdhënësja e KE-së, Ana Pisonero e pyetur në lidhje me kthimin e “antishpifjes” nga Meta duke e cilësuar antikushtetuese, tha se qeveria duhet të fokusohet në adresimet e bëra nga Këshilli Europian dhe t’i shtojë ato në paketë. KE shprehet se kjo përbën një rast për qeverinë shqiptare, për të pranuar rekomandimet e tij.

“Ne e kemi bërë të qartë se Bashkimi Europian mbështet rekomandimet e Këshillit të Europës në rastin e ligjit të medias në Shqipëri. Ne pranojmë se shqetësimet dhe rekomandimet përkatëse janë sërish të vlefshme dhe ato duhen adresuar sërish. Faktin që presidenti i Shqipërisë ka kthyer ligjin në Parlament e shohim si një mundësi për t’i pranuar ato. Ne shpresojmë që kjo të realizohet”, tha Pisonero.

Në lidhje me vetërregullimin në sektorin e medias, KE tha se e mbështesin këtë dhe është një nga rekomandimet kryesore të Këshillit të Europës.

“Absolutisht që ne e mbështesim këtë. Ne mbështesim disa rekomandime të Këshillit të Europës jo vetëm për promovimin e vetëregullimit. Por ne e mbështesim qëllimin për ta kufizuar qëllimin e rregullimit vetëm për serviset e mediave audiovizive online, trajtimin gjyqësor të pavarur të ankesave lidhur me mediat, forcimin për transparencën e pronësisë së mediave në vend. Pra, ne mbështesim të gjitha rekomandimet e Këshillit të Europës. Ato janë në përputhje me pritshmërinë tonë, që duhet ndjekur nga një vend aspirant”, tha Pisonero.

KE paralajmëron: Të mbajmë afër Ballkanin ose do ta bëjnë të tjerët

“Bashkimi Europian të mbajë pranë vetes Ballkanin Perëndimor, ose shtete të tjera do të përfitojnë”. Ky ishte paralajmërimi i bërë nga Presidentja e Komisionit Europian, Ursula Von Der Leyen.

Von Der Leyen tha se mbështet plotësisht qëndrimin e Berlinit pro zgjerimit të BE-së, ndërsa shtoi se deri në hapjen e negociatave Ballkani Perëndimor “duhet mbajtur afër”.

“Shqipëria dhe Maqedonia e Veriut kanë bërë përpjekje të mëdha për të arritur në këtë pikë të kërkuar nga ne. Do të fokusoj të gjitha përpjekjet e mia në projekte të përbashkëta që fuqizojnë rrugën e bashkëpunimit të ngushtë me vendet e Ballkanit Perëndimor dhe kështu t’i afrojmë këto shtete me ne. Nëse ne nuk e bëjmë këtë, të tjerë do ta bëjnë”, tha Von Der Leyen.

Tronditet KE, Jean-Claude Juncker i nënshtrohet operacionit në tëmth

Kreu në largim i Komisionit Europian Jean-Claude Juncker, ka ndërprerë pushimet e tij në Austri, pasi do t`i nënshtrohet një operacioni urgjent. Sipas mediave ndërkombëtare, të cilat citojnë stafin e kreut në largim të KE, mësohet se Juncker do të heq fshikzën e tëmthit.

“Jean-Claude Juncker u desh të ndërpres pushimet në Austri për arsye mjekësore. Ai u dërgua përsëri në Luksemburg, ku do t’i nënshtrohet një kolecistektomie urgjente (heqja kirurgjikale e fshikëzës së tëmthit)”, ka thënë zyra për shtyp e Juncerk, duke theksuar se “kjo është zakonisht një procedurë rutinë mjekësore”.

Juncker, ish kryeministër i Luksemburgut, shëndeti i të cilit ka qenë subjekt i spekulimeve të shumta midis politikanëve, analistëve dhe mediave të BE-së për vite me radhë, do të tërhiqet në 31 tetor si President i Komisionit Europian.

Ai do të zëvendësohet nga konservatoria gjermane Ursula von der Leyen, gruaja e parë që do të drejtojë institucionin që propozon ligje të BE-së, politikat e ekonomive të të gjithë anëtarëve të bllokut dhe negocion marrëveshje tregtare në të gjithë botën.

Zhbllokohet Kushtetuesja, emrat e 4 kandidatëve të parë për 6 vende vakante

Këshilli i Emërimeve në Drejtësi i ka hapur rrugë të enjten plotësimit të vendeve vakante në Gjykatën Kushtetuese, boshatisja e të cilës për shkak të veprimit të ligjit të Vetingut, është kthyer në ‘mollë sherri’ mes opozitës dhe mazhorancës. KED ka publikuar ditën e djeshme listën e parë me katër kandidatë për gjashtë vende vakante në Kushtetuese, të shpallura nga Presidenti i Republikës dhe Kuvendi.

Pjesë e listës së parë për t’u bërë pjesë e Gjykatës Kushtetuese është këshilltarja ligjore në Gjykatën Kushtetuese, Arta Vorpsi, e cila është kualifikuar për vendet vakante të shpallura nga Presidenti në datat 7 korrik 2018 dhe 4 mars 2019, si dhe për vendet vakante të shpallura nga Kuvendi në datat 12 shkurt 2018 dhe 4 mars 2019. Kandidati tjetër është prokurori i Krimeve të Rënda, Besnik Muçi, i cili është kualifikuar si kandidat për vendi vakant i shpallur nga Presidenti në 7 korrik 2018 dhe nga vendi vakant i shpallur nga Kuvendi në 13 shkurt 2018.

Fiona Papajorgji, këshilltare ligjore në Gjykatën Kushtetuese, është shpallur kandidate për t’u bërë pjesë e kësaj gjykate, për vendet vakant të shpallura nga Presidenti në 7 shkurt 2018 dhe 4 mars 2019 si dhe për vendit vakant të shpallur nga Kuvendi po në 4 mars 2019. Kandidatja e katërt është Regleta Panajoti, e kualifikuar për vendin vakant të shpallur nga Presidenti në 7 shkurt 2018.

Ndërkaq, KED ka përjashtuar nga gara Anila Gurin, Dedë Kasnecin, Ilir Mustafajn, Mimoza Qinamin dhe Vladimir Gërmenjin. Këshilli i Emërimeve në Drejtësi po verifikon edhe kandidatët e tjerë nëse plotësojë apo jo kushtet për anëtarë të Gjykatës Kushtetuese.

Kur të plotësohen tre kandidatë për çdo vend vakant të shpallur, KED do t’u dërgojë për votim emrat Kuvendit dhe Presidentit. Në mbledhje e radhës, KED të vendosë lidhur me lejimin ose ndalimin e kandidimit e kandidatëve Elsa Toska dhe Gëzim Allaraj në vendet vakante për gjyqtar në Gjykatën Kushtetuese, si edhe për kandidaten Eris Hysi për vendin vakant të Inspektorit të Lartë të Drejtësisë, shtyhen për mbledhjen e radhës së Këshillit të Emërimeve në Drejtësi. Gjykata Kushtetuese përbëhet nga 9 anëtarë. Tre anëtarë zgjidhen nga Kuvendi, tre nga Presidenti dhe tre nga Gjykata e Lartë, pas verifikimit dhe me propozim të KED. Aktualisht janë 8 vende vakante në Kushtetuese, e cila ka mbetur vetëm me një anëtare, Vitore Tushës, të cilës i ka mbaruar mandati, por që mund të qëndrojë në detyrë deri kur të zëvendësohet./Shqiptarja.com

Autoritetet lokale të KE tërheqin vëzhguesit nga zgjedhjet në Shqipëri, por OSBE vazhdon misionin. Glover takon Bashën

Sulmet ndaj KZAZ-ve dhe fotot e frikshme me zjarr nga protestat e opozitës që shfaqen në mediat e huaja duket se kanë trembur Kongresin e Autoriteteve Lokale të KE-së, i cili njofton se nuk do të dërgojë vëzhgues për zgjedhjet e 30 qershorit në Shqipëri.

Shkak për këtë është bërë pasuria në vendin tonë.

“Në vijim të emailit të mëposhtëm, me të cilin ju ftojmë në një takim me një delegacion të Kongresit të Autoriteteve Rajonale e Lokale të Këshillit të Evropës, po ju informojmë se udhëheqja e Kongresit (Presidenti në konsultim me dy Presidentët e Dhomave, në përputhje me rregullat e Kongresit) ka vendosur të mos dërgojë në Shqipëri një Delegacion Vëzhgues Zgjedhjesh nga Kongresi për shkak të pasigurisë së vazhdueshme në lidhje me organizimin e zgjedhjeve lokale në Shqipëri më 30 qershor dhe për për shkak të rreziqeve të mundshme për sigurinë në disa zona të caktuara.

Ju kërkojmë ndjesë për çdo problem që mund t’ju shkaktojë anulimi në çastet e fundit dhe ju falënderojmë për gatishmërinë për të korresponduar me Kongresin”, shkruhet në njoftimin e tyre.

Nga ana tjetër OSBE është e angazhuar me 150 vëzhguesit e saj që do të monitojnë mbarëvajtjen e procesit zgjedhor në Shqipëri. Shefja e misionit të vëzhgimit Glover pavarësisht debateve politike në vend, ka vazhduar misionin e saj për mbledhjen e informacioneve duke zhvilluar takime në selitë e të gjitha partive politike në vend. Ditën e mërkurë ajo zhvilloi një takim rreth 60 minuta me kreun e PD-së, Lulzim Basha, pavarësisht faktit se ai nuk do të marrë pjesë në zgjedhjen e 30 qershorit.

Faktori ndërkombëtar do të kenë në përfundim një raport të detajuar nga vëzhguesit e OSBE për mbarëvajtjen e zgjedhjeve në Shqipëri. OSBE, zakonisht është institucioni ndërkombëtar që certifikon zgjedhjet.

KE vendos sot për negociatat me Shqipërinë dhe Maqedoninë e Veriut

Këshilli i Ministrave të BE-së do të mblidhet të martën (sot, 18 qershor) në Luksemburg ku do të vendosë, nëse do të ndezë ose jo dritën jeshile për Shqipërinë dhe Maqedoninë e Veriut për nisjen e negociatave për anëtarësim në BE.

Do të jenë liderët e 28 shteteve anëtare të BE-së ata që do të vendosin për fatin e dy shteteve të Ballkanit Perëndimor.

Pak javë më parë Komisioni i Europës bëri vlerësime pozitive në raportin e tij dhe rekomandoi çeljen e negociatave për të dy vendet, por fjala e fundit i mbetet Këshillit të Europës.

Kujtojmë se brenda unionit ka disa vende që janë kundër zgjerimit të BE-së, kryesisht Franca e Holanda, të cilët e konsiderojnë të parakohshme hapjen e negociatave.

Qershorin e kaluar vendimi u shty për 1 vit pas skepticizmit të tre vendeve, Holandës, Francës dhe Danimarkës.

Shefja e diplomacisë europiane Federica Mogherini bëri thirrje për një vendim pozitiv për dy vendet, si vlerësim për reformat e ndërmarra, por gjithçka mbetet në dorë të vendeve anëtare.

Merkel kërkon tërheqjen nga politika, Macron e dëshiron në krye të KE

Kancelarja gjermane, Angela Merkel ka deklaruar se do të tërhiqet nga jeta e politike pas mbarimit të mandati të saj të katër si kreu i CDU në 2021, por janë të shumtë persona që synojnë që ta shohin atë si presidenten e ardhshme e Komisionit Europian. Një prej tyre është edhe presidenti francez Emmanuel Macron, i cili tha të martën se do të mbështeste kancelaren gjermane Merkel në qoftë se ajo do të kërkojë të zërë vendin e Jean-Claude Juncker si president i Komisionit Evropian.

Macron, i pyetur në një intervistë në televizionin RTS nëse ai do të mbështeste një kandidaturë të Merkel, tha se nuk mund të flas dot në emër të saj, “por nëse ajo donte të ishte drejtuesja e KE, unë do ta mbështesja atë,” tha ai.

“Sigurisht që do të bëja sepse së pari mendoj se kemi nevojë për një njeri të fortë. Evropa ka nevojë për fytyra të reja dhe fytyra të forta, kështu që ne kemi nevojë për personalitete që në fakt e mishërojnë këtë. “ – tha Macron

Aktualisht si kreu i Komisionit Europian zgjidhet kandidati kryesor i grupit parlamentar më të madh në Parlamentin Europian, që pas zgjedhjeve të majit i takon gjermanit Manfred Weber.

Weber ishin dhe arsyeja që vuri në përplasjeje Merkelin me Macronin. Mbështetjen që i mohon Weberit, Macron thotë se do t’ia jepte me kënaqësi Merkelit./ realstory.al

“KE fuqimisht dënon çdo thirrje për dhunë. Kërkesa e Holandës për vizat do shqyrtohet me kujdes”

Zëdhënësja e BE-së, Maja Koçijançiç ka folur të hënën në një konferencë për shtyp në Bruksel në lidhje me zhvillimet politike në Shqipëri, ku edhe njëherë theksoi se Komisioni Europian dënon dhunën në protesta dhe se dialogu politik duhet të zhvillohet në parlament.

“Ne kemi ndjekur zhvillimet atje dhe kemi reaguar dhe kemi publikuar javën e kaluar progres-raportin. Kemi thënë në të kaluarën në shumë raste se ne mbështesim të drejtën e qytetarëve për të protestuar si e drejtë demokratike dhe esenciale, por KE fuqimisht dënon çdo thirrje për dhunë. Kjo është diçka që duhet respektuar në të gjitha rastet. Dhe së dyti ne mbështesim zhvillimin e dialogut në parlament. Më shumë detaje janë shkruar në progres raportin për Shqipërinë, të cilën e bëri publik komisionari Hahn javën e kaluar dhe tani është në dorën e Këshillit për të marrë hapa të mëtejshëm”, tha Koçijançiç.

Ndërsa zëdhënësja tjetër e BE-së dha informacion në lidhje me kërkesën e Holandës për vendosjen e regjimit të vizave për Shqipërinë. Ajo tha se KE ka marrë kërkesën e Holandës dhe se tani i duhet 1 muaj për të përgatitur një akt raport për të vënë në dijeni Këshillin dhe Parlamentin e Europës. Zëdhënësja tha se kërkesa e Holandës do të shqyrtohet me shumë kujdes dhe se ky nuk është një vendim që do të merret lehtë.

“Po, ne konfirmojmë se KE ka marrë kërkesën e Holandës. KE do të shqyrtojë me kujdes kërkesën bazuar në rregullat dhe procedurat e qarta. Hapi tjetër është që do të informohet Këshilli i Europës dhe Parlamenti. Sigurisht që vendimi për pezullimin e regjimit të vizave nuk është një vendim që do të merret lehtë, por do të shqyrtohet me shumë kujdes.

Bazuar në rregullat dhe procedurat Komisioni Europian duhet të hartojë një akt informues brenda 1 muaji”, tha zëdhënësja.

Raporti i plotë i KE: Opozita duhet të angazhohet për një konsensus të gjerë evropian

Shqipëria mori dje dritën jeshile nga Komisioni Europian për çeljen e negociatave për anëtarësim në BE. Ndërsa ne sot po sjellim një pjesë se çfarë përmban progres-raporti i KE-së për Shqipërinë:

Kriteri politik

Shqipëria ka vazhduar të bëjë përparim të mirë dhe demonstroi vendosmërinë e saj të vazhdueshme për të përparuar në axhendën e BE. Ajo ka dhënë rezultate të prekshme dhe të qëndrueshme, veçanërisht në kushtet e përcaktuara në Konkluzionet e Këshillit të qershorit 2018 për hapjen e negociatave të pranimit, në një atmosferë politike të polarizuar vazhdimisht. Partitë e opozitës, shumica prej të cilave hoqën dorë nga mandatet e tyre parlamentare në shkurt të vitit 2019, duhet të angazhohen në mënyrë konstruktive në institucionet demokratike dhe të angazhohen për një konsensus të gjerë evropian. Zbatimi i reformës së drejtësisë ka vazhduar vazhdimisht, duke rezultuar në një progres të mirë në përgjithësi dhe duke hedhur themelet për forcimin e sektorit dhe konsolidimin e pavarësisë, paanshmërisë, profesionalizmit dhe llogaridhënies. Rezultatet konkrete janë arritur në rivlerësimin e të gjithë gjyqtarëve dhe prokurorëve (verifikimit). Ristrukturimi institucional i gjyqësorit ka vazhduar gjithashtu.

Gjyqësori

Organet e reja për vetëqeverisje të pavarur të gjyqësorit u krijuan, duke shkaktuar formimin e mëtejshëm të institucioneve të specializuara gjyqësore dhe hetuese për të luftuar krimin e organizuar dhe korrupsionin. Përpjekje të përcaktuara vazhduan në luftën kundër korrupsionit dhe krimit të organizuar, duke përfshirë luftën kundër trafikimit të drogës dhe kultivimit, duke kontribuar në krijimin e një rekordi të qëndrueshëm të hetimeve proaktive, ndjekjeve penale dhe dënimeve. Vazhdimisht për vitet e fundit, Shqipëria tregoi një angazhim të fortë për të luftuar prodhimin dhe trafikimin e kanabisit. Bashkëpunimi ndërkombëtar i policisë, veçanërisht me Shtetet Anëtare të BE-së, gjithashtu është intensifikuar, duke çuar në një numër operacionesh të suksesshme të zbatimit të ligjit në masë të madhe dhe arrestimin dhe ndjekjen penale të krerëve të organizuar kriminalë.

Krijimi i një regjistri të ngurtë të hetimeve proaktive, ndjekjeve penale dhe dënimeve në luftën kundër korrupsionit në të gjitha nivelet dhe në luftën kundër krimit të organizuar mbetet një sfidë afatgjate që vazhdon të kërkojë përpjekje të mëtejshme të përforcuara dhe të qëndrueshme nga Shqipëria, duke përfshirë bashkëpunimi operacional me Shtetet Anëtare të BE.

Reforma e administratës

Për më tepër, vazhdoi reforma e administratës publike me objektivat e përgjithshme të rritjes së profesionalizmit dhe transparencës në procedurat e rekrutimit për shërbimin civil, si dhe forcimin e politikë-bërjes duke konsoliduar strukturat e koordinimit sektorial dhe krijimin e kuadrit rregullator për vlerësimin e ndikimit. Masat për përforcimin e mbrojtjes efektive të të drejtave të njeriut, duke përfshirë edhe personat që u përkasin minoriteteve dhe romëve, si dhe politikat kundër diskriminimit, u ndoqën më tej. Rritja ekonomike u rrit më tej nga 3.8% në 2017 në 4.2% në vitin 2018 dhe papunësia dhe deficiti buxhetor ranë edhe pse mbetën të larta. Mungesa e njohurive produktive, nivelet e ulëta të arsimit dhe transferimet teknologjike pengojnë konkurrencën e saj dhe integrimin në zinxhirët e vlerave ndërkombëtare.

Rekomandimi

Në dritën e progresit të arritur dhe kushteve të vendosura unanimisht nga Këshilli në qershor 2018, Komisioni rekomandon që Këshilli tani hap negociatat e pranimit me Shqipërinë. Për të mbështetur momentin e vazhdueshëm të reformës, Komisioni do të zbatonte një qasje të përforcuar për kapitujt negociues mbi gjyqësorin dhe të drejtat themelore, si dhe drejtësinë, lirinë dhe sigurinë në vend. Shqipëria duhet të vazhdojë ndërtimin e shënimeve të ngurta në luftën kundër korrupsionit në të gjitha nivelet dhe në luftën kundër krimit të organizuar. Një konsensus më i fortë kombëtar mbi prioritetin mbizotërues të integrimit në BE, tejkalimi i polarizimit aktual dhe demonstrimi i vullnetit politik për ndarjen e partive, është gjithashtu e nevojshme për të mbështetur dhe konsoliduar progresin e bërë nga vendi.

Lufta kundër korrupsionit

Në regjistrimin e hetimeve, ndjekjeve penale dhe dënimeve në luftën kundër korrupsioni, trendi i përgjithshëm pozitiv i viteve të fundit ka vazhduar. Megjithatë, përpjekjet e mëtejshme janë të nevojshme për të konsoliduar këtë prirje, siç tregohet nga disa të dhëna statistikore. Në veçanti, numri e dënimeve përfundimtare që përfshijnë zyrtarë të rinj apo të mesëm kanë rënë pak krahasuar me periudhën e mëparshme të raportimit (ka qenë 289 dënime të tilla në vitin 2018 krahasuar me 331 në vitin 2017). Numri i përgjithshëm i referimeve në prokurori gjithashtu u zvogëlua (2 126 në vitin 2018 dhe 2 342 në vitin 2017).

Në vitin 2018, një gjykatës i Gjykatës së Apelit u dënua nga Gjykata e Krimeve të Rënda (rasti aktualisht në nivelin e apelit) dhe një prokuror u dënua nga Gjykata e Apelit për Krimet e Rënda (rasti aktualisht në Gjykatën Supreme). Kishte 102 raste të reja kundër zyrtarë të lartë të dërguar në prokurori në 2018. Kjo ka qenë një hap para në krahasim me vitin 2017 ku kishte vetëm 61 (10 persona të paditur). Megjithatë, hetimet e shpeshta në vitet e fundit deri më tani nuk kanë rezultuar me një numër të konsiderueshëm përfundimtar dënimesh të zyrtarëve të lartë shtetërorë. Kjo rrezikon të nxisë një kulturë të mosndëshkimit.

Progres-Raporti i Komisionit Europian

Merkel e Macron përplasen për emrin e kreut të KE-së

Kancelarja gjermane Angela Merkel dhe Presidenti francez Emmanuel Macron nuk arritën të bien dakord të martën se kush duhet të jetë shefi i ardhshëm i Komisionit Evropian, ndërkohë që krerët e BE-së po negociojnë rreth emrave në postet më të larta të bllokut për pesë vitet e ardhshme. Diplomatët thanë se zonja Merkel ishte zhgënjyer nga mënyra se si Presidenti Macron kishte hedhur poshtë me shpejtësi kandidaturën e preferuar të Berlinit, ligjvënësin gjerman të qendrës së djathtë, Manfred Weber.

Të 28 udhëheqësit e BE-së u takuan pas dyerve të mbyllura pa ndihmësit dhe pa telefona celularë. Zgjedhjet e javës së kaluar për Parlamentin Evropian sollën një parlament me një qendër të copëzuar, ku fituan liberalët pro-BE-së dhe të Gjelbërit nga njëra anë, si dhe nacionalistët euroskeptikë të së djathtës ekstreme në anën tjetër, duke e bërë më të vështirë arritjen e një axhende të përbashkët.

“Ne nuk do të zgjedhim sot zotin apo zonjën Evropë, por thjesht do të bëjmë një bilanc të zgjedhjeve evropiane”, tha kryeministri liberal i Luksemburgut Xavier Bettel. Zgjedhjet e Bashkimit Evropian që mbahen një herë në pesë vjet, kërkojnë zëvendësimin e krerëve të institucioneve kryesore të BE-së.

Zonja Merkel tha se ajo dëshironte që ligjvënësi Weber të ishte kreu i ardhshëm i Komisionit Evropian, ekzekutivi i fuqishëm i BE-së, pas zotit Jean-Claude Juncker të Luksemburgut, i cili largohet më 31 tetor.

Por Presidenti Macron nuk ishte dakord, duke renditur komisioneren e BE për çështjet e konkurrencës, danezen Margrethe Vestager, negociatorin e bllokut për çështjen Brexit, francezin Michel Barnier dhe socialdemokratin hollandez Frans Timmermans si kandidatë më të përshtatshëm. Spanja dhe Suedia mbështesin zotin Timmermans, ndërsa Irlanda dhe Kroacia janë për zotin Weber. Luksemburgu dhe Sllovenia mbështesin zonjën Vestager, një nga të paktat gra që konkurrojnë për këtë post.

Udhëheqësit lindorë kërkojnë të ruhet drejtpeshimi gjeografik në zgjedhjen e kandidatëve për postet më të larta.

Kryeministri holandez Mark Rutte, ai grek Alexis Tsipras dhe Charles Michel i Belgjikës, janë ndër disa udhëheqësit të cilët mund të largohen nga posti pas paraqitjes së dobët në zgjedhje. Pozita e dobët e tyre e komplikon më tej debatin për postet e larta dhe kursin strategjik që do të ndjekë Bashkimi Evropian./Marrë nga VOA